ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
6 օգոստոսի 2021 թվականի N 1301-Ա
ՄԵԿ ԱՆՁԻՑ ԳՆՄԱՆ ԸՆԹԱՑԱԿԱՐԳՈՎ ԳՆՄԱՆ ԳՈՐԾԸՆԹԱՑ ԿԱԶՄԱԿԵՐՊԵԼՈՒ ՄԱՍԻՆ
i
Հիմք ընդունելով «Գնումների մասին» Հայաստանի Հանրապետության օրենքի 23-րդ հոդվածի 1-ին մասի 2-րդ կետը, Հայաստանի Հանրապետության կառավարության 2017 թվականի մայիսի 4-ի N 526-Ն որոշման 1-ին կետով հաստատված` գնումների գործընթացի կազմակերպման կարգի 3-րդ կետը, 23-րդ կետի 5-րդ ենթակետի «բ» պարբերության պահանջները` Հայաստանի Հանրապետության կառավարությունը որոշում է.
1. Անհետաձգելի համարել Հայաստանի Հանրապետության վերաքննիչ քաղաքացիական դատարանի վարչական շենքի աշխատասենյակների ձևափոխման և սանհանգույցների նորոգման շինարարական աշխատանքների գնման կարիքը:
2. Թույլատրել Դատական դեպարտամենտին Հայաստանի Հանրապետության վերաքննիչ քաղաքացիական դատարանի վարչական շենքի աշխատասենյակների ձևափոխման և սանհանգույցների նորոգման շինարարական աշխատանքների կատարումը ձեռք բերել մեկ անձից գնման ընթացակարգով:
3. Սահմանել, որ սույն որոշման հավելվածում նշված աշխատանքները` 7487500 (յոթ միլիոն չորս հարյուր ութսունյոթ հազար հինգ հարյուր) դրամ արժեքով, ձեռք են բերվում «Գնումների մասին» Հայաստանի Հանրապետության օրենքի 23-րդ հոդվածի 1-ին մասի 2-րդ կետի հիման վրա` չկիրառելով Հայաստանի Հանրապետության կառավարության 2017 թվականի մայիսի 4-ի N 526-Ն որոշմամբ հաստատված կարգի 21-րդ կետի 1-ին ենթակետի «դ» պարբերության երկրորդ նախադասության, 71-րդ կետի 1-ին ենթակետի «ա» պարբերության, ինչպես նաև Հայաստանի Հանրապետության կառավարության 2017 թվականի ապրիլի 6-ի N 386-Ն որոշման 2-րդ կետի 1-ին ենթակետի պահանջները:
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
վարչապետ Ն. Փաշինյան
2021 թ. օգոստոսի
Երևան
Հավելված
ՀՀ կառավարության
2021 թվականի օգոստոսի 6-ի
N 1301-Ա որոշման
ՑԱՆԿ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ՔԱՂԱՔԱՑԻԱԿԱՆ ԴԱՏԱՐԱՆԻ ՎԱՐՉԱԿԱՆ ՇԵՆՔԻ ԱՇԽԱՏԱՍԵՆՅԱԿՆԵՐԻ ՁԵՎԱՓՈԽՄԱՆ ԵՎ ՍԱՆՀԱՆԳՈՒՅՑՆԵՐԻ ՆՈՐՈԳՄԱՆ ԱՇԽԱՏԱՆՔՆԵՐԻ ԿԱՏԱՐՄԱՆ ՆՊԱՏԱԿՈՎ ՀԱՏԿԱՑՎԱԾ ՄԻՋՈՑՆԵՐԻ ՇՐՋԱՆԱԿՆԵՐՈՒՄ ԱՇԽԱՏԱՆՔՆԵՐԻ ՁԵՌՔԲԵՐՄԱՆ
._____________________________________________________________________.
|NN |Գնման առարկայի |Աշխատանքային նախագծի|Աշխատանքային |
|ը/կ|անվանումը |Գիրք 2-ի Ծավալաթերթ-|նախագծի Գիրք 2-ի|
| | |նախահաշվով սահմանված|Ծավալաթերթ- |
| | |գումարը (դրամ) |նախահաշվից |
| | | |առանձնացված |
| | | |և անհետաձգելի |
| | | |համարվող |
| | | |աշխատանքների |
| | | |գումարը (դրամ) |
|___|___________________________|____________________|________________|
|1. |ՀՀ վերաքննիչ քաղաքացիական |16084940 (տասնվեց |7487500 (յոթ |
| |դատարանի վարչական շենքի |միլիոն ութսունչորս |միլիոն չորս |
| |աշխատասենյակների ձևափոխման |հազար ինը հարյուր |հարյուր ութսուն-|
| |և սանհանգույցների նորոգման|քառասուն) |յոթ հազար հինգ |
| |աշխատանքներ | |հարյուր) |
|___|___________________________|____________________|________________|
| |Ընդամենը | |7487500 |
._____________________________________________________________________.