ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐ
ՀՐԱՄԱՆ
4 օգոստոսի 2025 թվականի N 87-Ն
ԱՈՐՏԱՅԻ ԱՆԵՎՐԻԶՄԱՅՈՎ ԵՎ ՇԵՐՏԱԶԱՏՈՒՄՈՎ ՊԱՑԻԵՆՏԻ ՎԱՐՄԱՆ ԳՈՐԾԵԼԱԿԱՐԳԸ ՀԱՍՏԱՏԵԼՈՒ ՄԱՍԻՆ
(1-ին մաս)
i
Հիմք ընդունելով «Բնակչության բժշկական օգնության և սպասարկման մասին» օրենքի 2-րդ հոդվածի 1-ին մասի 31-րդ կետը`
Հրամայում եմ
1. Հաստատել աորտայի անևրիզմայով և շերտազատումով պացիենտի վարման գործելակարգը` համաձայն հավելվածի:
2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:
Պարտականությունները կատարող` Ա. Ջումայան
04.08.2025
Հավելված
ՀՀ առողջապահության նախարարի
2025 թվականի օգոստոսի 4-ի
N 87-Ն հրամանի
ԳՈՐԾԵԼԱԿԱՐԳ ԱՈՐՏԱՅԻ ԱՆԵՎՐԻԶՄԱՅՈՎ ԵՎ ՇԵՐՏԱԶԱՏՈՒՄՈՎ ՊԱՑԻԵՆՏԻ ՎԱՐՄԱՆ
1. Նոզոլոգիաների խումբ` ըստ հիվանդությունների և առողջության հետ կապված խնդիրների վիճակագրական 10-րդ վերանայման դասակարգչի.
._____________________________________________________________________.
|Հ/Հ|Կոդը |Անվանում |
|___|_________|_______________________________________________________|
|1) |I71 |Աորտայի անևրիզմա և շերտազատում |
|___|_________|_______________________________________________________|
|2) |I71.0 |Աորտայի շերտազատում |
|___|_________|_______________________________________________________|
|3) |I71.01 |Կրծքային աորտայի շերտազատում |
|___|_________|_______________________________________________________|
|4) |I71.010 |Վերել աորտայի շերտազատում |
|___|_________|_______________________________________________________|
|5) |I71.011 |Աորտայի աղեղի շերտազատում |
|___|_________|_______________________________________________________|
|6) |I71.1 |Աորտայի կրծքային հատվածի անևրիզմա` պատռվածքով |
|___|_________|_______________________________________________________|
|7) |I71.11 |Վերել աորտայի անևրիզմա` պատռվածքով |
|___|_________|_______________________________________________________|
|8) |I71.12 |Աորտայի աղեղի անևրիզմա` պատռվածքով |
|___|_________|_______________________________________________________|
|9) |I71.2 |Աորտայի կրծքային հատվածի անևրիզմա` առանց պատռվածքի |
| | |մատնանշման |
|___|_________|_______________________________________________________|
|10)|I71.21 |Վերել աորտայի անևրիզմա` առանց պատռվածքի մատնանշման |
|___|_________|_______________________________________________________|
|11)|I71.22 |Աորտայի աղեղի անևրիզմա` առանց պատռվածքի մատնանշման |
._____________________________________________________________________.
2. Նոզոլոգիաների խումբը կիրառելի է` ըստ սույն հավելվածով սահմանված Ձև 1-ի.
Ձև 1
._____________________________________________________________________.
|1) |Տարիքային խումբ |Դեռահաս, մեծահասակ |
| |(նորածին, երեխա, | |
| |դեռահաս, մեծահասակ)| |
|___|___________________|_____________________________________________|
|2) |Սեռ (արական, |Արական, իգական |
| |իգական) | |
|___|___________________|_____________________________________________|
|3) |Բարդություններ |ԱԲ, Բ |
| |(առանց բարդություն-| |
| |ների (ԱԲ), | |
| |բարդություններով | |
| |(Բ)) | |
|___|___________________|_____________________________________________|
|4) |Հիվանդության փուլը |1. Ըստ կլինիկական դասակարգման տարբերում են |
| |(նկարագրել) |աորտայի շերտազատման հետևյալ տեսակները` |
| | |1) սուր (մինչև 14 օր). |
| | |2) ենթասուր (15-90 օր). |
| | |3) քրոնիկ (91 օր և ավել): |
| | |2. Պայմանավորված շերտազատման տեղակայմամբ և |
| | |տարածվածությամբ, կլինիկական պրակտիկայում |
| | |լայնորեն կիրառվում են հետևյալ դասակարգման |
| | |համակարգերը` |
| | |1) De-Bakey (Դե-Բեկեյ) դասակարգում. |
| | |ա. Տիպ I` շերտազատումն ընդգրկում է վերել |
| | |աորտան, աորտայի աղեղը, ինչպես նաև կարող է |
| | |ընդգրկել վայրէջ կրծքային աորտան ու |
| | |որովայնային աորտան` ախտահարման տարբեր |
| | |տարածվածությամբ, |
| | |բ. Տիպ II` շերտազատումն ընդգրկում է միայն |
| | |վերել աորտան, |
| | |գ. Տիպ IIIa` շերտազատումն ընդգրկում է վայրէջ |
| | |կրծքային աորտան: |
| | |Կարող է ռետրոգրադ տարածվել դեպի աորտայի աղեղ,|
| | |դ. Տիպ IIIb` շերտազատումն ընդգրկում է վայրէջ |
| | |կրծքային աորտան, ինչպես նաև որովայնային |
| | |աորտան և զստային զարկերակները: Կարող է |
| | |ռետրոգրադ տարածվել դեպի աորտայի աղեղ: |
| | |2) Stanford (Սթանֆորդ) դասակարգում. |
| | |ա. Տիպ A` շերտազատումն ընդգրկում է վերել |
| | |աորտան, աորտայի աղեղի և վայրէջ աորտային |
| | |ընդգրկումով կամ առանց ընդգրկման, |
| | |բ. Տիպ B` շերտազատումն ընդգրկում է կրծքային |
| | |վայրէջ աորտան և կարող է տարածվել աորտայի |
| | |հեռակա հատվածներ, |
| | |գ. Տիպ non A non B` շերտազատումն ընդգրկում է |
| | |աորտայի աղեղը և կարող է տարածվել դեպի վայրէջ|
| | |կրծքային աորտա և աորտայի հեռակա հատվածներ, |
| | |բայց ոչ վերել աորտա: |
| | |3. Ներկայումս աստիճանաբար կիրառություն է |
| | |ստանում TEM (ՏԵՄ) դասակարգումը, որի հիմքում |
| | |ընկած են շերտազատման տիպը` ըստ Stanford |
| | |(Սթանֆորդ) դասակարգման, շերտազատման մուտքի |
| | |(ինտիմայի պատռվածք) տեղակայումը և |
| | |մալպերֆուզիայի ռադիոլոգիական և կլինիկական |
| | |դրսևորումների առկայությունը: |
| | |4. Աորտայի իրական անևրիզման իրենից |
| | |ներկայացնում է աորտայի մշտական տեղայնացված |
| | |լայնացում, որը գերազանցում է նորմալ |
| | |տրամագիծը` 50 և ավելի տոկոսով կամ նորմալ |
| | |միջին տրամագիծը` 2 և ավելի ստանդարտ |
| | |շեղումներով, պարփակված է աորտայի պատով, որը |
| | |պարունակում է բոլոր 3 շերտերը` ինտիմիա, մեդիա|
| | |և ադվենտիցիա: |
| | |5. Ըստ պատճառագիտության բաժանվում է հետևյալ |
| | |ենթախմբերի` |
| | |1) բնածին կամ զարգացման. |
| | |2) դեգեներատիվ. |
| | |3) քրոնիկ հետտրավմատիկ. |
| | |4) բորբոքային. |
| | |5) ինֆեկցիոն. |
| | |6) մեխանիկական. |
| | |7) հետվիրահատական (հետբերանակցումային): |
|___|___________________|_____________________________________________|
|5) |Բժշկական օգնության |Հիվանդանոցային պայմաններում |
| |և սպասարկման | |
| |պայմանները | |
| |(բժշկական կազմակեր-| |
| |պությունից դուրս, | |
| |արտահիվանդանոցային | |
| |պայմաններում, | |
| |ցերեկային | |
| |ստացիոնարի | |
| |պայմաններում, | |
| |հիվանդանոցային | |
| |պայմաններում) | |
|___|___________________|_____________________________________________|
|6) |Բժշկական օգնության |1. Աորտայի Stanford (Սթանֆորդ) տիպ A սուր |
| |և սպասարկման |շերտազատման վիրահատական բուժումը բացառապես |
| |ծառայությունների |իրականացվում է անհետաձգելի ձևով: |
| |մատուցման ձևը |2. Աորտայի քրոնիկ շերտազատման վիրահատական |
| |(շտապ, անհետաձգելի,|բուժումը կարող է իրականացվել շտապ կամ |
| |պլանային) |պլանային ձևով` կախված հեմոդինամիկ |
| | |կայունության աստիճանից: |
| | |3. Աորտայի չբարդացած անևրիզմայի վիրահատական |
| | |բուժումը գլխավորապես իրականացվում է պլանային |
| | |ձևով: |
|___|___________________|_____________________________________________|
|7) |Կիրառման շրջանակը |Սրտային վիրաբույժ, սրտաբան: |
| |(նշել մասնագետների | |
| |շրջանակը) | |
|___|___________________|_____________________________________________|
|8) |Գանգատներ |1. Կլինիկական պատկերը խիստ տարբեր է, կարող է |
| | |լինել ասիմպտոմատիկ կամ տարբեր |
| | |դրսևորումներով` պայմանավորված այս կամ այն |
| | |օրգան-համակարգերի մալպերֆուզիայով, ընդհուպ |
| | |հանկարծամահություն` սուր աորտալ |
| | |անբավարարության, սրտամկանի սնուցման սուր |
| | |խանգարման կամ աորտայի պատռման հետևանքով: |
| | |2. Պացիենտների մեծ մասը հիմնականում ասիմպ- |
| | |տոմատիկ են վերջինիս հայտնաբերման ժամանակ, |
| | |և անևրիզմայի հայտնաբերումը տեղի է ունենում |
| | |այլ օրգան-համակարգերի խնդիրների դեպքում |
| | |հետազոտության ժամանակ` պատահականորեն: |
| | |Կլինիկական ախտանիշների ի հայտ գալը |
| | |հիմնականում պայմանավորված է անևրիզմայի |
| | |չափերի մեծացմամբ` հարակից կառուցվածքների |
| | |ճնշման հետևանքով: Վերել աորտայի անևրիզման, |
| | |որն ընդգրկում է աորտայի օղը, կարող է |
| | |դրսևորվել աորտալ անբավարարության պատկերով: |
| | |Աորտայի աղեղի անևրիզման կարող է արտահայտվել |
| | |մեջքի և ծնոտի ցավով: Ձայնի խռպոտության |
| | |առաջացումը պայմանավորված է հետադարձ |
| | |կոկորդային նյարդի գրգռմամբ: Կարող են զարգանալ|
| | |ստրիդոր` շնչափողի ճնշման, դիսֆագիա` |
| | |կերակրափողի ճնշման, շնչարգելություն` թոքի |
| | |դրունքի սեղման, ինչպես նաև մարմնի վերին կեսի|
| | |պլետորա և այտուց` վերին սիներակի ճնշման |
| | |հետևանքով: |
| | |3. Stanford (Սթանֆորդ) տիպ A աորտայի սուր |
| | |շերտազատման դեպքում կլինիկական դրսևորումները |
| | |տատանվում են լայն սահմաններում: Որոշ պացիենտ-|
| | |ների մոտ բնորոշ է ասիմպտոմատիկ սկիզբը, |
| | |բայց մեծամասամբ բնութագրվում է կրծքավանդակում|
| | |հյուծող ցավի առաջացմամբ, որը կարող է ունենալ |
| | |տեղակայման միգրացիա` պայմանավորված |
| | |շերտազատման տարածումով: |
| | |4. Վերել աորտայի շերտազատման դեպքում, որն |
| | |ընդգրկում է աորտայի օղը, կարող է դիտվել սուր |
| | |աորտալ անբավարարության կլինիկական պատկեր: |
| | |Հիմնական շրջանառող արյան ծավալի ուղղումը դեպի|
| | |կեղծ լուսանցք հանգեցնում է հիպովոլեմիկ շոկի |
| | |և տարբեր օրգան-համակարգերի մալպերֆուզիայի: |
| | |Մասնավորապես, խիստ ծանր բարդություն է |
| | |հանդիսանում մեզենտերիալ մալպերֆուզիան, որը |
| | |մեծացնում է հետվիրահատական մահացությունը 43 |
| | |և ավելի տոկոսով: Կորոնար մալպերֆուզիան ևս |
| | |հանդիսանում է մեկ այլ ծանր բարդություն, |
| | |մեծացնելով ներ- և հետվիրահատական |
| | |մահացությունը 40 և ավելի տոկոսով: |
| | |Կենտրոնական նյարդային համակարգում |
| | |արյունահոսքի խանգարումը հանգեցնում է |
| | |նյարդաբանական տարբեր խանգարումների զարգացման:|
| | |5. Զարկերակային գերճնշումը և |
| | |հաճախասրտությունը հիմնականում պայմանավորված |
| | |են ցավային շոկի հետևանքով կատեխոլամինների |
| | |ձերբազատմամբ: Թերճնշումը (հիպոտենզիան) և |
| | |տախիկարդիան առավել բնորոշ են շերտազատված |
| | |հատվածի պատռմանը և սրտի տամպոնադայի |
| | |առաջացմանը, որն էլ հանդիսանում է |
| | |հանկարծամահության հիմնական պատճառը: |
|___|___________________|_____________________________________________|
|9) |Անամնեզ |1. Աորտայի անևրիզման և շերտազատումն առավել |
| | |հաճախ հանդիպում են 60 և ավելի բարձր տարիքի |
| | |անձանց շրջանում: Երկարատև չկառավարվող |
| | |զարկերակային ճնշման անամնեզը նախատրամադրող է |
| | |աորտայի պատի թուլացման և անևրիզմայի ու |
| | |շերտազատման առաջացման համար: Կոկայինի |
| | |օգտագործումը, որը ևս բերում է զարկերակային |
| | |գերճնշման և անոթասեղման առաջացման, կարող է |
| | |հանգեցնել աորտայի սուր շերտազատման: Որոշ |
| | |պացիենտներ ունեն Մարֆանի սինդրոմ, որոշների |
| | |մոտ անևրիզման և շերտազատումը ի հայտ են |
| | |գալիս հղիության ընթացքում: Որոշները |
| | |անամնեզում ունեն աորտայի կոարկտացիա` շտկված |
| | |կամ չշտկված, կամ նախկինում կատարված աորտալ |
| | |փականի վիրահատություն: |
| | |2. Երբեմն աորտայի անևրիզման և շերտազատումը |
| | |հանդիպում են Տերների, Լոյս-Դիցի, Էհլերս- |
| | |Դանլոսի և Նունանի համախտանիշների դեպքում: |
| | |Այս համախտանիշներով պացիենտների շրջանում |
| | |աորտայի ախտաբանությունը հանդիպում է ավելի |
| | |երիտասարդ հասակում, հիմնականում տեղակայվում է|
| | |վերել աորտայում և անամնեզում գրեթե չի |
| | |հանդիպում զարկերակային գերճնշումը: Ոչ |
| | |սիմտոմատիկ ընտանեկան կրծքային աորտայի |
| | |անևրիզմայով պացիենտների շրջանում |
| | |ախտաբանությունը հանդիպում է ավելի երիտասարդ |
| | |հասակում, քան սպորադիկ դեպքերի ժամանակ, բայց |
| | |ավելի մեծ տարիքում, քան Մարֆանի և Լոյս-Դիցի |
| | |համախտանիշների դեպքում: |
|___|___________________|_____________________________________________|
|10)|Զննման արդյունք/ |1. Աորտայի սուր շերտազատումը կյանքին |
| |Ցուցում |սպառնացող իրավիճակ է, որը պահանջում է |
| | |անհետաձգելի գնահատում և բուժում: |
| | |2. Վերել աորտայի, աորտայի աղեղի շերտազատումը |
| | |որոշ դեպքերում կարող է ընթանալ առանց |
| | |ախտանշանների ի հայտ գալու: Ախտանշանները կարող|
| | |են պայմանավորված լինել հիպովոլեմիկ շոկով |
| | |(թերճնշում, հաճախասրտություն), որը կարող է |
| | |պայմանավորված լինել մեծ քանակով արյան անցմամբ|
| | |կեղծ լուսանցքից դեպի պերիաորտալ հյուսվածքներ |
| | |և սրտի տամպոնադայով: Տարբեր ախտանշաններ |
| | |կարող են առաջանալ պայմանավորված այս կամ այն |
| | |օրգան-համակարգերի մալպերֆուզիայով: Աորտայի |
| | |աղեղի ճյուղերով արյունահոսքի խանգարման |
| | |դեպքում կարող է դիտվել գլխուղեղի արյան |
| | |շրջանառության սուր խանգարման կլինիկական |
| | |դրսևորումներ: Վերին և ստորին վերջույթների |
| | |արյունահոսքի խանգարման դեպքում կարող է դիտվել|
| | |վերջույթների սառնություն, գունատություն, |
| | |թմրածություն, անոթազարկի բացակայություն: |
| | |Երիկամների մալպերֆուզիան կարող է հանգեցնել |
| | |սակավամիզության (օլիգուրայի) և անմիզության |
| | |(անուրիայի): Վերել աորտայի, աորտայի աղեղի |
| | |անևրիզմայի դեպքում զննման արդյունքում |
| | |ախտանշաններ կարող են չհայտնաբերվել: Եթե |
| | |աորտայի անևիզման կամ շերտազատումն ընդգրկում |
| | |է աորտալ օղը և առկա է աորտալ |
| | |անբավարարություն, ապա աորտայի լսման կետում |
| | |կհայտնաբերվի դիաստոլիկ աղմուկ: Աորտայի աղեղի |
| | |անևրիզմայի դեպքում հետադարձ կոկորդային |
| | |նյարդի գրգռման հետևանքով կարող է դիտվել |
| | |ձայնի խռպոտություն, վերին սիներակի ճնշման |
| | |հետևանքով մարմնի վերին կեսի այտուց: |
| | |Պուլսացնող զանգվածի առկայություն որովայնի |
| | |առաջային պատին կարող է դիտվել թորակոաբդոմինալ|
| | |անևիզմայի դեպքում: |
|___|___________________|_____________________________________________|
|11)|Հոսպիտալացման |1. Stanford (Սթանֆորդ) տիպ A աորտայի սուր և |
| |ցուցում |քրոնիկ շերտազատման դեպքում առկա է վիրահատական|
| | |միջամտության ցուցում: |
| | |2. Առանց վերել աորտայի ընդգրկման աորտայի |
| | |աղեղի քրոնիկ շերտազատման դեպքում |
| | |վիրահատություն ցուցված է, երբ աորտայի |
| | |տրամագիծը հավասար է կամ գերազանցում է 5.5 սմ |
| | |կամ ախտանշանների առկայության պարագայում` |
| | |անկախ աորտայի տրամագծից: |
| | |3. Վերել աորտայի անևրիզմայի վիրահատական |
| | |բուժման ցուցումներն են` |
| | |1) աորտայի տրամագիծը մեծ կամ հավասար է 5.5 սմ|
| | |կամ ավելի փոքր տրամագծի պարագայում, երբ |
| | |առկա է տրամագծի աճ տարեկան 3 մմ և ավելի. |
| | |2) ախտանշանների առկայության դեպքում` անկախ |
| | |աորտայի տրամագծից. |
| | |3) աորտայի տրամագիծը մեծ կամ հավասար է 5.0 սմ|
| | |և առկա է Մարֆանի համախտանիշ. |
| | |4) աորտայի տրամագիծը մեծ կամ հավասար է 4.5 սմ|
| | |և առկա է TGFBR1 կամ TGFBR2 գեների |
| | |մուտացիայով պայմանավորված Լոյս-Դիցի |
| | |համախտանիշ. |
| | |5) աորտայի տրամագիծը մեծ կամ հավասար է 5.0 սմ|
| | |և առկա է երկփեղկ աորտալ փական. |
| | |6) աորտայի տրամագիծը մեծ կամ հավասար է 4.5 սմ|
| | |և առկա է աորտալ փականի վիրահատության |
| | |ցուցում. |
| | |7) աորտայի տրամագիծը մեծ կամ հավասար է 5.0 սմ|
| | |և առկա է ոչ աորտալ փականային սրտի |
| | |վիրահատության ցուցում: |
| | |4. Աորտայի աղեղի անևրիզմայի դեպքում |
| | |վիրահատություն ցուցված է, երբ աորտայի |
| | |տրամագիծը մեծ կամ հավասար է 5.5 սմ, կամ |
| | |ախտանշանների առկայության պարագայում անկախ |
| | |աորտայի տրամագծից: |
| | |5. Վերել աորտայի, աորտայի աղեղի անևրիզմայի |
| | |պատռվածքի պարագայում առկա է անհետաձգելի |
| | |վիրահատության ցուցում: |
._____________________________________________________________________.
3. Բժիշկ-մասնագետի կողմից պացիենտի զննումը, խորհրդատվությունը իրականացվում է ըստ Ձև 2-ի (անհրաժեշտության դեպքում անհրաժեշտ է նշել հիվանդության փուլերը).
Ձև 2
._____________________________________________________________________.
|Հ/հ|Խորհրդատվության տեսակը |Տրամադրման քանակը |
| | |_____________________________|
| | | ԱԲ | Բ |
|___|___________________________________|______________|______________|
|1) |Սրտային վիրաբույժ | 1 | 1 |
|___|___________________________________|______________|______________|
|2) |Սրտաբան (նախավիրահատական, | 1 | 1 |
| |հետվիրահատական շրջան) | | |
|___|___________________________________|______________|______________|
|3) |Երիկամաբան (նախավիրահատական, | 0.4 | 0.8 |
| |հետվիրահատական) | | |
|___|___________________________________|______________|______________|
|4) |Նյարդաբան (նախավիրահատական, | 0.6 | 1 |
| |հետվիրահատական) | | |
|___|___________________________________|______________|______________|
|5) |Անոթային վիրաբույժ | 0.4 | 0.8 |
| |(նախավիրահատական, հետվիրահատական) | | |
._____________________________________________________________________.
4. Սույն հավելվածի Ձև 2-ում նշված տրամադրվող քանակների համար նշվում է միջինացված ցուցանիշ, նկատի ունենալով տվյալ զննման, խորհրդատվության իրականացման հաճախականությունը: Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ զննման, խորհրդատվության իրականացման հաճախականությունը:
5. Լաբորատոր-գործիքային ախտորոշիչ հետազոտություններն իրականացվում են` ըստ Ձև 3-ի (անհրաժեշտության դեպքում անհրաժեշտ է նշել հիվանդության փուլերը).
Ձև 3
._____________________________________________________________________.
| Լաբորատոր հետազոտություններ |
|_____________________________________________________________________|
|Հ/Հ|Կոդը |Անվանումը |Տրամադրման|Արդյունք |
| | | |քանակը | |
| | | |__________| |
| | | | ԱԲ | Բ | |
|___|_______|______________________|____|_____|_______________________|
|1) |Առկա չէ|Արյան ընդհանուր | 1 | 1 |Բորբոքային ցուցանիշների|
| | |հետազոտություն | | |գնահատում, |
| | | | | |սակավարյունության |
| | | | | |հայտնաբերում: |
|___|_______|______________________|____|_____|_______________________|
|2) |Առկա չէ|C ռեակտիվ սպիտակուցի | 1 | 1 |Բորբոքային պրոցեսների |
| | |որոշում | | |ժխտում |
|___|_______|______________________|____|_____|_______________________|
|3) |Առկա չէ|Արյան մեջ | 1 | 1 |Էլեկտրոլիտային |
| | |էլեկտրոլիտների | | |հաշվեկշռի գնահատում և |
| | |մակարդակի որոշում | | |կարգավորում |
|___|_______|______________________|____|_____|_______________________|
|4) |Առկա չէ|Արյան մեջ միզանյութի | 1 | 1 |Երիկամային ֆունկցիայի |
| | |և կրեատինինի որոշում | | |գնահատում |
|___|_______|______________________|____|_____|_______________________|
|5) |Առկա չէ|Արյան պլազմայում | 1 | 1 |Շաքարային դիաբետի կամ |
| | |գլյուկոզի մակարդակի | | |նախադիաբետի |
| | |որոշում` քաղցած | | |հայտնաբերում, |
| | |վիճակում և | | |հետվիրահատական |
| | |գլիկոհեմոգլոբինի | | |շրջանում արյան մեջ |
| | |(HbA1c) որոշում | | |գլյուկոզի մակարդակի |
| | | | | |կարգավորում |
|___|_______|______________________|____|_____|_______________________|
|6) |Առկա չէ|Տրոպոնինի կրկնակի |0.4 | 0.8 |Սրտամկանի սուր իշեմիայի|
| | |չափումներ` գերադասելով| | |հայտնաբերում |
| | |բարձր զգայունության | | | |
| | |տրոպոնինի որոշում | | | |
|___|_______|______________________|____|_____|_______________________|
|7) |Առկա չէ|Դ-դիմեր | 1 | 1 |Աորտայի շերտազատման |
| | | | | |պարագայում բարձր |
| | | | | |զգայունություն ունեցող |
| | | | | |հետազոտություն |
|___|_______|______________________|____|_____|_______________________|
|8) |Առկա չէ|Արյան թթվահիմնային | 1 | 1 |Մետաբոլիկ ացիդոզի/ |
| | |հավասարակշռության | | |ալկալոզի հայտնաբերում, |
| | |որոշում | | |շնչառական ացիդոզի/ |
| | | | | |ալկալոզի կոմպենսացիայի |
| | | | | |գնահատում: |
|___|_______|______________________|____|_____|_______________________|
|9) |Առկա չէ|Լյարդային տրանսամինազ-| 1 | 1 |Լյարդի մետաբոլիկ |
| | |ների որոշում | | |ֆունկցիայի գնահատում, |
| | | | | |լյարդի և սրտամկանի |
| | | | | |հյուսվածքային վնասման |
| | | | | |հայտնաբերում |
|_____________________________________________________________________|
| Գործիքային հետազոտություններ |
|_____________________________________________________________________|
|10)|Առկա չէ|12 արտածմամբ հանգստի | 1 | 1 |Աորտայի սուր |
| | |էլեկտրասրտագրություն | | |շերտազատման և |
| | |(ԷՍԳ) | | |սրտամկանի սուր ինֆարկտի|
| | | | | |տարբերակիչ ախտորոշում: |
| | | | | |Սրտի ռիթմի և |
| | | | | |հաղորդչականության |
| | | | | |խանգարման գնահատում, |
| | | | | |սպիական |
| | | | | |փոփոխությունների, |
| | | | | |գերաճի (հիպերտրոֆիայի) |
| | | | | |հայտնաբերում: |
|___|_______|______________________|____|_____|_______________________|
|11)|Առկա չէ|Տրանսթորակալ հանգստի | 1 | 1 |Աջ և ձախ փորոքների |
| | |էխոսրտագրություն | | |սիստոլիկ և դիաստոլիկ |
| | | | | |ֆունկցիայի գնահատում: |
| | | | | |Աորտայի արմատի և վերել|
| | | | | |աորտայի գնահատում: |
| | | | | |Աորտալ փականի |
| | | | | |կառուցվածքային և |
| | | | | |ֆունկցիոնալ գնահատում: |
| | | | | |Պերիկարդի խոռոչում |
| | | | | |հեղուկի առկայության |
| | | | | |գնահատում և սրտի |
| | | | | |տամպոնադայի |
| | | | | |հայտնաբերում: |
| | | | | |Էխոսրտագրությամբ |
| | | | | |աորտայի շերտազատման |
| | | | | |պարագայում շերտազատված |
| | | | | |ինտիմայի |
| | | | | |վիզուալիզացում, սակայն |
| | | | | |վերջինիս |
| | | | | |բացակայությունը չի |
| | | | | |ժխտում շերտազատման |
| | | | | |առկայությունը: |
|___|_______|______________________|____|_____|_______________________|
|12)|Առկա չէ|Տրանսէզոֆագիալ | 1 | 1 |Աորտայի շերտազատման և |
| | |էխոսրտագրություն | | |անևրիզմայի դեպքում |
| | | | | |ունի բարձր |
| | | | | |զգայունություն և |
| | | | | |սպեցիֆիկություն: |
| | | | | |Գնահատվում է ձախ և աջ |
| | | | | |փորոքների սիստոլիկ և |
| | | | | |դիաստոլիկ ֆունկցիան: |
| | | | | |Շերտազատման պարագայում |
| | | | | |վիզուալիզացվում է |
| | | | | |շերտազատված ինտիման: |
| | | | | |Կատարվում է աորտալ |
| | | | | |փականի ֆունկցիայի և |
| | | | | |կառուցվածքի գնահատում: |
| | | | | |Հայտնաբերվում է կորոնար|
| | | | | |զարկերակների ընդգրկումը|
| | | | | |շերտազատման մեջ: |
| | | | | |Կատարվում է պերիկարդում|
| | | | | |հեղուկի առկայության |
| | | | | |գնահատում և սրտի |
| | | | | |տամպոնադայի |
| | | | | |հայտնաբերում: |
|___|_______|______________________|____|_____|_______________________|
|13)|Առկա չէ|Համակարգչային | 1 | 1 |Աորտայի շերտազատման և |
| | |տոմոգրաֆիա-անգիոգրաֆիա| | |անևիզմայի ախտորոշման |
| | | | | |մեջ լայնորեն կիրառվող |
| | | | | |հետազոտություն է: |
| | | | | |Ապահովում է աորտայի |
| | | | | |վիզուալիզացիան ամբողջ |
| | | | | |ընթացքով` ներառյալ |
| | | | | |լուսանցքը, պատը և |
| | | | | |աորտային հարակից |
| | | | | |անատոմիական |
| | | | | |կառուցվածքները: Թույլ է|
| | | | | |տալիս գնահատել աորտայի |
| | | | | |ճյուղերի |
| | | | | |ընդգրկվածությունը |
| | | | | |շերտազատման մեջ, |
| | | | | |հայտնաբերել կորոնար |
| | | | | |լուրջ պաթոլոգիաները: |
|___|_______|______________________|____|_____|_______________________|
|14)|Առկա չէ|Միջուկամագնիսային- |0,4 | 0,8 |Աորտայի շերտազատման և |
| | |ռեզոնանսային | | |անևրիզմայի ախտորոշման |
| | |տոմոգրաֆիա | | |բարձր զգայունությամբ և |
| | | | | |սպեցիֆիկությամբ |
| | | | | |հետազոտություն է: Թույլ|
| | | | | |է տալիս հայտնաբերել |
| | | | | |ինտիմայի պատռվածքը, |
| | | | | |ինչպես նաև թրոմբային |
| | | | | |զանգվածների |
| | | | | |առկայությունը: |
| | | | | |Կիրառությունը |
| | | | | |սահմանափակ է` |
| | | | | |պայմանավորված |
| | | | | |հետազոտության |
| | | | | |երկարատևությամբ, |
| | | | | |թանկարժեքությամբ, |
| | | | | |հարաբերական և բացարձակ|
| | | | | |հակացուցումների |
| | | | | |առկայությամբ: |
|___|_______|______________________|____|_____|_______________________|
|15)|Առկա չէ|Կորոնար անգիոգրաֆիա | 1 | 1 |Աորտայի անևրիզմայով |
| | | | | |պացիենտների նախավիրահա-|
| | | | | |տական շրջանում կորոնար |
| | | | | |ախտահարումների |
| | | | | |հայտնաբերում: Աորտայի |
| | | | | |շերտազատմամբ |
| | | | | |պացիենտների նախավիրահա-|
| | | | | |տական շրջանում գրեթե չի|
| | | | | |կիրառվում` |
| | | | | |պայմանավորված |
| | | | | |բարդությունների մեծ |
| | | | | |ռիսկով: Հետվիրահատական |
| | | | | |շրջանում կիրառվում է |
| | | | | |կորոնար զարկերակների |
| | | | | |ախտահարումներ |
| | | | | |հայտնաբերելու նպատակով:|
|___|_______|______________________|____|_____|_______________________|
|16)|Առկա չէ|Կրծքավանդակի ռենտգենա-| 1 | 1 |Թոքերում թարմ |
| | |բանական հետազոտություն| | |ինֆիլտրատիվ |
| | | | | |փոփոխությունների, |
| | | | | |պլևրալ խոռոչներում |
| | | | | |հեղուկի, պնևոթորաքսի |
| | | | | |հայտնաբերում: |
|___|_______|______________________|____|_____|_______________________|
|17)|Առկա չէ|Որովայնի և փոքր կոնքի|0.4 | 0.8 |Որովայնի և փոքր կոնքի |
| | |խոռոչի օրգանների | | |խոռոչի օրգանների |
| | |ուլտրաձայնային | | |ախտաբանական |
| | |հետազոտություն | | |փոփոխությունների |
| | | | | |հայտնաբերում, որովայնի |
| | | | | |խոռոչում ազատ հեղուկի |
| | | | | |հայտնաբերում: |
|___|_______|______________________|____|_____|_______________________|
|18)|Առկա չէ|Մագիստրալ անոթների | 1 | 1 |Մագիստրալ անոթների |
| | |դուպլեքս | | |ախտաբանական փոփոխու- |
| | |հետազոտություն | | |թյունների և |
| | | | | |անատոմիական շեղումների |
| | | | | |հայտնաբերում, խորանիստ |
| | | | | |երակային համակարգում |
| | | | | |թրոմբոզի հայտնաբերում: |
._____________________________________________________________________.
6. Սույն հավելվածի Ձև 3-ում սահմանված տրամադրվող քանակների համար նշվում է միջինացված ցուցանիշ, նկատի ունենալով տվյալ հետազոտության իրականացման հաճախականությունը: Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ հետազոտության իրականացման հաճախականությունը:
7. Օգտագործվող դեղերի ցանկը սահմանվում է ըստ Ձև 4-ի (անհրաժեշտության դեպքում նշել հիվանդության փուլերը).
Ձև 4
._________________________________________________________________________.
|Հ/Հ |Անվանում, |Անվանում |Չափման |Միջի- |Միջին|Բուժման |Օրե-|
| |դեղաչափ, |(ջեներիկ) |միավոր |նացված|օրա- |կուրսի |րի |
| |դեղաձև, | | |ցուցա-|կան |միջին |քա- |
| |փաթեթավորում | | |նիշ` |չափա-|տևողու- |նակ |
| | | | |տրամա-|քանակ|թյուն | |
| | | | |դրման | | | |
| | | | |հաճա- | | | |
| | | | |խակա- | | | |
| | | | |նու- | | | |
| | | | |թյուն | | | |
|____|_______________|_______________|_________|______|_____|________|____|
|1) |Ացետիլսալիցի- |Ացետիլսալիցի |դեղահատ | 0.6 | 1 |շարունա-| - |
| |լաթթու 100մգ |լաթթու 100մգ | | | |կելի | |
|____|_______________|_______________|_________|______|_____|________|____|
|2) |Ացետիլսալիցի- |Ացետիլսալիցի- |դեղահաբ | 0.6 | 1 | 1 | - |
| |լաթթու 500մգ |լաթթու 500մգ |լուծվող | | | | |
|____|_______________|_______________|_________|______|_____|________|____|
|3) |Ացետիլսալիցի- |Ացետիլսալիցի- |դեղահաբ | | 1 | 1 | - |
| |լաթթու 400մգ+ |լաթթու 400մգ+ |լուծվող | | | | |
| |Ասկորբինաթթու |Ասկորբինաթթու | | | | | |
| |240 մգ |240 մգ | | | | | |
|____|_______________|_______________|_________|______|_____|________|____|
|4) |Կլոպիդոգրել |Կլոպիդոգրել |դեղահատ | 0.6 | 1 |շարունա-| - |
| |75 մգ |75 մգ | | | |կելի | |
|____|_______________|_______________|_________|______|_____|________|____|
|5) |Տիկագրելոր 90մգ|Տիկագրելոր 90մգ|դեղահատ | 0.4 | 2 |շարունա-| - |
| | | | | | |կելի | |
|____|_______________|_______________|_________|______|_____|________|____|
|6) |Հեպարին (հեպա- |Հեպարին (հեպա- |սրվակ | 0.6 | 1 | 2 | - |
| |րին նատրիում) |րին նատրիում) | | | | | |
| |լուծույթ ն/ե և |լուծույթ ն/ե և | | | | | |
| |ե/մ ներարկման |ե/մ ներարկման | | | | | |
| |5000 ՄՄ/մլ |5000 ՄՄ/մլ | | | | | |
|____|_______________|_______________|_________|______|_____|________|____|
|7) |Ռիվարօքսաբան |Ռիվարօքսաբան |դեղահատ | 0.4 | 1 |շարունա-| - |
| |2,5մգ, 10մգ, |2,5մգ, 10մգ, | | | |կելի | |
| |15մգ, 20 մգ |15մգ, 20 մգ | | | | | |
|____|_______________|_______________|_________|______|_____|________|____|
|8) |Նադրոպարին |Նադրոպարին |նախալցված| 0.8 | 1 | 3-4 | - |
| |կալցիում 9500 |կալցիում 9500 |ներարկիչ-| | | | |
| |լուծույթ |լուծույթ |ներ | | | | |
| |ներարկման |ներարկման | | | | | |
|____|_______________|_______________|_________|______|_____|________|____|
|9) |Դեքսամեթազոն |Դեքսամեթազոն |սրվակ | 0.4 | 1 | 3 | - |
| |(դեքսամեթազոն |(դեքսամեթազոն | | | | | |
| |նատրիումի |նատրիումի | | | | | |
| |ֆոսֆատ) |ֆոսֆատ) | | | | | |
| |լուծույթ մ/մ և |լուծույթ մ/մ և | | | | | |
| |ն/ե ներարկման |ն/ե ներարկման | | | | | |
| |4 մգ/մլ |4 մգ/մլ | | | | | |
|____|_______________|_______________|_________|______|_____|________|____|
|10) |Լիդոկային |Լիդոկային |լուծույթ | 0.2 | 1 | 1 | - |
| |(լիդոկայինի |(լիդոկայինի |ներարկման| | | | |
| |հիդրոքլորիդ) |հիդրոքլորիդ) | | | | | |
| |20 մգ/մլ |20 մգ/մլ | | | | | |
|____|_______________|_______________|_________|______|_____|________|____|
|11) |Կալիումի քլորիդ|Կալիումի քլորիդ|դեղապատիճ| 1 | 2 | 8-10 | - |
| |600մգ |600մգ | | | | | |
|____|_______________|_______________|_________|______|_____|________|____|
|12) |Կալիումի քլորիդ|Կալիումի քլորիդ|պլաստիկե | 1 | 1 | 2 | - |
| |լուծույթ կաթի- |լուծույթ կաթի- |փաթեթ | | | | |
| |լաներարկման |լաներարկման | | | | | |
| |40 մգ/մլ |40 մգ/մլ | | | | | |
|____|_______________|_______________|_________|______|_____|________|____|
|13) |Կալցիումի |Կալցիումի |պլաստիկե | 0.8 | 1 | 8-10 | - |
| |քլորիդ 100մգ/մլ|քլորիդ 100մգ/մլ|փաթեթ | | | | |
| |5 մլ |5 մլ | | | | | |
|____|_______________|_______________|_________|______|_____|________|____|
|14) |Մագնեզիումի |Մագնեզիումի |ամպուլներ| 1 | 2 | 8-10 | - |
| |սուլֆատ |սուլֆատ | | | | | |
| |լուծույթ ն/ե և |լուծույթ ն/ե և | | | | | |
| |մ/մ ներարկման |մ/մ ներարկման | | | | | |
| |250 մգ/մլ |250 մգ/մլ | | | | | |
|____|_______________|_______________|_________|______|_____|________|____|
|15) |Մագնեզիում |Մագնեզիում |դեղահատ | 0.6 | 6 |շարունա-| - |
| |(մագնեզիումի |(մագնեզիումի | | | |կելի | |
| |լակտատ |լակտատ | | | | | |
| |դիհիդրատ), |դիհիդրատ), | | | | | |
| |պիրիդօքսին |պիրիդօքսին | | | | | |
| |(պիրիդօքսինի |(պիրիդօքսինի | | | | | |
| |հիդրոքլորիդ) |հիդրոքլորիդ) | | | | | |
| |34 մգ+5 մգ |34 մգ+5 մգ | | | | | |
|____|_______________|_______________|_________|______|_____|________|____|
|16) |Բիսոպրոլոլ |Բիսոպրոլոլ |դեղահատ | 0.8 | 1 |շարունա-| - |
| |(բիսոպրոլոլի |(բիսոպրոլոլի | | | |կելի | |
| |ֆումարատ) |ֆումարատ) | | | | | |
| |2,5 մգ, 5 մգ, |2,5 մգ, 5 մգ, | | | | | |
| |10 մգ |10 մգ | | | | | |
|____|_______________|_______________|_________|______|_____|________|____|
|17) |Սոտալոլ 80 մգ |Սոտալոլ 80 մգ |դեղահատ | 0.4 | 1 |ըստ ան- | - |
| | | | | | |հրաժեշ- | |
| | | | | | |տության | |
|____|_______________|_______________|_________|______|_____|________|____|
|18) |Պրոպրանոլոլ |Պրոպրանոլոլ |դեղահատ | 0.2 | 1 |ըստ ան- | - |
| |(պրոպրանոլոլի |(պրոպրանոլոլի | | | |հրաժեշ- | |
| |հիդրոքլորիդ) |հիդրոքլորիդ) | | | |տության | |
| |40 մգ |40 մգ | | | | | |
|____|_______________|_______________|_________|______|_____|________|____|
|19) |Նբիվոլոլ |Նբիվոլոլ |դեղահատ | 0.2 | 1 |ըստ ան- | - |
| |(նեբիվոլոլի |(նեբիվոլոլի | | | |հրաժեշ- | |
| |հիդրոքլորիդ) |հիդրոքլորիդ) | | | |տության | |
| |դեղահատեր 5 մգ |դեղահատեր 5 մգ | | | | | |
|____|_______________|_______________|_________|______|_____|________|____|
|20) |Ամինոֆիլլին |Ամինոֆիլլին |սրվակ | 0.4 | 1 | | |
| |24 մգ/մլ 5մլ |24 մգ/մլ 5մլ | | | | | |
| |լուծույթ |լուծույթ | | | | | |
| |ներարկման |ներարկման | | | | | |
|____|_______________|_______________|_________|______|_____|________|____|
|21) |Ամինոֆիլլին |Ամինոֆիլլին |դեղահատ | 0.4 | 1 |ըստ ան- | - |
| |150 մգ |150 մգ | | | |հրաժեշ- | |
| | | | | | |տության | |
._________________________________________________________________________.
-------------------------------------------------------
ԻՐՏԵԿ - շարունակությունը հաջորդ մասում