ԲՆԱԿՉՈՒԹՅԱՆ ԱՌՈՂՋՈՒԹՅԱՆ ՊԱՀՊԱՆՄԱՆ ԵՎ ԲԱՐԵԼԱՎՄԱՆ ԾՐ ...

06.03.2026 -

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐ
ՀՐԱՄԱՆ

27 փետրվարի 2026 թվական N 17-Ն
 

ԲՆԱԿՉՈՒԹՅԱՆ ԱՌՈՂՋՈՒԹՅԱՆ ՊԱՀՊԱՆՄԱՆ ԵՎ ԲԱՐԵԼԱՎՄԱՆ ԾՐԱԳՐԵՐԻ ՇՐՋԱՆԱԿՆԵՐՈՒՄ ՄԱՐԴՈՒՆ ՕՐԳԱՆՆԵՐ ՓՈԽՊԱՏՎԱՍՏԵԼՈՒՑ ՀԵՏՈ ՇԱՐՈՒՆԱԿԱԿԱՆ (ԴԻՍՊԱՆՍԵՐ) ՀՍԿՈՂՈՒԹՅԱՆ ԿԱԶՄԱԿԵՐՊՄԱՆ ԵՎ ԻՐԱԿԱՆԱՑՄԱՆ ՉԱՓՈՐՈՇԻՉԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Բնակչության բժշկական օգնության և սպասարկման մասին» օրենքի 2-րդ հոդվածի 1-ին մասի 33-րդ կետը`

Հրամայում եմ

1. Հաստատել բնակչության առողջության պահպանման և բարելավման ծրագրերի շրջանակներում մարդուն օրգաններ փոխպատվաստելուց հետո շարունակական (դիսպանսեր) հսկողության կազմակերպման և իրականացման չափորոշիչը` համաձայն հավելվածի:

2. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:

27.02.2026 

Ա. Ավանեսյան

Հավելված
Հայաստանի Հանրապետության
առողջապահության նախարարի
2026 թվականի փետրվարի 27-ի
N 17-Ն հրամանի
 

ՉԱՓՈՐՈՇԻՉ
ԲՆԱԿՉՈՒԹՅԱՆ ԱՌՈՂՋՈՒԹՅԱՆ ՊԱՀՊԱՆՄԱՆ ԵՎ ԲԱՐԵԼԱՎՄԱՆ ԾՐԱԳՐԵՐԻ ՇՐՋԱՆԱԿՆԵՐՈՒՄ ՄԱՐԴՈՒՆ ՕՐԳԱՆՆԵՐ ՓՈԽՊԱՏՎԱՍՏԵԼՈՒՑ ՀԵՏՈ ՇԱՐՈՒՆԱԿԱԿԱՆ (ԴԻՍՊԱՆՍԵՐ) ՀՍԿՈՂՈՒԹՅԱՆ ԿԱԶՄԱԿԵՐՊՄԱՆ ԵՎ ԻՐԱԿԱՆԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Սույն չափորոշիչով կարգավորվում են բնակչության առողջության պահպանման և բարելավման ծրագրերի շրջանակներում օրգան փոխպատվաստելուց հետո պացիենտի (ռեցիպիենտի) շարունակական (դիսպանսեր) հետազոտության, բուժման և հսկողության (այսուհետ` դիսպանսերային հսկողություն) կազմակերպման և իրականացման հետ կապված հարաբերությունները:

2. Դիսպանսերային հսկողությունը կազմակերպվում և իրականացվում է Հայաստանի Հանրապետության քաղաքացի հանդիսացող ռեզիդենտ բնակչության համար` Առողջապահության նախարարի հրամանով կցագրված բժշկական կազմակերպություններում:

3. Դիսպանսերային հսկողությունն ընդգրկում է`

1) պացիենտի (ռեցիպիենտի) ախտորոշիչ հետազոտությունները, մասնագիտական խորհրդատվությունները, բուժումը և անվճար հատկացվող դեղերով ապահովումը` սույն չափորոշչի 8-րդ, 10-րդ և 12-րդ կետերով նախատեսված դիսպանսերային հսկողության սխեմաների համաձայն.

2) բժշկական ցուցումների առկայության դեպքում բժշկական օգնության և սպասարկման կազմակերպումը, ուղղորդումը և իրականացումը.

3) պացիենտների (ռեցիպիենտների) բժշկական և հոգեբանական վերականգնմանն ուղղված միջոցառումների իրականացման կազմակերպումը.

4) պացիենտների (ռեցիպիենտների) հաշվառումը, սահմանված հաշվետվությունների և վիճակագրական տվյալների ամփոփումը և ներկայացումը.

5) պացիենտների (ռեցիպիենտների) շրջանում առողջ ապրելակերպին ուղղված իրազեկման աշխատանքների իրականացումը:

4. Սույն չափորոշչի 8-րդ, 10-րդ և 12-րդ կետերով նախատեսված դիսպանսերային հսկողության սխեմաներով սահմանված անհրաժեշտ մասնագիտական խորհրդատվությունների, ախտորոշիչ հետազոտությունների անցկացման հնարավորությունները բացակայելու դեպքում դրանք կազմակերպվում և իրականացվում են այլ բժշկական կազմակերպություններում` պայմանագրային հիմունքներով:

5. Պացիենտին (ռեցիպիենտին) դիսպանսերային հսկողության վերցնելու համար հիմք է հանդիսանում մասնագիտացված բժշկական կազմակերպության կողմից տրված բժշկական փաստաթուղթը (էպիկրիզը)` համապատասխան ախտորոշմամբ, և անձը հաստատող փաստաթուղթը: Ընդ որում, պացիենտին (ռեցիպիենտին) դիսպանսերային հսկողության վերցնելու ժամանակ բժշկական կազմակերպության կողմից պացիենտին կամ նրա օրինական ներկայացուցչին ապահովում է սույն չափորոշիչով նախատեսված դիսպանսերային հսկողության վերաբերյալ անհրաժեշտ տեղեկատվությամբ, որի վերաբերյալ նշում է կատարվում պացիենտի (ռեցիպիենտին) ամբուլատոր քարտում:

6. Այն դեպքում, երբ պացիենտը (ռեցիպիենտը) տարվա ընթացքում առնվազն երկու անգամ սահմանված կարգով չի հաճախում դիսպանսեր հսկողության (բացառությամբ առողջական լուրջ խնդիրների, երբ առկա է տեղաշարժման խնդիր), ապա պացիենտն առնվազն մեկ տարով դուրս է գրվում դիսպանսեր հսկողությունից և դադարեցվում է բնակչության առողջության պահպանման և բարելավման ծրագրերի շրջանակներում վերջինիս ախտորոշիչ հետազոտությունների, մասնագիտական խորհրդատվությունները իրականացումը և դեղերի տրամադրումը:

7. Դեղերի տրամադրման գործընթացը կազմակերպվում և իրականացվում է պացիենտին (ռեցիպիենտին) հսկող բժշկի խորհրդատվության (այդ թվում` հեռաբժշկության միջոցով` ամբուլատոր քարտում այդ մասին գրառում անելով) հիման վրա, ընդ որում` նշանակված դեղերը տրամադրվում են կամ պացիենտին կամ պացիենտի օրինական ներկայացուցչին կամ լիազորագրով հանդես եկող այլ անձին:

8. Երիկամի փոխպատվաստումից հետո դիսպանսերային հսկողությունն իրականացվում է` ըստ Աղյուսակ 1-ով սահմանված ծավալների.

Աղյուսակ 1

9. Սույն հավելվածի Աղյուսակ 1-ում սահմանված`

1) սխեման մշակված է կայուն պացիենտների (ռեցիպիենտների) հսկողության համար, և հնարավոր են շեղումներ` ըստ ցուցումների.

2) այլ նեղ մասնագետի խորհրդատվություններն իրականացվում են ըստ ցուցման.

3) երիկամ փոխպատվաստված պացիենտների (ռեցիպիենտների) դեղերը տրամադրվում են ըստ փոխպատվաստման ժամկետի և արյան մեջ կալցինևրին ինհիբիտորների կոնցենտրացիայի, կողմնակի էֆեկտների առկայության:

10. Լյարդի փոխպատվաստումից հետո դիսպանսերային հսկողությունն իրականացվում է` ըստ Աղյուսակ 2-ով սահմանված ծավալների.

Աղյուսակ 2

11. Սույն հավելվածի Աղյուսակ 2-ում սահմանված`

1) սխեման մշակված է կայուն պացիենտների (ռեցիպիենտների) հսկողության համար, և հնարավոր են շեղումներ` ըստ ցուցումների.

2) այլ նեղ մասնագետների խորհրդատվություններն իրականացվում են ըստ ցուցման.

3) լյարդ փոխպատվաստված պացիենտների (ռեցիպիենտների) դեղերը տրամադրվում են ըստ փոխպատվաստման ժամկետի և արյան մեջ կալցինևրին ինհիբիտորների կոնցենտրացիայի, կողմնակի էֆեկտների առկայության:

12. Սրտի փոխպատվաստումից հետո դիսպանսերային հսկողությունն իրականացվում է` ըստ Աղյուսակ 3-ով սահմանված ծավալների.

Աղյուսակ 3

13. Սույն հավելվածի Աղյուսակ 3-ում սահմանված`
    1) սխեման մշակված է կայուն պացիենտների (ռեցիպիենտների) հսկողության համար, և հնարավոր են շեղումներ` ըստ ցուցումների,
    2) այլ նեղ մասնագետների խորհրդատվություններն իրականացվում են ըստ ցուցման,
    3) սիրտ փոխպատվաստված պացիենտների (ռեցիպիենտների) դեղերը տրամադրվում են ըստ փոխպատվաստման ժամկետի և արյան մեջ կալցինևրին ինհիբիտորների կոնցենտրացիայի հիման վրա, հաշվի առնելով նաև դրանց կողմնակի էֆեկտների առկայությունը:

Պաշտոնական հրապարակման օրը` 5 մարտի 2026 թվական: