ԲՈՒՍԱՍԱՆԻՏԱՐԱԿԱՆ ՀԱՇՎԱՌՄԱՆ, ՎԵՐԱՀԱՇՎԱՌՄԱՆ, ՀԱՇՎԱՌՄ ...

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՆՆԴԱՄԹԵՐՔԻ ԱՆՎՏԱՆԳՈՒԹՅԱՆ ՏԵՍՉԱԿԱՆ ՄԱՐՄՆԻ ՂԵԿԱՎԱՐ
ՀՐԱՄԱՆ

31 հոկտեմբերի 2022 թվականի N 3471-Ն

ԲՈՒՍԱՍԱՆԻՏԱՐԱԿԱՆ ՀԱՇՎԱՌՄԱՆ, ՎԵՐԱՀԱՇՎԱՌՄԱՆ, ՀԱՇՎԱՌՄԱՆ ԿԱՍԵՑՄԱՆ ԿԱՐԳԸ, ՀԱՇՎԱՌՄԱՆ ՀԱՅՏԻ, ՀԱՇՎԱՌՄԱՆ ՎԿԱՅԱԿԱՆԻ ԵՎ ԳՐԱՆՑԱՄԱՏՅԱՆԻ ՁԵՎԵՐԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐՈՒԹՅԱՆ ՍՆՆԴԱՄԹԵՐՔԻ ԱՆՎՏԱՆԳՈՒԹՅԱՆ ՊԵՏԱԿԱՆ ԾԱՌԱՅՈՒԹՅԱՆ ՊԵՏԻ` 2011 ԹՎԱԿԱՆԻ ՍԵՊՏԵՄԲԵՐԻ 14-Ի N 29-Ն ՀՐԱՄԱՆՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով «Բուսասանիտարիայի մասին» օրենքի 5.1-ին հոդվածի 1-ին մասի 2-րդ կետով, «Նորմատիվ իրավական ակտերի մասին» օրենքի 37-րդ հոդվածի 1-ին մասով`

ՀՐԱՄԱՅՈՒՄ ԵՄ

1. Հաստատել`

1) Բուսասանիտարական հաշվառման, վերահաշվառման, հաշվառման կասեցման կարգը` համաձայն N 1 հավելվածի.

2) Հաշվառման հայտի, հաշվառման վկայականի և գրանցամատյանի ձևերը` համաձայն N 2 հավելվածի:

2. Ուժը կորցրած ճանաչել Հայաստանի Հանրապետության գյուղատնտեսության նախարարության սննդամթերքի անվտանգության պետական ծառայության պետի` 2011 թվականի սեպտեմբերի 14-ի «Բուսասանիտարական հաշվառման, վերահաշվառման, հաշվառման կասեցման կարգը, հաշվառման հայտի, հաշվառման վկայականի և գրանցամատյանի ձևերը հաստատելու մասին» N 29-Ն հրամանը:

3. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:

2022 թ. հոկտեմբերի 31

    ք. Երևան                               Գ. ԱՎԵՏԻՍՅԱՆ

Հավելված N 1

Հայաստանի Հանրապետության

սննդամթերքի անվտանգության

տեսչական մարմնի ղեկավարի`

2022 թվականի հոկտեմբերի 31-ի

N 3471-Ն հրամանի

ԿԱՐԳ

ԲՈՒՍԱՍԱՆԻՏԱՐԱԿԱՆ ՀԱՇՎԱՌՄԱՆ, ՎԵՐԱՀԱՇՎԱՌՄԱՆ, ՀԱՇՎԱՌՄԱՆ ԿԱՍԵՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով կարգավորվում են Հայաստանի Հանրապետությունում բուսասանիտարիայի ոլորտում բույսեր, բուսական արտադրանք, կարգավորվող առարկաներ, պեստիցիդներ և ագրոքիմիկատներ արտադրող, իրացնող, փոխադրող, ներմուծող, արտահանող, վերամշակող, պահեստավորող ֆիզիկական և իրավաբանական անձանց (այսուհետ` Անձ) բուսասանիտարական հաշվառման (այսուհետ` Հաշվառում), հաշվառման վկայականի տրամադրման, վերահաշվառման, հաշվառման կասեցման և գրանցամատյանի վարման կարգի (այսուհետ` Կարգ) հետ կապված հարաբերությունները:

2. Հայաստանի Հանրապետության օրենսդրության և սույն Կարգի համաձայն` բույսեր, բուսական արտադրանք, կարգավորվող առարկաներ, պեստիցիդներ և ագրոքիմիկատներ արտադրող, իրացնող, փոխադրող, ներմուծող, արտահանող, վերամշակող, պահեստավորող Անձանց հաշվառման, հաշվառման վկայականի (այսուհետ` Վկայական) տրամադրման, հաշվառման գրանցամատյանի (այսուհետ` Գրանցամատյան), այդ թվում` էլեկտրոնային տարբերակի վարման ու պահպանման, վերահաշվառման, հաշվառման կասեցման գործընթացներն իրականացնում է Հայաստանի Հանրապետության սննդամթերքի անվտանգության տեսչական մարմինը (այսուհետ` Տեսչական մարմին) իր կառուցվածքային և տարածքային ստորաբաժանումների միջոցով:

3. Հաշվառումը նպատակաուղղված է (վերահսկողության նպատակով) Անձանց վերաբերյալ տվյալների հավաքագրմանը, դասակարգմանը, պահպանմանը, թարմացմանը և օգտագործմանը:

4. Սույն կարգով սահմանված դրույթները չեն կիրառվում այն բույսերի, բուսական արտադրանքի և կարգավորվող այլ առարկաների փոքր քանակների նկատմամբ, որոնք նախատեսված են վերջինիս սեփականատիրոջ կամ ստացողի կողմից ոչ արդյունաբերական և ոչ առևտրային նպատակներով սպառման համար կամ փոխադրման ընթացքում սպառման համար, եթե առկա չէ վնասակար օրգանիզմների տարածման ռիսկ:

5. Բուսասանիտարական հաշվառման գործընթացը` բուսասանիտարական հաշվառման վկայականի տրամադրումը, գրանցամատյանում գրանցումը, էլեկտրոնային բազայում մուտքագրումն իրականացվում է անվճար:

2. ՀԱՇՎԱՌՄԱՆ, ՎԵՐԱՀԱՇՎԱՌՄԱՆ ԵՎ ՀԱՇՎԱՌՄԱՆ ԿԱՍԵՑՄԱՆ ԿԱՐԳԸ

6. Հաշվառման համար բույսեր, բուսական արտադրանք, կարգավորվող առարկաներ, պեստիցիդներ և ագրոքիմիկատներ ներմուծող, արտահանող, արտադրող, փոխադրող, իրացնող, վերամշակող, պահեստավորող Անձինք Տեսչական մարմնի համապատասխան ստորաբաժանում են ներկայացնում սույն հրամանի N 2 հավելվածով հաստատված (ձև N 1) բուսասանիտարական հաշվառման հայտը (այսուհետ` Հայտ):

7. Հայտի մեջ ներառվում են հետևյալ տեղեկությունները`

1) ֆիզիկական անձի դեպքում` անունը, ազգանունը և հայրանունը, բնակության և գործունեության իրականացման վայրը.

2) իրավաբանական անձի դեպքում` լրիվ անվանումը, գտնվելու վայրը, պետական գրանցման համարը.

3) հեռախոսահամարը, էլեկտրոնային փոստի հասցեն.

4) գործունեության տեսակը(ները).

5) գործունեության առարկան(ները).

6) քանակը` արտադրության դեպքում (հա, կգ, հատ, լիտր և այլն).

7) հայտի ներկայացման տարին, ամիսը, ամսաթիվը և ստորագրությունը:

8. Հաշվառման համար ֆիզիկական անձինք հայտին կից ներկայացնում են անձնագրի պատճենը:

9. Արտադրող, վերամշակող, պահեստավորող Անձինք ներկայացնում են նաև գործունեության տարածքի սեփականության կամ օգտագործման իրավունքի վկայականի պատճենները:

10. Հայտը և սույն Կարգով սահմանված փաստաթղթերը ստանալուց հետո Տեսչական մարմնի համապատասխան ստորաբաժանման տեսուչը (այսուհետ` Տեսուչ) ներմուծող, արտահանող, արտադրող, պահեստավորող, փոխադրող, իրացնող և վերամշակող Անձանց անմիջապես տալիս է սույն հրամանի N 2 հավելվածով հաստատված (ձև 2) հաշվառման վկայական` 3 տարի ժամկետով: Տեսուչը ներկայացված տվյալները մուտքագրում է սույն հրամանի N 2 հավելվածով հաստատված (ձև 3) գրանցամատյանում, իսկ առկայության և գործարկման դեպքում էլեկտրոնային բազայում:

11. Հայտում քանակը դաշտը լրացվում է միայն արտադրողների կողմից:

12. Մինչև յուրաքանչյուր ամսվա 10-ը Տեսուչները նախորդ ամսում հաշվառված Անձանց վերաբերյալ տեղեկատվությունը ներկայացնում են Տեսչական մարմին` մինչև բազայի էլեկտրոնային համակարգի ստեղծումը և գործարկումը:

13. Հաշվառված Անձանց մասին տեղեկությունները ենթակա չեն հրապարակման:

14. Վերահաշվառում կատարվում է, եթե`

1) հաշվառման վկայականի ժամկետը լրացել է, և այդ նպատակով Անձը դիմել է Տեսուչին և լրացրել է հայտը.

2) մինչև 3 տարին լրանալը գործունեության տեսակի կամ առարկայի փոփոխություն է կատարվել, և այդ նպատակով Անձը դիմել է Տեսուչին և լրացրել է հայտը:

15. Վերահաշվառումը կատարվում է սույն կարգով սահմանված հաշվառման ընթացակարգով:

16. Հաշվառումը կասեցվում է, եթե Անձը դադարեցրել է իր գործունեությունը և այդ նպատակով դիմել է Տեսուչին ու լրացրել է սույն հրամանի N 2 հավելվածով հաստատված (ձև N 1) հայտը:

3. ԳՐԱՆՑԱՄԱՏՅԱՆԻ ՎԱՐՈՒՄԸ ԵՎ ՆԵՐԱՌՎՈՂ ՏԵՂԵԿՈՒԹՅՈՒՆՆԵՐԸ

17. Գրանցամատյանում ներառվում են հետևյալ տեղեկությունները`

1) գրանցամատյանում Անձի հաշվառման հերթական համարը.

2) հաշվառման չկրկնվող համարը.

3) Անձի հաշվառման տարին, ամիսը, ամսաթիվը.

4) ֆիզիկական անձի դեպքում` անունը, հայրանունը, ազգանունը, իրավաբանական անձի դեպքում` լրիվ անվանումը.

5) ֆիզիկական անձի դեպքում` բնակության վայրը, իրավաբանական անձի դեպքում` գտնվելու վայրը.

6) գործունեության իրականացման վայրը.

7) գործունեության տեսակը.

8) գործունեության առարկան.

9) քանակը` արտադրության դեպքում.

10) հեռախոսահամարը, էլ փոստը:

18. Գրանցամատյանը լրացվում է բուսասանիտարական հաշվառման նպատակով Անձանց կողմից լրացված հայտի հիման վրա և ներառվում է հայտում և հաշվառման վկայականում առկա տեղեկատվությունը համապատասխան սյունակներում:

19. 1-ին սյունակում լրացվում է Անձի հաշվառման հերթական համարը:

20. 2-րդ սյունակում լրացվում է Անձի հաշվառման չկրկնվող համարը:

21. 3-րդ սյունակում լրացվում է Անձի հաշվառման տարին, ամիսը, ամսաթիվը:

22. 4-րդ սյունակում ֆիզիկական անձի դեպքում լրացվում է անունը, ազգանունը հայրանունը, իրավաբանական անձի դեպքում` լրիվ անվանումը:

23. 5-րդ սյունակում ֆիզիկական անձի դեպքում լրացվում է նրա բնակության վայրը, իրավաբանական անձի դեպքում` գտնվելու վայրը:

24. 6-րդ սյունակում լրացվում են գործունեության իրականացման վայրի վերաբերյալ տվյալներ:

25. 7-րդ սյունակում լրացվում է գործունեության տեսակը, որով զբաղվում է Անձը:

26. 8-րդ սյունակում լրացվում են այն տեսակի գյուղատնտեսական ապրանքների անվանումները, որոնց հետ է կապված Անձի գործունեությունը (գործունեության առարկան):

27. 9-րդ սյունակում լրացվում են քանակական տվյալները` արտադրության դեպքում (հա, կգ, հատ, լիտր և այլն):

28. 10-րդ սյունակում լրացվում է Անձի հեռախոսահամարը և էլ. փոստը

29. Անձի հաշվառման չկրկնվող համարը այլ Անձի չի տրամադրվում:

4. ՀԱՇՎԱՌՄԱՆ ՎԿԱՅԱԿԱՆՈՒՄ ՆԵՐԱՌՎՈՂ ՏԵՂԵԿՈՒԹՅՈՒՆՆԵՐԸ

30. Հաշվառման վկայականում ներառվում են հետևյալ տեղեկությունները`

1) հաշվառման չկրկնվող համարը.

2) ֆիզիկական անձի դեպքում` անունը, ազգանունը, հայրանունը, բնակության վայրը.

3) իրավաբանական անձի դեպքում` լրիվ անվանումը և գտնվելու վայրը.

4) գործունեության տեսակը(ները).

5) գործունեության առարկան(ները).

6) գրանցման տարին, ամիսը, ամսաթիվը.

7) քանակը (արտադրության դեպքում).

8) հաշվառման վկայականը տրամադրող ստորաբաժանման անվանումը, պաշտոնատար անձի անունը, ազգանունը:

9) հաշվառման վկայականի գործողության ժամկետը:

Հավելված N 2

Հայաստանի Հանրապետության

սննդամթերքի անվտանգության

տեսչական մարմնի ղեկավարի`

2022 թվականի հոկտեմբերի 31-ի

N 3471-Ն հրամանի

ՁԵՎ N 1

ՀԱՇՎԱՌՄԱՆ, ՎԵՐԱՀԱՇՎԱՌՄԱՆ, ՀԱՇՎԱՌՄԱՆ ԿԱՍԵՑՄԱՆ ՀԱՅՏ ___________________ ________________________

Տարին, ամիսը, ամսաթիվը

1. Անձնական տվյալներ

______________________________________________________________________

______________________________________________________________________

Ֆիզիկական անձի Ա.Ա.Հ., բնակության և գործունեության իրականացման վայրը

______________________________________________________________________

______________________________________________________________________

Իրավաբանական անձի լրիվ անվանումը, գտնվելու վայրը

Անձնագրի պատճենը [] (ֆիզիկական անձանց համար)

Պետական գրանցման համարը _______________ (իրավաբանական անձանց համար)

Գործունեության տարածքի սեփականության կամ օգտագործման իրավունքի վկայականի պատճենը (արտադրող, վերամշակող, պահեստավորող անձի դեպքում) []

Հեռախոսը __________________________ _____________________

Էլ. փոստը _______________________________________________

Խնդրում եմ

[] հաշվառել ____ [] վերահաշվառել ________ [] հաշվառումը կասեցնել--

    2. Ծավալվող գործունեությունը           2.2. Գործունեության առարկան

                                           [] միրգ (մասնավորապես`)

    2.1. Գործունեության տեսակը             [] բանջարեղեն (մասնավորապես`)

    [] Արտադրող [] բաց գրունտ [] ջերմոց    [] հացահատիկ (մասնավորապես`)

    [] իրացնող                             [] կարտոֆիլ (մասնավորապես`)

    [] փոխադրող                            [] սերմանյութ (մասնավորապես`)

    [] ներմուծող                           [] տնկանյութ (մասնավորապես`)

    [] արտահանող                           [] փայտանյութ (մասնավորապես`)

    [] վերամշակող                          [] ծաղիկ (մասնավորապես`)

    [] պահեստավորող                        [] պեստիցիդ (մասնավորապես`)

                                           [] ագրոքիմիկատ (մասնավորապես`)

