040.1016.071016
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
6 հոկտեմբերի 2016 թվականի N 1016-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ԱՊՐԻԼԻ 25-Ի N 417-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասով` Հայաստանի Հանրապետության կառավարությունը որոշում է.
i
1. Հայաստանի Հանրապետության կառավարության 2013 թվականի ապրիլի 25-ի «Վարձակալությամբ տարածքներ հանձնելու մասին» N 417-Ա որոշման մեջ կատարել հետևյալ փոփոխությունները`
1) վերնագրում և 2-րդ կետում «տարածքների» բառը փոխարինել «տարածքի» բառով.
2) 1-ին կետում «նկուղային հարկից 30 քառ. մետր, 1-ին հարկից 25 քառ. մետր և 8-րդ հարկից 25 քառ. մետր մակերեսներով տարածքները (այսուհետ` տարածքներ)» բառերը փոխարինել «1-ին հարկից 25 քառ. մետր մակերեսով տարածքը (այսուհետ` տարածք)» բառերով.
3) 3-րդ կետի 1-ին ենթակետում «100 000 դրամ» բառերը փոխարինել «50 000 դրամ» բառերով:
2. Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշումն ուժի մեջ մտնելուց հետո երկամսյա ժամկետում «ԹԻ-ԷՖ-ՍԻ» սահմանափակ պատասխանատվությամբ ընկերության հետ կնքել 2013 թվականի հունիսի 4-ին կնքված N 19/013 ոչ բնակելի տարածքի վարձակալության պայմանագրում սույն որոշումից բխող փոփոխություններ կատարելու մասին համաձայնագիր` սահմանելով, որ համաձայնագրի պայմանները կիրառվում են 2016 թվականի մայիսի 1-ից և համաձայնագրի նոտարական վավերացման ու դրանից ծագող գույքային իրավունքների պետական գրանցման հետ կապված ծախսերը ենթակա են իրականացման` «ԹԻ-ԷՖ-ՍԻ» սահմանափակ պատասխանատվությամբ ընկերության միջոցների հաշվին:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2016 ԹՎԱԿԱՆԻ ՀՈԿՏԵՄԲԵՐԻ 7-ԻՆ