112.0006.061117
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«06» 11 2017 Թ.
ՊԵՏԱԿԱՆ ԳՐԱՆՑՄԱՆ ԹԻՎ 11217436
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՊԵՏ ՀՐԱՄԱՆ
1 նոյեմբերի 2017 թվականի թիվ 6-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՊԵՏԻ 2003 ԹՎԱԿԱՆԻ ԴԵԿՏԵՄԲԵՐԻ 10-Ի N 11-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
i
«Ոստիկանությունում ծառայության մասին» Հայաստանի Հանրապետության օրենքի 40-րդ հոդվածի 3-րդ մասի, Հայաստանի Հանրապետության կառավարության 2003 թվականի հունվարի 16-ի թիվ 111-Ն որոշման 2-րդ կետի և «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասի համաձայն`
ՀՐԱՄԱՅՈՒՄ ԵՄ`
1. Հայաստանի Հանրապետության ոստիկանության պետի 2003 թվականի դեկտեմբերի 10-ի «Ոստիկանության ծառայողի և ոստիկանության ուսումնական հաստատությունում սովորողի ուսման կամ վերապատրաստման համար պետության կատարած ծախսերի փոխհատուցման չափի մասին» N 11-Ն հրամանում (այսուհետ` հրաման) կատարել հետևյալ փոփոխությունները.
1) հրամանի 2-րդ կետը շարադրել հետևյալ խմբագրությամբ`
i
«2. Սահմանել, որ ոստիկանության ծառայողի և ոստիկանության ուսումնական հաստատությունում սովորողի ուսման կամ վերապատրաստման համար պետության կատարած փոխհատուցման ենթակա ծախսերի հաշվարկները իրականացվում են յուրաքանչյուր անձի համար, ընդ որում`
1) օտարերկրյա պետություններում սովորողներինը և վերապատրաստում անցնող ոստիկանության ծառայողներինը` Հայաստանի Հանրապետության ոստիկանության ֆինանսաբյուջետային վարչությունում` տնտեսական վարչության համապատասխան տեղեկանքի հիման վրա,
2) Հայաստանի Հանրապետության ոստիկանության ուսումնական հաստատությունում սովորողներինը և վերապատրաստում անցնող ոստիկանության ծառայողներինը` ուսումնական հաստատությունում և ներկայացվում է Հայաստանի Հանրապետության ոստիկանության կադրերի վարչություն կամ կադրային ծառայություն ունեցող համապատասխան ստորաբաժանումներ:»,
2) հրամանի 2.1, 2.2, 2.3 և 2.4 կետերն ուժը կորցրած ճանաչել,
i
3) հրամանի 3-րդ կետը շարադրել հետևյալ խմբագրությամբ.
i
«3. Ոստիկանության ծառայողի և ոստիկանության ուսումնական հաստատությունում սովորողի ուսման կամ վերապատրաստման համար ծախսերի փոխհատուցման ենթակա գումարի չափի հաշվառումն իրականացվում է սույն հրամանի թիվ 2 հավելվածի համաձայն և հաշվառման թերթիկը կցվում է ոստիկանության ծառայողի անձնական գործին:»,
4) հրամանի թիվ 1 հավելվածի`
i
ա. 1-ին կետում «հաստատություններում» բառը փոխարինել «հաստատությունում» բառով,
բ. 1.1 և 1.2. կետերը շարադրել հետևյալ խմբագրությամբ.
i
«1.1 Մեկ օրվա համար` 6940 ՀՀ դրամ:
1.2. 1.1 կետում նշված ծախսին ավելացվում է հատկացված (հատուցված) հանդերձանքի փաստացի արժեքը: Ոստիկանության ծառայողը հանդերձանքի արժեքը չի փոխհատուցում, եթե նա «Ոստիկանությունում ծառայության մասին» Հայաստանի Հանրապետության օրենքի 14-րդ հոդվածի 3-րդ, 7-րդ, 10-րդ, 14.1-ին հոդվածի 4-րդ կամ 16-րդ հոդվածի 1-ին մասերի համաձայն ենթակա է պարտադիր վերապատրաստման կամ 55-րդ հոդվածի 9-րդ մասի համաձայն անցնում է հեռակա ուսուցում:»,
գ. 3-րդ կետն ուժը կորցրած ճանաչել,
i
5) հրամանի թիվ 2 հավելվածը շարադրել նոր խմբագրությամբ` համաձայն հավելվածի:
2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը և տարածվում է Հայաստանի Հանրապետության կառավարության 2017 թվականի հոկտեմբերի 19-ի N 1342-Ն որոշումն ուժի մեջ մտնելուց հետո կնքած ուսման կամ վերապատրաստման համար պետության կատարած ծախսերի փոխհատուցման վերաբերյալ պայմանագրերի վրա:
Հավելված
ՀՀ ոստիկանության պետի
2017 թ. նոյեմբերի 1-ի
թիվ 6-Ն հրամանի
«Հավելված 2
ՀՀ ոստիկանության պետի
2003 թվականի դեկտեմբերի 10-ի
թիվ 11-Ն հրամանի
ՀԱՇՎԱՌՄԱՆ ԹԵՐԹԻԿ ՈՍՏԻԿԱՆՈՒԹՅԱՆ ԾԱՌԱՅՈՂԻ ԵՎ ՈՍՏԻԿԱՆՈՒԹՅԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՈՒՄ ՍՈՎՈՐՈՂԻ ՈՒՍՄԱՆ ԿԱՄ ՎԵՐԱՊԱՏՐԱՍՏՄԱՆ ՀԱՄԱՐ ԾԱԽՍԵՐԻ ՓՈԽՀԱՏՈՒՑՄԱՆ ԵՆԹԱԿԱ ԳՈՒՄԱՐԻ ՉԱՓԻ
Սկսված է __ _____ 20 __ թ. ավարտված է __ ______ 20 __ թ.
.____________________________________________________________________.
|1 | 2 | 3 | 4 | 5 | 6 | 7 |
|_____|___________|_________|_________|_________|_______|____________|
|Տարի |ՈՒսումը |Ազգանուն,|Փաստացի |Գումարն |Հատկաց-|Ընդամենը |
| |(կրթական |անուն, |ուսումնա-|ըստ |ված |փոխհատուցման|
| |ծրագիրը), |հայրանուն|ռությունը|փոխհա- |հանդեր-|ենթակա |
| |ուսման | |օրերով |տուցման |ձանքի |գումարը |
| |ձևը, վերա-| | |ենթակա |փաստացի| |
| |պատրաստում | | |օրական |արժեքը | |
| | | | |չափի | | |
|_____|___________|_________|_________|_________|_______|____________|
|_____|___________|_________|_________|_________|_______|____________|
|_____|___________|_________|_________|_________|_______|____________|
|_____|___________|_________|_________|_________|_______|____________|
.____________________________________________________________________.
Ղեկավար` ________________________
Պատասխանատու` ___________________ Կ. Տ.
Ծառայող (սովորող, վերապատրաստվող) __________________
1. Հաշվառման թերթիկի մասին սովորողը ծանուցվում է յուրաքանչյուր ուսումնական տարվա, իսկ վերապատրաստում անցնողը` դրա համար սահմանված ժամկետի ավարտից հետո:
2. Մեկ տարուց ավելի ուսումնառության դեպքում տվյալները լրացվում են ըստ տարիների:»: