(ուժը կորցրել է 05.04.12 թիվ 13 արձանագրային որոշում)
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ
28 հոկտեմբերի 2010 թվականի N 42
11. ՆՈՐՄԱՏԻՎ ԻՐԱՎԱԿԱՆ ԱԿՏԵՐԻ ՆԱԽԱԳԾԵՐԸ` ԲԱՑԱՌՈՒԹՅԱՄԲ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ՆԱԽԱԳԾԻ, ՆԵՐԿԱՅԱՑՆԵԼՈՒ ՈՒՂԵՑՈՒՅՑԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ
1. Հավանություն տալ նորմատիվ իրավական ակտերի նախագծերը` բացառությամբ «Հայաստանի Հանրապետության պետական բյուջեի մասին» Հայաստանի Հանրապետության օրենքի նախագծի, ներկայացնելու ուղեցույցին` համաձայն հավելվածի:
2. Հանձնարարել հանրապետական գործադիր մարմինների ղեկավարներին և առաջարկել պետական մյուս մարմինների ղեկավարներին նորմատիվ իրավական ակտերի, ինչպես նաև նորմատիվ օրենսդրական փոփոխություններ նախատեսող արձանագրային որոշումների նախագծերը Հայաստանի Հանրապետության կառավարության քննարկմանը ներկայացնելիս առաջնորդվել ուղեցույցով:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2010 ԹՎԱԿԱՆԻ ՆՈՅԵՄԲԵՐԻ 9-ԻՆ
Հավելված
ՀՀ կառավարության
2010 թվականի հոկտեմբերի 28-ի
նիստի N 42 արձանագրային
որոշման
ՈՒՂԵՑՈՒՅՑ ՆՈՐՄԱՏԻՎ ԻՐԱՎԱԿԱՆ ԱԿՏԵՐԻ ՆԱԽԱԳԾԵՐԸ` ԲԱՑԱՌՈՒԹՅԱՄԲ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵԻ ՄԱՍԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ՆԱԽԱԳԾԻ, ՆԵՐԿԱՅԱՑՆԵԼՈՒ
1. ՀՀ կառավարության քննարկմանը ներկայացվող նորմատիվ իրավական ակտերի նախագծին կից ներկայացվում են`
1) իրավական ակտի հիմնավորումը
2) իրավական ակտն ընդունելու դեպքում պետական կամ տեղական ինքնակառավարման մարմինների բյուջեներում ծախսերի և եկամուտների էական ավելացումների կամ նվազեցումների մասին տեղեկանք
3) նախագծի ընդունման առնչությամբ ընդունվելիք այլ իրավական ակտերի նախագծերը կան դրանց ընդունման անհրաժեշտության բացակայության մասին տեղեկանքը.
4) իրավական ակտի նախագծմանը և քննարկմանը հասարակության մասնակցության մասին տեղեկանք, եթե հասարակությունը ներգրավված է եղել նախագծման կամ քննարկման աշխատանքներին
5) «Իրավական ակտերի մասին» ՀՀ օրենքի 27.1-րդ հոդվածի առաջին մասով նախատեսված դեպքում` ազդեցության գնահատողներից ստացված եզրակացությունները.
6) ամփոփաթերթ` նախագծի վերաբերյալ ստացված դիտողությունների և առաջարկությունների, դրանց ընդունման կամ չընդունման վերաբերյալ
2. Իրավական ակտի հիմնավորումը ներկայացվում է հետևյալ ձևաչափով.
.___________________________________________________________________.
| Իրավական ակտի հիմնավորումը |
|___________________________________________________________________|
| 1.|Անհրաժեշտությունը |
|___|_______________________________________________________________|
| | |
|___|_______________________________________________________________|
| 2.|Ընթացիկ իրավիճակը և խնդիրները |
|___|_______________________________________________________________|
| | |
|___|_______________________________________________________________|
| 3.|Տվյալ բնագավառում իրականացվող քաղաքականությունը |
|___|_______________________________________________________________|
| | |
|___|_______________________________________________________________|
| 4.|Կարգավորման նպատակը և բնույթը |
|___|_______________________________________________________________|
| | |
|___|_______________________________________________________________|
| 5.|Նախագծի մշակման գործընթացում ներգրավված ինստիտուտները և անձինք|
|___|_______________________________________________________________|
| | |
|___|_______________________________________________________________|
| 6.|Ակնկալվող արդյունքը |
|___|_______________________________________________________________|
| | |
|___|_______________________________________________________________|
| 7.|Այլ տեղեկություններ (եթե այդպիսիք առկա են) |
|___|_______________________________________________________________|
| | |
.___________________________________________________________________.
Իրավական ակտի հիմնավորումը ներառում է հետևյալ տեղեկատվությունը.
1) Անհրաժեշտություն - Իրավական ակտի ընդունման անհրաժեշտությունը, ինչպես նաև անհրաժեշտության դեպքում հղումը գործող օրենսդրության պահանջներին:
2) Ընթացիկ իրավիճակը և խնդիրները - Ներառում է տվյալ ոլորտում ընթացիկ իրավիճակի նկարագրությունը, խնդիրների բացահայտումն ու բնութագրումը` հիմնված ակնհայտ փաստերի վրա, որոնք կարող են լուծվել նախագծի ընդունմամբ: Ներկայացվում են բնագավառին վերաբերող իրավական ակտերն ու դրանցում առկա բացերն ու հակասությունները:
3) Տվյալ բնագավառում իրականացվող քաղաքականություն - Եթե իրավական ակտի նախագիծը ներառում է սկզբունքային փոփոխություններ, ապա ներկայացվում է վերլուծություն գործող քաղաքականության և դրա սպասվելիք փոփոխության վերաբերյալ:
4) Կարգավորման նպատակը և բնույթը - Ներկայացվում է նախագծի նպատակը, ինչպես նաև հիմնավորում այդ նպատակին այդ նախագծով հասնելու արդյունավետության վերաբերյալ:
5) Նախագծի մշակման գործընթացում ներգրավված ինստիտուտները և անձինք - Նշվում են իրավական ակտի նախագծմանը մասնակցող ինստիտուտները: Եթե նախագիծը մշակվել է որևէ աշխատանքային խմբի կողմից` կազմված տարբեր հաստատությունների ներկայացուցիչներից, ապա նշվում է այդ աշխատանքային խմբի կարգավիճակը (ֆորմալ և ոչ ֆորմալ), ստեղծման ամսաթիվը և դրդապատճառները:
6) Ակնկալվող արդյունքը - Հիմնավորված ներկայացվում է ակնկալվող արդյունքը:
3. Իրավական ակտն ընդունելու դեպքում պետական բյուջեում կամ տեղական ինքնակառավարման մարմինների բյուջեներում ծախսերի և եկամուտների էական ավելացումների կամ նվազեցումների մասին տեղեկանքը ներկայացվում է հետևյալ ձևաչափով.
._____________________________________________________________________.
|Պետական բյուջեում կամ տեղական ինքնակառավարման մարմինների բյուջեների |
| վրա ազդեցությունը |
|_____________________________________________________________________|
| Ցուցանիշներ |ընթացիկ (n-րդ) | Հաջորդող 3 տարիները |
| |տարի | |
| | |__________________________|
| | | n+1 | n+2 | n+3 |
| |________________|________|________|________|
| |Ըստ |փոփոխու-|Փոփոխու-|Փոփոխու-|Փոփոխու-|
| |n-րդ |թյունը |թյունն |թյունն |թյունն |
| |տարվա |n-րդ |ընթացիկ |ընթացիկ |ընթացիկ |
| |պետական|տարվա |տարվա |տարվա |տարվա |
| |բյուջեի|պետական |համեմատ |համեմատ |համեմատ |
| | |բյուջեի |(n) |(n) |(n) |
| | |համեմատ | | | |
|_________________________|_______|________|________|________|________|
| 1 | 2 | 3 | 4 | 5 | 6 |
|_________________________|_______|________|________|________|________|
|1. Եկամուտներ | | | | | |
|_________________________|_______|________|________|________|________|
|1.1. պետական բյուջեի | | | | | |
|եկամուտներ | | | | | |
|_________________________|_______|________|________|________|________|
|1.2. ՏԻՄ եկամուտներ | | | | | |
|_________________________|_______|________|________|________|________|
|2. Ծախսեր | | | | | |
|_________________________|_______|________|________|________|________|
|2.1. պետական բյուջեի | | | | | |
|ծախսեր | | | | | |
|_________________________|_______|________|________|________|________|
|2.2. ՏԻՄ բյուջեի ծախսեր | | | | | |
|_________________________|_______|________|________|________|________|
|3. Ֆիսկալ ազդեցության | | | | | |
|գնահատական | | | | | |
|_________________________|_______|________|________|________|________|
|3.1. պետական բյուջե | | | | | |
|_________________________|_______|________|________|________|________|
|3.2. ՏԻՄ բյուջե | | | | | |
|_________________________|_______|________|________|________|________|
|4. Եկամուտների և ծախսերի| | | | | |
|հաշվարկների մանրամասն | | | | | |
|ներկայացում | | | | | |
|(անհրաժեշտության դեպքում | | | | | |
|կարող է ներկայացվել | | | | | |
|հավելվածի տեսքով) | | | | | |
|_________________________|_______|________|________|________|________|
|4.1. Եկամուտների | | | | | |
|գնահատում | | | | | |
|_________________________|_______|________|________|________|________|
|4.2. Ծախսերի գնահատում | | | | | |
|_________________________|_______|________|________|________|________|
|5. Այս տեղեկություններ | | | | | |
|(եթե այդպիսիք առկա են) | | | | | |
._____________________________________________________________________.
Սույն կետով նախատեսված գնահատականը պարտադիր ներկայացվում է ՀՀ ֆինանսների նախարարություն` կարծիքի:
Գնահատումն իրականացվում է հետևյալ սկզբունքներին համապատասխան.
1) Ֆիսկալ ազդեցության գնահատականը հաշվվում է որպես եկամուտների և ծախսերի տարբերություն:
2) Բոլոր տարիների համար եկամուտները և ծախսերը գնահատվում են` հիմք ընդունելով ՀՀ օրենսդրությունը, ինչպես նաև միջնաժամկետ և/կամ երկարաժամկետ պետական ծրագրերով սահմանված հաշվարկային, կանխատեսումային ցուցանիշները կամ դրանց բացակայության դեպքում` վիճակագրական տվյալները, համապատասխան պետական կամ տեղական ինքնակառավարման մարմինների տրամադրած տեղեկությունները/փաստացի և այլ արժանահավատ տվյալներ: Հաշվարկները կատարվում են` հիմք ընդունելով n-րդ տարվա տնտեսական ցուցանիշները (շուկայի ցուցանիշներ, հարկադրույքներ և այլն)
3) Նախագիծը կազմող մարմինը հաշվարկների համար անհրաժեշտ տեղեկատվությունը կարող է դիմել և ստանալ համապատասխան պետական մարմնից
4) Եթե հնարավոր չէ ստանալ կոնկրետ թվային գնահատական, ապա սույն կետով պահանջվող ձևաչափը չի լրացվում, այլ ներկայացվում է համապատասխան մեկնաբանություն, ինչպես նաև բյուջեի վրա հնարավոր էական ազդեցության մասին վերլուծություն` առանց թվային գնահատականի
4. Նախագծի ընդունման առնչությամբ ընդունվելիք այլ իրավական ակտերի կամ դրանց ընդունման անհրաժեշտության բացակայության մասին տեղեկանքը ներկայացվում է հետևյալ ձևաչափով.
.________________________________________________________________.
|Նախագծի ընդունման առնչությամբ ընդունվելիք այլ իրավական ակտերի |
|կամ դրանց ընդունման անհրաժեշտության բացակայության մասին տեղեկանք|
|________________________________________________________________|
|1 |Այլ իրավական ակտերում փոփոխությունների և/կամ լրացումների |
| |անհրաժեշտությունը |
|__|_____________________________________________________________|
| | |
|__|_____________________________________________________________|
|2 |Միջազգային պայմանագրերով ստանձնած պարտավորությունների հետ |
| |համապատասխանությունը |
|__|_____________________________________________________________|
| | |
|__|_____________________________________________________________|
|3 |Այլ տեղեկություններ (եթե այդպիսիք առկա են) |
|__|_____________________________________________________________|
| | |
.________________________________________________________________.
Տեղեկանքը ներառում է իրավական ակտի ընդունման դեպքում Իրավական դաշտի վրա ազդեցության գնահատականը: Նշվում է այլ իրավական ակտերում անհրաժեշտ փոփոխությունների կամ դրանց բացակայության մասին, թվարկվում են այդ իրավական ակտերը, իսկ անհրաժեշտության դեպքում նշվում են նոր իրավական ակտեր: Կատարվում է նաև վերլուծություն միջազգային պայմանագրերով ՀՀ ստանձնած պարտավորությունների հետ իրավական ակտի համապատասխանության վերաբերյալ:
5. Իրավական ակտի նախագծմանը և քննարկմանը հասարակության մասնակցության մասին տեղեկանքը ներկայացվում է հետևյալ ձևաչափով.
._____________________________________________________________________.
| Տեղեկանք հասարակության մասնակցության մասին |
|_____________________________________________________________________|
|1 |հասարակությանը նախագծի վերաբերյալ իրազեկումը |
|__|__________________________________________________________________|
| | |
|__|__________________________________________________________________|
|2 |հասարակության մասնակցությունը նախագծմանը և/կամ քննարկումներին |
|__|__________________________________________________________________|
| | |
|__|__________________________________________________________________|
|4 |Այլ տեղեկություններ (եթե այդպիսիք առկա են) |
|__|__________________________________________________________________|
| | |
._____________________________________________________________________.
Համապատասխան կետերում ներկայացվում է հետևյալ տեղեկատվությունը.
1) հասարակությանը նախագծի վերաբերյալ իրազեկումը - Ներկայացվում է, թե ինչպես է հասարակությունը իրազեկվել նախագծի մասին, տեղեկատվության հրապարակման ամսաթիվը և միջոցները (օրինակ` ինտերնետային կայքում տեղադրվելու պայմանագրում տրվում է հղումը համապատասխան ինտերնետային էջին)
2) հասարակության մասնակցությունը նախագծմանը և/կամ քննարկումներին - Ներկայացվում են նախագծման աշխատանքներում կամ քննարկումներին ներգրավված խմբերը և/կամ փորձագետները, ինչպես նաև նշվում է, թե ինչու են ընտրվել այդ խմբերը և/կամ մասնագետները
6. Նախագծի վերաբերյալ ստացված դիտողությունների և առաջարկությունների, դրանց ընդունման կամ չընդունման վերաբերյալ ամփոփաթերթը ներկայացվում է հետևյալ ձևաչափով.
._________________________________________________________________.
|Առարկության, |Առարկության. |Եզրակացություն|Կատարված |
|առաջարկության |առաջարկության | |փոփոխությունները|
|հեղինակը, |բովանդակությունը| | |
|Գրության ստացման| | | |
|ամսաթիվը, | | | |
|գրության համարը | | | |
|________________|________________|______________|________________|
| 1 | 2 | 3 | 4 |
._________________________________________________________________.
1) Պետական մարմինների դիտողությունների և առաջարկությունների չընդունման դեպքում նշվում են պատճառները և հիմնավորումները:
2) Աղյուսակում իրավական ակտի նախագծմանը և քննարկման հանրության մասնակցության արդյունքները ներառելիս աղյուսակի
ա) 1-ին սյունյակում լրացվում է կոնկրետ առաջարկության հեղինակի տվյալները (անձի, այդ թվում` անհատ ձեռնարկատիրոջ անունը և ազգանունը, կազմակերպության անվանումը` նշելով վերջինիս իրավակազմակերպական տեսակը և այլն), ինչպես նաև ՀՀ օրենսդրությամբ սահմանված կարգով ներկայացված առաջարկության ստացման օրը,
բ) 2-րդ սյունյակը լրացնելիս պետք է հաշվի առնել, որ ամփոփաթերթում ներառվում են հանրության կողմից նախագծի վերաբերյալ այլ կարծիքները, առարկություններն ու առաջարկությունները, որոնք ընդունվել են:
3) Ներկայացված առաջարկությունների (այդ թվում` հանրային քննարկումների արդյունքներով ստացված) ընդունման դեպքում ամփոփաթերթում ներկայացվում են համապատասխան փոփոխությունները:
7. ՈՒղեցույցով նախատեսված որոշ կետեր կամ ենթակետեր չլրացնելու դեպքում ներկայացվում է համապատասխան հիմնավորում տվյալ կետերի կամ ենթակետերի ոչ կիրառելի լինելու վերաբերյալ: