ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
10 դեկտեմբերի 2020 թվականի N 2039-Ա
ԳՈՒՅՔ ՀԵՏ ՎԵՐՑՆԵԼՈՒ, ԱՄՐԱՑՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2020 ԹՎԱԿԱՆԻ ՀՈԿՏԵՄԲԵՐԻ 6-Ի N 1644-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
i
Հիմք ընդունելով «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 5-րդ և 7-րդ մասերը և «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասը` Հայաստանի Հանրապետության կառավարությունը որոշում է.
1. Հայաստանի Հանրապետության սեփականությունը հանդիսացող, Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեին ամրացված 4 միավոր տրանսպորտային միջոցները հետ վերցնել և ամրացնել Հայաստանի Հանրապետության պաշտպանության նախարարությանը` համաձայն հավելվածի:
2. Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահին և Հայաստանի Հանրապետության պաշտպանության նախարարին`
1) սույն որոշումն ուժի մեջ մտնելուց հետո մեկամսյա ժամկետում Հայաստանի Հանրապետության օրենսդրությամբ սահմանված կարգով ապահովել սույն որոշման հավելվածում նշված տրանսպորտային միջոցների հանձնման-ընդունման աշխատանքների կատարումը.
2) սույն կետի 1-ին ենթակետում նշված աշխատանքների ավարտից հետո մեկամսյա ժամկետում ապահովել սույն որոշման հավելվածում նշված տրանսպորտային միջոցների` Հայաստանի Հանրապետության օրենսդրությամբ սահմանված կարգով հաշվառումը` դրա հետ կապված ծախսերն իրականացնելով Հայաստանի Հանրապետության պաշտպանության նախարարության միջոցների հաշվին:
i
3. Ուժը կորցրած ճանաչել Հայաստանի Հանրապետության կառավարության 2020 թվականի հոկտեմբերի 6-ի «Անհատույց օգտագործման իրավունքով գույք հանձնելու մասին» N 1644-Ա որոշման 1-ին կետը:
4. Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահին` սույն որոշումն ուժի մեջ մտնելուց հետո մեկամսյա ժամկետում «Այրվածքաբանության ազգային կենտրոն» փակ բաժնետիրական ընկերության տնօրենի հետ կնքել 2020 թվականի հոկտեմբերի 13-ին կնքված շարժական գույքի անհատույց օգտագործման N 02/2020 պայմանագրում սույն որոշման 3-րդ կետից բխող համաձայնագիր:
Հայաստանի Հանրապետության
վարչապետ Ն. Փաշինյան
2020 թ. դեկտեմբերի
Երևան
Հավելված
ՀՀ կառավարության
2020 թվականի դեկտեմբերի 10-ի
N 2039-Ա որոշման
ՑԱՆԿ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆՆ ԱՄՐԱՑՎՈՂ ՏՐԱՆՍՊՈՐՏԱՅԻՆ ՄԻՋՈՑՆԵՐԻ
._________________________________________________________________________.
|NN |Մակնիշը |Նախկին |Թողարկ-|Նույնացման համարը|Սկզբնական |Հաշվեկշռա-|
|ը/կ| |պետական |ման տա-| |արժեքը |յին արժեքը|
| | |համարա- |րեթիվը | |(դրամ) |(դրամ) |
| | |նիշը | | | |01.10. |
| | | | | | |2020 թ. |
| | | | | | |դրությամբ |
|___|___________|_________|_______|_________________|__________|__________|
|1. |VAZ 212140-|154 BB 01|2015 թ.|X6D212140F9001782|6 736 740 |3 503 105 |
| |0000070-20 | | | | | |
| |BRONTO | | | | | |
|___|___________|_________|_______|_________________|__________|__________|
|2. |VAZ 212140-|152 BB 01|2015 թ.|X6D212140F9001777|6 838 680 |3 556 114 |
| |0000070-20 | | | | | |
| |BRONTO | | | | | |
|___|___________|_________|_______|_________________|__________|__________|
|3. |VAZ 212140-|132 BB 01|2015 թ.|X6D212140F9001756|6 838 680 |3 556 114 |
| |0000070-20 | | | | | |
| |BRONTO | | | | | |
|___|___________|_________|_______|_________________|__________|__________|
|4. |UAZ PATRIOT|153 BB 01|2015 թ.|XTT236320F1048461|7 477 640 |2 542 398 |
| |2.7 L | | | | | |
._________________________________________________________________________.