ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐ
ՀՐԱՄԱՆ
9 հոկտեմբերի 2024 թվականի N 305-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2021 ԹՎԱԿԱՆԻ ԴԵԿՏԵՄԲԵՐԻ 6-Ի N 88-Ն ՀՐԱՄԱՆՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները.
Հրամայում եմ`
1. Հայաստանի Հանրապետության առողջապահության նախարարի 2021 թվականի դեկտեմբերի 6-ի «Բժշկական մի շարք փաստաթղթերի ձևերը հաստատելու և Հայաստանի Հանրապետության առողջապահության նախարարի 2013 թվականի հուլիսի 3-ի թիվ 35-Ն հրամանն ուժը կորցրած ճանաչելու մասին» N 88-Ն հրամանում (այսուհետ` հրաման) կատարել հետևյալ լրացումները.
i
1) հրամանի նախաբանում «12-րդ հոդվածի 1-ին մասը» բառերից հետո լրացնել «, 25-րդ հոդվածի 3-րդ մասը» բառերը.
i
2) հրամանի հավելված 15-ով հաստատված Ձև-ում «Պացիենտի (օրինական ներկայացուցչի կամ կոնտակտային անձի) Ա.Ա.Հ» բառերից հետո լրացնել «, ծննդյան օր, ամիս, տարեթիվ» բառերը, ամբողջ տեքստում «Տարի, ամիս, ամսաթիվ» բառերից հետո լրացնել «, ժամը» բառը:
2. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:
09.10.2024 Ա. Ավանեսյան
Պաշտոնական հրապարակման օրը` 17 հոկտեմբերի 2024 թվական: