040.0398.250403
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«25» ապրիլի 2003թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
10 ապրիլի 2003 թվականի N 398-Ա
«ՆԱԻՐԻԻ ՊՈԼԻԿԼԻՆԻԿԱ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԵՎ «ՆԱԻՐԻԻ ՀԻՎԱՆԴԱՆՈՑ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿԱՆՈՆԱԴՐԱԿԱՆ ԿԱՊԻՏԱԼՆԵՐԻ ՓՈՓՈԽՄԱՆ ՄԱՍԻՆ
«Բաժնետիրական ընկերությունների մասին» Հայաստանի Հանրապետության օրենքի 68-րդ հոդվածի 7-րդ կետին համապատասխան` Հայաստանի Հանրապետության կառավարությունը որոշում է.
i
1. «Նաիրիի հիվանդանոց» պետական փակ բաժնետիրական ընկերության գույքի կազմից Հայաստանի Հանրապետության օրենսդրությամբ սահմանված կարգով առանձնացնել «Նաիրիի պոլիկլինիկա» փակ բաժնետիրական ընկերության կողմից օգտագործվող` 2640 քառակուսի մետր և 26052 հազար դրամ հաշվեկշռային արժեք ունեցող շենքային տարածքը` համապատասխան չափով նվազեցնելով «Նաիրիի հիվանդանոց» պետական փակ բաժնետիրական ընկերության կանոնադրական կապիտալի չափը:
(1-ին կետը փոփ. 22.05.03 թիվ 589-Ա որոշում)
2. Լրացուցիչ` 26052 հազար դրամ ընդհանուր անվանական արժեք ունեցող սովորական բաժնետոմսեր տեղաբաշխելու միջոցով ավելացնել «Նաիրիի պոլիկլինիկա» փակ բաժնետիրական ընկերության կանոնադրական կապիտալը` տեղաբաշխվող բաժնետոմսերի դիմաց վճարելով սույն որոշման 1-ին կետում նշված շենքային տարածքով:
3. «Նաիրիի պոլիկլինիկա» փակ բաժնետիրական ընկերության լրացուցիչ տեղաբաշխված բաժնետոմսերի կառավարման լիազորությունը վերապահել «Հայաստանի Հանրապետության Կոտայքի մարզպետարանի աշխատակազմ» պետական կառավարչական հիմնարկին:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2003 ԹՎԱԿԱՆԻ ԱՊՐԻԼԻ 18-ԻՆ