| ԻՐՏԵԿ |
Սույն ակտի ուժի մեջ մտնելու ամսաթիվը անհնար է որոշել, քանի որ ակտը ընդունող մարմնի կողմից չի կատարվել «Նորմատիվ իրավական ակտերի մասին» ՀՀ օրենքի 23-րդ հոդվածի 7-րդ մասի` ընդունող մարմնի պաշտոնական կայքէջում իրավական ակտի հրապարակման օրը նշելու պահանջը: |
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՊԵՏԻ
ՀՐԱՄԱՆ
Թիվ 41-Լ
2020 ԹՎԱԿԱՆԻ ՆՈՅԵՄԲԵՐԻ 7-ԻՆ, 14-ԻՆ, 21-ԻՆ ԵՎ 28-ԻՆ ՃԱՆԱՊԱՐՀԱՅԻՆ ՈՍՏԻԿԱՆՈՒԹՅԱՆ ԵՐԵՎԱՆԻ ԵՎ ԿՈՏԱՅՔԻ ՀԱՇՎԱՌՄԱՆ-ՔՆՆԱԿԱՆ ՍՏՈՐԱԲԱԺԱՆՈՒՄՆԵՐԻ ԾԱՌԱՅՈՂՆԵՐԻ (ՔԱՂԱՔԱՑԻԱԿԱՆ ԱՇԽԱՏԱՆՔ ԿԱՏԱՐՈՂ ԵՎ ՏԵԽՆԻԿԱԿԱՆ ՍՊԱՍԱՐԿՈՒՄ ԻՐԱԿԱՆԱՑՆՈՂ ԱՆՁԱՆՑ) ԱՇԽԱՏԱԺԱՄԱՆԱԿԻ ՍԿԻԶԲԸ ԵՎ ԱՎԱՐՏԸ ՍԱՀՄԱՆԵԼՈՒ ՄԱՍԻՆ
i
Հայաստանի Հանրապետության կառավարության 2005 թվականի նոյեմբերի 24-ի «Պետական և տեղական ինքնակառավարման մարմիններում և դրանց ենթակա կազմակերպություններում աշխատաժամանակի սկիզբը և ավարտը սահմանելու մասին» թիվ 2138-Ն որոշման 2-րդ կետի «ա» ենթակետի և Հայաստանի Հանրապետության վարչապետի 2018 թվականի հունիսի 11-ի «Հայաստանի Հանրապետության ոստիկանության կանոնադրությունը հաստատելու մասին» թիվ 751-Լ որոշմամբ հաստատված հավելվածի 20-րդ կետի 8-րդ ենթակետի համաձայն.
ՀՐԱՄԱՅՈՒՄ ԵՄ`
1. Սահմանել 2020 թվականի նոյեմբերի 7-ին, 14-ին, 21-ին և 28-ին ճանապարհային ոստիկանության Երևանի և Կոտայքի հաշվառման-քննական ստորաբաժանումների ծառայողների (քաղաքացիական աշխատանք կատարող և տեխնիկական սպասարկում իրականացնող անձանց) աշխատաժամանակի սկիզբը և ավարտը`
1) ճանապարհային ոստիկանության Երևանի և Կոտայքի հաշվառման-քննական ստորաբաժանումների համար 2020 թվականի նոյեմբերի 7-ին, 14-ին, 21-ին և 28-ին սահմանել հետևյալ աշխատանքային ռեժիմը.
ա) ժամը 09:00-18:00 (քաղաքացիների մուտքը` ժամը 09:00-17:00, զննության կայանում` ժամը 09:00-16:30),
բ) ստորաբաժանման համար ընդմիջում չի սահմանվում, իսկ ծառայողներին (քաղաքացիական աշխատանք կատարող և տեխնիկական սպասարկում իրականացնող անձանց) ընդմիջում տրվում է հերթականությամբ` սկսած 12:00-ից` 1 ժամ տևողությամբ, գ) սահմանել հանգստյան օր յուրաքանչյուր ծառայողի (քաղաքացիական աշխատանք կատարող և տեխնիկական սպասարկում իրականացնող անձանց) համար շաբաթվա մեկ աշխատանքային օր` համաձայն տվյալ ստորաբաժանման պետի հաստատված գրաֆիկի (գրաֆիկի մեկ օրինակը ներկայացվում է ճանապարհային ոստիկանության հաշվառման-քննական և տրանսպորտային միջոցների տեխնիկական փորձաքննության բաժին):
2. ճանապարհային ոստիկանության պետ, ոստիկանության գնդապետ Ե. Կարապետյանին` ապահովել ճանապարհային ոստիկանության տարածքային հաշվառման-քննական ստորաբաժանումների մուտքի մոտ` տեսանելի տեղում, 2020 թվականի նոյեմբերի 7-ին, 14-ին, 21-ին և 28-ին աշխատանքային ռեժիմի վերաբերյալ տեղեկատվության հրապարակումը:
3. Հայաստանի Հանրապետության ոստիկանության հասարակայնության հետ կապի և լրատվության վարչության պետ, ոստիկանության գնդապետ Ա. Ահարոնյանին` հրամանի 1-ին կետի 1-ին ենթակետերով սահմանված աշխատանքային ռեժիմի վերաբերյալ տեղեկատվությունը տարածել հնարավոր լրատվամիջոցներով և տեղադրել Հայաստանի Հանրապետության ոստիկանության կայքում:
4. Հրամանը հայտարարել ճանապարհային ոստիկանության գլխավոր, ավագ, միջին և կրտսեր խմբերի պաշտոններ զբաղեցնող ծառայողներին, քաղաքացիական աշխատանք կատարող և տեխնիկական սպասարկում իրականացնող անձանց:
ՈՍՏԻԿԱՆՈՒԹՅԱՆ ԳՆԴԱՊԵՏ Ա. ՀՈՎՀԱՆՆԻՍՅԱՆ
06 նոյեմբերի 2020թ.
Երևան