040.0405.290403
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«29» ապրիլի 2003թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
20 մարտի 2003 թվականի N 405-Ա
«ՀԱՅԿԱԿԱՆ ԱՏՈՄԱՅԻՆ ԷԼԵԿՏՐԱԿԱՅԱՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՄԻՋՈՒԿԱՅԻՆ ՎԱՌԵԼԻՔԻ ԳԾՈՎ ՊԱՐՏԱՎՈՐՈՒԹՅՈՒՆՆԵՐԻ ՄԱՐՄԱՆ ՄԱՍԻՆ
i
1995-2001 թվականների ընթացքում Հայաստանի Հանրապետություն ներկրված միջուկային վառելիքի գծով Ռուսաստանի Դաշնության «Մեքենաշինական գործարան» և «ՏՎԷԼ» ընկերությունների նկատմամբ «Հայկական ատոմային էլեկտրակայան» փակ բաժնետիրական ընկերության 40.0 մլն ԱՄՆ-ի դոլար գումարի պարտավորությունների (որում ներառված է նաև 108 միջուկային վառելիքի կասետների պարտքի մնացորդը) մարման համար ռուսական ընկերությունների հետ վարված բանակցությունների արդյունքում ձեռք բերված համաձայնությունների իրականացման, նշված պարտավորությունները «ԵԷՍ-Ռոսսիի» ռուսական բաժնետիրական ընկերության «RAO NORDIC» ընկերության օգտին վճարումների ապահովման նպատակով Հայաստանի Հանրապետության կառավարությունը որոշում է.
(նախաբանը փոփ. 29.05.03 թիվ 660-Ա որոշում)
1. Հայաստանի Հանրապետության էներգետիկայի նախարարին`
ա) ապահովել «Հայէներգո» փակ բաժնետիրական ընկերության կողմից («Հայկական ատոմային էլեկտրակայան» փակ բաժնետիրական ընկերության նկատմամբ ունեցած էլեկտրական էներգիայի գծով պարտավորությունների հաշվին), որպես երրորդ անձ, 40.0 մլն ԱՄՆ-ի դոլարի պարտավորության մարման ստանձնումը «RAO NORDIC» ընկերության (երաշխավոր) նկատմամբ` «Հայկական ատոմային էլեկտրակայան» փակ բաժնետիրական ընկերության Ռուսաստանի Դաշնության «Մեքենաշինական գործարան» և «ՏՎԷԼ» ընկերությունների նկատմամբ միջուկային վառելիքի գծով ունեցած պարտավորությունների դիմաց.
i
բ) մինչև 2003 թվականի մայիսի 30-ը ապահովել «Սևան-Հրազդանյան կասկադ» փակ բաժնետիրական ընկերության և «RAO NORDIC» ընկերության միջև առուվաճառքի պայմանագրի կնքումը, ըստ որի «Սևան-Հրազդանյան կասկադ» փակ բաժնետիրական ընկերությունը` համաձայն N 1 հավելվածի, 25.0 մլն ԱՄՆ-ի դոլարի և 17.895 մլն եվրոյի (ավելացրած վերջինիս վրա ստորև նշված կարգով հաշվարկվող տոկոսագումարները) հանրագումարին համարժեք դրամ գնով «RAO NORDIC» ընկերությանն է վաճառում սեփականության իրավունքով իրեն պատկանող գույքային համալիրը (որի հաշվեկշռային արժեքը 2003 թվականի ապրիլի 1-ի դրությամբ կազմում է շուրջ 54.4 մլրդ դրամ)` ոչ ընթացիկ նյութական ակտիվներ (հիմնական միջոցներ, անավարտ ոչ ընթացիկ նյութական ակտիվներ, ոչ նյութական ակտիվներ) և ընթացիկ ակտիվներ (պաշարներ, արագամաշ առարկաներ, տրված ընթացիկ կանխավճարներ):
Ընդ որում, «RAO NORDIC» ընկերությունը և «Սևան-Հրազդանյան կասկադ» փակ բաժնետիրական ընկերությունը «Սևան-Հրազդանյան կասկադ» փակ բաժնետիրական ընկերության գույքային համալիրի վաճառքի գնից 25.0 մլն ԱՄՆ-ի դոլարը կհամարեն վճարված` հետևյալ գործարքների իրականացմամբ`
նկատի ունենալով այն հանգամանքը, որ «RAO NORDIC» ընկերությունը, համապատասխան վերակառուցումների արդյունքում (Ռուսաստանի Դաշնության «Մեքենաշինական գործարան» և «ՏՎԷԼ» ընկերությունների նկատմամբ «Հայկական ատոմային էլեկտրակայան» փակ բաժնետիրական ընկերության` սույն որոշման նախաբանում նշված շուրջ 40.0 մլն ԱՄՆ-ի դոլարի պարտավորությունները սահմանված կարգով վերաձևակերպվել են «RAO NORDIC» ընկերության նկատմամբ, և դրա մասին ստացվել են անհրաժեշտ ծանուցումները) հանդիսանում է միջուկային վառելիքի պարտքերի մասով «Հայկական ատոմային էլեկտրակայան» փակ բաժնետիրական ընկերության նոր պարտատերը, նշված 2 ընկերության միջև կնքվում է համաձայնագիր, որով սահմանվում են ժամկետները և պայմանները: Միաժամանակ «RAO NORDIC» ընկերության, «Հայկական ատոմային էլեկտրակայան» և «Սևան-Հրազդանյան կասկադ» փակ բաժնետիրական ընկերությունների միջև կնքվում է երաշխավորության պայմանագիր, որով «Սևան-Հրազդանյան կասկադ» փակ բաժնետիրական ընկերությունը «Հայկական ատոմային էլեկտրակայան» փակ բաժնետիրական ընկերության հետ համապարտ երաշխավորում է նշված համաձայնագրով նախատեսված կարգով և ժամկետներում 25.0 մլն ԱՄՆ-ի դոլարի վճարումը «RAO NORDIC» ընկերությանը:
«Սևան-Հրազդանյան կասկադ» փակ բաժնետիրական ընկերության գույքային համալիրի վաճառքի գնի երկրորդ բաղկացուցչի` 17.895 մլն եվրոյի (ավելացրած նրա վրա ստորև նշված կարգով հաշվարկվող տոկոսագումարները) վճարումը «RAO NORDIC» ընկերության կողմից կկատարվի գերմանական KFW բանկի կողմից Հայաստանի Հանրապետությունում իրականացվող «Էներգետիկային անհապաղ օգնություն, Քանաքեռ ՀԷԿ-ի վերականգնում» վարկային ծրագրի շրջանակներում` 2002 թվականի հունիսի 21-ին Հայաստանի Հանրապետության ֆինանսների և էկոնոմիկայի նախարարության և «Սևան-Հրազդանյան կասկադ» փակ բաժնետիրական ընկերության միջև կնքված ենթավարկային պայմանագրով նախատեսված վճարումների ժամանակացույցին համապատասխան (համընթաց).
գ) տասնօրյա ժամկետում ապահովել «Հայգազարդ» և «Հայէներգո» փակ բաժնետիրական ընկերությունների միջև պարտքի փոխանցման պայմանագրի կնքումը, համաձայն որի Հայաստանի Հանրապետության կառավարության 2002 թվականի օգոստոսի 22-ի «Հայաստանի էլեկտրական ցանցեր» փակ բաժնետիրական ընկերության դեբիտորական և կրեդիտորական պարտքերը փոխանցելու մասին» N 1318-Ա որոշմամբ «Հայգազարդ» փակ բաժնետիրական ընկերությանը փոխանցված էլեկտրական էներգիայի գծով դեբիտորական պարտավորությունները 2003 թվականի մարտի 1-ի դրությամբ փոխանցվում են «Հայէներգո» փակ բաժնետիրական ընկերությանը և նույն չափով նվազեցվում է «Հայգազարդ» փակ բաժնետիրական ընկերության կրեդիտորական պարտավորությունը «Հայէներգո» փակ բաժնետիրական ընկերության նկատմամբ:
(1-ին կետը փոփ. 29.05.03 թիվ 660-Ա որոշում)
2. (2-րդ կետը հանվել է 29.05.03 թիվ 660-Ա որոշում)
i
3. Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահին` Հայաստանի Հանրապետության օրենսդրությամբ սահմանված կարգով գրանցել`
ա) «Սևան-Հրազդանյան կասկադ» փակ բաժնետիրական ընկերության սեփականության իրավունքը գույքային համալիրի անշարժ գույքի նկատմամբ.
բ) (3-րդ կետի բ ենթակետը հանվել է 29.05.03 թիվ 660-Ա որոշում)
i
բ) գույքային համալիրի օտարումից ծագող «Հայէներգո» փակ բաժնետիրական ընկերության սեփականության իրավունքը.
i
գ) գույքային համալիրի օտարումից ծագող` «RAO NORDIC» կամ վերջինիս ընկերության կողմից (կամ նրա մասնակցությամբ) Հայաստանի Հանրապետությունում ստեղծված կազմակերպության սեփականության իրավունքները, ինչպես նաև նրան վարձակալության իրավունքով տրամադրված հողի նկատմամբ իրավունքները:
Նշված գործարքների հետ կապված պետական տուրքի և այլ վճարումները կատարվում են դիմողների հաշվին:
(3-րդ կետը փոփ. 29.05.03 թիվ 660-Ա որոշում)
4. Երևանի քաղաքապետին և Հայաստանի Հանրապետության Կոտայքի ու Գեղարքունիքի մարզպետներին` գույքային համալիրի հետագա սեփականատիրոջ` «RAO NORDIC» ընկերության կողմից (կամ նրա մասնակցությամբ) Հայաստանի Հանրապետությունում ստեղծված կազմակերպության հետ կնքել մինչև այդ «Սևան-Հրազդանյան կասկադ» փակ բաժնետիրական ընկերության կողմից զբաղեցված հողատարածքների վարձակալության պայմանագրեր` ապահովելով պայմանագրերի նոտարական վավերացումն ու պետական գրանցման ներկայացումը` կազմակերպության հաշվին:
5. Հայաստանի Հանրապետության էներգետիկայի նախարարին` ապահովել «Հայէներգո» փակ բաժնետիրական ընկերության կողմից «Սևան-Հրազդանյան կասկադ» փակ բաժնետիրական ընկերությունից գնվող էլեկտրական էներգիայի դիմաց 100 տոկոս և ժամանակին վճարումները` «RAO NORDIC» ընկերության կողմից միջուկային վառելիքի մատակարարման նպատակով առաջին վճարման ժամկետից սկսած:
6. Առաջարկել Հայաստանի Հանրապետության էներգետիկայի կարգավորող հանձնաժողովին`
ա) հնարավորին սեղմ ժամկետում գործունեության լիցենզիա տրամադրել այն ընկերությանը, որին սեփականության իրավունքով անցնում է «Սևան-Հրազդանյան կասկադ» փակ բաժնետիրական ընկերության գույքը.
բ) նշված ընկերության համար էլեկտրաէներգիայի (հզորության) վաճառքի սակագները սահմանելիս` հաշվի առնել 25.0 մլն ԱՄՆ-ի դոլար գումարի ներդրումների վերադարձելիությունը` ոչ ավելի հինգ տարում, ինչպես նաև գերմանական KFW բանկի կողմից իրականացվող ծրագրով ընկերությանն անցած ենթավարկի վերադարձելիության ապահովումը:
i
7. ՈՒժը կորցրած ճանաչել Հայաստանի Հանրապետության կառավարության 2002 թվականի սեպտեմբերի 26-ի «Սևան-Հրազդանյան կասկադ» փակ բաժնետիրական ընկերության անշարժ գույքի (շենքեր և շինություններ) գրավադրման թույլտվություն տալու մասին» N 1515-Ա որոշումը:
i
7. Մինչև սույն որոշման 1-ին կետի «բ» ենթակետում նշված գույքային համալիրի վաճառքի վերաբերյալ պայմանագրի կնքումը «Սևան-Հրազդանյան կասկադ» փակ բաժնետիրական ընկերության հաշվեկշռից առանձնացնել տեսչական նշանակության ճանապարհներն ու կամուրջները և դրանք անհատույց հանձնել համապատասխան համայնքներին` համաձայն N 2 հավելվածի:
Առաջարկել համայնքների ղեկավարներին «RAO NORDIC» ընկերության կամ նրա կողմից (կամ նրա մասնակցությամբ) Հայաստանի Հանրապետությունում ստեղծված կազմակերպության հետ կնքել նշված ճանապարհների և կամուրջների անհատույց օգտագործման պայմանագրեր:
(2-րդ 7-րդ կետը լրաց. 29.05.03 թիվ 660-Ա որոշում)
8. Հայաստանի Հանրապետության էներգետիկայի նախարարին և Հայաստանի Հանրապետության կառավարությանն առընթեր պետական գույքի կառավարման վարչության պետին` 15-օրյա ժամկետում ներկայացնել առաջարկություն Երևանում «RAO NORDIC» ընկերության կամ նրա կողմից (կամ նրա մասնակցությամբ) Հայաստանի Հանրապետությունում ստեղծված կազմակերպության համար շենքային պայմանների լուծման` հետագա գնման իրավունքով վարձակալությամբ տարածք տրամադրելու վերաբերյալ:
(8-րդ կետը լրաց. 29.05.03 թիվ 660-Ա որոշում)
9. Որոշմանը կից ցանկում «հավելված» բառը փոխարինել «հավելված N 1» բառերով:
(9-րդ կետը լրաց. 29.05.03 թիվ 660-Ա որոշում)
10. Հավանություն տալ Հայաստանի Հանրապետության էներգետիկայի նախարարության, համակարգի ընկերությունների և ռուսական կազմակերպությունների միջև վարված բանակցությունների արդյունքում ստորագրված` ստորև նշված փաստաթղթերին`
2003 թվականի փետրվարի 5-ին Ռուսաստանի Դաշնության և Հայաստանի Հանրապետության միջև տնտեսական համագործակցության միջկառավարական հանձնաժողովի 5-րդ նիստի արձանագրության 4.2-րդ կետի կատարման նպատակով 2003 թվականի ապրիլի 29-ին ստորագրված արձանագրություն,
«Սևան-Հրազդանյան կասկադ» փակ բաժնետիրական ընկերության սեփականությունը հանդիսացող գույքի փոխանցման կարգի և պայմանների վերաբերյալ 2003 թվականի ապրիլի 29-ին ստորագրված արձանագրություն,
Փոխադարձ վճարումների և հաշվարկների իրականացման կարգի վերաբերյալ 2003 թվականի մայիսի 12-ին ստորագրված համաձայնագիր:
(10-րդ կետը լրաց. 29.05.03 թիվ 660-Ա որոշում)
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2003 ԹՎԱԿԱՆԻ ԱՊՐԻԼԻ 29-ԻՆ
Հավելված
Հայաստանի Հանրապետության
կառավարության 2003 թվականի
մարտի 20-ի N 405-Ա որոշման
ՑԱՆԿ
«ՍԵՎԱՆ-ՀՐԱԶԴԱՆՅԱՆ ԿԱՍԿԱԴ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿՈՂՄԻՑ «ՀԱՅԷՆԵՐԳՈ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ՓՈԽԱՆՑՎՈՂ ՈՉ ԸՆԹԱՑԻԿ ԵՎ ԸՆԹԱՑԻԿ ԱԿՏԻՎՆԵՐԻ
(հազ. դրամ)
._________________________________________________________________________.
| | Օբյեկտի անվանումը | Սկզբնական | Մաշվածու- |Մնացորդային |
| | | արժեքը | թյունը |արժեքը |
| | | | |01.04.2003թ. |
| | | | |դրությամբ |
|__|__________________________|______________|______________|_____________|
| | Ա. Ոչ ընթացիկ նյութական | | | |
| | ակտիվներ | | | |
|__|__________________________|______________|______________|_____________|
|1.| Հիմնական միջոցներ |208,606,123.8 |162,263,540.9 |45,615,029.0 |
|__|__________________________|______________|______________|_____________|
| |Սևան ՀԷԿ | 27,604,721.1 | 21,591,722.8 | 6,012,998.3 |
| |Հրազդան ՀԷԿ | 32,096,200.5 | 24,549,599.0 | 7,546,601.5 |
| |Արգել ՀԷԿ | 78,793,279.9 | 60,911,064.5 |17,154,661.5 |
| |Արզնի ՀԷԿ | 22,258,195.1 | 17,244,059.8 | 5,014,135.3 |
| |Քանաքեռ ՀԷԿ | 28,164,549.1 | 23,327,871.1 | 4,836,678.0 |
| |Երևան-1 ՀԷԿ | 17,735,030.8 | 12,906,651.0 | 4,828,379.8 |
| |Երևան-3 ՀԷԿ | 905,343.43| 788,896.49| 116,446.94|
| |Հիդրոարտադրամաս | 67,257.3 | 56,838.33| 10,418.96|
| |«Հիդրոնորոգում» մասնաճյուղ| 858,514.6 | 839,804.1 | 18,710.5 |
| |Այլ հիմնական միջոցներ | 123,032.0 | 47,033.8 | 75,998.18|
| |այդ թվում` | 83,815.4 | 21,853.4 | 61,962.0 |
| |նյութատեխնիկական | | | |
| |մատակարարման բաժին | | | |
| | Լուսակերտի հանգստյան | 37,758.6 | 24,259.3 | 13,499.3 |
| | տան գույք | | | |
| | ջրասուզակներ | 688.4 | 355.2 | 333.2 |
| | էլ.շարժիչների նորոգման | 122.9 | 30.7 | 92.2 |
| | արտադրամաս | | | |
| | օպերատիվ կարգավորման | 646.7 | 535.2 | 111.6 |
| | կենտրոն | | | |
|__|__________________________|______________|______________|_____________|
|2.|Անավարտ ոչ ընթացիկ | | | 5,775,605.0 |
| |նյութական ակտիվներ | | | |
|__|__________________________|______________|______________|_____________|
|3.|Ոչ նյութական ակտիվներ | | | 665.0 |
|__|__________________________|______________|______________|_____________|
| | Ընդամենը Ա | | |51,391,299.0 |
| | (ոչ ընթացիկ նյութական | | | |
| | ակտիվներ) | | | |
|__|__________________________|______________|______________|_____________|
| | Բ. Ընթացիկ ակտիվներ | | | |
|__|__________________________|______________|______________|_____________|
|1.|Պաշարներ | | | 254,251.0 |
|2.|Արագամաշ առարկաներ | | | 42,371.0 |
|3.|Տրված ընթացիկ կանխավճարներ| | | 2,747,410.0 |
| | Ընդամենը Բ` (ընթացիկ | | | 3,044,032.0 |
| | ակտիվներ) | | | |
|__|__________________________|______________|______________|_____________|
| | ԸՆԴԱՄԵՆԸ (Ա+Բ) | | | 54,435,331.0|
._________________________________________________________________________.
