ՄԻՋԳԵՐԱՏԵՍՉԱԿԱՆ ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ԵՎ ԴՐ ...

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

17 հուլիսի 2019 թվականի N 953-Ա

ՄԻՋԳԵՐԱՏԵՍՉԱԿԱՆ ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ԵՎ ԴՐԱ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 16-րդ մասով`

1. Հայաստանի Հանրապետության քաղաքացիական ավիացիայի զարգացմանն ուղղված հայեցակարգային ուղղությունները քննարկելու նպատակով ստեղծել աշխատանքային խումբ և հաստատել դրա անհատական կազմը` համաձայն հավելվածի:

2. Աշխատանքային խմբի ղեկավարին` հաշվի առնելով Հայաստանի Հանրապետության վարչապետ Նիկոլ Փաշինյանի մոտ 2019 թվականի հուլիսի 3-ին կայացած` Հայաստանի Հանրապետության քաղաքացիական ավիացիայի զարգացման հայեցակարգի մասին խորհրդակցության արդյունքները.

1) 1-ամսյա ժամկետում քննարկել և Հայաստանի Հանրապետության վարչապետի աշխատակազմ ներկայացնել Հայաստանի Հանրապետության քաղաքացիական ավիացիայի զարգացման հայեցակարգը.

2) աշխատանքային խմբի քննարկման առարկա դարձնել ԻԿԱՕ-ի կողմից մշակված կարգավորումների առավելագույն կերպով ներդրումը Հայաստանի Հանրապետության քաղաքացիական ավիացիայի ոլորտում.

3) օդանավակայանի կոնցեսիոն կառավարման պայմանագրի դրույթների հնարավոր փոփոխությունների հարցերը.

4) քննարկումների արդյունքներով ներկայացնել համապատասխան առաջարկություններ Հայաստանի Հանրապետության վարչապետի աշխատակազմ:

Հայաստանի Հանրապետության

    վարչապետ                     Ն. Փաշինյան

2019 թ. հուլիսի 17

Երևան

Հավելված

ՀՀ վարչապետի

2019 թ. հուլիսի 17-ի

N 953-Ա որոշման

ԱՆՀԱՏԱԿԱՆ ԿԱԶՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՑԻԱԿԱՆ ԱՎԻԱՑԻԱՅԻ ԶԱՐԳԱՑՄԱՆՆ ՈՒՂՂՎԱԾ ՀԱՅԵՑԱԿԱՐԳԱՅԻՆ ՈՒՂՂՈՒԹՅՈՒՆՆԵՐԸ ՔՆՆԱՐԿԵԼՈՒ ՆՊԱՏԱԿՈՎ ՍՏԵՂԾՎԱԾ ԱՇԽԱՏԱՆՔԱՅԻՆ ԽՄԲԻ

    Ա. Սիմոնյան        - ՀՀ տարածքային կառավարման և  ենթակառուցվածքների

                         նախարարի տեղակալ (աշխատանքային խմբի ղեկավար)

    Հ. Ճաղարյան        - ՀՀ վարչապետի խորհրդական

    Ս. Ղազարյան        - ՀՀ վարչապետի խորհրդական

    Հ. Կարապետյան      - ՀՀ տնտեսական մրցակցության պաշտպանության պետական

                         հանձնաժողովի անդամ

    Տ. Ռևազյան         - Քաղաքացիական ավիացիայի կոմիտեի նախագահ

    Ա. Պողոսյան        - Քաղաքացիական ավիացիայի կոմիտեի նախագահի տեղակալ

    Ա. Մուսոյան        - ՀՀ տարածքային կառավարման և  ենթակառուցվածքների

                         նախարարության երկաթուղային, ջրային և օդային

                         տրանսպորտի քաղաքականության վարչության պետ

    Ս. Ավետիսյան       - «Արմենիա» միջազգային օդանավակայաններ» ՓԲԸ-ի

                         գլխավոր մենեջերի տեղակալ