ԻՐԱՎԱԲԱՆԱԿԱՆ ՈՐԱԿԱՎՈՐՈՂ ՀԱՆՁՆԱԺՈՂՈՎԻ ՄԱՍԻՆ

(ուժը կորցրել է 05.11.98 թիվ ՆՀ-146 հրամնագիր)

030.0126.190998

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

ՀՐԱՄԱՆԱԳԻՐԸ

ԻՐԱՎԱԲԱՆԱԿԱՆ ՈՐԱԿԱՎՈՐՈՂ ՀԱՆՁՆԱԺՈՂՈՎԻ ՄԱՍԻՆ

Մինչև բարձրագույն իրավաբանական որակավորող հանձնաժողովի մասին օրենքի ընդունումը, դատավորների պաշտոնեական պիտանիության և ծառայողական առաջխաղացման ամենամյա ցուցակները կազմելու աշխատանքները պատշաճ մակարդակով կազմակերպելու և դատական նոր համակարգը բարձրորակ իրավաբանական կադրերով համալրելու նպատակով որոշում եմ.

1. Ստեղծել իրավաբանական որակավորող հանձնաժողով (այսուհետ` Հանձնաժողով):

2. Հաստատել Հանձնաժողովի կազմը (կցվում է):

3. Հանձնաժողովին` իրավաբանական գիտելիքների կիրառման ունակության ստուգման աշխատանքներին ապահովել և հավակնորդներին վկայագրերը հանձնել մինչև 1998 թվականի դեկտեմբերի 1-ը:

4. Հայաստանի Հանրապետության կառավարությանը` Հանձնաժողովին ցուցաբերել անհրաժեշտ կազմակերպական և տեղեկատվական աջակցություն:

5. Հանձնաժողովի համանախագահներին` սույն հրամանագիրն ուժի մեջ մտնելուց հետո տասնօրյա ժամկետում գումարել Հանձնաժողովի առաջին նիստը, մշակել Հանձնաժողովի կանոնադրությունը և ներկայացնել Հայաստանի Հանրապետության Նախագահի հաստատմանը:

6. Սույն հրամանագիրն ուժի մեջ է մտնում պաշտոնական հրապարակման պահից:

19 սեպտեմբերի 1998 թ. ՆՀ-126

Հաստատված է

Հայաստանի Հանրապետության

Նախագահի 1998 թվականի սեպտեմբերի

19-ի ՆՀ-126 հրամանագրով

ԻՐԱՎԱԲԱՆԱԿԱՆ ՈՐԱԿԱՎՈՐՈՂ ՀԱՆՁՆԱԺՈՂՈՎԻ

ԿԱԶՄ

    Դավիթ Հարությունյան     - Հայաստանի Հանրապետության արդարադատության

                              նախարար (հանձնաժողովի համանախագահ)

    Հենրիկ Դանիելյան        - Հայաստանի Հանրապետության վճռաբեկ դատարանի

                              նախագահ (հանձնաժողովի համանախագահ)

    Վրեժ Գասպարյան          - Հայաստանի Հանրապետության Նախագահի

                              աշխատակազմի պետաիրավական վարչության պետ

    Աիդա Իսկոյան            - Երևանի  պետական համալսարանի իրավաբանական

                              ֆակուլտետի քաղաքացիական իրավունքի ամբիոնի

                              դոցենտ

    Ֆրունզե Խառատյան        - Հայաստանի Հանրապետության Ազգային ժողովի

                              պատգամավոր

    Արմեն Հարությունյան     - Երևանի  պետական համալսարանի իրավաբանական

                              ֆակուլտետի սահմանադրական և միջազգային

                              իրավունքի ամբիոնի դոցենտ

    Արման Մկրտումյան        - Հայաստանի Հանրապետության վճռաբեկ դատարանի

                              քաղաքացիական և տնտեսական գործերի պալատի

                              նախագահ

    Միշա Փիլիպոսյան         - Հայաստանի Հանրապետության փաստաբանների

                              կոլեգիայի նախագահ