050.0049.300399
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՈՐՈՇՈՒՄ
30 մարտի 1999 թվականի թիվ 49
i
ԲԱՆԿԱՅԻՆ ՀԱՄԱԿԱՐԳԻ ԿԱՅՈՒՆՈՒԹՅՈՒՆՆ ՈՒ ԶԱՐԳԱՑՈՒՄՆ ԱՊԱՀՈՎԵԼՈՒ ՆՊԱՏԱԿՈՎ ՀՀ ԿԵՆՏՐՈՆԱԿԱՆ ԲԱՆԿԻ ԿՈՂՄԻՑ ՀԱՄԱԿԱՐԳԱՅԻՆ ՎԱՐԿԵՐԻ ՏՐԱՄԱԴՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
Ղեկավարվելով «ՀՀ կենտրոնական բանկի մասին» ՀՀ օրենքի 38-րդ հոդվածի դրույթներով, ելնելով բանկային համակարգի` ամբողջությամբ վերցված միասնականությունը, կայունությունը, վճարունակությունը և բնականոն գործունեությունն ապահովելու նպատակով ՀՀ ԿԲ կողմից բանկերի վարկավորումը կանոնակարգելու անհրաժեշտությունից` ՀՀ կենտրոնական բանկի խորհուրդը որոշում է.
1. Հաստատել «Բանկային համակարգի կայունությունն ու բնականոն գործունեությունն ապահովելու նպատակով ՀՀ ԿԲ կողմից առանձին բանկերի համակարգային վարկերի տրամադրման կարգը» (կցվում է):
2. Սույն որոշումն ուժի մեջ է մտնում ընդունման պահից:
Հաստատված է
ՀՀ կենտրոնական բանկի խորհրդի 1999 թ.
մարտի 30-ի թիվ 49 որոշմամբ
ԿԱՐԳ
Բանկային համակարգի կայունությունն ու բնականոն գործունեությունն
ապահովելու նպատակով ՀՀ կենտրոնական բանկի կողմից առանձին
բանկերի համակարգային վարկերի տրամադրման
1. ՀՀ բանկային համակարգի` ամբողջությամբ վերցված կայունության, իրացվելիության, վճարունակության և բնականոն գործունեության համար անհրաժեշտ պայմաններ ապահովելու, ինչպես նաև համակարգային ճգնաժամից խուսափելու և (կամ) ճգնաժամի սպառնալիքի հետևանքները նվազագույնի հասցնելու նպատակով ՀՀ ԿԲ առանձին բանկի (բանկերի) տրամադրում է համակարգային վարկեր:
2. Համակարգային վարկ տրամադրելու հարցը քննարկվում է ՀՀ կենտրոնական բանկի խորհրդի դռնփակ նիստում, եթե բանկի (բանկերի) կողմից ՀՀ կենտրոնական բանկ են ներկայացվել`
ա) վարկ ստանալու հավակնությունը հաստատող դիմում.
բ) վարկի օգտագործման արդյունքում ֆինանսական առողջացման և զարգացման ծրագիր:
3. Մեկ շաբաթվա ընթացքում ՀՀ կենտրոնական բանկի խորհրդին են ներկայացվում`
ա) բանկային վերահսկողության դեպարտամենտի կողմից տեղեկանք` վարկ ստանալու հավակնություն ունեցող բանկի (բանկերի) ֆինանսական դրության վերաբերյալ, որտեղ մանրամասն ներկայացվում է նաև տվյալ բանկի (բանկերի) ունեցած տեղն ու դերը ՀՀ բանկային համակարգում.
բ) դրամավարկային քաղաքականության դեպարտամենտի կողմից տեղեկանք` վարկի տրամադրման դրամավարկային հնարավոր հետևանքների վերաբերյալ:
4. Համակարգային վարկի տրամադրման հարցը կարող է դրական լուծում ստանալ, եթե բանկի (բանկերի) ֆինանսական վիճակի հետագա վատթարացումը սպառնում է վտանգել ՀՀ բանկային համակարգի կայունությունը, և անհնարին է (կամ բացառվում է) որևէ հիմքով բանկի (բանկերի) լիցենզիան ուժը կորցրած ճանաչել: