041.0241.020500
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
2 մայիսի 2000 թվականի N 241
ԻՐԱՔԻ ՀԱՆՐԱՊԵՏՈՒԹՅԱՆ ԱՐՏԱՔԻՆ ԳՈՐԾԵՐԻ ՆԱԽԱՐԱՐԻ ԱՌԱՋԻՆ ՏԵՂԱԿԱԼ ՆՈՒՐԻ ԻՍՄԱՅԻԼ ՏԱԽԱ ԱԼ ՎԱՅԻՍԻ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ԱՅՑԵԼՈՒԹՅԱՆ ՄԱՍԻՆ
Իրաքի Հանրապետության արտաքին գործերի նախարարի առաջին տեղակալ Նուրի Իսմայիլ Տախա Ալ Վայիսի և նրան ուղեկցող անձանց (5 մարդ) 2000 թվականի մայիսի 2-5-ը Հայաստանի Հանրապետություն այցի կապակցությամբ`
1. Հայաստանի Հանրապետության արտաքին գործերի նախարարությանը և Հայաստանի Հանրապետության պետական արարողակարգի ծառայությանը`
ա) նախապատրաստել այցի ծրագիրը, ապահովել հյուրերի Հայաստանում գտնվելու ընթացքում միջոցառումների իրականացումն ըստ արարողակարգի.
բ) պատվիրակության անդամներին տեղավորել «Երևան» հյուրանոցում, ապահովել նրանց սնունդը:
2. Հայաստանի Հանրապետության կառավարության աշխատակազմին` պատվիրակության սպասարկման համար հատկացնել «Չայկա» և «Վոլգա» մակնիշների մեկական ավտոմեքենա ու 1 միկրոավտոբուս:
3. Հայաստանի Հանրապետության տրանսպորտի և կապի նախարարությանը` ապահովել հյուրերի ընդունումն ու ճանապարհումը պաշտոնական պատվիրակությունների սրահում, պատվիրակությանն սպասարկող ավտոմեքենաների մուտքն օդանավակայանի տարածք (սրահի կողմից):
4. Հայաստանի Հանրապետության ներքին գործերի նախարարությանը` հատկացնել ճանապարհային ոստիկանության ուղեկցող անձնակազմեր` ըստ արարողակարգի:
5. Հայաստանի Հանրապետության ֆինանսների և էկոնոմիկայի նախարարությանը` պատվիրակության Հայաստանում գտնվելու ընթացքում սննդի, փոխադրամիջոցների, հուշանվերների և պաշտոնական ճաշի հետ կապված ծախսերը կատարել Հայաստանի Հանրապետության 2000 թվականի պետական բյուջեով արտասահմանյան պատվիրակությունների ընդունելության համար նախատեսված միջոցների հաշվին` Հայաստանի Հանրապետության կառավարության աշխատակազմի և Հայաստանի Հանրապետության արտաքին գործերի նախարարության ներկայացրած հաշվետվությունների: