040.0412.300403
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«30» ապրիլի 2003թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
10 ապրիլի 2003 թվականի N 412-Ա
«ՀԱՎԱՔԱԿԱՆ ԹԻՄԵՐԻ ՄԱՐԶԱԿԱՆ ԿԵՆՏՐՈՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆ ՍՏԵՂԾԵԼՈՒ ՄԱՍԻՆ
«Բաժնետիրական ընկերությունների մասին» Հայաստանի Հանրապետության օրենքի 12-րդ և «Պետական ոչ առևտրային կազմակերպությունների մասին» Հայաստանի Հանրապետության օրենքի 24-րդ հոդվածներին համապատասխան` Հայաստանի Հանրապետության կառավարությունը որոշում է.
1. Հայաստանի Հանրապետության մշակույթի, երիտասարդության հարցերի և սպորտի նախարարության ենթակայության «Ազգային հավաքական թիմերի կենտրոն» պետական ոչ առևտրային կազմակերպությունը վերակազմավորման ձևով վերակազմակերպել «Հավաքական թիմերի մարզական կենտրոն» փակ բաժնետիրական ընկերության:
i
2. Սահմանել «Հավաքական թիմերի մարզական կենտրոն» փակ բաժնետիրական ընկերության կանոնադրական կապիտալը` 100,0 հազար դրամ, որը համապատասխանում է 100 բաժնետոմսի` յուրաքանչյուրը 1000 դրամ անվանական արժեքով:
(2-րդ կետը փոփ. 04.09.03 թիվ 1123-Ա որոշում)
i
3. «Հավաքական թիմերի մարզական կենտրոն» փակ բաժնետիրական ընկերության պետական սեփականություն հանդիսացող բաժնետոմսերի կառավարման լիազորությունը վերապահել Հայաստանի Հանրապետության կառավարությանն առընթեր ֆիզիկական կուլտուրայի և սպորտի պետական կոմիտեին:
(3-րդ կետը փոփ. 04.09.03 թիվ 1123-Ա որոշում)
i
4. Հայաստանի Հանրապետության կառավարությանն առընթեր ֆիզիկական կուլտուրայի և սպորտի պետական կոմիտեի նախագահին`
ա) Հայաստանի Հանրապետության օրենսդրությամբ սահմանված կարգով ապահովել վերակազմակերպման աշխատանքների իրականացումը.
բ) «Հավաքական թիմերի մարզական կենտրոն» փակ բաժնետիրական ընկերության պետական գրանցումից հետո մեկամսյա ժամկետում ապահովել ընկերության կանոնադրական կապիտալի ավելացումը` լրացուցիչ տեղաբաշխվող բաժնետոմսերի դիմաց վճարումն իրականացնելով «Ազգային հավաքական թիմերի կենտրոն» պետական ոչ առևտրային կազմակերպությանը (հասցեն` Ծիծեռնակաբերդ, Սպորտային ավան) անհատույց օգտագործման իրավունքով ամրացված` 56141800 դրամ մնացորդային հաշվեկշռային արժեք ունեցող շենքով:
(4-րդ կետը փոփ. 04.09.03 թիվ 1123-Ա որոշում)
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2003 ԹՎԱԿԱՆԻ ԱՊՐԻԼԻ 15-ԻՆ