(ուժը կորցրել է 15.10.15 թիվ 1192-Ն որոշում)
i
040.1151.121007
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
4 հոկտեմբերի 2007 թվականի N 1151-Ն
i
ԲՈՒՅՍԵՐԻ ՊԱՇՏՊԱՆՈՒԹՅԱՆ ՄԻՋՈՑՆԵՐԻ ԵՎ ՊԱՐԱՐՏԱՆՅՈՒԹԵՐԻ ՓՈՐՁԱՔՆՆՈՒԹՅԱՆ ԱՆՑԿԱՑՄԱՆ ԿԱՐԳԸ ԵՎ ԲՈՒՅՍԵՐԻ ՊԱՇՏՊԱՆՈՒԹՅԱՆ ՄԻՋՈՑՆԵՐԻ ՆԵՐՄՈՒԾՄԱՆ ԵՎ ԱՐՏԱՀԱՆՄԱՆ ՈՒ ՊԱՐԱՐՏԱՆՅՈՒԹԵՐԻ ՆԵՐՄՈՒԾՄԱՆ ՄԱՍԻՆ ԵԶՐԱԿԱՑՈՒԹՅԱՆ ՁԵՎԵՐԸ ՍԱՀՄԱՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ՀՈՒՆԻՍԻ 10-Ի N 1052-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
i
«Բուսասանիտարիայի մասին» Հայաստանի Հանրապետության օրենքի 4-րդ հոդվածի 1-ին մասի 5-րդ կետին համապատասխան` Հայաստանի Հանրապետության կառավարությունը որոշում է.
1. Սահմանել`
i
1) բույսերի պաշտպանության միջոցների և պարարտանյութերի փորձաքննության անցկացման կարգը` համաձայն N 1 հավելվածի.
2) բույսերի պաշտպանության միջոցների ներմուծման և արտահանման ու պարարտանյութերի ներմուծման մասին եզրակացության ձևերը` համաձայն NN 2 և 3 հավելվածների:
(1-ին կետը փոփ. 03.09.10 թիվ 1125-Ն որոշում)
i
2. ՈՒժը կորցրած ճանաչել Հայաստանի Հանրապետության կառավարության 2004 թվականի հունիսի 10-ի «Բույսերի պաշտպանության քիմիական միջոցների փորձաքննության անցկացման կարգը հաստատելու և Հայաստանի Հանրապետության կառավարության 2001 թվականի օգոստոսի 10-ի N 742 որոշման մեջ փոփոխություն կատարելու մասին» N 1052-Ն որոշումը:
i
3. Հայաստանի Հանրապետության գյուղատնտեսության նախարարին` երկամսյա ժամկետում հաստատել բույսերի պաշտպանության միջոցների արտադրության, պահպանման և իրացման մասին եզրակացության ձևը:
4. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
(վերնագիրն ու նախաբանը փոփ. 03.09.10 թիվ 1125-Ն որոշում)
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2007 ԹՎԱԿԱՆԻ ՀՈԿՏԵՄԲԵՐԻ 12-ԻՆ
Հավելված N 1
ՀՀ կառավարության
2007 թվականի հոկտեմբերի 4-ի
N 1151-Ն որոշման
ԿԱՐԳ
i
ԲՈՒՅՍԵՐԻ ՊԱՇՏՊԱՆՈՒԹՅԱՆ ՄԻՋՈՑՆԵՐԻ ԵՎ ՊԱՐԱՐՏԱՆՅՈՒԹԵՐԻ ՓՈՐՁԱՔՆՆՈՒԹՅԱՆ ԱՆՑԿԱՑՄԱՆ
I. ԸՆԴՀԱՆՈՒՐ ԴՐՈՒՅԹՆԵՐ
i
1. Սույն կարգով սահմանվում է Հայաստանի Հանրապետություն ներմուծվող և Հայաստանի Հանրապետությունից արտահանվող, ինչպես նաև Հայաստանի Հանրապետությունում արտադրվող, պահպանվող և իրացվող (այսուհետ` իրացվող) բույսերի պաշտպանության միջոցների և պարարտանյութերի փորձաքննության գործընթացը:
(1-ին կետը փոփ. 03.09.10 թիվ 1125-Ն որոշում)
2. Սույն կարգը չի տարածվում «Տարանցիկ փոխադրում» մաքսային ռեժիմով Հայաստանի Հանրապետություն ներմուծվող բույսերի պաշտպանության միջոցների և պարարտանյութերի վրա:
(2-րդ կետը փոփ. 03.09.10 թիվ 1125-Ն որոշում)
II. ՕԳՏԱԳՈՐԾՎՈՂ ՀԻՄՆԱԿԱՆ ՀԱՍԿԱՑՈՒԹՅՈՒՆՆԵՐԸ
3. Սույն կարգում օգտագործվող հիմնական հասկացություններն են`
i
լիազորված մարմին` Հայաստանի Հանրապետության գյուղատնտեսության նախարարության սննդամթերքի անվտանգության պետական ծառայություն.
փորձաքննություն` բույսերի պաշտպանության միջոցների և պարարտանյութերի խմբաքանակից վերցված նմուշների լաբորատոր փորձարկում` սահմանված չափորոշիչին ազդող նյութի համապատասխանության որոշման նպատակով.
խմբաքանակ` ցանկացած քանակությամբ` նույնանման որակական հատկանիշներով համասեռ բույսերի պաշտպանության միջոց և պարարտանյութ, որը նախատեսվում է միաժամանակյա ներմուծման կամ արտահանման համար.
կետային նմուշ` բույսերի պաշտպանության միջոցների և պարարտանյութերի ոչ մեծ քանակություն, որը խմբաքանակից վերցվում է մեկ գործողության ընթացքում միացյալ նմուշի ձևավորման համար.
միացյալ նմուշ` մի քանի կետային նմուշներից կազմված նմուշ.
միջին նմուշ` միացյալ նմուշի մաս` առանձնացված` լաբորատոր փորձաքննության համար.
պահեստային նմուշ` իրացնողի ցանկությամբ միացյալ նմուշից առանձնացված նմուշ, որը ծածկագրված, կապարակնքված կամ դրոշմակնքված հանձնվում է իրացնողին.
իրացնող` բույսերի պաշտպանության միջոցներ և պարարտանյութեր ներմուծող, արտահանող, արտադրող, պահպանող ու իրացնող ֆիզիկական կամ իրավաբանական անձ.
լաբորատորիա` Հայաստանի Հանրապետության կառավարության սահմանած կարգով անցկացված մրցույթի արդյունքում լիազորված փորձարկման լաբորատորիա:
(3-րդ կետը փոփ. 03.09.10 թիվ 1125-Ն, 29.12.11 թիվ 1922-Ն որոշումներ)
III. ԲՈՒՅՍԵՐԻ ՊԱՇՏՊԱՆՈՒԹՅԱՆ ՄԻՋՈՑՆԵՐԻ և պարարտանյութերի
i
ԽՄԲԱՔԱՆԱԿԻՑ ՆՄՈՒՇԱՌՈՒՄԸ
i
4. Բույսերի պաշտպանության միջոցների և պարարտանյութերի նմուշառումը (այսուհետ` նմուշառում) իրականացնում է լիազորված մարմինը (այսուհետ` նմուշառու):
(4-րդ կետը փոփ. 03.09.10 թիվ 1125-Ն որոշում)
5. Նմուշառման տարաները և դրանց կափարիչները, ինչպես նաև կապարակնքման նպատակով օգտագործվող փաթեթավորող նյութերը պետք է պատրաստված լինեն պահման ու փոխադրման ժամանակ նմուշները փոփոխություններից պաշտպանող նյութերից:
6. Նմուշառումը պետք է իրականացվի ընտրանքային կարգով` խմբաքանակի տարբեր մասերից:
i
7. Բույսերի պաշտպանության միջոցների խմբաքանակից կետային նմուշները վերցվում են հետևյալ չափաքանակներով`
._____________________________________________.
|NN |Խմբաքանակի տարավորված|Կետային նմուշառման |
|ը/կ|միավորի քանակը (հատ) |քանակը (հատ) |
|___|_____________________|___________________|
|1. |մինչև 50 |3 |
|___|_____________________|___________________|
|2. |51-150 |5 |
|___|_____________________|___________________|
|3 |151-400 |8 |
|___|_____________________|___________________|
|4 |401-800 |12 |
|___|_____________________|___________________|
|5. |801-1500 |16 |
|___|_____________________|___________________|
|6. |1501-3000 |22 |
|___|_____________________|___________________|
|7. |3001-5000 |28 |
|___|_____________________|___________________|
|8. |5000-ից ավելի |30 |
._____________________________________________.
(7-րդ կետը փոփ. 03.09.10 թիվ 1125-Ն որոշում)
i
7.1. Տարայով պահպանվող կամ փոխադրվող պարարտանյութից նմուշառումը կատարվում է`
1) մինչև 50 տարայի դեպքում` յուրաքանչյուր հինգերորդ տարայից.
2) 51-100 տարայի դեպքում` յուրաքանչյուր քսաներորդ տարայից.
3) 101-500 տարայի դեպքում`յուրաքանչյուր հիսուներորդ տարայից.
4) 501-1000 տարայի դեպքում` յուրաքանչյուր հարյուրերորդ տարայից.
5) 1001-5000 տարայի դեպքում` յուրաքանչյուր երկուհարյուրերորդ տարայից:
(7.1-րդ կետը լարց. 03.09.10 թիվ 1125-Ն որոշում)
7.2. Կետային նմուշառումը կատարվում է ճեղքաձև նմուշառման սարքի միջոցով` հորիզոնական դիրքում գտնվող տարայի հակադիր կողմերից:
(7.2-րդ կետը լարց. 03.09.10 թիվ 1125-Ն որոշում)
7.3. Առանց փաթեթավորման, շարժման մեջ գտնվող կամ շեղջով լցված պարարտանյութից նմուշառումը կատարվում է`
1) պարարտանյութերի բեռնման, բեռնաթափման կամ փաթեթավորման գործընթացների ժամանակ մեխանիկական նմուշառման սարքի միջոցով կամ ձեռքով`անընդմեջ կամ հավասարաչափ դադարներով.
2) շեղջով լցված պարարտանյութից նմուշառումը կատարվում է ձեռքի փակվող նմուշառման սարքի միջոցով, շեղջի` ոչ պակաս, քան 30 սմ խորությունից, 2 հակադիր կողմերից: Ընդհանուր զանգվածից նմուշների միջև եղած հեռավորությունը պետք է կազմի 20-25 սմ: Չի թույլատրվում շեղջի գագաթից 50 սմ ցածր և շեղջի հատակից 50 սմ-ից բարձր նմուշառում կատարել:
(7.3-րդ կետը լարց. 03.09.10 թիվ 1125-Ն որոշում)
7.4. Յուրաքանչյուր վագոնից պարարտանյութի նմուշը վերցվում է կարճակոթ գոգավոր թիակով, 2 անգամ`
1) առաջին` պարարտանյութի բեռնաթափման ընթացքում` վագոնի դռան բացվածքից.
2) երկրորդ` պարարտանյութի բեռնաթափումից հետո.
3) վերցվում է 3-ական կետային նմուշ` վերին, միջին և ներքին շերտերից, աջ և ձախ կողմերից: Կետային նմուշները միախառնում և կազմում են միացյալ նմուշ, որից առանձնացվում է միջին նմուշը: Միջին նմուշի քանակը պետք է կազմի յուրաքանչյուր վագոնում առկա պարարտանյութի քաշի 0,002 տոկոսից ոչ պակաս:
(7.4-րդ կետը լարց. 03.09.10 թիվ 1125-Ն որոշում)
7.5. Ավտոմեքենաների բեռնախցիկից նմուշառումը կատարվում է`
1) մինչև 5 տոննա տարողությամբ ավտոմեքենայում առկա պարարտանյութի մակերեսն անկյունագծերով բաժանվում է 7 քառակուսու և յուրաքանչյուր քառակուսուց վերցվում մեկ կետային նմուշ.
2) 5 տոննայից ավելի տարողությամբ ավտոմեքենայում առկա պարարտանյութի մակերեսը բաժանվում է 10 քառակուսու և յուրաքանչյուր քառակուսուց վերցվում մեկ կետային նմուշ:
(7.5-րդ կետը լարց. 03.09.10 թիվ 1125-Ն որոշում)
7.6. Յուրաքանչյուր կետային նմուշի քանակը պետք է կազմի 400 գրամից ոչ պակաս:
(7.6-րդ կետը լարց. 03.09.10 թիվ 1125-Ն որոշում)
7.7. Կետային նմուշները միախառնում, կազմում են միացյալ նմուշ և համապատասխան սարքավորումով բաժանում միջին նմուշների` 1-2.5 կգ քաշով:
(7.7-րդ կետը լարց. 03.09.10 թիվ 1125-Ն որոշում)
i
8. Բույսերի պաշտպանության միջոցների յուրաքանչյուր կետային նմուշ պետք է լինի 30 գրամից (միլիլիտրից) ոչ ավելի:
(8-րդ կետը փոփ. 03.09.10 թիվ 1125-Ն որոշում)
9. Փորձաքննության համար նմուշառումն իրականացվում է, նմուշները ծածկագրվում, կապարակնքվում կամ դրոշմակնքվում են, և նմուշառման ակտը ձևակերպվում է լիազորված մարմնի ներկայացուցչի կողմից` իրացնողի կամ նրա լիազոր ներկայացուցչի մասնակցությամբ:
i
10. Նմուշառման ընթացքում նմուշառուի կողմից կազմվում է նմուշառման ակտ (N 1 ձև), որում ներառվում են`
1) նմուշառման վայրը, թվականը (տարեթիվը, ամիսը, ամսաթիվը).
2) նմուշառուի պաշտոնը, անունը, ազգանունը.
3) իրացնողի կամ նրա լիազոր ներկայացուցչի պաշտոնը, անունը, ազգանունը, ում ներկայությամբ է իրականացվել նմուշառումը.
4) բույսերի պաշտպանության միջոցի կամ պարարտանյութի անվանումը, արտաքին տնտեսական գործունեության ապրանքային անվանացանկի ծածկագիրը (ԱՏԳԱԱ-ի ծածկագիր).
5) արտադրող երկիրը, կազմակերպության կամ մատակարարի անվանումը, գտնվելու վայրը.
6) թողարկման տարեթիվը, պիտանիության ժամկետը.
7) խմբաքանակը (զանգվածը կամ ծավալը).
8) միջին նմուշի և պահեստային նմուշի (առկայության դեպքում) քանակը (զանգվածը կամ ծավալը):
(10-րդ կետը փոփ. 03.09.10 թիվ 1125-Ն որոշում)
i
IV. ԲՈՒՅՍԵՐԻ ՊԱՇՏՊԱՆՈՒԹՅԱՆ ՄԻՋՈՑՆԵՐԻ ԵՎ ՊԱՐԱՐՏԱՆՅՈՒԹԵՐԻ ՓՈՐՁԱՔՆՆՈՒԹՅՈՒՆԸ ԵՎ ԴՐԱՆՑ ԱՐԴՅՈՒՆՔՆԵՐԻ ՁԵՎԱԿԵՐՊՈՒՄԸ
11. Նմուշառուն խմբաքանակից վերցրած կետային նմուշներից կազմում է միացյալ նմուշ, որից վերցվում է միջին նմուշ: Նմուշառուն կատարում է նմուշների համապատասխան ծածկագրում և կապարակնքումից կամ դրոշմակնքումից հետո` ուղեկցող նամակով դրանք ներկայացնում է լաբորատոր փորձաքննության:
12. Նմուշն ընդունում է լաբորատորիայի ներկայացուցիչը, որն ստուգում է`
1) ուղեկցող նամակի առկայությունը.
2) փաթեթավորման պահպանվածությունը.
3) ծածկագրի և կապարակնիքի կամ դրոշմակնիքի առկայությունը:
i
13. Եթե լաբորատորիայի ներկայացուցիչը հայտնաբերում է, որ նմուշը ներկայացվել է սույն կարգի 12-րդ կետի պահանջների խախտմամբ, ապա նմուշը չի ընդունվում և վերադարձվում է գրավոր հիմնավորմամբ:
(13-րդ կետը փոփ. 03.09.10 թիվ 1125-Ն որոշում)
14. Լիազորված մարմինը փորձաքննության ներկայացված նմուշները հաշվառում է առանձին գրանցամատյանում (N 2 ձև):
15. Լաբորատորիան եռօրյա ժամկետում` վերցված նմուշների փորձաքննության արդյունքների մասին կազմում է փորձաքննության արձանագրություն (N 3 ձև)` երկու օրինակից, որոնցից մեկն ուղարկում է լիազորված մարմին, իսկ երկրորդը մնում է լաբորատորիայում:
16. Փորձաքննության արձանագրությունն ստորագրում են փորձաքննություն կատարողը և լաբորատորիայի ղեկավարը: Փորձաքննության արձանագրությունը վավերացվում է լաբորատորիայի կնիքով:
i
17. Լիազորված մարմինը փորձանմուշի փորձաքննության արձանագրությունն ստանալուց հետո 24 ժամվա ընթացքում տալիս է բույսերի պաշտպանության միջոցների կամ պարարտանյութերի մասին եզրակացություն:
(17-րդ կետը փոփ. 03.09.10 թիվ 1125-Ն որոշում)
18. Փորձաքննության ավարտից հետո` մնացած կամ չօգտագործված փորձանմուշները վերադարձվում են իրացնողին կամ նրա լիազոր ներկայացուցչին` կազմելով նմուշի վերադարձման մասին ակտ (N 4 ձև)` բացառությամբ այն դեպքերի, երբ Հայաստանի Հանրապետության օրենսդրությամբ նախատեսված է տվյալ ապրանքի հսկիչ նմուշի` որոշակի ժամկետով պահպանումը լաբորատորիայում: Այդ դեպքում ապրանքն իրացնողը կամ նրա լիազոր ներկայացուցիչը կարող է հսկիչ նմուշը հետ վերցնել` այդ ժամկետը լրանալուց հետո:
(վերնագիրն փոփ. 03.09.10 թիվ 1125-Ն որոշում)
Ձև N 1
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐՈՒԹՅԱՆ ՍՆՆԴԱՄԹԵՐՔԻ ԱՆՎՏԱՆԳՈՒԹՅԱՆ ՊԵՏԱԿԱՆ ԾԱՌԱՅՈՒԹՅՈՒՆ
ՆՄՈՒՇԱՌՄԱՆ ՄԱՍԻՆ ԱԿՏ N ______
_____ _____________200 թ.
_______________________________________________________________________ ում
(վայրը, որտեղ կատարվել է նմուշառումը) ես`________________________________________________________________________
(նմուշառուի պաշտոնը, անունը, ազգանունը) __________________________________________________________________________ի
(իրացնողի կամ նրա լիազոր ներկայացուցչի պաշտոնը, անունը, ազգանունը)
ներկայությամբ` փորձաքննության նպատակով Հայաստանի Հանրապետության կառավարության 2007 թվականի հոկտեմբերի 4-ի N 1151-Ն որոշմամբ հաստատված կարգով վերցրել եմ միջին նմուշ:
___________________________________________________________________________
(բույսերի պաշտպանության միջոցի կամ պարարտանյութի անվանումը, ԱՏԳԱԱ-ի ծածկագիրը)
Արտադրող` _________________________________________________________________
(երկիրը, կազմակերպության կամ մատակարարի անվանումը, գտնվելու վայրը)
Թողարկման թվականը ___________________, պիտանիության ժամկետը ______________
(ամիս, տարեթիվ) (ամիսը, տարեթիվը)
Խմբաքանակը ________________________________________________________________
(զանգվածը կամ ծավալը)
Միջին նմուշի քանակը _______________________________________________________
(զանգվածը կամ ծավալը)
Պահեստային նմուշի (առկայության դեպքում) քանակը ____________________________
(զանգվածը կամ ծավալը)
Նմուշառու ___________________ ___________________________
(ստորագրությունը) (անունը, ազգանունը)
Իրացնող __________________ ___________________________
(ներկայացուցիչ) (ստորագրությունը) (անունը, ազգանունը)
(1-ին ձևը փոփ. 03.09.10 թիվ 1125-Ն, 29.12.11 թիվ 1922-Ն որոշումներ)
Ձև N 2
i
ԳՐԱՆՑԱՄԱՏՅԱՆ ԲՈՒՅՍԵՐԻ ՊԱՇՏՊԱՆՈՒԹՅԱՆ ՄԻՋՈՑՆԵՐԻ ԿԱՄ ՊԱՐԱՐՏԱՆՅՈՒԹԵՐԻ ՓՈՐՁԱՔՆՆՈՒԹՅԱՆ ՀԱՄԱՐ ՎԵՐՑՎԱԾ ՆՄՈՒՇՆԵՐԻ
._________________________________________________________________________.
|NN |Բույսերի |Բույսե-|Արտադրող |Նմուշառ-|Նմուշի |Փորձաքննութ-|Նմուշի |
|ը/կ|պաշտպանության|րի պաշտ|երկիրը, |ման ակտի|քանակը,|յան |վերա- |
| |միջոցներ կամ |պանութ-|կազմակեր-|համարը, |(գրամ, |արդյունքները|դարձման|
| |պարատանյութեր| | | | | | |
| |ներմուծողի, |յան |պությունը|օրը, |միլի- |(արձանա- |մասին |
| |արտահանողի, |միջոցի |կամ մատա-|ամիսը, |լիտր) |գրության |ակտի |
| | |կամ պա-| | | | | |
| | |րատա- | | | | | |
| | |նյութի | | | | | |
| |արտադրողի, |անվա- |կարարը, |տարեթիվը| |համարը, |համարը |
| |պահպանողի և |նումը, |գտնվելու | | |թվականը) |և |
| |իրացնողի |ԱՏԳԱԱ-ի|վայրը | | | |թվականը|
| |անվանումը |ծածկա- | | | | | |
| |կամ անունը, |գիրը | | | | | |
| |ազգանունը և | | | | | | |
| |նմուշի | | | | | | |
| |ծածկագիրը | | | | | | |
|___|_____________|_______|_________|________|_______|____________|_______|
|1 |2 |3 |4 |5 |6 |7 |8 |
|___|_____________|_______|_________|________|_______|____________|_______|
._________________________________________________________________________.
(2-րդ ձևը փոփ. 03.09.10 թիվ 1125-Ն որոշում)
Ձև N 3
i
__________________________________________________________________________
(փորձաքննությունն իրականացնող լաբորատորիայի անվանումը և գտնվելու վայրը)
ՓՈՐՁԱՔՆՆՈՒԹՅԱՆ ՄԱՍԻՆ ԱՐՁԱՆԱԳՐՈՒԹՅՈՒՆ N _____
____ ___________ 200 թ.
Բույսերի պաշտպանության միջոցի կամ պարարտանյութի անվանումը _______________
___________________________________________________________________________
ՈՒղեկցող նամակի համարը, թվականը ___________________________________________
Նմուշի ծածկագիրը ______________, նմուշն ստանալու թվականը __________________
Փորձարկվող նմուշի (նմուշների) քանակը ______________________________________
Ազդող նյութի քանակի որոշման մեթոդիկան _____________________________________
___________________________________________________________________________
._____________________________________________________________.
|Բույսերի |Ազդող |Արտադրող |Ցուցանիշը |Եզրակացություն|
|պաշտպանու|նյութը|երկիրը, |___________________|սահմանված |
|թյան | |կազմակեր-|ըստ |փաստացի` |չափորոշիչներին|
|միջոցի | |պությունը|սահմանված|ըստ |համապատասխա- |
|կամ պարա- | | | | |
|տանյութի | | | | | |
|անվանումը| |կամ մատա-|չափորոշիչ|փորձա- |նության մասին |
|ԱՏԳԱԱ-ի | |կարարը |ների |քննության| |
|ծածկագիրը| | | | | |
|_________|______|_________|_________|_________|______________|
|_________|______|_________|_________|_________|______________|
._____________________________________________________________.
Արձանագրությունը կազմված է _____________ օրինակից:
Փորձաքննություն կատարող __________________ _____________________
(ստորագրությունը) (անունը, ազգանունը)
Լաբորատորիայի ղեկավար __________________ _____________________
(ստորագրությունը) (անունը, ազգանունը)
Կ.Տ.
(3-րդ ձևը փոփ. 03.09.10 թիվ 1125-Ն որոշում)
Ձև N 4
i
_____________________________________________________________________
(լաբորատորիայի անվանումը և գտնվելու վայրը)
ՆՄՈՒՇՆԵՐԻ ՎԵՐԱԴԱՐՁՄԱՆ ՄԱՍԻՆ ԱԿՏ N _______
______ ____________ 200 թ.
Ես` ______________________________________________________________________,
(հանձնողի անվանումը, հանձնողի պաշտոնը, անունը, ազգանունը)
ստացող _________________________________________________________________ ին
(պաշտոնը, անունը, ազգանունը)
վերադարձրել եմ __________________________________________________________ ի
(բույսերի պաշտպանության միջոցի կամ պարարտանյութի անվանումը)
նմուշը (նմուշները)` _______________ քանակով:
Հանձնել եմ` __________________ _____________________
(ստորագրությունը) (անունը, ազգանունը)
Ստացել եմ` __________________ _____________________
(ստորագրությունը) (անունը, ազգանունը)
Կ.Տ.
(4-րդ ձևը փոփ. 03.09.10 թիվ 1125-Ն որոշում)
Հավելված N 2
i
ՀՀ կառավարության
2007 թվականի հոկտեմբերի 4-ի
N 1151-Ն որոշման
Ձև
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐՈՒԹՅԱՆ ՍՆՆԴԱՄԹԵՐՔԻ ԱՆՎՏԱՆԳՈՒԹՅԱՆ ՊԵՏԱԿԱՆ ԾԱՌԱՅՈՒԹՅՈՒՆ
ԵԶՐԱԿԱՑՈՒԹՅՈՒՆ N _______
ԲՈՒՅՍԵՐԻ ՊԱՇՏՊԱՆՈՒԹՅԱՆ ՄԻՋՈՑՆԵՐԻ ԵՎ ՊԱՐԱՐՏԱՆՅՈՒԹԵՐԻ ՆԵՐՄՈՒԾՄԱՆ ՄԱՍԻՆ
Հայտատու __________________________________________________________________
(իրավաբանական անձի անվանումը կամ ֆիզիկական անձի անունը, ազգանունը)
___________________________________________________________________________
(գտնվելու վայրը կամ հասցեն)
Արտադրող երկիրը, կազմակերպությունը կամ մատակարարը _________________________
___________________________________________________________________________
._____________________________________________________________.
|Բույսերի պաշտպանության|ԱՏԳԱԱ-ի ծածկագիրը|Քանակը |Թողարկման|
|միջոցի կամ պարատանյու-| |(կգ կամ լ)|տարեթիվը |
|թի անվանումը | | | |
|______________________|_________________|__________|_________|
|______________________|_________________|__________|_________|
._____________________________________________________________.
Համաձայն ____ ___________ 200 թվականի N ________ փորձաքննության մասին արձանագրության _____________ բույսերի պաշտպանության միջոցը կամ պարարտանյութը համապատասխանում է սահմանված չափորոշիչներին:
___________ բույսերի պաշտպանության միջոցը թույլատրվում է ներկրել Հայաստանի Հանրապետություն:
Եզրակացությունն ուժի մեջ է մինչև ______ ______________ 200 թ.
Պատասխանատու
ստորաբաժանման ղեկավար __________________ ____________________
(ստորագրությունը) (անունը, ազգանունը)
____ ___________ 200 թ.
Կ.Տ.
(2-րդ հավելվածը փոփ. 03.09.10 թիվ 1125-Ն, 29.12.11 թիվ 1922-Ն որոշումներ)
Հավելված N 3
ՀՀ կառավարության
2007 թվականի հոկտեմբերի 4-ի
N 1151-Ն որոշման
Ձև
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐՈՒԹՅՈՒՆ
ԵԶՐԱԿԱՑՈՒԹՅՈՒՆ N _______
ԲՈՒՅՍԵՐԻ ՊԱՇՏՊԱՆՈՒԹՅԱՆ ՄԻՋՈՑՆԵՐԻ ԱՐՏԱՀԱՆՄԱՆ ՄԱՍԻՆ
Հայտատու __________________________________________________________________
(իրավաբանական անձի անվանումը կամ ֆիզիկական անձի անունը, ազգանունը)
___________________________________________________________________________
(գտնվելու վայրը կամ հասցեն)
Արտադրող երկիրը, կազմակերպությունը կամ մատակարարը _________________________
___________________________________________________________________________
._____________________________________________________________.
|Բույսերի պաշտպանության|ԱՏԳԱԱ-ի ծածկագիրը|Քանակը |Թողարկման|
|միջոցի անվանումը | |(կգ կամ լ)|տարեթիվը |
|______________________|_________________|__________|_________|
|______________________|_________________|__________|_________|
._____________________________________________________________.
Համաձայն ____ ___________ 200 թվականի N ________ փորձաքննության մասին արձանագրության _____________ բույսերի պաշտպանության միջոցը համապատասխանում է սահմանված չափորոշիչներին:
___________ բույսերի պաշտպանության միջոցը թույլատրվում է արտահանել Հայաստանի Հանրապետությունից:
Եզրակացությունն ուժի մեջ է մինչև ______ ______________ 200 թ.
Պատասխանատու
ստորաբաժանման ղեկավար __________________ ____________________
(ստորագրությունը) (անունը, ազգանունը)
____ ___________ 200 թ.
Կ.Տ.
.խ