(ուժը կորցրել է 22.11.01 թիվ 1153 որոշում)
i
040.0186.140301
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«14» մարտի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
14 մարտի 2001 թվականի N 186
ԹՈՒՐՔՄԵՆՍՏԱՆԻ ՆԿԱՏՄԱՄԲ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԻՋՊԵՏԱԿԱՆ ՊԱՐՏՔԻ ՄԱՐՄԱՆ ՄԻՋՈՑԱՌՈՒՄՆԵՐԻ ՄԱՍԻՆ
Հայաստանի Հանրապետության կառավարությունը որոշում է.
1. Լիազորել Հայաստանի Հանրապետության ֆինանսների և էկոնոմիկայի նախարարությանը «Էներգաինվեստարդ» փակ բաժնետիրական ընկերության հետ կնքել Թուրքմենստանի նկատմամբ Հայաստանի Հանրապետության միջպետական պարտքի մնացորդի մարման մասին պայմանագիր` այն հիմնական պայմանով, որ նշված միջպետական պարտքի մարման դիմաց տրվող փոխհատուցումը կազմում է մինչև 6,5 մլն ԱՄՆ-ի դոլարին համարժեք դրամ, որից 2 մլն ԱՄՆ-ի դոլարին համարժեք դրամը 2001 թվականի ընթացքում վճարվում է «Էներգաինվեստարդ» փակ բաժնետիրական ընկերությանը, մնացածով` մինչև 4,5 մլն ԱՄՆ-ի դոլարի չափով, Հայաստանի Հանրապետության կառավարությունը կվճարի պետական գույքի մասնավորեցմանը մասնակցելու արդյունքում` նշված ընկերության, որպես գնորդի վճարային պարտավորության դիմաց (ոչ ավելի, քան 4,5 մլն ԱՄՆ-ի դոլարը):
2. Սույն որոշումն ուժի մեջ է մտնում 2001 թվականի մարտի 14-ից: