ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ ՆԱԽԱԳԱՀ
ՀՐԱՄԱՆ
14 նոյեմբերի 2024 թվականի N 1496-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ ՆԱԽԱԳԱՀԻ 2022 ԹՎԱԿԱՆԻ ՀՈՒՆՎԱՐԻ 31-Ի ԹԻՎ 94-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 33-րդ հոդվածը և 34-րդ հոդվածի 1-ին մասը, ղեկավարվելով Հայաստանի Հանրապետության վարչապետի 2018 թվականի հունիսի 11-ի թիվ 702-Լ որոշմամբ հաստատված Հայաստանի Հանրապետության պետական եկամուտների կոմիտեի կանոնադրության 17-րդ կետի 16-րդ ենթակետով`
ՀՐԱՄԱՅՈՒՄ ԵՄ
1. Հայաստանի Հանրապետության պետական եկամուտների կոմիտեի նախագահի 2022 թվականի հունվարի 31-ի «Մաքսային ծառայողի (բացառությամբ` ղեկավար պաշտոնների) պատրաստման դասընթացի կազմակերպման կարգը, այդ թվում` դասընթացի բովանդակությունը, տևողությունը, դասընթացի ընթացքում քննությունների և ավարտական քննության կազմակերպման, այդ թվում` ավարտական քննական հանձնաժողովի կազմավորման կարգը, դասընթացի արդյունքներն ամփոփելու, դասընթացը հաջողությամբ հաղթահարած համարվելու չափանիշները և դասընթացը հաջողությամբ հաղթահարած համարվելու հավաստագրի ձևը սահմանելու մասին» թիվ 94-Ն հրամանում կատարել հետևյալ փոփոխությունները և լրացումները.
1) 3-րդ կետը շարադրել նոր խմբագրությամբ` հետևյալ բովանդակությամբ.
i
«3. Դասընթացը կազմակերպվում է առկա և հեռավար ուսուցման ձևով` տեղեկատվական տեխնոլոգիաների և հեռահաղորդակցության միջոցներով:»,
2) 3.1-ին կետն ուժը կորցրած ճանաչել,
i
3) 4-րդ կետը շարադրել նոր խմբագրությամբ` հետևյալ բովանդակությամբ.
i
«4. Դասընթացի յուրաքանչյուր դասի տևողությունը 45 րոպե է:»,
4) 5-րդ կետը շարադրել նոր խմբագրությամբ` հետևյալ բովանդակությամբ.
i
«5. Դասընթացը կազմակերպվում է Ուսումնական կենտրոնի կողմից կազմված և Հայաստանի Հանրապետության պետական եկամուտների կոմիտեի (այսուհետ` կոմիտե) նախագահի հրամանով հաստատված ժամանակացույցին և սույն կարգի 10-րդ կետով նախատեսված առնվազն 3 թեմաներից կազմված դասընթացի բովանդակությանը համապատասխան: Հեռավար ձևաչափով իրականացվող դասընթացի տևողությունը սահմանվում է դասընթացի բովանդակությամբ` յուրաքանչյուր տեսանյութի համար նախատեսելով մինչև 20 րոպե:»,
5) 6-րդ կետը շարադրել նոր խմբագրությամբ` հետևյալ բովանդակությամբ.
i
«6. Դասընթացը կազմակերպվում է Ուսումնական կենտրոնի կողմից` հատուկ այդ նպատակով հարմարեցված տարածքներում (այդ թվում` լսարանային սենյակներ, համակարգչային սենյակ): Դասընթացի առանձին թեմաների դասավանդումը կարող է կազմակերպվել նաև այլ կազմակերպությունների` հատուկ այդ նպատակով հարմարեցված տարածքներում:»,
6) 7-րդ կետը շարադրել նոր խմբագրությամբ` հետևյալ բովանդակությամբ.
i
«7. Դասընթացը կազմակերպվում է դասընթացի ուսումնական պլանի հիման վրա Ուսումնական կենտրոնի կողմից հաստիքային կամ արտահաստիքային կարգով ներգրավված դասախոսական կազմի միջոցով: Ուսումնական կենտրոնն ապահովում է հեռավար ձևաչափով իրականացվող դասընթացի էլեկտրոնային ուսուցման համար անհրաժեշտ նյութերով` տեսանյութերով, շնորհանդեսներով, ներկայացումներով և այլն:»,
7) 8-րդ կետը լրացնել նոր նախադասությամբ` հետևյալ բովանդակությամբ.
i
«Հեռավար ձևաչափով իրականացվող դասընթացի բովանդակությունը համապատասխանում է առկա ձևաչափով նախատեսված դասընթացի բովանդակությանը:»,
8) 9-րդ կետն ուժը կորցրած ճանաչել,
i
9) 10-րդ կետից հանել «Դասերի քանակը» սյունակը, իսկ «Դասընթացի թեմա» սյունակը լրացնել նոր թեմաներով` հետևյալ բովանդակությամբ.
._____________________________________________________________________.
|Սնանկության գործերի վերաբերյալ կարգավորումներ («Սնանկության մասին» |
|Հայաստանի Հանրապետության օրենք) |
|_____________________________________________________________________|
|Մաքսային մարմնի վարչական ակտը, գործողությունը կամ անգործությունը |
|բողոքարկելու վերաբերյալ կարգավորումներ (Հայաստանի Հանրապետության |
|վարչական դատավարության օրենսգիրք) |
|_____________________________________________________________________|
|Մաքսային մարմնի կողմից իրականացվող վարչարարություն («Վարչարարության |
|հիմունքների և վարչական վարույթի մասին» Հայաստանի Հանրապետության |
|օրենք) |
._____________________________________________________________________.
«,
10) Լրացնել նոր` 10.1-ին կետ` հետևյալ բովանդակությամբ.
i
«10.1. Դասընթացի տևողությունը կարող է կազմել մինչև երկու շաբաթ:»,
11) 11-րդ և 12-րդ կետերն ուժը կորցրած ճանաչել,
i
12) 13-րդ կետը շարադրել նոր խմբագրությամբ` հետևյալ բովանդակությամբ.
i
«13. Դասընթացի յուրաքանչյուր շաբաթվա դասերի տևողությունն առավելագույնը կարող է կազմել մինչև 30 ժամ, օրական` մինչև 6 ժամ: Դասընթացի 50%-ը դասավանդելուց հետո կազմակերպվում է թեստավորման ճանապարհով գիտելիքների ստուգման քննություն, որի ընթացքում յուրաքանչյուր մասնակից պատասխանում է 20 հարցից բաղկացած թեստային առաջադրանքին: Թեստերը լրացվում են էլեկտրոնային համակարգերի միջոցով: Թեստային առաջադրանքի յուրաքանչյուր հարց պետք է բաղկացած լինի 3 կամ 4 տարբերակից, որից միայն մեկն է ճիշտ: Թեստավորման ընդհանուր տևողությունը կազմում է 40 րոպե:»,
i
13) 15-րդ կետում «10 և ավելի դաս» բառերը փոխարինել «2 և ավելի ժամ» բառերով,
14) 16-րդ կետը շարադրել նոր խմբագրությամբ` հետևյալ բովանդակությամբ.
i
«16. Դասընթացի ավարտից հետո կազմակերպվում է ստացված գիտելիքների ստուգման ավարտական քննություն` թեստավորման միջոցով, որի ընթացքում մասնակիցը պատասխանում է 40 հարցից բաղկացած թեստային առաջադրանքին: Թեստերը լրացվում են էլեկտրոնային համակարգերի միջոցով: Թեստային առաջադրանքի յուրաքանչյուր հարց պետք է բաղկացած լինի 3 կամ 4 պատասխաններից, որից միայն մեկն է ճիշտ: Թեստավորման ընդհանուր տևողությունը կազմում է 80 րոպե:»,
i
15) 18.1-ին, 20-րդ, 22-23-րդ, 26-րդ, 28-30.1-ին կետերն ուժը կորցրած ճանաչել,
i
16) 31-ին կետում «70%-ից» բառերից հետո լրացնել «կամ մասնակիցը դասերից (այդ թվում` հեռավար ձևաչափով իրականացվող դասընթացից) անհարգելի պատճառով բացակայել են 4-ից ավել ժամ» բառերը,
17) 33-րդ կետն ուժը կորցրած ճանաչել,
i
18) 32.1-ին կետում «ՊԵԿ» բառը փոխարինել «կոմիտեի» բառով,
i
19) 38-րդ կետից հանել «և քննության մասնակցի ձայնագրությունը» բառերը, իսկ «հարցազրույցի» բառը փոխարինել «ավարտական քննության» բառերով,
20) 40-րդ կետը շարադրել նոր խմբագրությամբ` հետևյալ բովանդակությամբ.
i
«40. Եթե կոմիտեի նախագահը մասնակցի ավարտական քննության հարցի արդյունքի վերաբերյալ բողոքը համարում է հիմնավոր և որոշում է բավարարել այն, ապա կատարվում է ավարտական քննության արդյունքների վերահաշվարկ մյուս բոլոր մասնակիցների համար:»,
21) 43-րդ կետի 2-րդ և 3-րդ ենթակետերն ուժը կորցրած ճանաչել,
i
22) 44-րդ կետի աղյուսակը շարադրել նոր խմբագրությամբ` հետևյալ բովանդակությամբ.
.__________________________________________________________________.
|Բաղադրիչի անվանումը չափորոշիչները, կշռային միավորի |Կշռային |
|գործակիցը |գնահատականը|
| |(միավոր) |
|______________________________________________________|___________|
|դասընթացին մասնակցություն | 6 |
|______________________________________________________|___________|
|ավարտական քննության գնահատական | 12 |
.__________________________________________________________________.
«,
23) 45-րդ կետում`
i
ա. 1-ին և 2-րդ ենթակետերն ուժը կորցրած ճանաչել,
բ. 3-րդ ենթակետում «տեսական մասի» բառերը փոխարինել «ավարտական քննության» բառերով,
գ. 4-րդ ենթակետի «ա-գ» պարբերություններից հանել «5-, 3-, 1-» բառերը,
24) 45.1-ին կետն ուժը կորցրած ճանաչել,
i
25) 46-րդ կետում «45» թիվը փոխարինել «12» թվով,
i
26) 47-րդ կետում «տեսական մասին» բառերը փոխարինել «դասընթացի մասնակցության» բառերով,
27) Ձև 2-ն ուժը կորցրած ճանաչել:
i
2. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:
11/14/2024 Ռ. ԲԱԴԱՍՅԱՆ
Պաշտոնական հրապարակման օրը` 18 նոյեմբերի 2024 թվական: