(ուժը կորցրել է 13.10.2022 թիվ 1572-Ա որոշում)
i
040.0287.240317
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
23 մարտի 2017 թվականի N 287-Ա
ԳՈՒՅՔ ՆՎԻՐԱԲԵՐԵԼՈՒ ՄԱՍԻՆ
Հիմք ընդունելով Հայաստանի Հանրապետության քաղաքացիական օրենսգրքի 605-րդ հոդվածը` Հայաստանի Հանրապետության կառավարությունը որոշում է.
1. «Հայաստանի Հանրապետության կառավարությանն առընթեր պետական գույքի կառավարման վարչության աշխատակազմ» պետական կառավարչական հիմնարկին ամրացված` Հայաստանի Հանրապետության սեփականությունը հանդիսացող` Հայաստանի Հանրապետության Վայոց ձորի մարզի Շատինի համայնքի 4-րդ փողոց, 2-րդ փակուղի, 1 շենք հասցեում գտնվող` 4 123 240 դրամ գնահատված արժեքով, 323.2 քառ. մետր մակերեսով նախկին հիվանդանոցի շենքն ու 17.5 քառ. մետր մակերեսով կիսակառույց շինությունը և դրանց զբաղեցրած, օգտագործման ու սպասարկման համար անհրաժեշտ 0.292 հեկտար մակերեսով հողամասը (այսուհետ` գույք) նվիրաբերել Հայաստանի Հանրապետության Վայոց ձորի մարզի Շատինի համայնքին` բացառապես որպես մանկապարտեզ օգտագործելու պայմանով:
2. Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշումն ուժի մեջ մտնելուց հետո մեկամսյա ժամկետում Հայաստանի Հանրապետության Վայոց ձորի մարզի Շատինի համայնքի ղեկավարի հետ կնքել սույն որոշման 1-ին կետում նշված գույքի նվիրաբերության պայմանագիր` դրանում սահմանելով, որ`
1) նվիրաբերության պայմանի խախտման դեպքում նվիրաբերությունը կհամարվի վերացված և Հայաստանի Հանրապետության կառավարության պահանջով Հայաստանի Հանրապետության Վայոց ձորի մարզի Շատինի համայնքը պարտավոր է Հայաստանի Հանրապետությանը վերադարձնել նվիրաբերված գույքը` դրա վրա կատարված անբաժանելի բարելավումների հետ միասին.
2) պայմանագրից բխող նոտարական վավերացման և իրավունքների պետական գրանցման հետ կապված ծախսերը, ինչպես նաև գույքի արժեքի որոշման 100 000 դրամ գումարը ենթակա են վճարման` Հայաստանի Հանրապետության Վայոց ձորի մարզի Շատինի համայնքի միջոցների հաշվին:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2017 ԹՎԱԿԱՆԻ ՄԱՐՏԻ 24-ԻՆ