111.0226.200505
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«20» 05 2005 Թ.
ՊԵՏԱԿԱՆ ԳՐԱՆՑՄԱՆ ԹԻՎ 11105193
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ԵՎ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ՆԱԽԱՐԱՐ ՀՐԱՄԱՆ
26 ապրիլի 2005 թվականի N 226-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ԵՎ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ՆԱԽԱՐԱՐՈՒԹՅՈՒՆՈՒՄ ՀԵՌԱԽՈՍԱԿԱՊԻՑ ՕԳՏՎԵԼՈՒ ՆԵՐՔԻՆ ԿԱՆՈՆՆԵՐԸ ՀԱՍՏԱՏԵԼՈՒ ՄԱՍԻՆ
Համաձայն Հայաստանի Հանրապետության կառավարության 2004 թվականի դեկտեմբերի 30-ի «Հայաստանի Հանրապետության պետական մարմիններում կապի ծառայությունների նորմաները և հեռախոսակապից օգտվելու օրինակելի ներքին կանոնները հաստատելու մասին» թիվ 1956-Ն որոշման 5-րդ կետի`
ՀՐԱՄԱՅՈՒՄ ԵՄ`
1. Հաստատել Հայաստանի Հանրապետության մշակույթի և երիտասարդության հարցերի նախարարությունում հեռախոսակապից օգտվելու ներքին կանոնները` համաձայն հավելվածի:
2. Աշխատակազմի կառուցվածքային և առանձնացված ստորաբաժանումների պետերին` ապահովել սույն հրամանով հաստատված կարգի կիրարկումը:
3. Նախարարության աշխատակազմի ղեկավար Գ. Մանասյանին`
սահմանել վերահսկողություն`
ա/ Հայաստանի Հանրապետության կառավարության սահմանած Հայաստանի Հանրապետության մշակույթի և երիտասարդության հարցերի նախարարությունում հեռախոսակապի նորմաների սահմանաչափերը չգերազանցելու նկատմամբ,
բ/ սահմանաչափը գերազանցող աշխատողների կողմից գումարների վերականգնման գործընթացի նկատմամբ:
Հավելված
ՀՀ մշակույթի և երիտասարդության
հարցերի նախարարի
2005 թվականի ապրիլի 26-ի
N 226-Ն հրամանի
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ԵՎ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ՆԱԽԱՐԱՐՈՒԹՅՈՒՆՈՒՄ ՀԵՌԱԽՈՍԱԿԱՊԻՑ ՕԳՏՎԵԼՈՒ ՆԵՐՔԻՆ ԿԱՆՈՆՆԵՐ
1. ԸՆԴՀԱՆՈՒՐ ԴՐՈՒՅԹՆԵՐ
1. Սույնով սահմանվում են Հայաստանի Հանրապետության մշակույթի և երիտասարդության հարցերի նախարարությունում (այսուհետ` նախարարություն) հեռախոսակապից օգտվելու ներքին կանոնները:
2. Սույն կանոնները պարտադիր են նախարարության աշխատակազմի կառուցվածքային և առանձնացված ստորաբաժանումների համար:
3. Հայաստանի Հանրապետության կառավարության 2004 թվականի դեկտեմբերի 30-ի «Հայաստանի Հանրապետության պետական մարմիններում կապի ծառայությունների նորմաները և հեռախոսակապից օգտվելու օրինակելի ներքին կանոնները հաստատելու մասին» թիվ 1956-Ն որոշման N 1 հավելվածի համաձայն սահմանվում են նախարարության աշխատակազմի կառուցվածքային և առանձնացված ստորաբաժանումների կապի ծառայությունների նորմաները /այսուհետ` սահմանված նորմաներ/ /կցվում է համաձայն ենթահավելվածի/:
4. Նախարարը, նախարարի տեղակալները, աշխատակազմի ղեկավարը, առանձնացված ստորաբաժանման ղեկավարները, առանձնացված ստորաբաժանման տարածքային մարմնի ղեկավարները միջքաղաքային և դեպի բջջային ցանց ելից հեռախոսային զանգերն (այդ թվում` ֆաքսիմիլային հաղորդագրությունները) իրականացնում են իրենց աշխատասենյակներում տեղադրված վերջնակետային սարքավորման միջոցով, իսկ համապատասխան վերջնակետային սարքավորման բացակայության դեպքում նրանց (բացառությամբ` աշխատակազմի առանձնացված ստորաբաժանման ղեկավարների, առանձնացված ստորաբաժանման տարածքային մարմնի ղեկավարների) ֆաքսիմիլային հաղորդագրություններն ուղարկվում են աշխատակազմի քարտուղարության ընդհանուր բաժնի վերջնակետային սարքավորման միջոցով` այդ ծառայությունների գծով իրենց համար սահմանված նորմաների շրջանակներում:
5. Նախարարության աշխատակազմի միջազգային հարաբերությունների և սփյուռքի հետ համագործակցության վարչության աշխատողները միջազգային, միջքաղաքային և դեպի բջջային ցանց ելից հեռախոսային զանգերը (այդ թվում` ֆաքսիմիլային հաղորդագրությունները) իրականացնում են իրենց աշխատասենյակում տեղադրված վերջնակետային սարքավորման միջոցով` սահմանված նորմաների սահմաններում:
6. Նախարարության աշխատակազմի կառուցվածքային ստորաբաժանումների ղեկավարները միջքաղաքային և դեպի բջջային ցանց ելից հեռախոսային զանգերն իրականացնում են իրենց հատկացված վերջնակետային սարքավորման միջոցով` սահմանված նորմաների սահմաններում:
7. Նախարարության աշխատակազմի առանձնացված ստորաբաժանման և առանձնացված ստորաբաժանման տարածքային մարմինների ղեկավարները միջազգային, միջքաղաքային և դեպի բջջային ցանց ելից հեռախոսային զանգերն (այդ թվում` ֆաքսիմիլային հաղորդագրությունների) իրականացնում են իրենց հատկացված վերջնակետային սարքավորման միջոցով` սահմանված նորմաների սահմաններում:
8. Նախարարության աշխատակազմի աշխատողները, բացառությամբ սույն կանոնների 4-րդ, 5-րդ, 6-րդ և 7-րդ կետերում նշված դեպքերի, միջազգային, միջքաղաքային /այդ թվում` ֆաքսիմիլային հաղորդագրությունների/ և դեպի բջջային ցանց ելից հեռախոսային զանգերն իրականացնում են աշխատակազմի քարտուղարության ընդհանուր բաժնում առանձնացված հեռախոսագծից` նախապես լրացված հայտով` համաձայն ձևի` հատկացված վերջնակետային սարքավորման միջոցով` աշխատակազմի քարտուղարության համար այդ ծառայությունների գծով սահմանված նորմաների սահմաններում:
9. Սույն կանոնների 4-րդ, 5-րդ, 6-րդ, 7-րդ և 8-րդ կետերում նշված աշխատողները հեռախոսային ծառայությունից օգտվում են բացառապես հեռախոսակապի նորմաների սահմանաչափերի սահմաններում` միայն ծառայողական նպատակներով:
10. Հայաստանի Հանրապետության կառավարության կողմից սահմանված սահմանաչափերից ավելի ելից հեռախոսային զանգերի արժեքը ենթակա է գանձման` նշված սահմանաչափերը գերազանցած անձանցից:
Սույն կետի առաջին պարբերությունում նշված անձինք սահմանված 4
սահմանաչափից ավելի ելից զանգերի արժեքը վճարում են հեռահաղորդակցության ծառայություններ մատուցողին և համապատասխան անդորրագիրը ներկայացնում նախարարության աշխատակազմի ղեկավարին:
11. Հեռախոսակապից օգտվելու` նախարարության սահմանած սահմանաչափերի և աշխատողների կողմից հեռախոսակապի փաստացի օգտագործման հաշվարկը կատարվում է տարեկան կտրվածքով:
Ենթահավելված
ՆՈՐՄԱՆԵՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ԵՎ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ՆԱԽԱՐԱՐՈՒԹՅԱՆ ԱՇԽԱՏԱԿԱԶՄԻ ԿԱՌՈՒՑՎԱԾՔԱՅԻՆ ԵՎ ԱՌԱՆՁՆԱՑՎԱԾ ՍՏՈՐԱԲԱԺԱՆՈՒՄՆԵՐՈՒՄ ՀԵՌԱԽՈՍԱԿԱՊԻ ԵՎ ՓՈՍՏԱՅԻՆ ԿԱՊԻ ԾԱՌԱՅՈՒԹՅՈՒՆՆԵՐԻ
._________________________________________________________________________.
|NN| Հաստիքը կամ | Ամսական սահմանաչափը |Տարեկան |հատուկ |
| | ստորաբաժանումը | |սահմանա-|հեռախո- |
| | | |չափը |սակապը |
| | |____________________________|________|(սուպեր)|
| | |տեղական |միջքաղա- |միջազգա- |փոստային| |
| | |ելից |քային և |յին ելից |կապի | |
| | |հեռախո- |դեպի |հեռախո- |ծառայու-| |
| | |սային |բջջային |սային |թյուններ| |
| | |խոսակցու|ցանց ելից|խոսակցու-|(դրամ) | |
| | |թյուններ|հեռախո- |թյուններ,| | |
| | |(րոպե) |սային |այդ թվում| | |
| | | |խոսակցու-|ֆաքսի- | | |
| | | |թյուններ,|միլային | | |
| | | |այդ թվում|միջքաղա- | | |
| | | |ֆաքսի- |քային | | |
| | | |միլային |հաղոր- | | |
| | | |միջքաղա- |դագրու- | | |
| | | |քային |թյուններ | | |
| | | |հաղոր- |(դրամ) | | |
| | | |դագրու- | | | |
| | | |թյուններ | | | |
| | | |(դրամ) | | | |
| | | | | | | |
| | | | | | | |
|__|_______________________|________|_________|_________|________|________|
| 1| 2 | 3 | 4 | 5 | 6 | 7 |
|__|_______________________|________|_________|_________|________|________|
| 1|Նախարար |անսահմա-|անսահմա- |անսահմա- | |անսահմա-|
| | |նափակ |նափակ |նափակ | |նափակ |
|__|_______________________|________|_________|_________|________|________|
| 2|Նախարարի տեղակալ | 4000| 15000| 10000| | |
|__|_______________________|________|_________|_________|________|________|
| 3|Նախարարի խորհրդական | 2000| 5000| | | |
|__|_______________________|________|_________|_________|________|________|
| 4|Նախարարի օգնական | 2000| 5000| | | |
|__|_______________________|________|_________|_________|________|________|
| 5|Նախարարի մամլո | 5000| 10000| | | |
| |քարտուղար | | | | | |
|__|_______________________|________|_________|_________|________|________|
| 6|Աշխատակազմի ղեկավար | 4000| 15000| 10000| | |
|__|_______________________|________|_________|_________|________|________|
| 7|Աշխատակազմի ղեկավարի | 2000| 5000| | | |
| |տեղակալ | | | | | |
|__|_______________________|________|_________|_________|________|________|
| 8|Աշխատակազմի առանձնացված| 4000| 10000| 5000| | |
| |ստորաբաժանման ղեկավար | | | | | |
|__|_______________________|________|_________|_________|________|________|
| 9|Աշխատակազմի առանձնացված| 3000| 8000| 4000| | |
| |ստորաբաժանման | | | | | |
| |տարածքային մարմնի | | | | | |
| |ղեկավար | | | | | |
|__|_______________________|________|_________|_________|________|________|
|10|Աշխատակազմի առանձնացված| 4000| 5000| | | |
| |ստորաբաժանում | | | | | |
|__|_______________________|________|_________|_________|________|________|
|11|Աշխատակազմի առանձնացված| 3000| 4000| | | |
| |ստորաբաժանման | | | | | |
| |տարածքային մարմին | | | | | |
|__|_______________________|________|_________|_________|________|________|
|12|Աշխատակազմի | 3000| 5000| | | |
| |կառուցվածքային | | | | | |
| |ստորաբաժանման ղեկավար | | | | | |
|__|_______________________|________|_________|_________|________|________|
|13|Աշխատակազմի արտաքին | 5000| 10000| 10000| | |
| |կապերի վարչություն | | | | | |
|__|_______________________|________|_________|_________|________|________|
|14|Աշխատակազմի վարչություն| 5000| | | | |
| |(քարտուղարություն) | | | | | |
|__|_______________________|________|_________|_________|________|________|
|15|Աշխատակազմի ինքնուրույն| 3000| | | | |
| |բաժին (աշխատակազմի այլ | | | | | |
| |կառուցվածքային | | | | | |
| |ստորաբաժանում) | | | | | |
|__|_______________________|________|_________|_________|________|________|
|16|Աշխատակազմի | 10000| 20000| 50000| | |
| |քարտուղարության | | | | | |
| |ընդհանուր բաժին | | | | | |
._________________________________________________________________________.
Աշխատակազմի ղեկավար` Գ. Մանասյան
Ձև
ՀԱՅՏ N___________
_______ ______________________ 200 թ.
__________________________________________________________________________
(պաշտոնատար անձի անունը, ազգանունը և պաշտոնը)
__________________________________________________________________________
(ուր է զանգահարվում, ուղարկվում, հասցեն և հեռախոսահամարը)
__________________________________________________________________________
(ուղարկվող նյութի ծավալը` էջերով)
_______________________________ ____________________________________
(նախատեսված ժամանակը) (փաստացի օգտագործված ժամանակը)
_______________________________ ____________________________________
(թույլատրողի ստորագրությունը) (ստացողի ստորագրությունը)