20.07.2023 -
040.0732.200605
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«20» հունիսի 2005 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
12 մայիսի 2005 թվականի N 732-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱՐԱՆՆԵՐԻ ԻՆՏԵՐՆԵՏԱՅԻՆ ԿԱՊԻ ԾԱՌԱՅՈՒԹՅՈՒՆՆԵՐԻ ԵՎ ԿՈՄՈՒՆԱԼ ԾԱԽՍԵՐԻ ՆՈՐՄԱՆԵՐԸ ՍԱՀՄԱՆԵԼՈՒ ՄԱՍԻՆ
Ղեկավարվելով «Հայաստանի Հանրապետության բյուջետային համակարգի մասին» օրենքի 21-րդ հոդվածի 1.1-ին մասով` Հայաստանի Հանրապետության կառավարությունը որոշում է.
1. (1-ին կետն ուժը կորցրել է 20.07.2023 թիվ 1201-Ա որոշում)
2. Հայաստանի Հանրապետության դատարանների համար ինտերնետային կապի ծառայությունների ձեռքբերման ծախսերի չափը որոշվում է ըստ կնքված պայմանագրերի:
(2-րդ կետը փոփ. 20.07.2023 թիվ 1201-Ա որոշում)
3. Սահմանել, որ որպես Հայաստանի Հանրապետության դատարանների համար ջրի մատակարարման և ջրահեռացման ծառայությունների, էլեկտրաէներգիայի, վառելիքի, ջեռուցման և գազի ձեռքբերման ծախսերի նորմաներ հիմք են ընդունվում Հայաստանի Հանրապետության կառավարության 2004 թվականի սեպտեմբերի 23-ի N 1536-Ն և Հայաստանի Հանրապետության կառավարության 2005 թվականի ապրիլի 28-ի N 629-Ն որոշումներով սահմանված նորմաները:
Այն դեպքում, երբ սույն կետի առաջին պարբերության մեջ նշված նորմաների համար չափանիշ է ծառայում աշխատասենյակների մակերեսը կամ ծավալը, ապա հաշվառվող տարածքների մեջ հաշվի են առնվում նաև դատական նիստերի դահլիճների մակերեսը կամ ծավալը:
Այն դեպքում, երբ սույն կետի առաջին պարբերության մեջ նշված նորմաների համար չափանիշ է ծառայում հաստիքների թիվը, ապա հաստիքների թիվը պետք է ավելացվի այն թվով, որը կստացվի դատական նիստերի դահլիճների ընդհանուր մակերեսի մեծությունը վարչական աշխատողի համար նախատեսված տարածքի այն նորմատիվային մեծության վրա բաժանելու արդյունքում, որը սահմանված է Հայաստանի Հանրապետության կառավարության 2007 թվականի դեկտեմբերի 13-ի N 1490-Ն որոշմամբ:
(3-րդ կետը փոփ. 20.07.2023 թիվ 1201-Ա որոշում)
4. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրվանից և տարածվում է 2006 թվականի հունվարի 1-ից հետո ծագած հարաբերությունների վրա:
(վերնագիրն ու նախաբանը փոփ. 20.07.2023 թիվ 1201-Ա որոշում)
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2005 ԹՎԱԿԱՆԻ ՀՈՒՆԻՍԻ 15-ԻՆ
Հավելված N 1
ՀՀ կառավարության
2005 թվականի մայիսի 12-ի
N 732-Ա որոշման
ՆՈՐՄԱՆԵՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱՐԱՆՆԵՐԻ ՔԱՂԱՔԱՅԻՆ ՀԵՌԱԽՈՍԱԳԾԵՐԻ ՔԱՆԱԿԻ
(1-ին հավելվածն ուժը կորցրել է 20.07.2023 թիվ 1201-Ա որոշում)
Հավելված N 2
ՀՀ կառավարության
2005 թվականի մայիսի 12-ի
N 732-Ա որոշման
ՆՈՐՄԱՆԵՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱՐԱՆՆԵՐԻ ՀԱՄԱՐ ՔԱՂԱՔԱՅԻՆ ՀԵՌԱԽՈՍԱԿԱՊԻ ԾԱՌԱՅՈՒԹՅՈՒՆՆԵՐԻ ՁԵՌՔԲԵՐՄԱՆ ԾԱԽՍԵՐԻ
(2-րդ հավելվածն ուժը կորցրել է 20.07.2023 թիվ 1201-Ա որոշում)