| ԻՐՏԵԿ |
Սույն ակտի ուժի մեջ մտնելու ամսաթիվը անհնար է որոշել, քանի որ ակտն ընդունող մարմնի կողմից չի կատարվել «Նորմատիվ իրավական ակտերի մասին» ՀՀ օրենքի 23-րդ հոդվածի 7-րդ մասի` ընդունող մարմնի պաշտոնական կայքէջում իրավական ակտի հրապարակման օրը նշելու պահանջը: |
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐ
ՀՐԱՄԱՆ
29 հոկտեմբերի 2021 թվականի N 4170-Լ
ԿՈՐՈՆԱՎԻՐՈՒՍԱՅԻՆ ՀԻՎԱՆԴՈՒԹՅԱՆ (COVID-19) ԴԵՄ ԻՐԱԿԱՆԱՑՎՈՂ ՊԱՏՎԱՍՏՈՒՄՆԵՐԻՑ ԱՌԱՋ «ԱՐՄԵԴ» ԷԼԵԿՏՐՈՆԱՅԻՆ ԱՌՈՂՋԱՊԱՀՈՒԹՅԱՆ ՀԱՄԱԿԱՐԳՈՒՄ «ՆԱԽԱՊԱՏՎԱՍՏՈՒՄԱՅԻՆ ԶՆՆՈՒՄ» ՓԱՍՏԱԹՂԹԻ ԼՐԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
i
Հիմք ընդունելով Առողջապահության նախարարի 2020 թվականի օգոստոսի 17-ի թիվ 21-Ն հրամանի հավելվածի 64-րդ կետը, ղեկավարվելով Հայաստանի Հանրապետության վարչապետի 2018 թվականի հունիսի 11-ի թիվ 728-Լ որոշման հավելվածով հաստատված Հայաստանի Հանրապետության առողջապահության նախարարության կանոնադրության 18-րդ կետի 20-րդ ենթակետով, ինչպես նաև կորոնավիրուսային հիվանդության (COVID-19) դեմ իրականացված պատվաստումների վերաբերյալ տեղեկատվության մուտքագրման գործընթացի կանոնակարգման նպատակով,
ՀՐԱՄԱՅՈՒՄ ԵՄ
1. Հաստատել`
1) Կորոնավիրուսային հիվանդության (COVID-19) դեմ իրականացվող պատվաստումներից առաջ «Արմեդ» էլեկտրոնային առողջապահության համակարգում «Նախապատվաստումային զննում» փաստաթղթի լրացման կարգը` համաձայն հավելվածի:
2. Առաջարկել մարզպետարանների գլխավոր քարտուղարներին, Երևանի քաղաքապետարանի աշխատակազմի քարտուղար Դավիթ Համբարյանին, բժշկական օգնություն և սպասարկում իրականացնող կազմակերպությունների ղեկավարներին (համաձայնությամբ)` ապահովել.
1) սույն թվականի նոյեմբերի 8-ից կորոնավիրուսային հիվանդության (COVID-19) դեմ իրականացվող պատվաստումներից առաջ սույն հրամանի հավելվածով հաստատված «Արմեդ» էլեկտրոնային առողջապահության համակարգում «Նախապատվաստումային զննում» փաստաթղթի լրացման կարգի համաձայն տեղեկատվության մուտքագրումը:
3. Առաջարկել «էլեկտրոնային առողջապահության ազգային օպերատոր» փակ բաժնետիրական ընկերության տնօրեն Ավետ Մանուկյանին (համաձայնությամբ)` ապահովել.
1) սույն թվականի նոյեմբերի 8-ից կորոնավիրուսային հիվանդության (COVID-19) դեմ իրականացվող պատվաստումներից առաջ լրացման ենթակա «Արմեդ» էլեկտրոնային առողջապահության համակարգում «Նախապատվաստումային զննում» փաստաթղթի ներդրումը և գործարկումը` համաձայն հավելվածի:
4. Առողջապահության նախարարության հասարակայնության հետ կապերի բաժնի պետ Լիլիթ Բաբախանյանին` ապահովել.
1) սույն հրամանի տեղադրումը Առողջապահության նախարարության պաշտոնական կայքում:
5. Սույն հրամանն ուժի մեջ է մտնում հրապարակմանը հաջորդող օրվանից:
6. Սույն հրամանի կատարման հսկողությունը հանձնարարել Առողջապահության նախարարի առաջին տեղակալ Լենա Նանուշյանին:
Ա. ԱՎԱՆԵՍՅԱՆ
Հավելված
ՀՀ առողջապահության նախարարի
2021 թվականի հոկտեմբերի 29-ի
N 4170-Լ հրամանի
ԼՐԱՑՄԱՆ ԿԱՐԳ
«ԱՐՄԵԴ» ԷԼԵԿՏՐՈՆԱՅԻՆ ԱՌՈՂՋԱՊԱՀՈՒԹՅԱՆ ՀԱՄԱԿԱՐԳ ԿՈՐՈՆԱՎԻՐՈՒՍԱՅԻՆ ՀԻՎԱՆԴՈՒԹՅԱՆ (COVID-19) ԴԵՄ ԻՐԱԿԱՆԱՑՎՈՂ ՊԱՏՎԱՍՏՈՒՄՆԵՐԻՑ ԱՌԱՋ «ՆԱԽԱՊԱՏՎԱՍՏՈՒՄԱՅԻՆ ԶՆՆՈՒՄ» ՓԱՍՏԱԹՂԹԻ
1. Արմեդ էլեկտրոնային համակարգում Պատվաստում փաստաթուղթը այցի ընթացքում լրացվում է Նախապատվաստումային զննում փաստաթղթի լրացումից հետո: Նախապատվաստումային զննում» փաստաթղթի և պատվաստումների հակացուցումների լրացման համար սահմանափակում առկա չէ:
2. Միայն վերոնշյալ փաստաթուղթը պահպանելուց հետո Օրագիր բաժնում կարտացոլվի Պատվաստում փաստաթուղթը:
3. Փաստաթուղթը լրացնելու համար անհրաժեշտ է մուտքգործել համակարգ որևէ բժշկի կամ Մուտքագրող օպերատորի դերով և Այցերի կառավարում բաժնի «+» կոճակի օգնությամբ գրանցել այց:
4. Այցի գրանցման մանրամասներին կարող եք ծանոթանալ համապատասխան ուսուցողական հոլովակներում:
5. Ընտրեք պացիենտին: Այստեղ հարկավոր է լրացնել պացիենտի կողմից տրամադրած բջջային հեռախոսահամարը, պացիենտի լատինատառ անունն ու ազգանունը, եթե այն լռելյայն չի լրացվել անձնագրային բաժից:
6. Դեպքդ աշտում հարկավոր է լրացնել
1) Դեպքի տեսակը
2) Դիմելու նպատակը
3) Քարտի/Դեպքի համարը
4) Ֆինանսական աղբյուր
7. Տվյալների լրացնելուց հետո հարկավոր է սեղմել Հաստատել կոճակը:
8. Ախտորոշում, ծառայություն, ծածկույթ բաժնում պետք է լրացնել Ախտորոշումը:
9. Ախտորոշումը պետք է լրացված լինի Z23.0-Z28.9 ICD-ների միջակայքից: Նշենք նաև, որ Covid պատվաստում լրացնելիս ախտորոշումը պետք է ընտրել Z25.8: Ախտորոշումն ընտրելուց հետո հարկավոր է սեղմել Հաստատել, ապա Հիշել կոճակը:
10. Այցը պահպանելուց հետո հարկավոր է սեղմել պացիենտի անձնական տվյալների մոտ առկա խմբագրման կոճակը և բացված պատուհանում ստուգել, որ լրացված լինի պացիենտի
քաղաքացիություն տվյալը:
11. Այնուհետև հարկավոր է մուտք գործել Անձնական և բժշկական տվյալներ և բացել Բժշկական տվյալներ-ը, որից հետո հարկավոր է սեղմել ԶՆՆՈՒՄ տվյալի պլյուս կոճակը: Բացված փաստաթղթերից հարկավոր է սեղմել Նախապատվաստումային զննում տողի վրա:
12. Բացված փաստաթղթում լռելյայն լրացված արտացոլվում է պացիենտի անձնական տվյալներն ու Այցի սկիզբը:
13. Փաստաթղթում հնարավորություն ունեք լրացնելու պացիենտի առողջության հետ կապված հետևյալ տվյալները`
1) Ընդհանուր վիճակը տվյալի ներքո կարող եք լրացնել`
ա. Կայուն է-տվյալն ընտրվում է թափվող ցանկից
բ. Ակտիվ է-տվյալն ընտրվում է թափվող ցանկից
գ. Ջրազրկման նշաններ չկան- տվյալն ընտրվում է թափվող ցանկից
2) Գանգատներ
Ա. Չունի-տվյալն ընտրվում է թափվող ցանկից
3) Մաշկը և տեսանելի լորձաթաղանթները
ա. Մաքուր-տվյալն ընտրվում է թափվող ցանկից
բ. Առանց ցանավորման- տվյալն ընտրվում է թափվող ցանկից
4) Ավշային հանգույցները
ա. Չափսերը նորմայի սահմաններում -տվյալն ընտրվում է թափվող ցանկից
5) Բկանցքը
ա. Առանց ախտաբանական փոփոխությունների- տվյալն ընտրվում է թափվող ցանկից
6) Շնչառական համակարգը
ա. Առանց ախտաբանական փոփոխությունների- տվյալն ընտրվում է թափվող ցանկից
բ. պերկուտոր` պարզ թոքային հնչյուն- տվյալն ընտրվում է թափվող ցանկից
7) Սիրտանոթային համակարգը
ա. Սրտի տոները` պարզ, ռիթմիկ- տվյալն ընտրվում է թափվող ցանկից
բ. Անոթազարկը նորմալ լեցունությամբ և լարվածությամբ- տվյալն ընտրվում է թափվող ցանկից
8) Աղեստամոքսային համակարգը
ա. պալպատոր`որովայնը փափուկ, անցավ-տվյալն ընտրվում է թափվող ցանկից
9) Քրոնիկ հիվանդություններ
ա. չունի- տվյալն ընտրվում է թափվող ցանկից
10) Անամնեզում ծանր ռեակցիա պատվաստում ստանալուց հետո
ա.չունի-տվյալն ընտրվում է թափվող ցանկից
11) Մարմնի ջերմաստիճան, անութափոսում`- պարտադիր է լրացման համար: Տվյալը խմբագրելիս բացվում են հետևյալ լրացման դաշտերը`
Չափում*- տվյալն ընտրվում է թափվող ցանկից
Արժեք* - թվային լրացման դաշտ
Չափման միավոր*- դաշտը լրացվում է լռելյայն` ըստ Չափում դաշտի ընտրված տվյալի
Ամսաթիվ*- օրացույցային դաշտ Հաստատել և Չեղյալ կոճակներ: Տվյալները մուտքագրելուց հետո հարկավոր է սեղմել հաստատել կոճակը:
12) Ձախակողմյասիստոլիկ/ դիաստոլիկարյանճնշում`
պարտադիր է լրացման համար: Տվյալը խմբագրելիս բացվում են հետևյալ լրացման դաշտերը
Չափում* - տվյալն ընտրվում է թափվող ցանկից
Սիստոլիկ- թվային լարցման դաշտ
Դիաստոլիկ- թվային լարցման դաշտ
Չափմանմիավոր*- դաշտը լրացվում է լռելյայն` ըստ Չափում դաշտի ընտրված տվյալի
Ամսաթիվ* - օրացույցային դաշտ Հաստատել և Չեղյալ կոճակներ: Տվյալները մուտքագրելուց հետո հարկավոր է սեղմել հաստատել կոճակը:
13) Պացիենտը հավաստիացնում է, որ անցյալում չի ունեցել ալերգիկ ռեակցիաներ և ներկայումս նկատելի ալերգիա չունի`- լռելյայն դրված է ակտիվ թռչնանիշ:
14) Այն դեպքում, երբ պացիենտն ունի որևէ ալերգիա, ապա անհրաժեշտ է հանել թռչնանիշն ու սեղմելով Ալերգիա պլյուս կոճակը` լրացնել համապատասխան դաշտերը:
Ալերգենի տիպը*
Ռեակցիայի նկարագրություն` ICD10 *
Հիմքը`
Կարգավիճակ`
Սկիզբ` Ավարտ`
Համընդհանուր անվանում
15) Հակացուցումներ պատվաստումն իրականացնելու համար
առկա չեն --տվյալն ընտրվում է թափվող ցանկից
14. Բոլոր անհրաժեշտ տվյալները լրացնելուց հետո հարկավոր է սեղմել Հիշել կոճակը:
15. Փաստաթուղթը հնարավոր է խմբագրել միայն այն դեպքում, քանի դեռ լրացված չէ Պատվաստում փաստաթուղթը:
16. Այն դեպքում, երբ պացիենտի համար հակացուցումներ առկա չեն, ապա Օրագիր բաժնում կարտացոլվի Պատվաստաում փաստաթուղթը
17. Բացված փաստաթղթում հարկավոր է լրացնել հետևյալ դաշտերը`
18. Նախ և առաջ պետք է Պատվաստման կարգավիճակի թափվող ցանկից ընտրել Պատվաստումը պլանավորվել է տվյալը,
5) Պատվաստման տիպը* - տվյալն ընտրվում է թափվող ցանկից
6) Պլանավորման ամսաթիվ- օրացույցային դաշտ, հարկավոր է նշել այն օրը, երբ պացիենտը պետք է մոտենա պատվաստումը ստանալու
7) Պատվաստման նշանակման հիմնավորում* -տվյալն ընտրվում է թափվող ցանկից
8) Բրենդային անուն*-- տվյալն ընտրվում է թափվող ցանկից
9) Համընդհանուր անվանում`- լռելյայն լրացվում է բրենդային անվանումն ընտրելուց հետո
10) Ընդունման եղանակ`- տվյալն ընտրվում է թափվող ցանկից
11) Դեղաձև*, Դեղաչափ/Կոնցենտրացիա*- լռելյայն լրացվում է բրենդայի նանվանումն ընտրելուց հետո
19. Մասնակիցներ բաժնում անհրաժեշտ է լրացնել պատվաստման գործընթացի հետ առնչվող տեղամասային բուժքրոջ, իմուն կանխարգելման կաբինետի բժշկի և իմունկանխարգելման կաբինետի բուժքրոջ տվյալները: Դա անելու համար հարկավոր է լրացնել Մասնակիցներ բաժնում առկա հետևյալ դաշտերը`
1) Բուժհաստատության անվանումը- տվյալը լրացվում է լռելյայն` ըստ լրացնող հաստատության անվան
2) Ստորաբաժանում- տվյալն ընտրվում է թափվող ցանկից
3) Մասնագիտացում-տվյալն ընտրվում է թափվող ցանկից
4) Աշխատակից-տվյալն ընտրվում է թափվող ցանկից
Բոլոր անհրաժեշտ տվյալները լրացնելուց հետո հարկավոր է պահպանել փաստաթուղթը` սեղմելով Հիշել կոճակը: Պատվաստանյութը պացիենտին տրամադրելուց հետո մուտքագրող օպերատորը կամ առաջնային օղակի բժիշկը պետք է Այցերի կառավարում ֆորմայում որոնի և գտնի պլանավորված այցն ու Պատվաստում փաստաթղթում կարգավիճակ փոփոխելով լրացնի Պատվաստումը կատարվել է և նշվի պատվաստման կատարման ամսաթիվը:
20. Եթե Բրենդային անուն տվյալի ներքո, երբ ընտրվում է այնպիսի պատվաստանյութ, որն առկա չէ պահեստում, ապա արտացոլվում է հետևյալ հաղորդագրությունը`«Տվյալ պատվաստանյութը առկա չէ պահեստում!!!» որի դեպքում հարկավոր է սեղմել Պատվիրել կոճակը:
