| ԻՐՏԵԿ |
Սույն ակտի ուժի մեջ մտնելու ամսաթիվը անհնար է որոշել, քանի որ ակտն ընդունող մարմնի կողմից չի կատարվել «Նորմատիվ իրավական ակտերի մասին» ՀՀ օրենքի 23-րդ հոդվածի 7-րդ մասի` ընդունող մարմնի պաշտոնական կայքէջում իրավական ակտի հրապարակման օրը նշելու պահանջը: |
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
22 հունվարի 2020 թվականի N 69-Լ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2018 ԹՎԱԿԱՆԻ ՀՈՒՆԻՍԻ 11-Ի N 698-Լ ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
i
Համաձայն «Նորմատիվ իրավական ակտերի մասին» Հայաստանի Հանրապետության օրենքի 34-րդ հոդվածի`
1. Հայաստանի Հանրապետության վարչապետի 2018 թվականի հունիսի 11-ի «Հայաստանի Հանրապետության բարձր տեխնոլոգիական արդյունաբերության նախարարության կանոնադրությունը հաստատելու մասին» N 698-Լ որոշմամբ հաստատված` Հայաստանի Հանրապետության բարձր տեխնոլոգիական արդյունաբերության նախարարության (այսուհետ` նախարարություն) կառուցվածքում`
1) նախարարության հիմնական մասնագիտական կառուցվածքային ստորաբաժանում հանդիսացող ռազմավարության պլանավորման և հեռանկարային ծրագրերի վարչությունը միացնել ծրագրերի կառավարման վարչությանը և ծրագրերի կառավարման վարչությունն անվանափոխել ծրագրերի վարչություն հիմնական մասնագիտական կառուցվածքային ստորաբաժանման.
2) նախարարության հիմնական մասնագիտական կառուցվածքային ստորաբաժանում հանդիսացող թվայնացման, կապի և փոստի վարչությունից առանձնացման ձևով ստեղծել թվայնացման վարչություն, իսկ թվայնացման, կապի և փոստի վարչությունն անվանափոխել կապի և փոստի վարչություն հիմնական մասնագիտական կառուցվածքային ստորաբաժանման.
3) նախարարության հիմնական մասնագիտական կառուցվածքային ստորաբաժանում հանդիսացող շուկայի զարգացման վարչությունից առանձնացման ձևով ստեղծել միջազգային համագործակցության վարչություն հիմնական մասնագիտական կառուցվածքային ստորաբաժանում:
i
2. Այդ կապակցությամբ որոշման հավելվածի 32-րդ կետը շարադրել հետևյալ խմբագրությամբ.
«32. Նախարարության հիմնական մասնագիտական կառուցվածքային ստորաբաժանումներն են`
1) թվայնացման վարչություն.
2) կապի և փոստի վարչություն.
3) բարձր տեխնոլոգիաների վարչություն.
4) գիտատեխնիկական վարչություն.
5) միջազգային համագործակցության վարչություն.
6) շուկայի զարգացման վարչություն.
7) ծրագրերի վարչություն.
8) ներքին աուդիտի բաժին:»:
Հայաստանի Հանրապետության
վարչապետ Ն. Փաշինյան
2020 թ. հունվարի 22
Երևան