(ուժը կորցրել է 11.07.02 թիվ 431-Ա որոշում)
i
041.0383.240602
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
24 հունիսի 2002 թվականի N 383-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐԱԿԱՆ ՊԱՏՎԻՐԱԿՈՒԹՅՈՒՆ ԵՎ ՆԱԽԱՊԱՏՐԱՍՏԱԿԱՆ ԽՈՒՄԲ ՀԱՐԱՎԱՖՐԻԿՅԱՆ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ
1. Կայուն զարգացման հարցերին նվիրված ՄԱԿ-ի համաշխարհային գագաթաժողովին մասնակցելու նպատակով 2002 թվականի օգոստոսի 24-ից մինչև սեպտեմբերի 5-ը Հարավաֆրիկյան Հանրապետություն գործուղել Հայաստանի Հանրապետության կառավարական պատվիրակություն և նախապատրաստական խումբ` համաձայն հավելվածի:
2. Հայաստանի Հանրապետության ֆինանսների և էկոնոմիկայի նախարարին`
ա) ապահովել Հայաստանի Հանրապետության կառավարական պատվիրակության մասնակցության հետ կապված կանխավճարների փոխանցումը.
բ) Մ. Մարգարյանի, Հ. Աբրահամյանի, Գ. Հակոբյանի, Ս. Օհանյանի, Մ. Հարությունյանի և Ռ. Դավթյանի Հարավաֆրիկյան Հանրապետություն գործուղման հետ կապված ծախսերը` ներառյալ հյուպատոսական գանձումները, Հայաստանի Հանրապետությունից օդային ուղևորների ելքի պետական տուրքը, ներկայացուցչական ծախսերը և փոխադրամիջոցների վարձակալումը, կատարել Հայաստանի Հանրապետության կառավարության աշխատակազմի գործուղումների համար նախատեսված միջոցների, Վ. Այվազյանինը, Կ. Ճշմարիտյանինը, Վ. Խաչատրյանինը և Գ. Արզումանյանինը` Հայաստանի Հանրապետության 2002 թվականի պետական բյուջեով արտասահմանյան պաշտոնեական գործուղումների համար նախատեսված միջոցների, իսկ Ա. Մարտիրոսյանինը, Մ. Աբելյանինը, Պ. Հովհաննիսյանինը, Ա. Քոչարյանինը և Ա. Աղաջանյանինը` Հայաստանի Հանրապետության արտաքին գործերի նախարարության աշխատակազմի գործուղումների համար նախատեսված միջոցների հաշվին` համաձայն փաստացի կատարված ծախսերը հիմնավորող փաստաթղթերի:
Ընդունել ի գիտություն, որ Կ. Դանիելյանի և Գ. Արսենյանի Հարավաֆրիկյան Հանրապետություն գործուղման հետ կապված ծախսերը կկատարվեն սեփական միջոցների հաշվին:
3. Հայաստանի Հանրապետության արտաքին գործերի նախարարին և Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետին` լուծել Հայաստանի Հանրապետության կառավարական պատվիրակության և նախապատրաստական խմբի Հարավաֆրիկյան Հանրապետություն մեկնելու հետ կապված հարցերը:
Հավելված
ՀՀ վարչապետի 2002 թ.
հունիսի 24-ի N 383-Ա որոշման
ԿԱԶՄ
2002 ԹՎԱԿԱՆԻ ՕԳՈՍՏՈՍԻ 24-ԻՑ ՄԻՆՉԵՎ ՍԵՊՏԵՄԲԵՐԻ 5-Ը ՀԱՐԱՎԱՖՐԻԿՅԱՆ ՀԱՆՐԱՊԵՏՈՒԹՅՈՒՆ ՄԵԿՆՈՂ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՊԱՏՎԻՐԱԿՈՒԹՅԱՆ ԵՎ ՆԱԽԱՊԱՏՐԱՍՏԱԿԱՆ ԽՄԲԻ
Կառավարական պատվիրակություն (օգոստոսի 31-ից մինչև սեպտեմբերի 5-ը)
Ա. Մարգարյան - ՀՀ վարչապետ
Հ. Աբրահամյան - ՀՀ տարածքային կառավարման և ենթակառուցվածքների
գործունեությունը համակարգող նախարար
Վ. Այվազյան - ՀՀ բնապահպանության նախարար
Վ. Խաչատրյան - ՀՀ ֆինանսների և էկոնոմիկայի նախարար
Կ. Ճշմարիտյան - ՀՀ առևտրի և տնտեսական զարգացման նախարար
Գ. Արսենյան - ՀՀ Ազգային ժողովի պատգամավոր (համաձայնությամբ)
Ա. Մարտիրոսյան - ՀՀ արտաքին գործերի նախարարի տեղակալ
Գ. Հակոբյան - ՀՀ վարչապետի օգնական
Պ. Հովհաննիսյան - ՀՀ արտաքին գործերի նախարարության միջազգային
տնտեսական կազմակերպությունների բաժնի պետ
Մ. Աբելյան - ՄԱԿ-ում Հայաստանի Հանրապետության մշտական
ներկայացուցիչ
Նախապատրաստական խումբ (օգոստոսի 24-ից մինչև սեպտեմբերի 5-ը)
Ս. Օհանյան - ՀՀ կառավարության աշխատակազմի քաղաքաշինության և
բնական ռեսուրսների վարչության պետ
Մ. Հարությունյան - ՀՀ կառավարության աշխատակազմի տեղեկատվության և
հասարակայնության հետ կապերի վարչության պետ
Ա. Քոչարյան - ՀՀ արտաքին գործերի նախարարության միջազգային
կազմակերպությունների վարչության պետ
Ա. Աղաջանյան - ՀՀ արտաքին գործերի նախարարության ՄԱԿ-ի բաժնի պետ
Գ. Արզումանյան - ՀՀ բնապահպանության նախարարության միջազգային կապերի
վարչության պետ
Ռ. Դավթյան - ՀՀ կառավարության աշխատակազմի տեղեկատվության և
հասարակայնության հետ կապերի վարչության օպերատոր
Կ. Դանիելյան - «Հանուն մարդկային զարգացման» ասոցիացիայի նախագահ
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2002 ԹՎԱԿԱՆԻ ՀՈՒՆԻՍԻ 24-ԻՆ