i
ՀԱՄԱՁԱՅՆԱԳԻՐ
ԲՆԱԿՈՒԹՅԱՆ ՊԵՏՈՒԹՅՈՒՆԻՑ ԴՈՒՐՍ ԳՏՆՎՈՂ ԱՇԽԱՏՈՂՆԵՐԻ ՀԵՏ ԱՐՏԱԴՐՈՒԹՅՈՒՆՈՒՄ ԴԺԲԱԽՏ ՊԱՏԱՀԱՐՆԵՐԻ ՔՆՆՈՒԹՅԱՆ ԿԱՐԳԻ ՄԱՍԻՆ
Սույն Համաձայնագրի մասնակից պետությունները` ի դեմս Կառավարությունների, այսուհետ` Կողմեր,
բացառիկ կարևոր նշանակություն տալով արտադրությունում դժբախտ պատահարների արդյունքում տուժած քաղաքացիների իրավունքներին,
գիտակցելով արտադրական վնասվածքների կանխարգելման գործում ջանքերի միավորման անհրաժեշտությունը,
ղեկավարվելով աշխատանքի պահպանության բնագավառում համագործակցության մասին Համաձայնագրով,
համաձայնեցին ներքոհիշյալի մասին.
ՀՈԴՎԱԾ 1
Սույն Համաձայնագրով սահմանվում է մյուս Կողմի տարածքում գործուղման մեջ ժամանակավորապես գտնվող աշխատողների հետ արտադրությունում տեղի ունեցած դժբախտ պատահարների քննության կարգը:
ՀՈԴՎԱԾ 2
Սույն Համաձայնագրում կիրառվող հասկացություններն ունեն հետևյալ նշանակությունը.
«դժբախտ պատահար»` վնասվածք, մասնագիտական սուր հիվանդություն (թունավորում), ջերմային հարված, այրվածք, ցրտահարություն, ջրախեղդում, էլեկտրական հոսանքի կամ կայծակի հարված, վթարի, հրդեհի, տարերային աղետի (երկրաշարժ, սողանք, ջրհեղեղ, փոթորիկ և այլն), կենդանիների, միջատների և բուսական ու կենդանական աշխարհի այլ ներկայացուցիչների հետ շփման հետևանքով ստացած վնասվածքներ,
«գործատու»` անկախ սեփականության ձևերից և գերատեսչական պատկանելությունից ձեռնարկություն, հաստատություն, կազմակերպություն կամ ֆիզիկական անձ, որի հետ աշխատողը գտնվում է աշխատանքային հարաբերությունների մեջ,
«գործուղում»` մյուս Կողմի տարածքում ծառայողական հանձնարարության կատարման համար գործատուի հանձնարարությամբ աշխատողների գործուղում:
ՀՈԴՎԱԾ 3
Յուրաքանչյուր դժբախտ պատահարի քննությունը, այդ թվում վնասվածքի մասին հաղորդման կարգը, քննության հանձնաժողովի ձևավորումը, դրա աշխատանքի կազմակերպումը, դրանց հետ կապված ձեռնարկությունների, առողջապահության հաստատությունների, պետական հսկողության ծառայությունների և այլ շահագրգիռ կազմակերպությունների ու պաշտոնատար անձանց ծագած պարտականությունները, քննության կազմակերպման հետ կապված այլ հարցերի լուծումը իրականացվում է դժբախտ պատահարի պահին տուժողի գտնվելու վայրի Կողմի համապատասխան նորմատիվ ակտերով սահմանված կարգով:
Սույն Համաձայնագիրը տարածվում է Կողմերի անկախ սեփականության ձևերից ձեռնարկությունների, հաստատությունների և կազմակերպությունների, ինչպես նաև ֆիզիկական անձանց վրա, որոնց հետ աշխատողը գտնվում է աշխատանքային հարաբերությունների մեջ:
ՀՈԴՎԱԾ 4
Ծանր, խմբակային, ինչպես նաև մահացու ելքով դժբախտ պատահարների քննությունը կատարվում է գործատուի ներկայացուցչի պարտադիր մասնակցությամբ: Բացառիկ դեպքերում գործատուն կարող է հանձնարարել, որ քննությանը մասնակցի այն Կողմի վստահելի անձը, որի տարածքում գտնվում է տուժողը:
ՀՈԴՎԱԾ 5
Սույն Համաձայնագրին համապատասխան քննվող դեպքերի համար Կողմերը հաստատում են արտադրությունում դժբախտ պատահարների մասին Ակտի համաձայնեցված ձևը (H-1M ձև), որը կցվում է սույն Համաձայնագրին և հանդիսանում է նրա անբաժանելի մասը: Նշված Ակտի ձևակերպումը հանդիսանում է այն ձեռնարկության պարտականությունը, որտեղ տեղի է ունեցել դժբախտ պատահարը: Ակտը ձևակերպվում է այն Կողմի պետական լեզվով, որի տարածքում տեղի է ունեցել դժբախտ պատահարը և ռուսերենով: Քննության բոլոր նյութերը (ներառյալ H-1M ձևի Ակտը, որը տուժողի խնդրանքով հանձնվում է նրան կամ նրա շահերը ներկայացնող անձին) քննության ավարտից հետո պարտադիր կարգով ուղարկվում են գործատուին, իսկ խմբակային և մահացու ելքով դժբախտ պատահարների նյութերը` նաև տուժողի մշտական աշխատանքի վայրի Կողմի աշխատանքի պահպանության օրենսդրության պահպանման նկատմամբ հսկողության պետական մարմնին:
ՀՈԴՎԱԾ 6
Ձեռնարկությունը, որտեղ տեղի է ունեցել դժբախտ պատահարը, պարտավոր է կազմակերպել տուժողին առաջին բժշկական օգնության ցուցաբերումը, ամբուլատոր կամ, անհրաժեշտության դեպքում, ստացիոնար բուժումը (հոսպիտալացումը): Աշխատողի մահվան դեպքում տվյալ ձեռնարկությունը տեղեկացնում է այդ մասին աշխատողի մշտական բնակության Կողմի դիվանագիտական կամ հյուպատոսական ներկայացուցչությանը` մահվան փաստեր ներկայացնելով և գործադիր իշխանության տեղական մարմինների հետ համատեղ օժանդակություն է ցուցաբերում գործատուի ներկայացուցիչներին և տուժողի հարազատներին` մահացածի մարմնի և անձնական գույքի փոխադրման, ինչպես նաև այլ անհրաժեշտ դեպքերում: Դրանց հետ կապված ծախսերը հոգում է այն Կողմի ձեռնարկությունը, որի տարածքում տեղի է ունեցել դժբախտ պատահարը:
ՀՈԴՎԱԾ 7
Սույն Համաձայնագրում նշված արտադրությունում դժբախտ պատահարի հետ կապված աշխատողին հասցված վնասի փոխհատուցման, ինչպես նաև նման դժբախտ պատահարի համար մեղավոր ձեռնարկության կողմից ծախսերի փոխհատուցման մասով հակընդդեմ հայցի բավարարման կարգը սահմանվում է Կողմերի միջև կնքվող առանձին համաձայնագրով:
ՀՈԴՎԱԾ 8
Մյուս Կողմի տարածքում աշխատանքային կամ այլ պայմանագրի հիման վրա գտնվող աշխատողների հետ արտադրությունում տեղի ունեցած դժբախտ պատահարները քննվում են պայմանագրի կնքման վայրի Կողմի օրենսդրությամբ սահմանված կարգին համապատասխան:
Այդ դեպքերում տուժողի առողջության վնասի փոխհատուցումը կատարվում է «Աշխատանքային պարտականությունները կատարելու հետ կապված խեղման, մասնագիտական հիվանդության կամ առողջությունը այլ կերպ վնասած աշխատողներին պատճառված վնասի փոխհատուցման իրավունքները փոխադարձաբար ճանաչելու մասին» 1994 թվականի սեպտեմբերի 9-ի Համաձայնագրին համապատասխան:
ՀՈԴՎԱԾ 9
Սույն Համաձայնագրի իրականացման նպատակներով մի Կողմի տարածքում սահմանված ձևով տրված փաստաթղթերը կամ դրանց հաստատված պատճենները մյուս Կողմերը ընդունում են առանց օրինականացման:
ՀՈԴՎԱԾ 10
Կողմերից յուրաքանչյուրը սույն Համաձայնագրի ստորագրման օրվանից առնվազն մեկ ամսվա ընթացքում կորոշի Լիազոր մարմնին (մարմինները), որի վրա կդրվի դրա իրականացումը:
ՀՈԴՎԱԾ 11
Սույն Համաձայնագրի մեկնաբանման կամ կիրառման վերաբերյալ վեճերը լուծվում են շահագրգիռ Կողմերի Լիազոր մարմինների միջև բանակցությունների և այլ հանրաճանաչ միջոցներով, ներառյալ Կողմերից որևէ մեկի խնդրանքով ստեղծվող հանձնաժողովները:
ՀՈԴՎԱԾ 12
Փոխադարձ պայմանավորվածությամբ, Կողմերը սույն Համաձայնագրում կարող են կատարել անհրաժեշտ լրացումներ և փոփոխություններ, որոնք ձևակերպվում են համապատասխան արձանագրություններով և հանդիսանում են սույն Համաձայնագրի անբաժանելի մասը:
ՀՈԴՎԱԾ 13
Սույն Համաձայնագիրն ուժի մեջ է մտնում դրա ուժի մեջ մտնելու համար անհրաժեշտ` մասնակից պետությունների ներպետական ընթացակարգերի կատարման մասին երեք Կողմերի ծանուցումները ավանդապահին ի պահ հանձնելու օրվանից:
ՀՈԴՎԱԾ 14
Սույն Համաձայնագիրը բաց է դրա նպատակները և սկզբունքները կիսող այլ պետությունների կողմից միանալու համար` միանալու մասին փաստաթղթերը ավանդապահին փոխանցելու միջոցով:
ՀՈԴՎԱԾ 15
Սույն Համաձայնագիրը կնքվում է հինգ տարի ժամկետով և ամեն անգամ ինքնաբերաբար կերկարաձգվի մեկ տարի ժամկետով: Կողմերից յուրաքանչյուրը կարող է հայտարարել սույն Համաձայնագրից դուրս գալու իր մտադրության մասին` համապատասխան ժամանակաշրջանի ավարտից առնվազն վեց ամիս առաջ ավանդապահին այդ մասին գրավոր ծանուցելով:
Կատարված է Մոսկվա քաղաքում 1994 թվականի դեկտեմբերի 9-ին, մեկ բնօրինակով` ռուսերեն: Բնօրինակը պահվում է Բելառուսի Հանրապետության կառավարության արխիվում, որը սույն Համաձայնագիրը ստորագրած յուրաքանչյուր պետությանը կուղարկի դրա հաստատված պատճենը:
Հավելված
Բնակության պետությունից դուրս
գտնվող աշխատողների հետ
արտադրությունում դժբախտ
պատահարների քննության կարգի
մասին 1994 թվականի դեկտեմբերի
9-ի` Համաձայնագրին կից
H-1M ձև
Հաստատում եմ
Ձեռնարկության ղեկավար
____________________________________________
(ստորագրություն, անուն, ազգանուն, հայրանուն)
«» 199_ թվական
Կնիքի տեղը
ԱԿՏ
արտադրությունում դժբախտ պատահարի մասին
Կոդեր
1. Ձեռնարկության անվանումը, գրանցման համարը _________________________
1.1. Պետություն _____________________________________________________
1.2. Ձեռնարկության հասցեն.
Շրջան _______________________________________________________________
Քաղաք, փողոց, շենք/տուն _____________________________________________
Բանկային տվյալներ ___________________________________________________
1.3. Սեփականության ձևը (պետական, քաղաքային, մասնավոր և այլն)
_____________________________________________________________________
1.4. Դժբախտ պատահարի վայրը __________________________________________
2. Տնտեսության ճյուղը (նախարարություն, գերատեսչություն) _____________
3. Աշխատողին ուղարկած ձեռնարկությունը (պետություն, ձեռնարկության անվանում, հասցե, բանկային տվյալներ, տնտեսության ճյուղ, նախարարություն, գերատեսչություն) ________________________________________________________
4. Տուժողի անունը, ազգանունը, հայրանունը ____________________________
5. Սեռը` իգական, սեռական (ընդգծել) __________________________________
6. Տարիքը (նշել լրացած տարիքը) ______________________________________
7. Մասնագիտություն, պաշտոն __________________________________________
կարգ _____________________________________________________________
8. Տվյալ մասնագիտության, որի կատարման ժամանակ տեղի է ունեցել դժբախտ
պատահարը, աշխատանքային ստաժը ________________________________________
9. Աշխատանքի անվտանգության հրահանգավորում, ուսուցում (անցկացման
ժամկետը) ____________________________________________________________
9.1. Ներածական հրահանգավորում _______________________________________
9.2. Աշխատանքի անվտանգության ուսուցում ______________________________
9.3. Նախնական (կրկնվող) հրահանգավորում ______________________________
9.4. Բարձր վտանգավորության աշխատանքների համար գիտելիքների ստուգում
____________________________________________________________________
9.5. Նախնական և պարբերաբար բժշկական ստուգումների անցկացում
____________________________________________________________________
10. Դժբախտ պատահարի օրը և ժամը (տարին, ամիսը, օրը, ժամը, աշխատած
ժամերը) _____________________________________________________________
11. Դժբախտ պատահարի հանգամանքները ___________________________________
11.1. Պատճառները ____________________________________________________
11.2. Վնասվածքի պատճառ հանդիսացած սարքավորումը (անվանում, տեսակ,
թողարկման տարեթիվ, թողարկող ձեռնարկություն) _________________________
11.3. Ոգելից խմիչքի կամ թմրադեղերի ազդեցությունը տուժողի վրա (համաձայն
բժշկական եզրակացության) _____________________________________________
11.4. Ախտորոշում (նախնական, վերջնական) ______________________________
12. Դժբախտ պատահարի պատճառների վերացման միջոցառումները
._________________________________________________________________________.
|հհ.| Միջոցառման անվանումը | Կատարման ժամկետը| Կատարողը |Նշում կատարման |
| | | | | մասին |
|___|________________________|_________________|__________|_______________|
|___|________________________|_________________|__________|_______________|
._________________________________________________________________________.
13. Աշխատանքի պահպանության նորմատիվ ակտերի խախտումներ թույլ տված անձինք
(անուն, ազգանուն, հայրանուն, պաշտոն, ձեռնարկության անվանում)_________
_____________________________________________________________________
նրանց խախտած նորմատիվ փաստաթղթերի հոդվածներ, պարբերություններ,
դրույթների կետեր ____________________________________________________
14. Դժբախտ պատահարի ականատեսներ _____________________________________
Ակտը կազմված է (օր, ամիս, տարի) _____________________________________
Աշխատանքի պահպանության ծառայության ղեկավար (մասնագետ) (ստորագրություն,
անուն, ազգանուն, հայրանուն, պաշտոն) _________________________________
Աշխատանքի պահպանության աշխատանքային կոլեկտիվի (արհմիության) լիազոր
(ստորագրություն, անուն, ազգանուն, հայրանուն) ________________________
_____________________________________________________________________
Ստորաբաժանման ղեկավար (ստորագրություն, անուն, ազգանուն, հայրանուն)
_____________________________________________________________________
* Համաձայնագիրը Հայաստանի Հանրապետության համար ուժի մեջ է մտել 1995 թվականի մարտի 10-ից: