ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
20 հունիսի 2025 թվականի N 812-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2021 ԹՎԱԿԱՆԻ ՀՈՒԼԻՍԻ 1-Ի N 1069-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածներով, Հայաստանի Հանրապետության կառավարության 2018 թվականի ապրիլի 12-ի N 451-Ն որոշման հավելվածի 16-րդ կետով` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2021 թվականի հուլիսի 1-ի «Կրթության և գիտության բնագավառներում նշանակալի նվաճումներ ունեցող քաղաքացիներին շարքային կազմի պարտադիր զինվորական ծառայության 2021 թվականի ամառային զորակոչից տարկետում տալու մասին» N 1069-Ա որոշման N 1 հավելվածի`
1) 3-րդ կետի 18-րդ և 35-րդ ենթակետերն ուժը կորցրած ճանաչել.
2) 4.2-րդ կետից հետո լրացնել հետևյալ բովանդակությամբ` 4.3-րդ և 4.4-րդ կետերով`
«4.3. Հրաչյա Արմենի Նալբանդյանին (ծնվ.` 10.03.2003 թ., հաշվառման վայրը` քաղ. Երևան, Լվովյան 3, բն. 1, Կոլորադոյի համալսարան) տալ տարկետում մինչև ուսումնառության ավարտը` 2026 թվականի մայիսի 8-ը: Նվաճումը` Հայաստանի Հանրապետության կառավարության 2018 թվականի ապրիլի 12-ի N 451-Ն որոշման հավելվածի 9.1-ին կետ:
4.4. Գրիգոր Արթուրի Պետրոսյանին (ծնվ.` 14.03.2002 թ., հաշվառման վայրը` Հայաստանի Հանրապետության Շիրակի մարզ, քաղ. Գյումրի, տնակ 217/304, Նյու Յորքի համալսարան) տալ տարկետում մինչև ուսումնառության ավարտը` 2026 թվականի հունիսի 14-ը: Նվաճումը` Հայաստանի Հանրապետության կառավարության 2018 թվականի ապրիլի 12-ի N 451-Ն որոշման հավելվածի 9.1-ին կետ:»:
Հայաստանի Հանրապետության
փոխվարչապետ Տ. Խաչատրյան
2025 թ. հունիսի
Երևան