ՀՀ ԱՐՏԱԿԱՐԳ ԻՐԱՎԻՃԱԿՆԵՐԻ ՆԱԽԱՐԱՐՈՒԹՅԱՆ ՓՐԿԱՐԱՐ ԾԱՌ ...

27.08.2023 -

040.0695.060606

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

«6» հունիսի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

4 մայիսի 2006 թվականի N 695-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԵՐՔԻՆ ԳՈՐԾԵՐԻ ՆԱԽԱՐԱՐՈՒԹՅԱՆ ՓՐԿԱՐԱՐ ԾԱՌԱՅՈՒԹՅԱՆ ՍՏՈՐԱԲԱԺԱՆՈՒՄՆԵՐԻ` ՏՐԱՆՍՊՈՐՏԻ ԵՎ ԿԱՊԻ ՄԻՋՈՑՆԵՐԻՑ ԱՆՎՃԱՐ ՕԳՏՎԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ

«Փրկարար ծառայության մասին» Հայաստանի Հանրապետության օրենքի 9-րդ հոդվածի 1-ին մասի «ա» կետին և 10-րդ հոդվածի 3-րդ մասին համապատասխան` Հայաստանի Հանրապետության կառավարությունը որոշում է.

1. Սահմանել Հայաստանի Հանրապետության ներքին գործերի նախարարության փրկարար ծառայության ստորաբաժանումների` տրանսպորտի և կապի միջոցներից անվճար օգտվելու կարգը` համաձայն հավելվածի:

(1-ին կետը փոփ. 25.09.14 թիվ 1039-Ն որոշում)

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

(վերնագիրն ու նախաբանը փոփ. 25.09.14 թիվ 1039-Ն որոշում)

(վերնագիրը և տեքստը փոփ. 17.08.2023 թիվ 1380-Ն որոշում)

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2006 ԹՎԱԿԱՆԻ ՀՈՒՆԻՍԻ 1-ԻՆ

Հավելված

ՀՀ կառավարության

2006 թվականի մայիսի 4-ի

N 695-Ն որոշման

ԿԱՐԳ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԵՐՔԻՆ ԳՈՐԾԵՐԻ ՆԱԽԱՐԱՐՈՒԹՅԱՆ ՓՐԿԱՐԱՐ ԾԱՌԱՅՈՒԹՅԱՆ ՍՏՈՐԱԲԱԺԱՆՈՒՄՆԵՐԻ` ՏՐԱՆՍՊՈՐՏԻ ԵՎ ԿԱՊԻ ՄԻՋՈՑՆԵՐԻՑ ԱՆՎՃԱՐ ՕԳՏՎԵԼՈՒ

1. Սույն կարգով կանոնակարգվում են պետական կառավարման և տեղական ինքնակառավարման մարմիններին, կազմակերպություններին, քաղաքացիներին (այսուհետ` միջոց տրամադրող) պատկանող տրանսպորտի և կապի միջոցներից (այսուհետ` միջոցներ) արտակարգ իրավիճակի վայր մեկնող ու արտակարգ իրավիճակի վայրից մշտական տեղակայման վայր վերադարձող Հայաստանի Հանրապետության ներքին գործերի նախարարության փրկարար ծառայության ստորաբաժանումների (այսուհետ` ստորաբաժանումներ), հետագա համարժեք փոխհատուցմամբ, անվճար օգտվելու հետ կապված հարաբերությունները:

(1-ին կետը փոփ. 25.09.14 թիվ 1039-Ն որոշում)

2. Արտակարգ իրավիճակների կանխման, հնարավոր հետևանքների նվազեցման և վերացման անհետաձգելի աշխատանքներ իրականացնելու նպատակով արտակարգ իրավիճակի վայր մեկնող կամ արտակարգ իրավիճակի վայրից վերադարձող ստորաբաժանումները կարող են օգտագործել միջոց տրամադրողին պատկանող միջոցները` բացառությամբ «Փրկարար ծառայության մասին» Հայաստանի Հանրապետության օրենքի 9-րդ հոդվածի 1-ին մասի «ա» կետով արգելված միջոցների:

(2-րդ կետը փոփ. 25.09.14 թիվ 1039-Ն որոշում)

3. Սույն որոշմամբ նախատեսված օգտագործման անհրաժեշտություն առաջանալու դեպքում ստորաբաժանման հրամանատարն այդ պահանջը ներկայացնում է միջոց տրամադրողին, լրացնում է համապատասխան ակտ` համաձայն ձևի, որում նշվում են միջոց տրամադրողի տվյալները, միջոցի արտադրության տարեթիվը, համարանիշը, տեխնիկական վիճակը, սարքինության աստիճանը, միջոցը վերցնելու ամսաթիվը, օրը, օգտագործման նպատակները, ինչ ժամկետով է այն վերցվում, միջոց տրամադրողը արդյոք ներկա է լինելու միջոցի շահագործմանը, հետագա համարժեք փոխհատուցման մասին, որտեղից է վերցվել միջոցը, ինչ կարգով և ինչ նպատակով պետք է օգտագործվի այն:

4. Ակտն ստորագրում են ստորաբաժանման հրամանատարը` նշելով իր ստորաբաժանման անվանումը, իր վկայականի համարը, պաշտոնը, կոչումը, անունը, ազգանունը և միջոց տրամադրողը:

Ակտն ստորագրվում է 2 օրինակից, յուրաքանչյուր կողմին տրվում է մեկական օրինակ:

5. Ստորաբաժանման հրամանատարը միջոցի օգտագործման մասին մեկօրյա ժամկետում զեկուցում է Հայաստանի փրկարար ծառայության համապատասխան պաշտոնատար անձանց:

6. Օգտագործման դիմաց փոխհատուցումը կատարում է Հայաստանի Հանրապետության ներքին գործերի նախարարությունը` Հայաստանի Հանրապետության պետական բյուջեով հատկացված միջոցների հաշվին, ակտի ստորագրման օրվա շուկայական գներին համապատասխան` միջոցի օգտագործումն ավարտվելու օրվանից 10-օրյա ժամկետում:

(6-րդ կետը փոփ. 25.09.14 թիվ 1039-Ն որոշում)

Ձև

«ՀԱՍՏԱՏՈՒՄ ԵՄ»

ՀԱՅԱՍՏԱՆԻ ՓՐԿԱՐԱՐ ԾԱՌԱՅՈՒԹՅԱՆ

_____________________________

                                            (տնօրեն, աշխատակազմի ղեկավար)

                                            _____________________________

                                                 (ստորագրությունը)

                                                ____ ____________ 200__թ.

ՀԱՆՁՆՄԱՆ-ԸՆԴՈՒՆՄԱՆ ԱԿՏ

ՏՐԱՆՍՊՈՐՏԻ ԵՎ ԿԱՊԻ ՄԻՋՈՑՆԵՐԸ` ՀԵՏԱԳԱ ՀԱՄԱՐԺԵՔ ՓՈԽՀԱՏՈՒՑՄԱՄԲ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԵՐՔԻՆ ԳՈՐԾԵՐԻ ՆԱԽԱՐԱՐՈՒԹՅԱՆ ՓՐԿԱՐԱՐ ԾԱՌԱՅՈՒԹՅԱՆ ՍՏՈՐԱԲԱԺԱՆՈՒՄՆԵՐԻ ԿՈՂՄԻՑ ՎԵՐՑՎԵԼՈՒ ՄԱՍԻՆ

1. Հայաստանի Հանրապետության ներքին գործերի նախարարության փրկարար ծառայության ------------------------------------

(ստորաբաժանման անվանումը, հրամանատարի

-------------------------------------------------------------------------

         պաշտոնը, կոչումը, անունը, ազգանունը, վկայականի համարը)

և ---------------------------------------------------------------------- (պետական կառավարման և տեղական ինքնակառավարման մարմնի, կազմակերպության,

ֆիզիկական անձի տվյալները) ստորագրեցին սույն ակտն այն մասին, որ Հայաստանի Հանրապետության ներքին գործերի նախարարության փրկարար ծառայությունը`

ա) ----------------------- -ում առաջացած արտակարգ

(նշվում է տարածքը) իրավիճակի հակազդումն իրականացնելու նպատակով

(կամ)

բ) ------------------------ -ում առաջացած արտակարգ վայրից

(նշվում է տարածքը) մշտական տեղակայման -------------------- վերադառնալու նպատակով

(նշվում է տարածքը) ժամանակավոր օգտագործման վերցրեց -----------------------------------------

(պետական կառավարման և տեղական

-------------------------------------------------------------------------

ինքնակառավարման մարմնին, կազմակերպությանը, ֆիզիկական անձին) պատկանող ------------------ հետագա համարժեք փոխհատուցմամբ,

(միջոցը, գույքը) որը տրվելու է ակտի ստորագրման օրվա շուկայական գներին համապատասխան` միջոցի օգտագործումն ավարտվելու օրվանից 10-օրյա ժամկետում:

2. Ստուգման արդյունքում պարզվեց`

ա) գույքի արտադրության ------------ տարեթիվը.

բ) տեխնիկական անձնագրի տվյալները ---------------------------------.

գ) արտաքին տեսքը -------------------------------------------------.

դ) մաշվածությունը ------------------------------------------------.

ե) տեխնիկական վիճակը ---------------------------------------------.

զ) սարքինության աստիճանը -----------------------------------------.

է) գույքի թերությունները -----------------------------------------.

ը) գույքն օգտագործվելու է -------------------------------- նպատակով.

թ) գույքն օգտագործվելու է ------------------------- -ի ներկայությամբ (առանց ------------------------------- -ի ներկայության).

ժ) գույքն օգտագործվելու է մինչև ----------------------------------.

(նշվում է ժամկետը)

ժա) ---------------------------------------------------------------:

(այլ պայմաններ)

        Գույքը հանձնեց                         Գույքն ընդունեց

    -----------------------------------     -----------------------------

      (պետական կառավարման և  տեղական                 (հիմնարկը)

    ինքնակառավարման մարմնի, իրավաբանական    -----------------------------

     անձի անվանումը կամ ֆիզիկական անձի      -----------------------------

               տվյալները)                   -----------------------------

    -----------------------------------       (գտնվելու վայրը, պաշտոնը,

        (հասցեն կամ գտնվելու վայրը,                ստորաբաժանումը)

              հեռախոսահամարը)               -----------------------------

    -----------------------------------     -----------------------------

-----------------------------------

-----------------------------------

----------------- -------------------  ----------------- ------------

    (ստորագրությունը) (անունը, ազգանունը)   (ստորագրությունը)    (անունը,

                        ազգանունը)                              ազգանունը)

    ----- -------------- 200 թ.             ----- -------------- 200 թ.

(ձևը կետը փոփ. 25.09.14 թիվ 1039-Ն որոշում)