(ուժը կորցրել է 18.09.07 թիվ 294-Ն որոշում)
i
050.0190.080806
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«08» 08 2006 Թ.
ՊԵՏԱԿԱՆ ԳՐԱՆՑՄԱՆ ԹԻՎ 05006236
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՈՐՈՇՈՒՄ
10 մայիսի 2006 թվականի N 190-Ն
i
ՎԵՐԱԱՊԱՀՈՎԱԳՐՈՂՆԵՐԻ ՀՈՒՍԱԼԻ ՀԱՄԱՐԵԼՈՒ ՉԱՓԱՆԻՇՆԵՐԸ ՍԱՀՄԱՆԵԼՈՒ ԿԱՐԳԸ ՀԱՍՏԱՏԵԼՈՒ ՄԱՍԻՆ
Հիմք ընդունելով «Ապահովագրության մասին» Հայաստանի Հանրապետության օրենքի 24 հոդվածը` Հայաստանի Հանրապետության կենտրոնական բանկի խորհուրդը որոշում է.
1. Հաստատել «Վերաապահովագրողների հուսալի համարելու չափանիշները սահմանելու կարգը»` համաձայն հավելված 1-ի (կցվում է):
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրվանից:
3. Մինչև սույն որոշումն ուժի մեջ մտնելը կնքված վերաապահովագրության պայմանագրերի կողմ հանդիսացող և Հայաստանի Հանրապետության կենտրոնական բանկի խորհրդի 2006 թվականի մարտի 28-ի թիվ 124-Ն որոշման 1.5 կետի պահանջների համաձայն հուսալի ճանաչված վերաապահովագրողները համարվում են հուսալի` սույն որոշումն ուժի մեջ մտնելուց հետո վեց ամսվա ընթացքում:
ՍՏՈՐԱԳՐՎԵԼ Է ՀՀ ԿԵՆՏՐՈՆԱԿԱՆ ԲԱՆԿԻ ՆԱԽԱԳԱՀԻ ԿՈՂՄԻՑ
2006 ԹՎԱԿԱՆԻ ՄԱՅԻՍԻ 17-ԻՆ
Հավելված 1
Հայաստանի Հանրապետության
կենտրոնական բանկի խորհրդի
2006 թվականի մայիսի 10-ի
թիվ 190-Ն որոշման
ԿԱՐԳ
ՎԵՐԱԱՊԱՀՈՎԱԳՐՈՂՆԵՐԻ ՀՈՒՍԱԼԻ ՀԱՄԱՐԵԼՈՒ ՉԱՓԱՆԻՇՆԵՐԸ ՍԱՀՄԱՆԵԼՈՒ
1. Ոչ ռեզիդենտ վերաապահովագրողը համարվում է հուսալի, եթե սույն կետում նշված միջազգային վարկանշող կազմակերպություններից առնվազն մեկի կողմից` հաշվետու ամսաթվի դրությամբ (համաձայն Հայաստանի Հանրապետության կենտրոնական բանկ վերաապահովագրողների վերաբերյալ ներկայացվող հաշվետվության) նրան տրված վարկանիշը ցածր չէ հետևյալ վարկանշային դասակարգումից`
- Ստանդարտ և Փուրզ ԲԲԲ
- Մուդիզ Բաա2
- Ա. Մ. Բեստ Բ+
- Դաֆֆ և Ֆելփզ ԲԲԲ
- Վեիսս Բ
- Ֆիթչ ԲԲԲ
2. Ոչ ռեզիդենտ վերաապահովագրողի վարկանշային գնահատականը ճանաչվում է, եթե այն հրապարակված է վերաապահովագրողի գրանցման վայրի (գործելու) երկրի համապատասխան լիազոր մարմնի կամ այդ վարկանշող կազմակերպության պաշտոնական տեղեկագրում կամ պաշտոնական ինտերնետային կայքում:
3. Սույն կարգի իմաստով Հայաստանի Հանրապետության ռեզիդենտ վերաապահովագրողները համարվում են հուսալի: