040.1226.220802
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«22» օգոստոսի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
15 օգոստոսի 2002 թվականի N 1226-Ա
«ՔՎԱՆՏ» ՈՒՍՈՒՄՆԱԳԻՏԱԿԱՆ ԿՈՈՊԵՐԱՏԻՎԻՆ ՄԱՍՆԱՇԵՆՔ ԱՆՀԱՏՈՒՅՑ ՕԳՏԱԳՈՐԾՄԱՆ ՀԱՆՁՆԵԼՈՒ ՄԱՍԻՆ
«Քվանտ» ուսումնագիտական կոոպերատիվի տեխնիկական վերազինման և հետագա գործունեության բարելավման նպատակով Հայաստանի Հանրապետության կառավարությունը որոշում է.
i
1. Երևանի քաղաքապետարանի ենթակայության` Երևանի Բագրատունյաց փողոցի N 23 հասցեում գտնվող N 74 դպրոցի տնօրինության երկրորդ մասնաշենքն ամբողջությամբ, անհատույց օգտագործման իրավունքով հանձնել «Քվանտ» ուսումնագիտական կոոպերատիվին:
(1-ին կետը փոփ. 05.06.03 թիվ 735-Ա որոշում)
i
2. Հայաստանի Հանրապետության կառավարությանն առընթեր պետական գույքի կառավարման վարչության պետին` 15-օրյա ժամկետում «Քվանտ» ուսումնագիտական կոոպերատիվի հետ համատեղ ապահովել սույն որոշման 1-ին կետում նշված մասնաշենքի անհատույց օգտագործման պայմանագրի կնքումը և գույքային իրավունքների պետական գրանցումը:
(2-րդ կետը փոփ. 05.06.03 թիվ 735-Ա որոշում)
i
3. Երևանի քաղաքապետին` 15-օրյա ժամկետում ապահովել սույն որոշման 1-ին կետում նշված մասնաշենքի սպասարկման համար անհրաժեշտ 2776,0 քառակուսի մետր հողամասի սահմանների ճշտումը և անհատույց օգտագործման իրավունքով սահմանված կարգով ձևակերպումը:
(3-րդ կետը փոփ. 05.06.03 թիվ 735-Ա որոշում)
(որոշման վերնագիրը փոփ. 05.06.03 թիվ 735-Ա որոշում)
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2002 ԹՎԱԿԱՆԻ ՕԳՈՍՏՈՍԻ 20-ԻՆ