310.0039.100898
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՏԵՍՉՈՒԹՅԱՆ
ՀՐԱՄԱՆ
21 հուլիսի 1998թ թիվ 01/39
i
«ԳՈՒՅՔԱՀԱՐԿԻ ԳԾՈՎ ՀԱՄԱՅՆՔԻ ԲՅՈՒՋԵԻ ՄՈՒՏՔԵՐԻ ՀԱՇՎԱՌՄԱՆ ԵՎ ՎՃԱՐՈՒՄՆԵՐԻ ԿԱՏԱՐՄԱՆ ԿԱԶՄԱԿԵՐՊՄԱՆ ԿԱՐԳ»-Ը ՀԱՍՏԱՏԵԼՈՒ ՄԱՍԻՆ
Ի կատարումն Հայաստանի Հանրապետության կառավարության 1998 թվականի մայիսի 6-ի թիվ 271 որոշման 1-ին կետի «բ» ենթակետի պահանջների
ՀՐԱՄԱՅՈՒՄ ԵՄ
Հաստատել «Գույքահարկի գծով համայնքի բյուջեի մուտքերի հաշվառման և վճարումների կատարման կազմակերպման կարգ»-ը:
«ՀԱՄԱՁԱՅՆԵՑՎԱԾ Է» «ՀԱՍՏԱՏՎԱԾ Է» «ՀԱՄԱՁԱՅՆԵՑՎԱԾ Է»
ՀՀ ՖԻՆԱՆՍՆԵՐԻ ԵՎ ՀՀ ՀԱՐԿԱՅԻՆ ՀՀ ՏԱՐԱԾՔԱՅԻՆ
ԷԿՈՆՈՄԻԿԱՅԻ ՆԱԽԱՐԱՐ ՏԵՍՉՈՒԹՅԱՆ ՊԵՏ ԿԱՌԱՎԱՐՄԱՆ ՆԱԽԱՐԱՐ
Է. ՍԱՆԴՈՅԱՆ Ա. ԹՈՒՄԱՆՅԱՆ Դ. ԶԱԴՈՅԱՆ
ՀՐԱՄԱՆ ԹԻՎ 01/39
«02» 07 1998 Թ. «21» 07 1998Թ. « » 1998 Թ.
ԳՈՒՅՔԱՀԱՐԿԻ ԳԾՈՎ ՀԱՄԱՅՆՔԻ ԲՅՈՒՋԵԻ ՄՈՒՏՔԵՐԻ ՀԱՇՎԱՌՄԱՆ ԵՎ ՎՃԱՐՈՒՄՆԵՐԻ ԿԱՏԱՐՄԱՆ ԿԱԶՄԱԿԵՐՊՄԱՆ ԿԱՐԳ
ԸՆԴՀԱՆՈՒՐ ԴՐՈՒՅԹՆԵՐ
1. Ելնելով «Գույքահարկի մասին» ՀՀ օրենքի 19-րդ հոդվածի և ՀՀ կառավարության 06.05.98թ-ի թիվ 271 որոշման 1-ին կետի «բ» ենթակետի պահանջներից, սույն կարգը սահմանում է սեփականության իրավունքով ֆիզիկական անձանց պատկանող, ՀՀ համայնքների վարչական տարածքներում գտնվող` գույքահարկով հարկվող օբյեկտ համարվող գույքի համար տեղական ինքնակառավարման մարմինների կողմից գույքահարկի գծով բյուջետային եկամուտների մուտքերի ապահովման, հաշվառման և վճարումների կատարման կազմակերպման հիմնական սկզբունքները:
2. Գույքահարկի գծով համայնքի բյուջեի մուտքերի հաշվառումն ու վճարումների կատարման կազմակերպումն իրականացնում է համայնքի ղեկավարը (այսուհետև` կարգում վճարումները կազմակերպող):
3. Գույքահարկի գծով բյուջետային եկամուտների մուտքերն ապահովելու նպատակով, տեղական ինքնակառավարման մարմիններն ու տարածքային հարկային տեսչությունները (ՏՀՏ) համագործակցում են հարկատուներին հարկային օրենսդրության իրազեկման, հարկային կարգապահության բարձրացման աշխատանքների` կազմակերպման ուղղությամբ, կատարում են համատեղ ուսումնասիրություններ և տեղեկություններ են փոխանակում հարկման օբյեկտների վերաբերյալ տվյալների ճշտման համար, ինչպես նաև անհրաժեշտության դեպքում օժանդակում են միմյանց վճարումների կատարման կազմակերպման և վճարման ծանուցագրերի` հարկատուներին հանձնման աշխատանքներում:
I. ԵԿԱՄՈՒՏՆԵՐԻ ՀԱՇՎԱՌՈՒՄԸ ԵՎ ՎՃԱՐՈՒՄՆԵՐԻ ԿԱՏԱՐՄԱՆ ԿԱԶՄԱԿԵՐՊՈՒՄԸ
4. Վճարումներ կազմակերպողը գույքահարկի գծով համայնքի բյուջեի եկամուտների հաշվառումն իրականացնում է ՏՀՏ-ների հաշվառման տվյալների հիման վրա, սույն կարգի հավելված 1-ով սահմանված քարտերով:
5. Հարկատուների, նրանց գույքի ու հարկային պարտավորությունների մասին տեղեկությունները վճարումներ կազմակերպողը ստանում է ՏՀՏ-ներից` հարկատուների հաշվառման տվյալների հիման վրա, նրանց կողմից գույքահարկի տարեկան հաշվարկները կատարելուց հետո.
ա) շինությունների մասով`
մինչև գույքահարկով հարկվող օբյեկտների վերագնահատման տարվա դեկտեմբերի 1-ը (երեք տարին մեկ անգամ):
բ) փոխադրամիջոցների մասով`
մինչև յուրաքանչյուր տարվա դեկտեմբերի 1-ը:
Վճարումներ կազմակերպողը նշված տվյալները լրացնում է ՏՀՏ-ներում վարվող` վճարողների հաշվարկի և հաշվառման ձևերից, իսկ տվյալների տրամադրման և ստացման մասին արձանագրվում է ՏՀՏ-ներում պահվող «տվյալների փոխանակման արձանագրման մատյան»-ում (հավելված 4):
6. Հարկատեսակի գծով բյուջեի եկամուտների ապահովման կազմակերպման և կատարման նպատակով համայնքի բյուջեում կարող են նախատեսվել համապատասխան ծախսեր, «Հայաստանի Հանրապետության բյուջետային համակարգի մասին» ՀՀ օրենքով սահմանված համայնքների բյուջեների ծախսերի հոդվածներով:
7. Հարկի վճարումների ընդունման (գանձման) աշխատանքների կատարումն ապահովելու նպատակով, վճարումներ կազմակերպողը կայացնում է որոշում` վճարումներ ընդունողների վերաբերյալ (այսուհետև` վճարումներ ընդունող), որոշման կրկնօրինակը գրությամբ ներկայացնելով համայնքի տարածքը սպասարկող ՏՀՏ: Վերջինիս կողմից վճարումներ ընդունողին տրվում է այդ աշխատանքների կատարման իրավասության վկայական` ՀՀ հարկային տեսչության կողմից սահմանված ձևով (և տեսքով):
8. Վճարումներ կազմակերպողը պահանջագրերի հիման վրա ՏՀՏ-ներից ստանում է վճարման անդորրագրեր` որպես խիստ հաշվառման փաստաթղթեր, որոնք տրամադրում է վճարումներ ընդունողներին:
Վճարումներ կազմակերպողի և վճարումներ ընդունողի կողմից անդորրագրերի պահպանության և շարժի հաշվառման կարգը սահմանում է վճարումներ կազմակերպողը` սույն կարգին կից հավելված 3-ի օրինակելի ձևով:
9. Վճարումների ընդունման ժամանակ անդորրագրերում (անհատական վճարման գրքույկներում *) պետք է պարտադիր նշվեն վճարողի անուն ազգանունը, վճարողի հաշվառման համարը, հասցեն, համայնքի անվանումը, հարկատեսակը, գույքատեսակը (շինություն, փոխադրամիջոց`, վճարված գումարը, վճարման ամսաթիվը: Անդորրագիրը պարտադիր ստորագրվում է վճարումներ ընդունողի և վճարողի կողմից:
Վճարումներ ընդունողը, ապառքների առկայության դեպքում, օրենքով սահմանված կարգով ** հաշվառվում են գանձում է նաև մինչև վճարումների կատարման օրը վճարման ենթակա տույժերի գումարը` այն առանձին նշելով անդորրագրի համապատասխան սյունակում:
Վճարումներն ընդունելու ժամանակ վճարման անդորրագրերը լրացվում են 2 օրինակից.
- առաջին օրինակը տրվում է հարկ վճարողին
- երկրորդ օրինակը նախատեսվում է ՏՀՏ-ներին ներկայացնելու համար:
10. Վճարումներ ընդունողը գանձված գումարները բանկի կանխիկ մուտքի անդորրագրերով (պարտադիր լրացնելով. նաև համայնքի անվանումն ու հարկատեսակը) սահմանված կարգով մուտքագրում է բանկում` համայնքը սպասարկող տեղական գանձապետական բաժանմունքի (ՏԳԲ) համապատասխան գանձապետական հաշվին.
ա. քաղաքներում`
- վճարման հաջորդ օրը
բ. գյուղական համայնքներում`
մուտքեր ընդունող բանկից` համայնքի հեռավորությունից կախված.
- մինչև 5 կմ հեռավորության դեպքում - 2 օրվա ընթացքում
- 5-15 կմ հեռավորության դեպքում - 4 օրվա ընթացքում,
- 15 կմ-ից ավել հեռավորության դեպքում - 6 օրվա ընթացքում,
Վճարման անդորրագրերի երկրորդ օրինակները վճարողների ցուցակների (2 օրինակ) հետ միասին հավելված 2-ի տեսքով ներկայացվում է վճարումներ կազմակերպողին:
Վճարումներ ընդունողի կողմից գանձված գումարները չի թույլատրվում մուտքագրել համայնքների դրամարկղներ *** :
11. Վճարումներ կազմակերպողը վճարումների վերաբերյալ տվյալները գրանցում է վճարողների հաշվառման քարտերում, իսկ անդորրագրերի երկրորդ օրինակները (կամ վճարողների անհատական վճարման գրքույկների անդորրագրերի կիսամասերը) և հարկ վճարողների ցուցակները (երկու օրինակից) յուրաքանչյուր տասնօրյակի համար երկօրյա ժամկետում ներկայացնում է ՏՀՏ:
12. Վճարումներ կազմակերպողը և ՏՀՏ-ները, հաշվետու տարվա արդյունքներով, մինչև հաջորդ տարվա հունվարի 25-ը գույքահարկի գծով համայնքի բյուջեի փաստացի մուտքերի գումարների և թիվ 2 հավելվածի սահմանված ձևով ներկայացված գումարների համադրմամբ կազմում են ամփոփիչ արձանագրություն (երկու օրինակից):
Վերոհիշյալ գումարների անհամապատասխանությունը ճշտվում է վճարումներ կազմակերպողի, համապատասխան բանկի բաժանմունք (ներ) ի և ՏԳԲ-ի միջև:
13. Հարկատուների կողմից բանկերում ինքնուրույնաբար վճարումներ կատարելու դեպքում, վճարման փաստաթղթերի լրացման կարգը, ձևը և դրանց շրջանառությունը կարգավորվում է ՀՀ ֆինանսների և էկոնոմիկայի նախարարության, ՀՀ հարկային տեսչության և ՀՀ կենտրոնական բանկի 12.02.1998թ. համատեղ հրահանգչական նամակներով:
ՏՀՏ-ների կողմից գույքահարկի վճարումներ ընդունելու դեպքում, գանձված գումարները մեկ օրվա ընթացքում մուտքագրվում են բանկ` տվյալ համայնքը սպասարկող ՏԳԲ-ի համապատասխան գանձապետական հաշվին:
Սույն կետում նշված դեպքերում վճարումների ընդունման մասին տեղեկությունները ՏՀՏ-ները սույն կարգի 5-րդ կետի վերջին պարբերությամբ սահմանված ձևով 14-րդ կետում նշված ժամկետներում տրամադրում են վճարումներ կազմակերպողներին` վճարողների հաշվառման քարտերում գրանցումներ կատարելու համար:
14. Հաշվառման տվյալների (հարկատուների, հարկի գումարի, վճարումների և այլ) փոփոխությունները գրանցելու նպատակով յուրաքանչյուր ամսվա արդյունքներով` մինչև հաջորդ ամսվա 15-ը վճարումներ կազմակերպողը ՏՀՏ համապատասխան պատասխանատու անձի հետ համատեղ համադրում են հավելված 1-ով սահմանված ֆիզիկական անձանց գույքահարկի հաշվառման քարտի տվյալները` ՏՀՏ-ների հաշվառման տվյալների հետ:
Համադրման արդյունքներն արձանագրվում են տեղեկությունների տրամադրման մատյանում (սույն կարգին կից հավելված 4):
II. ԳՈՒՅՔԱՀԱՐԿԻ ՎՃԱՐՄԱՆ ԱՆԴՈՐՐԱԳՐԵՐԻ ՀԱՇՎԱՌՈՒՄԸ ՕԳՏԱԳՈՐԾՈՒՄՆ ՈՒ ՊԱՀՊԱՆՈՒՄԸ
15. Վճարման անդորրագրերը (անհատական վճարման գրքույկները) համարվում են խիստ հաշվառման փաստաթղթեր:
ՏՀՏ-ներում անդորրագրերի հաշվառումը կատարում է առանձնացված մատյաններում` սույն կարգի հավելված 3-ի սահմանված ձևով:
Որպես խիստ հաշվառման փաստաթղթեր, անդորրագրերի հաշվառման, հատկացման, վերադարձման և պահպանման հսկողությունը իրականցվում է ՏՀՏ-ների պատասխանատու անձանց կողմից, որոնց ՏՀՏ պետի հրամանով ամրակցվում են նշված աշխատանքները:
Անդորրագրերը տրվում են վճարումներ կազմակերպողին, համաձայն նրա կողմից ներկայացված պահանջագրերի և լիազորագրերի:
16. Ըստ համայնքների և հարկատեսակների առանձնացված օգտագործված անդորրագրերը ՏՀՏ-ներում պահվում են 3 տարի, որից հետո սահմանված կարգով հանձնվում են արխիվ:
17. ՏՀՏ-ները վճարումները կազմակերպողի հետ անդորրագրերի շարժի մասին տարվա արդյունքներով` մինչև հաջորդ տարվա հունվարի 25-ը, կազմում են երկկողմանի ակտեր:
III. ՊԱՏԱՍԽԱՆԱՏՎՈՒԹՅՈՒՆԸ ԵՎ ՎԵՐԱՀՍԿՈՂՈՒԹՅՈՒՆԸ
18. Սույն կարգի խախտումներն առաջացնում են պատասխանատվություն Հայաստանի Հանրապետության օրենսդրությամբ սահմանված կարգով:
19. Սույն կարգի պահանջների կատարման նկատմամբ հսկողությունը, Հայաստանի Հանրապետության օրենսդրությամբ սահմանված կարգով, իրականացնում են Հայաստանի Հանրապետության հարկային տեսչության մարմինները:
IY. ԱՆՑՈՒՄԱՅԻՆ ԴՐՈՒՅԹՆԵՐ
20. Հաշվառման համար անհրաժեշտ առաջին տվյալները ՏՀՏ-ները սույն կարգին համաձայն վճարումները կազմակերպողին տրամադրում են վճարումներ ընդունողի մասին նրա կողմից կայացրած որոշումը ստանալուց հետո` մեկ ամսյա ընթացքում:
21. Անհատական վճարման գրքույկները շրջանառության մեջ կդրվեն ՀՀ հարկային տեսչության կողմից համապատասխան ձևերի սահմանումից հետո:
________________________________________
* Վճարման անդորրագրերին զուգահեռ շրջանառության մեջ գրվելու նաև
ֆիզիկական անձանց համար «անհատական վճարման գրքույկներ»
** Հարկի վճարումը սահմանված ժամկետներից մինչև 90 օր ուշացնելու դեպքում
ժամկետանց յուրաքանչյուր օրվա համար հարկ վճարողից գանձվում է տույժ`
ժամանակին չմուծված հարկի (կամ հարկի գումարից պակաս մուծված) գումարի
0,1 % չափով:
Հարկի վճարումը սահմանված ժամկետներից ուշացնելու 91-րդ օրվանից սկսած
ժամկետանց յուրաքանչյուր օրվա համար հարկ վճարողից գանձվում է տույժ`
ժամանակին չմուծված հարկի (կամ հարկի գումարից պակաս մուծված) գումարի
0,3 % չափով:
Տույժերի հաշվարկումը կատարվում է ժամկետանց անցած ամբողջ
ժամանակաշրջանի համար, բայց ոչ ավելի, քան 365 օրվա համար:
1997 թ-ի գույքահարկի վճարման ժամկետ է սահմանված 1998 թ-ի հուլիսի
մեկը, իսկ 1998 թ-ին և հետագա տարիների համար` յուրաքանչյուր տարվա
դեկտեմբերի մեկը: *** Համայնքի բյուջեի մուտքերի հաշվառման և վճարումների ընդունման
գործընթացի կազմակերպման արդյունավետության բարձրացման և
օպերատիվության ապահովման նպատակով, վճարումներ կազմակերպողի և որևէ
բանկի բաժանմունքի ղեկավարության պայմանավորվածությամբ, կարող է
սահմանվել հավաքագրված գումարների մուտքագրման երեկոյան դրամարկղի
աշխատանքային ռեժիմ:
Հավելված 1
Ֆիզիկական անձանց գույքահարկի հաշվառման քարտ
.________________________________________________________________________.
|հ/հ| հարկ վճարողի| Անուն |Բնակության| շինության | Հաշվարկ 199 թ. |
| | կոդը |Ազգանուն| հասցեն |գնահատության|_____________________|
| | | | | արժեքը |Ընդա-|շինու-|տրանսպոր|
| | | | | |մենը |թյուն-|տային մի|
| | | | | | |ների |ջոցների |
| | | | | | |համար | համար |
|___|_____________|________|__________|____________|_____|______|________|
| 1 | 2 | 3 | 4 | 5 | 6 | 7 | 8 |
|___|_____________|________|__________|____________|_____|______|________|
| | | | | | | | |
|___|_____________|________|__________|____________|_____|______|________|
| | | | | | | | |
|___|_____________|________|__________|____________|_____|______|________|
| | | | | | | | |
.________________________________________________________________________.
2.
.________________________________________________________________________.
| Ապառք, |Տույժեր|Ընդամե|Վճարել է ընթացիկ տարում (01.01.199 թ.-|Ծանոթու- |
|գերավճար| |նը են-| 01.12.199 թ.) | թյուն |
| | |թակա է|______________________________________| |
| | |վճար- |Անդոր-|Գումա-|Անդոր-|Գումա-| Ընդամենը | |
| | | ման |րագիր | րը |րագիր | րը |(տվյալ | |
| | | |(ամսա-| |(ամսա-| | տարում) | |
| | | |թիվ, | |թիվ, | | | |
| | | |սերիա,| |սերիա,| | | |
| | | |համար)| |համար)| | | |
|________|_______|______|______|______|______|______|__________|_________|
| 9 | 10 | 11 | 12 | 13 | 14 | 15 | 16 | 17 |
|________|_______|______|______|______|______|______|__________|_________|
| | | | | | | | | |
|________|_______|______|______|______|______|______|__________|_________|
| | | | | | | | | |
|________|_______|______|______|______|______|______|__________|_________|
| | | | | | | | | |
.________________________________________________________________________.
Հավելված 2
Ց ՈՒ Ց Ա Կ N
....................... հարկ վճարողի ........................
.________________________________________________________________________.
| հ/հ |Հարկ վճարողի| Անուն |Գույքի|Անդորրագրի սերիան,|Գումարը|Բանկի մուտ|
| | կոդը |Ազգանուն|հասցեն| համարը, վճարման | |քի անդոր- |
| | | | | ամսաթիվը | |րագրի հա- |
| | | | | | | մարը |
|_____|____________|________|______|__________________|_______|__________|
| 1 | 2 | 3 | 4 | 5 | 6 | 7 |
|_____|____________|________|______|__________________|_______|__________|
| | | | | | | |
|_____|____________|________|______|__________________|_______|__________|
| | | | | | | |
|_____|____________|________|______|__________________|_______|__________|
| | | | | | | |
.________________________________________________________________________.
Հավելված 3
ՏՆՏ-ներում անդորրագրի հաշվառման մատյան
._________________________________________________________________________.
|հ/հ|համայն-|ստաց-|ստացո-|ստացո-|անդոր-|անդոր-|հանձման |հանձնա-|հանձնաժողո|
| |քի ան- | ման |ղի ա- |ղի ստո|րագրե-|րագրե-|(վերա- |ժողովի |վի ստորա- |
| |վանու- |ամսա-|նունը |րագրու|րի քա-|րի սե-|դարձ- |անուն |գրությունը|
| | մը |թիվը |ազգա- |թյունը| նակը |րիան |ման) ամ-|ազգա- | |
| | | |նունը | | |և հա-| սաթիվը |նունը | |
| | | | | | |մարնե-| | | |
| | | | | | | րը | | | |
|___|_______|_____|______|______|______|______|________|_______|__________|
| 1 | 2 | 3 | 4 | 5 | 6 | 7 | 8 | 9 | 10 |
|___|_______|_____|______|______|______|______|________|_______|__________|
| | | | | | | | | | |
|___|_______|_____|______|______|______|______|________|_______|__________|
| | | | | | | | | | |
|___|_______|_____|______|______|______|______|________|_______|__________|
| | | | | | | | | | |
._________________________________________________________________________.
2.
._______________________________________________.
| անդորրագրերի | անդորրագրերի | ընդունողի |
| քանակը | սերիան և |ստորագրությունը |
| | համարները | |
|______________|______________|_________________|
| 11 | 12 | 13 |
|______________|______________|_________________|
| | | |
|______________|______________|_________________|
| | | |
|______________|______________|_________________|
| | | |
._______________________________________________.
Հավելված 4
ՏՀՏ կողմից հաշվառված տվյալների, փոփոխությունների և
վճարումների մասին տեղեկությունների տրամադրման
արձանագրման մատյան
.________________________________________________________________________.
| հ/հ | Համայնքի | Վճարումներ|Տրամադըր-|Տրամադըր-|Տեղեկություն-|Տեղեկու- |
| |անվանումը |կատարողները|վող տեղե-|ման ամսա-|ներ ստացողի |թյուններ |
| | | |կություն-| թիվը |ստորագրու- |տրամադրո-|
| | | |ների բո- | |թյունը, ազ- |ղի ստորա-|
| | | |վանդակու-| | գանունը |գրությու-|
| | | |թյունը | | |նը, ազգա-|
| | | | | | | նունը |
|_____|__________|___________|_________|_________|_____________|_________|
| 1 | 2 | 3 | 4 | 5 | 6 | 7 |
|_____|__________|___________|_________|_________|_____________|_________|
| | | | | | | |
|_____|__________|___________|_________|_________|_____________|_________|
| | | | | | | |
|_____|__________|___________|_________|_________|_____________|_________|
| | | | | | | |
.________________________________________________________________________.
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«10» 08 1998 Թ.
ՊԵՏԱԿԱՆ ԳՐԱՆՑՄԱՆ ԹԻՎ 43980170