Հավելված N 2
Հայաստանի Հանրապետության
կառավարության 2003 թվականի
մայիսի 29-ի N 660-Ա որոշման
ՑԱՆԿ
«ՍԵՎԱՆ-ՀՐԱԶԴԱՆՅԱՆ ԿԱՍԿԱԴ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿՈՂՄԻՑ ՀԱՄԱՅՆՔՆԵՐԻՆ ՀԱՆՁՆՎՈՂ ԳՈՒՅՔԻ
(հավելված 2-ը լրաց. 29.05.03 թիվ 660-Ա որոշում)
ՀՀ Կոտայքի մարզ
քաղ. Հրազդան
---------------------
Տեսչական ճանապարհ` N 3 ջրանցքի երկայնքով` 2200 գծմ
Տեսչական ճանապարհ` N 2 ջրանցքի երկայնքով` 2700 գծմ
Երկաթբետոնյա կամուրջ` 1 հատ
Երկաթբետոնյա կամուրջ` N 3 ջրանցքի վրա` 1 հատ
N 2 ջրատարի կամուրջ` 1 հատ
Տեսչական ճանապարհ` 700 գծմ
գ. Քաղսի
-----------
Տեսչական ճանապարհ` 1750 գծմ
գ. Բջնի
----------
Տեսչական ճանապարհ` 3730 գծմ
գ. Ալափարս
-----------------
Տեսչական ճանապարհ` 2236 գծմ
քաղ. Չարենցավան
-------------------------
Տեսչական ճանապարհ` 2000 գծմ
գ. Գեղամավան
---------------------
N 1 ջրատարի կամուրջ` 1 հատ
Տեսչական ճանապարհ` 2800 գծմ
Երկաթբետոնյա կամուրջ` N 1 ջրատարի վրա` 1 հատ
գ. Կարենիս
-----------------
Ճանապարհ դեպի ՀԷԿ` 680 գծմ
գ. Արզնի
-------------
Ճանապարհ «Արզնի» առողջարանից դեպի ՀԷԿ` 1126 գծմ
քաղ. Նոր Հաճն
---------------------
Ճանապարհ «Արզնի» առողջարանից դեպի Արզնի ՀԷԿ` 1266 գծմ
Արզնի ՀԷԿ-ի Ջրնետ ջրանցքի կամուրջ` 1 հատ
Բնակելի տներից մինչև N 4 տրանսֆորմատոր տանող 850 գծմ
ճանապարհ`
գ. Նոր Գեղի
----------------
Ավտոճանապարհային կամուրջ ՊԿ 70` 1 հատ
գ. Պտղնի
--------------
Քանաքեռ ՀԷԿ-ի հեղեղաթափի վրայի կամուրջ N 4` 1 հատ
գ. Գետամեջ
-----------------
Երկաթբետոնյա կամուրջ N 2` 1 հատ
քաղ. Երևան
Արաբկիրի թաղային համայնք
------------------------------------------
Հիդրոտեխնիկական կառույցների երկայնքով
տեսչական ճանապարհներ (գ. Պտղնի, գ. Արզնի, գ.
Գետամեջ, Արաբկիրի թաղային համայնք)` 13 կմ
Երկաթբետոնյա կամուրջ N 5` 1 հատ
Մետաղյա կամուրջ N 6` 1 հատ
Երկաթբետոնյա կամուրջ N 7` 1 հատ
ՊԿ-ի վրայի 90+60 կամուրջ` 1 հատ