                                           [] այլ (մասնավորապես`)

3. Քանակը` արտադրության դեպքում (հա, կգ, հատ, լիտր և այլն)____________

_______________________________________________________________________

4. Այլ նշումներ

_______________________________________________________________________

_______________________________________________________________________

_______________________________________________________________________

_______________________________________________________________________

__________________________ ___________________  _____________________

      ղեկավար (սեփականատեր)      ստորագրություն         անունը, ազգանունը

5. Հայտի ներկայացման տարին, ամիսը, ամսաթիվը____________________________

ՁԵՎ N 2

    (նկար)                       ՍՆՆԴԱՄԹԵՐՔԻ ԱՆՎՏԱՆԳՈՒԹՅԱՆ ՏԵՍՉԱԿԱՆ ՄԱՐՄԻՆ

                                 _________________________________________

ՎԿԱՅԱԿԱՆ

ԲՈՒՍԱՍԱՆԻՏԱՐԱԿԱՆ ՀԱՇՎԱՌՄԱՆ

ՉԿՐԿՆՎՈՂ ՀԱՄԱՐ N____________

_______________________________________________________________________

ֆիզիկական անձի դեպքում` անունը, հայրանունը, ազգանունը, բնակության վայրը

_______________________________________________________________________

                իրավաբանական անձի դեպքում` լրիվ անվանումը

_______________________________________________________________________

                             գտնվելու վայրը

_______________________________________________________________________

                        գործունեության տեսակ(ներ)

_______________________________________________________________________

                       գործունեության առարկա(ներ)

_______________________________________________________________________

                              քանակը (ներ)

Գրանցման տարին, ամիսը, ամսաթիվը _____________________________

........................ տեսուչ .................... ................

    (ստորաբաժանման անվանումը)        (անուն, ազգանուն)    (ստորագրություն)

Ուժի մեջ է մինչև ______ ________

ՁԵՎ N 3

ԳՐԱՆՑԱՄԱՏՅԱՆ ԲՈՒՍԱՍԱՆԻՏԱՐԱԿԱՆ ՀԱՇՎԱՌՄԱՆ

._________________________________________________________________________.

|Հ/հ|Հաշ-  |Հաշ-  |Ֆիզիկա- |Ֆիզիկա- |Գործու-|Գործու-|Գործու-|Քանա-|Հեռա-  |

|   |վառման|վառման|կան անձի|կան անձի|նեու-  |նեու-  |նեու-  |կը`  |խոսա-  |

|   |չկր-  |տարին,|դեպքում`|դեպքում`|թյան   |թյան   |թյան   |Արտա-|համարը,|

|   |կնվող |ամիսը,|անունը, |բնակու- |իրակա- |տեսակը |առարկան|դրու-|էլ.    |

|   |համարը|ամսա- |հայրա-  |թյան    |նացման |       |       |թյան |փոստը  |

|   |      |թիվը  |նունը,  |վայրը,  |վայրը  |       |       |դեպ- |       |

|   |      |      |ազգա-   |իրավա-  |       |       |       |քում |       |

|   |      |      |նունը,  |բանական |       |       |       |     |       |

|   |      |      |իրավա-  |անձի    |       |       |       |     |       |

|   |      |      |բանական |դեպքում`|       |       |       |     |       |

|   |      |      |անձի    |գտնվելու|       |       |       |     |       |

|   |      |      |դեպքում`|վայրը   |       |       |       |     |       |

|   |      |      |լրիվ    |        |       |       |       |     |       |

|   |      |      |անվա-   |        |       |       |       |     |       |

|   |      |      |նումը   |        |       |       |       |     |       |

|___|______|______|________|________|_______|_______|_______|_____|_______|

| 1 |  2   |  3   |   4    |    5   |   6   |   7   |   8   |  9  |  10   |

|___|______|______|________|________|_______|_______|_______|_____|_______|

|___|______|______|________|________|_______|_______|_______|_____|_______|

._________________________________________________________________________.

ՀՀ սննդամթերքի անվտանգության տեսչական մարմին

Պաշտոնական հրապարակման օրը` 4 նոյեմբերի 2022 թվական: