ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՈՐՈՇՈՒՄ
1 դեկտեմբերի 2020 թվականի թիվ 199-Ն
2020-2021 ԹՎԱԿԱՆՆԵՐԻ ՀՈՒՇԱԴՐԱՄՆԵՐԻ ԹՈՂԱՐԿՄԱՆ ԾՐԱԳՐՈՎ ՆԱԽԱՏԵՍՎԱԾ «ՍՈՒՐԲ ԷՋՄԻԱԾՆԻ ՄԱՅՐ ՏԱՃԱՐ» ԱՐԾԱԹԵ ՀՈՒՇԱԴՐԱՄԸ ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ԵՎ ԴՐԱ ՆԿԱՐԱԳՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ
i
Հիմք ընդունելով «Հայաստանի Հանրապետության կենտրոնական բանկի մասին» օրենքի 2-րդ հոդվածի 3-րդ մասը, 20-րդ հոդվածի 1-ին մասի «է» կետը, 40-րդ հոդվածը,
ղեկավարվելով «Նորմատիվ իրավական ակտերի մասին» օրենքի դրույթներով` Հայաստանի Հանրապետության կենտրոնական բանկի խորհուրդը որոշում է.
1. 2020 թվականի դեկտեմբերի 21-ից շրջանառության մեջ դնել «Սուրբ Էջմիածնի Մայր Տաճար» արծաթե հուշադրամը:
2. Հաստատել սույն որոշման 1-ին կետով սահմանված հուշադրամի նկարագրությունը, որը էսքիզների հետ միասին ներկայացված է սույն որոշման Հավելվածում (կցվում է):
3. Սույն որոշումն ուժի մեջ է մտնում պաշտոնական հրապարակման օրվան հաջորդող օրը:
Հայաստանի Հանրապետության
կենտրոնական բանկի նախագահ Մ. Գալստյան
2020 թ. դեկտեմբերի 4
Երևան
Հավելված
Հաստատված է
ՀՀ կենտրոնական բանկի խորհրդի
2020 թվականի դեկտեմբերի 1-ի
թիվ 199-Ն որոշմամբ
ՆԿԱՐԱԳՐՈՒԹՅՈՒՆ
«Սուրբ Էջմիածնի Մայր Տաճար» արծաթե հուշադրամի
Հուշադրամի դիմերեսին պատկերված է Սուրբ Էջմիածնի Մայր Տաճարը: Տաճարի վերևում հայկական այբուբենի «Է» տառն է, ներքևում` հուշադրամի անվանական արժեքը` «30100 ԴՐԱՄ DRAM», իսկ տաճարից աջ` հուշադրամի թողարկման տարեթիվը` 2020: Մակագրություններն են` «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» և «REPUBLIC OF ARMENIA»:
Հուշադրամի դարձերեսին Մայր Աթոռ Սուրբ Էջմիածնի խորանն է` գմբեթի ներսի հատվածի ֆոնին: Մակագրություններն են` «ՍՈՒՐԲ ԷՋՄԻԱԾՆԻ ՄԱՅՐ ՏԱՃԱՐ», «MOTHER CATHEDRAL OF HOLY ETCHMIADZIN» և «301 303»:
Տեխնիկական չափանիշները
Անվանական արժեքը 30100 դրամ
Մետաղը/հարգը արծաթ 9990
Տրամագիծը 100,0 մմ
Քաշը 1000,0 գ
Որակը պրուֆ
Դրամաշուրթը ընդհատվող ատամնավոր, համարակալված
Քանակը 301 հատ
Նախագծի հեղինակն է «CIT Coin Invest AG» ընկերությունը, Լիխտենշտեյն:
Հուշադրամը հատվել է «B. H. Mayer» դրամահատարանում, Գերմանիա:
«Սուրբ Էջմիածնի Մայր Տաճար» արծաթե հուշադրամի դիմերեսի և դարձերեսի էսքիզները
________________________
ԻՐՏԵԿ - էսքիզները չեն բերվում
Պաշտոնական հրապարակման օրը` 10 դեկտեմբերի 2020 թվական: