040.1746.211204
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«21» դեկտեմբերի 2004 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
4 նոյեմբերի 2004 թվականի N 1746-Ա
ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ
i
Հայաստանի Հանրապետության Նախագահի 2003 թվականի մարտի 16-ի «Հայաստանի Հանրապետության կառավարության գործունեության կարգը սահմանելու մասին» ՆՀ-1064 հրամանագրով հաստատված կարգի 9-րդ կետին համապատասխան` Հայաստանի Հանրապետության կառավարությունը որոշում է.
1. Հաստատել հաշվեկշռային արժեք չունեցող անավարտ շինարարության օբյեկտների արժեքի որոշման նպատակով ստեղծվող միջգերատեսչական հանձնաժողովի կազմը` համաձայն հավելվածի:
2. (2-րդ կետն ուժը կորցրել է 19.05.05 թիվ 704-Ա որոշում)
i
3. Միջգերատեսչական հանձնաժողովին`
i
ա) մեկամսյա ժամկետում ապահովել հաշվեկշռային արժեքներ չունեցող անավարտ շինարարության օբյեկտների հաշվեկշռային արժեքների որոշման մեթոդաբանության մշակումը,
բ) մշակված մեթոդաբանությունը ներկայացնել Հայաստանի Հանրապետության կառավարությանն առընթեր պետական գույքի կառավարման վարչության պետին:
(3-րդ կետը փոփ. 19.05.05 թիվ 704-Ա որոշում)
i
4. Հայաստանի Հանրապետության կառավարությանն առընթեր պետական գույքի կառավարման վարչության պետին`
ա) միջգերատեսչական հանձնաժողովի ներկայացրած հաշվեկշռային արժեքներ չունեցող անավարտ շինարարության օբյեկտների հաշվեկշռային արժեքների որոշման մեթոդաբանության հիման վրա մշակել և Հայաստանի Հանրապետության կառավարության քննարկմանը ներկայացնել հաշվեկշռային արժեք չունեցող անավարտ շինարարության օբյեկտների հաշվեկշռային արժեքների որոշման կարգը հաստատելու և դրանք համայնքներին հանձնելու գործընթացը կանոնակարգելու մասին Հայաստանի Հանրապետության կառավարության որոշման նախագիծ:
բ) (4-րդ կետի բ ենթակետն ուժը կորցրել է 19.05.05 թիվ 704-Ա որոշում)
(4-րդ կետը փոփ. 19.05.05 թիվ 704-Ա որոշում)
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2004 ԹՎԱԿԱՆԻ ԴԵԿՏԵՄԲԵՐԻ 17-ԻՆ
Հավելված
ՀՀ կառավարության
2004 թվականի նոյեմբերի 4-ի
N 1746-Ա որոշման
ԿԱԶՄ
ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ
Ա. Թառլամազյան - ՀՀ կառավարությանն առընթեր պետական գույքի
կառավարման վարչության աշխատակազմի պետական գույքի
կառավարման քաղաքականության վարչության պետ
(միջգերատեսչական հանձնաժողովի նախագահ)
Ա. Խաչատրյան - ՀՀ կառավարությանն առընթեր անշարժ գույքի կադաստրի
պետական կոմիտեի աշխատակազմի անշարժ գույքի
կադաստրային գնահատման և համակարգված դիտարկումների
վարչության պետ
Ա. Հարությունյան - «Պետական գույքի գույքագրման և գնահատման
գործակալություն» ՊՈԱԿ-ի գույքագրման և գնահատման
վարչության պետ
Ա. Քնարյան - Երևանի քաղաքապետարանի աշխատակազմի ֆինանսական և
սոցիալական զարգացման վարչության ներդրումային
ծրագրերի և բարեփոխումների բաժնի պետ
Կ. Ղալթախչյան - ՀՀ ֆինանսների և էկոնոմիկայի նախարարության
աշխատակազմի իրավաբանական վարչության իրավական
ակտերի բաժնի գլխավոր մասնագետ
Է. Պառավյան - ՀՀ Լոռու մարզպետարանի աշխատակազմի քաղաքաշինության
վարչության առաջատար մասնագետ
Ժ. Սիմոնյան - ՀՀ Շիրակի մարզպետի խորհրդական
Մ. Տոնոյան - ՀՀ Շիրակի մարզպետարանի աշխատակազմի ֆինանսական և
սոցիալ-տնտեսական զարգացման վարչության Ծ և ՍՏԾ
բաժնի պետ
Մ. Սարիբեկյան - ՀՀ քաղաքաշինության նախարարության աշխատակազմի
շինարարության քաղաքականության և աղետի գոտու
հարցերի վարչության շինարարական նորմատիվների բաժնի
պետ (միջգերատեսչական հանձնաժողովի քարտուղար)