ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐ
ՀՐԱՄԱՆ
1 ապրիլի 2021 թվականի N 1069-Ա
ԿՈՐՈՆԱՎԻՐՈՒՍԱՅԻՆ ՀԻՎԱՆԴՈՒԹՅԱՆ (COVID-19) ԴԵՄ ՊԱՏՎԱՍՏՈՒՄՆԵՐԻ ԳՈՐԾԸՆԹԱՑՈՒՄ ՀՆԱՐԱՎՈՐ ՃԳՆԱԺԱՄԱՅԻՆ ԻՐԱՎԻՃԱԿԻ ԱՐԱԳ ԱՐՁԱԳԱՆՔՄԱՆ ՀԱՆՁՆԱԺՈՂՈՎ ՍՏԵՂԾԵԼՈՒ, ԴՐԱ ԿԱԶՄԸ ԵՎ ԿՈՐՈՆԱՎԻՐՈՒՍԱՅԻՆ ՀԻՎԱՆԴՈՒԹՅԱՆ (COVID-19) ԴԵՄ ՊԱՏՎԱՍՏՈՒՄՆԵՐԻ ԳՈՐԾԸՆԹԱՑՈՒՄ ՀՆԱՐԱՎՈՐ ՃԳՆԱԺԱՄԱՅԻՆ ԻՐԱՎԻՃԱԿԻ ՀԱՂԹԱՀԱՐՄԱՆ ՄԻՋՈՑԱՌՈՒՄՆԵՐԻ ՊԼԱՆԸ ՀԱՍՏԱՏԵԼՈՒ ՄԱՍԻՆ
i
Հիմք ընդունելով «Հայաստանի Հանրապետության բնակչության սանիտարահամաճարակային անվտանգության ապահովման մասին» Հայաստանի Հանրապետության օրենքի 24-րդ հոդվածի 2-րդ մասը, ղեկավարվելով Հայաստանի Հանրապետության վարչապետի 2018 թվականի հունիսի 11-ի թիվ 728-Լ որոշման հավելվածով հաստատված Հայաստանի Հանրապետության առողջապահության նախարարության կանոնադրության 18-րդ կետի 20-րդ ենթակետով, կորոնավիրուսային հիվանդության (COVID-19) դեմ պատվաստումների գործընթացում հնարավոր ճգնաժամային իրավիճակների հաղթահարման, արագ արձագանքման և անհրաժեշտ միջոցառումների համակարգված իրականացման նպատակով.
ՀՐԱՄԱՅՈՒՄ ԵՄ`
1. Ստեղծել կորոնավիրուսային հիվանդության (COVID-19) դեմ պատվաստումների գործընթացում հնարավոր ճգնաժամային իրավիճակի արագ արձագանքման հանձնաժողով:
2. Հաստատել`
1) «Կորոնավիրուսային հիվանդության (COVID-19) դեմ պատվաստումների գործընթացում հնարավոր ճգնաժամային իրավիճակի հաղթահարման միջոցառումների պլանը»` համաձայն հավելված 1-ի:
2) «Կորոնավիրուսային հիվանդության (COVID-19) դեմ պատվաստումների գործընթացում հնարավոր ճգնաժամային իրավիճակի արագ արձագանքման հանձնաժողովի կազմը»` համաձայն հավելված 2-ի:
3. Կորոնավիրուսային հիվանդության (COVID-19) դեմ պատվաստումների գործընթացում հնարավոր ճգնաժամային իրավիճակի արագ արձագանքման հանձնաժողովին, Հայաստանի Հանրապետության իմունականխարգելման ազգային փորձագիտական խորհրդատվական խմբին`
1) Իրազեկել հանրությանը Կորոնավիրուսային հիվանդության (COVID-19) դեմ պատվաստումների գործընթացում հնարավոր ճգնաժամային իրավիճակի վերաբերյալ և պարբերաբար տրամադրել թարմացված տեղեկատվություն:
4. Առաջարկել «Էրեբունի բժշկական կենտրոն» փակ բաժնետիրական ընկերության գլխավոր տնօրեն Հարություն Քուշկյանին (համաձայնությամբ), «Նատալի ֆարմ» սահմանափակ պատասխանատվությամբ ընկերության «Աստղիկ» բժշկական կենտրոնի տնօրեն Ասատուր Ասատրյանին (համաձայնությամբ)` ապահովել.
1) Կորոնավիրուսային հիվանդության (COVID-19) դեմ պատվաստումից հետո հնարավոր հետպատվաստումային ծանր անբարեհաջող դեպքերի հոսպիտալացումը և պետության կողմից երաշխավորված անվճար բժշկական օգնության և սպասարկման տրամադրումը:
5. Առաջարկել մարզպետարանների գլխավոր քարտուղարներին, Երևանի քաղաքապետարանի գլխավոր քարտուղարի պարտականությունները կատարող Դավիթ Համբարյանին, բժշկական օգնություն և սպասարկում իրականացնող կազմակերպությունների ղեկավարներին (համաձայնությամբ)` ապահովել.
1) Կորոնավիրուսային հիվանդության (COVID-19) դեմ պատվաստումից հետո հետպատվաստումային շրջանի դիտարկումները և հետպատվաստումային անբարեհաջող դեպքերի վարման ընթացակարգը` համաձայն Առողջապահության նախարարի 2020 թվականի օգոստոսի 17-ի թիվ 21-Ն հրամանի պահանջների:
2) Կորոնավիրուսային հիվանդության (COVID-19) դեմ պատվաստումից հետո հնարավոր հետպատվաստումային ծանր անբարեհաջող դեպքերի ուղեգրումը և հոսպիտալացումը «Էրեբունի» բժշկական կենտրոն փակ բաժնետիրական ընկերությունում և «Նատալի ֆարմ» սահմանափակ պատասխանատվությամբ ընկերության «Աստղիկ» բժշկական կենտրոնում' նախապես համաձայնեցնելով բժշկական կենտրոնների հետ:
6. Առողջապահության նախարարության հասարակայնության հետ կապերի բաժնի պետ Լիլիթ Բաբախանյանին` ապահովել.
1) Սույն հրամանի տեղադրումը առողջապահության նախարարության պաշտոնական կայքում:
7. Սույն հրամանի կատարման հսկողությունը հանձնարարել Առողջապահության նախարարի առաջին տեղակալ Լենա Նանուշյանին:
Ա. ԱՎԱՆԵՍՅԱՆ
Հավելված 1
ՀՀ առողջապահության նախարարի
2021 թվականի ապրիլի 1-ի
N 1069-Ա հրամանի
ՊԼԱՆ
ԿՈՐՈՆԱՎԻՐՈՒՍԱՅԻՆ ՀԻՎԱՆԴՈՒԹՅԱՆ (COVID-19) ԴԵՄ ՊԱՏՎԱՍՏՈՒՄՆԵՐԻ ԳՈՐԾԸՆԹԱՑՈՒՄ ՀՆԱՐԱՎՈՐ ՃԳՆԱԺԱՄԱՅԻՆ ԻՐԱՎԻՃԱԿԻ ՀԱՂԹԱՀԱՐՄԱՆ ՄԻՋՈՑԱՌՈՒՄՆԵՐԻ
._____________________________________________________________________.
|Միջոցառումներ |Պատասխանատու կառույց|Իրականացման ժամկետ |
|__________________________|____________________|_____________________|
|Կորոնավիրուսային |Առողջապահության |Պարբերաբար, |
|հիվանդության (COVID-19) |նախարարություն, |ճգնաժամային իրավիճակի|
|դեմ պատվաստումների |Հանձնաժողով |արձանագրման դեպքում` |
|գործընթացում հնարավոր | |24 ժամվա ընթացքում |
|ճգնաժամային իրավիճակի | | |
|արագ արձագանքման | | |
|հանձնաժողովի (այսուհետ` | | |
|Հանձնաժողով) անդամների | | |
|պարբերաբար հանդիպումներ, | | |
|ծանոթացում առկա խնդիրներին| | |
|և հիմնական զեկուցողի | | |
|որոշում` լրատվամիջոցներին | | |
|և շահագրգիռներին | | |
|արդյունավետ տեղեկատվության| | |
|տրամադրման համար | | |
|__________________________|____________________|_____________________|
|Առողջապահության |Առողջապահության |Անմիջապես |
|նախարարության կողմից |նախարարություն |(ժամանակացույցը |
|օպերատիվ իրազեկում | |սահմանվում է |
|ճգնաժամային իրավիճակի | |ճգնաժամային իրավիճակի|
|վերաբերյալ Հանձնաժողովին | |արձանագրման պահից |
| | |հաշված) |
|__________________________|____________________|_____________________|
|Ճգնաժամային իրավիճակի |Առողջապահության |24 ժամվա ընթացքում |
|ռիսկի մակարդակի գնահատում |նախարարություն, |(ժամանակացույցը |
| |Հանձնաժողով |սահմանվում է |
| | |ճգնաժամային իրավիճակի|
| | |արձանագրման պահից |
| | |հաշված) |
|__________________________|____________________|_____________________|
|Ճգնաժամային իրավիճակի |Առողջապահության |24 ժամվա ընթացքում |
|արձանագրումից հետո կարճ |նախարարություն, |(ժամանակացույցը |
|հաղորդագրության տարածում |Հանձնաժողով |սահմանվում է |
|դեպքի վերաբերյալ | |ճգնաժամային իրավիճակի|
| | |արձանագրման պահից |
| | |հաշված) |
|__________________________|____________________|_____________________|
|Ճգնաժամի ընթացքում |Առողջապահության |24 ժամվա ընթացքում |
|տեղեկությունների |նախարարություն, |(ժամանակացույցը |
|տրամադրման մեխանիզմի |Հանձնաժողով |սահմանվում է |
|սահմանում | |ճգնաժամային իրավիճակի|
|(ով, երբ և ինչպես) | |արձանագրման պահից |
| | |հաշված) |
|__________________________|____________________|_____________________|
|Տվյալ իրավիճակի համար |«ՀՎԿ» ԱԶԳԱՅԻՆ |24 ժամվա ընթացքում |
|հիմնական ուղերձների և |ԿԵՆՏՐՈՆ» ՊՈԱԿ, |(ժամանակացույցը |
|հայտարարությունների, |Հանձնաժողով |սահմանվում է |
|հաճախակի տրվող հարցերի, | |ճգնաժամային իրավիճակի|
|դրանց պատասխանների և | |արձանագրման պահից |
|հիմնական փաստարկների | |հաշված) |
|մշակում | | |
|__________________________|____________________|_____________________|
|ԶԼՄ-ների տվյալների |Առողջապահության |Մշտապես |
|գույքագրում և ցանկի |նախարարություն | |
|պարբերաբար թարմացում | | |
|__________________________|____________________|_____________________|
|Շահագրգիռ կառույցների |Առողջապահության |Մշտապես |
|անմիջական տեղեկատվական |նախարարություն, | |
|գործիքների ցանկի կազմում |Հանձնաժողով | |
|(կայք, սոցիալական ցանցեր, | | |
|էլեկտրոնային փոստ, մամուլի| | |
|հաղորդագրություն և այլն)`| | |
|նրանց տեղեկատվություն | | |
|տրամադրելու համար | | |
|__________________________|____________________|_____________________|
|Հանրային արձագանքի |Առողջապահության |Մշտապես |
|մոնիթորինգի լայնածավալ |նախարարություն, | |
|իրականացում (օրինակ |«ՀՎԿ» ԱԶԳԱՅԻՆ | |
|սոցիալական ցանցերի և/կամ |ԿԵՆՏՐՈՆ» ՊՈԱԿ, | |
|թեժ գծի միջոցով)' անհապաղ |Հանձնաժողով | |
|արձագանքելու համար բոլոր | | |
|նոր զարգացումներին, | | |
|իրադարձություններին կամ | | |
|ապատեղեկատվությանը: | | |
._____________________________________________________________________.
Հավելված 2
ՀՀ առողջապահության նախարարի
2021 թվականի ապրիլի 1-ի
N 1069-Ա հրամանի
ԿԱԶՄ
ԿՈՐՈՆԱՎԻՐՈՒՍԱՅԻՆ ՀԻՎԱՆԴՈՒԹՅԱՆ (COVID-19) ԴԵՄ ՊԱՏՎԱՍՏՈՒՄՆԵՐԻ ԳՈՐԾԸՆԹԱՑՈՒՄ ՃԳՆԱԺԱՄԱՅԻՆ ԻՐԱՎԻՃԱԿԻ ԱՐԱԳ ԱՐՁԱԳԱՆՔՄԱՆ ՀԱՆՁՆԱԺՈՂՈՎԻ
._____________________________________________________________________.
|Հ/Հ|Անուն, ազգանուն |Պաշտոն |
|___|____________________|____________________________________________|
|1. |Արա Բաբլոյան |Արաբկիր բժշկական համալիր/Երեխաների |
| | |և դեռահասների առողջության կենտրոնի գիտական |
| | |ղեկավար (հանձնաժողովի նախագահ) |
|___|____________________|____________________________________________|
|2. |Գայանե Սահակյան |Առողջապահության նախարարության |
| | |«Հիվանդությունների վերահսկման և |
| | |կանխարգելման ազգային կենտրոն» ՊՈԱԿ-ի գլխավոր|
| | |տնօրենի տեղակալ, Իմունականխարգելման ազգային |
| | |ծրագրի ղեկավար |
|___|____________________|____________________________________________|
|3. |Աննա Չոբանյան |Իմունականխարգելման ազգային |
| | |փորձագիտական խորհրդատվական հանձնաժողովի |
| | |նախագահ, Երևանի քաղաքապետարանի «Սուրբ |
| | |Աստվածամայր» բժշկական կենտրոնի ինտենսիվ |
| | |թերապիայի բաժանմունքի վարիչ |
|___|____________________|____________________________________________|
|4. |Աննա Բալյան |Հետպատվաստումային անբարեհաջող դեպքերի |
| | |գնահատման և հետաքննման հանրապետական |
| | |հանձնաժողովի նախագահ, Երևանի պետական |
| | |բժշկական համալսարանի մանկաբուժության ամբիոնի|
| | |ասիստենտ, Երևանի պետական բժշկական |
| | |համալսարանի թիվ 1 «Հերացի» հիվանդանոցային |
| | |համալիրի գլխավոր բժշկի ամբուլատոր գծով |
| | |տեղակալ |
|___|____________________|____________________________________________|
|5. |Սարգիս Ղազարյան |ԱՆ «Սուրբ Գրիգոր Լուսավորիչ» բժշկական |
| | |կենտրոնի «Քովիդ կլինիկայի» ղեկավար |
|___|____________________|____________________________________________|
|6. |Մարինե Հովհաննիսյան |Երևանի պետական բժշկական համալսարանի |
| | |Հանրային առողջության ֆակուլտետի դեկան |
|___|____________________|____________________________________________|
|7. |Վարդուհի Պետրոսյան |Հայաստանի ամերիկյան համալսարանի Հանրային |
| | |առողջապահության ֆակուլտետի դեկան |
|___|____________________|____________________________________________|
|8. |Արման Բադալյան |Երևանի պետական բժշկական համալսարանի |
| | |համաճարակաբանության ամբիոնի ավագ դասախոս |
|___|____________________|____________________________________________|
|9. |Նունե Բաղդասարյան |ԱՆ «Սուրբ Գրիգոր Լուսավորիչ» բժշկական |
| | |կենտրոնի մանկաբուժական կլինիկայի ղեկավար |
|___|____________________|____________________________________________|
|10.|Ղազարյան Լիլիթ |Առողջապահության նախարարության «Դեղերի և |
| | |բժշկական տեխնոլոգիաների փորձագիտական |
| | |կենտրոն» ՓԲԸ տնօրենի տեղակալ |
|___|____________________|____________________________________________|
|11.|Տեր-Ստեփանյան Մերի |Երևանի պետական բժշկական համալսարանի |
| | |համաճարակաբանության ամբիոնի դոցենտ |
|___|____________________|____________________________________________|
|12.|Իրիցյան Սևան |ԵԴԱԻ «Արաբկիր» բժշկական համալիր երեխաների |
| | |և դեռահասների առողջության ինստիտուտի |
| | |լաբորատոր ծառայության ղեկավար |
._____________________________________________________________________.