ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՐՁՐԱԳՈՒՅՆ ԴԱՏԱԿԱՆ ԽՈՐՀՈՒՐԴ
ՈՐՈՇՈՒՄ
ԲԴԽ-3-Ո-5
2023թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՐՁՐԱԳՈՒՅՆ ԴԱՏԱԿԱՆ ԽՈՐՀՐԴԻ 2018 ԹՎԱԿԱՆԻ ՀՈՒԼԻՍԻ 9-Ի ԹԻՎ ԲԴԽ-23-Ո-48 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Հայաստանի Հանրապետության դատական օրենսգիրք» սահմանադրական օրենքի 21-րդ հոդվածի 4-րդ մասով, 94-րդ հոդվածի 1-ին մասով, «Նորմատիվ իրավական ակտերի մասին» օրենքի 33-րդ և 34-րդ հոդվածներով` Բարձրագույն դատական խորհուրդը
ՈՐՈՇՈՒՄ Է
i
1. Հայաստանի Հանրապետության բարձրագույն դատական խորհրդի 2018 թվականի հուլիսի 9-ի «Հայաստանի Հանրապետության առաջին ատյանի ընդհանուր իրավասության և վերաքննիչ դատարանների դատավորների կողմից, ի լրումն համապատասխան մասնագիտացման գործերի, քննվող առանձին տեսակի գործերի ցանկը, յուրաքանչյուր դատարանում այդպիսի գործեր քննող դատավորների քանակը և ընտրության կարգը սահմանելու մասին» թիվ ԲԴԽ-23-Ո-48 որոշման (այսուհետ` Որոշում) մեջ կատարել հետևյալ փոփոխությունները.
1) Որոշման 1-ին և 2-րդ հավելվածներում «երկուհազարապատիկը» բառերը փոխարինել «հինգհազարապատիկը» բառերով,
2) Որոշման 2-րդ հավելվածի աղյուսակի «Երևան քաղաքի առաջին ատյանի ընդհանուր իրավասության դատարան» բաժինը շարադրել հետևյալ խմբագրությամբ.
._____________________________________________________________________.
|Երևան քաղաքի |ՀՀ անօրինական տեղափոխված կամ ՀՀ-ում ապօրինի |6|
|առաջին ատյանի |պահվող երեխայի վերադարձի վերաբերյալ գործեր | |
|ընդհանուր |________________________________________________|_|
|իրավասության |Կորպորատիվ վեճերով գործեր |9|
|քաղաքացիական |________________________________________________|_|
|դատարան |Մտավոր սեփականության պաշտպանության վերաբերյալ |6|
| |գործեր | |
| |________________________________________________|_|
| |Օտարերկրյա արբիտրաժի վճիռները ճանաչելու և |4|
| |կատարման թույլատրելու վերաբերյալ գործեր | |
|__________________|________________________________________________|_|
|Երևան քաղաքի |Անչափահասների մասնակցությամբ գործեր |5|
|առաջին ատյանի |________________________________________________|_|
|ընդհանուր |Համակարգչային տեղեկատվության անվտանգության |5|
|իրավասության |դեմ ուղղված հանցագործությունների վերաբերյալ | |
|քրեական դատարան |գործեր | |
._____________________________________________________________________.
«:
2. Սույն որոշումն ուժի մեջ է մտնում հրապարակմանը հաջորդող օրվանից:
ԲԱՐՁՐԱԳՈՒՅՆ ԴԱՏԱԿԱՆ
ԽՈՐՀՐԴԻ ՆԱԽԱԳԱՀ Կ. ԱՆԴՐԵԱՍՅԱՆ
2023թ. հունվարի 16
ք. Երևան
Հրապարակվել է ԲԴԽ կայքէջում (www.court.am)` 16 հունվարի 2023 թվական: