14.07.2023 -
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
13 հուլիսի 2023 թվականի N 1157-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2018 ԹՎԱԿԱՆԻ ԴԵԿՏԵՄԲԵՐԻ 6-Ի N 1419-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ, ԻՆՉՊԵՍ ՆԱԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ՄԱՐՏԻ 4-Ի N 318-Ն ԵՎ 2013 ԹՎԱԿԱՆԻ ՀՈՒԼԻՍԻ 25-Ի N 806-Ն ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Զինվորական ծառայության և զինծառայողի կարգավիճակի մասին» Հայաստանի Հանրապետության օրենքի 65-րդ հոդվածի 3-րդ մասով և «Նորմատիվ իրավական ակտերի մասին» Հայաստանի Հանրապետության օրենքի 33-րդ ու 34-րդ հոդվածներով` Հայաստանի Հանրապետության կառավարությունը որոշում է.
i
1. Հայաստանի Հանրապետության կառավարության 2018 թվականի դեկտեմբերի 6-ի «Հայաստանի Հանրապետության պաշտպանության նախարարության համակարգի` ֆունկցիոնալության խորը կամ ծանր աստիճանի սահմանափակումով հաշմանդամության զինվորական կենսաթոշակի իրավունք ունեցող նախկին զինծառայողների և զոհված (մահացած) զինծառայողների ընտանիքների բնակարանային ապահովության կարգը և չափերը սահմանելու մասին» N 1419-Ն որոշման (այսուհետ` որոշում) մեջ կատարել հետևյալ փոփոխությունները և լրացումները.
1) որոշման վերնագրում և ամբողջ տեքստում «կենսաթոշակի» բառը փոխարինել «կենսաթոշակ ստանալու» բառերով.
2) որոշման 3-րդ կետի 1-ին ենթակետի «բ» պարբերությունը «սակայն`» բառից հետո լրացնել «առնվազն» բառով.
3) որոշման 1-ին կետով հաստատված հավելվածում`
i
ա. 2-րդ կետի 1-ին ենթակետը «սակայն`» բառից հետո լրացնել «առնվազն» բառով,
բ. 3-րդ կետը և 7-րդ կետի 4-րդ ենթակետը «ընթացքում» բառից հետո լրացնել «կամ այդ օրվանից հետո մինչև բնակարանային պայմանների բարելավման կարիք ունեցող հաշվառվելու դիմում ներկայացնելու օրն ընկած ժամանակահատվածում» բառերով,
գ. 4-րդ կետի 2-րդ ու 4-րդ և 11-րդ կետի 2-րդ ենթակետերում «23» թիվը փոխարինել «26» թվով,
դ. Ձև 1-ի և Ձև 2-ի 2-րդ կետերը «սակայն,» բառից հետո լրացնել «առնվազն» բառով,
ե. Ձև 3-ի, Ձև 4-ի և Ձև 5-ի վեցերորդ սյունակները «4-րդ» բառից առաջ լրացնել «առնվազն» բառով:
i
2. Հայաստանի Հանրապետության կառավարության 2004 թվականի մարտի 4-ի «Պետության կողմից երաշխավորված անվճար և արտոնյալ պայմաններով բժշկական օգնության և սպասարկման մասին» N 318-Ն որոշման N 1 հավելվածի 11-րդ կետում, N 5 հավելվածի 2-րդ կետի 13-րդ ենթակետում և N 10 հավելվածի 17-րդ կետում «հաշմանդամության զինվորական կենսաթոշակ ստացող» բառերը փոխարինել «հաշմանդամության զինվորական կենսաթոշակ ստանալու իրավունք ունեցող» բառերով:
3. Հայաստանի Հանրապետության կառավարության 2013 թվականի հուլիսի 25-ի «Սոցիալական փաթեթի շահառու հանդիսացող զինծառայողների և նրանց հավասարեցված անձանց, նրանց ընտանիքների անդամների, ինչպես նաև փրկարար ծառայության ծառայողների և նրանց ընտանիքների անդամների, ժամկետային պարտադիր զինվորական ծառայության շարքային և կրտսեր ենթասպայական կազմի զինծառայողների համար պետության կողմից երաշխավորված անվճար բժշկական օգնության ու սպասարկման կազմակերպման և ֆինանսավորման, ինչպես նաև Հայաստանի Հանրապետության կառավարության 2000 թվականի օգոստոսի 28-ի N 517 որոշումն ուժը կորցրած ճանաչելու մասին» N 806-Ն որոշման N 1 հավելվածի 3-րդ և N 2 հավելվածի 7.1-ին կետերում «հաշմանդամության զինվորական կենսաթոշակ ստացող» բառերը փոխարինել «հաշմանդամության զինվորական կենսաթոշակ ստանալու իրավունք ունեցող» բառերով:
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
|
Հայաստանի Հանրապետության
վարչապետ |
Ն. Փաշինյան |
|
2023 թ. հուլիսի 13
Երևան
|
|
Պաշտոնական հրապարակման օրը` 13 հուլիսի 2023 թվական: