114.0070.140705
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«14» 07 2005 Թ.
ՊԵՏԱԿԱՆ ԳՐԱՆՑՄԱՆ ԹԻՎ 11405286
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ԿԱՌԱՎԱՐՈՒԹՅԱՆՆ ԱՌԸՆԹԵՐ
ՆԱԽԱՐԱՐ ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ
ՎԱՐՉՈՒԹՅՈՒՆ
ՀԱՄԱՏԵՂ ՀՐԱՄԱՆ
20 հունիսի 2005 թվականի N 645-Ա 17 մայիսի 2005 թվականի N 70-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐԻ 2004 ԹՎԱԿԱՆԻ ՀՈՒՆՎԱՐԻ 29-Ի N 47-Ն ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ՎԱՐՉՈՒԹՅԱՆ ՊԵՏԻ 2004 ԹՎԱԿԱՆԻ ՀՈՒՆՎԱՐԻ 16-Ի N 007-Ն ՀԱՄԱՏԵՂ ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով Հայաստանի Հանրապետության կառավարության 2003 թվականի հունիսի 13-ի N 882-Ն որոշման 3-րդ կետով սահմանված դրույթներով` պետական կառավարչական հիմնարկներին ամրացված, պետական ոչ առևտրային կազմակերպությունների սեփականությունը հանդիսացող և դրանց ամրացված գույքի օտարման վերաբերյալ եզրակացությունների տրամադրման հիմքում դրվող սկզբունքները անշարժ գույքի և այլ հիմնական միջոցների համար տարանջատելու նպատակով.
ՀՐԱՄԱՅՈՒՄ ԵՄ`
«Օտարման որոշման վերաբերյալ եզրակացություն տալու սկզբունքները սահմանելու մասին» Հայաստանի Հանրապետության ֆինանսների և էկոնոմիկայի նախարարի 2004 թվականի հունվարի 29-ի N 47-Ն և Հայաստանի Հանրապետության կառավարությանն առընթեր պետական գույքի կառավարման վարչության պետի 2004 թվականի հունվարի 16-ի N 007-Ն համատեղ հրամանի 1-ին կետը շարադրել հետևյալ խմբագրությամբ.
i
«1. Պետական կառավարչական հիմնարկներին ամրացված, պետական ոչ առևտրային կազմակերպությունների սեփականությունը հանդիսացող և դրանց ամրացված գույքի օտարման որոշման վերաբերյալ եզրակացությունների տրամադրման հիմքում դրվում են հետևյալ սկզբունքները.
ա) անշարժ գույքի օտարման դեպքում.
- գույքի օտարումը չի խաթարում հիմնարկի կամ կազմակերպության բնականոն գործունեությունը,
- ներկայացվում է օտարման մրցույթով կամ ուղղակի եղանակով` տվյալ գույքի բարելավման նպատակով ներդրումներ կատարելու պահանջով,
բ) այլ հիմնական միջոցների օտարման դեպքում.
- գույքի օտարումը չի խաթարում հիմնարկի կամ կազմակերպության բնականոն գործունեությունը,
- օտարվող գույքն ունի 70 տոկոսից ավելի մաշվածք, իսկ տրանսպորտային միջոցների համար` 50 տոկոսից ավելի մաշվածք,
- ուղղակի եղանակով գույքը ներկայացվում է օտարման` առնվազն մեկ անգամ դասական աճուրդով կամ մրցույթով ներկայացնելուց հետո:»: