ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՊԵՏԻ
ՀՐԱՄԱՆ
Թիվ 27-Լ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՊԵՏԻ 24.07.2018 Թ. ԹԻՎ 5-Լ ՀՐԱՄԱՆՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
i
Համաձայն Հայաստանի Հանրապետության վարչապետի 2018 թվականի հունիսի 11-ի թիվ 751-Լ որոշմամբ հաստատված կանոնադրության 20-րդ կետի 8-րդ ենթակետի.
ՀՐԱՄԱՅՈՒՄ ԵՄ`
i
1. ՀՀ ոստիկանության պետի 24.07.2018 թ. «Հայաստանի Հանրապետության ոստիկանությունում արձակուրդների ձևակերպման և տրամադրման կարգը հաստատելու մասին» թիվ 5-Լ հրամանը լրացնել 11.1 կետով` հետևյալ բովանդակությամբ.
«11.1 Ամենամյա արձակուրդի տրամադրումը, այն թույլատրելու իրավասություն ունեցող ղեկավարի կողմից, հաշվի առնելով ծառայողական անհրաժեշտությունը, կարող է հետաձգվել, եթե ոստիկանության ծառայողը մեղադրվում է կարգապահական խախտում կատարելու մեջ և նրա նկատմամբ կատարվում է ծառայողական քննություն:
Ծառայողական քննությունը ավարտվելու կամ դրա ընթացքը կասեցվելու դեպքում` նշված սահմանափակումը վերանում է:»
2. Հրամանը ծանոթացնել Հայաստանի Հանրապետության ոստիկանության անձնակազմին:
ԺԱՄԱՆԱԿԱՎՈՐ ՊԱՇՏՈՆԱԿԱՏԱՐ
ՈՍՏԻԿԱՆՈՒԹՅԱՆ ԳՆԴԱՊԵՏ Ա. Սարգսյան
2019 թ. դեկտեմբերի 6
Երևան