ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ ՆԱԽԱԳԱՀ
ՀՐԱՄԱՆ
6 մայիսի 2025 թվականի N 560-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ ՆԱԽԱԳԱՀԻ 2022 ԹՎԱԿԱՆԻ ՀՈՒՆՎԱՐԻ 31-Ի ԹԻՎ 96-Ն ԵՎ 2023 ԹՎԱԿԱՆԻ ՀՈՒՆԻՍԻ 12-Ի ԹԻՎ 582-Ն ՀՐԱՄԱՆՆԵՐՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 33-րդ հոդվածը և 34-րդ հոդվածի 1-ին մասը`
Հրամայում եմ`
1. Հայաստանի Հանրապետության պետական եկամուտների կոմիտեի նախագահի 2022 թվականի հունվարի 31-ի «Հարկային կամ մաքսային ծառայողների պատրաստման դասընթացների մասնակցության համար ընդունելության կարգը, թեստավորման պահանջները և պատրաստման դասընթացի ընդունելությանը մասնակցելու նպատակով ներկայացվող բարեվարքության վերաբերյալ հարցաթերթիկի ձևանմուշը հաստատելու մասին» թիվ 96-Ն հրամանում (այսուհետ` Հրաման) կատարել հետևյալ փոփոխությունը և լրացումը.
i
1) Հրամանի 1-ին կետով հաստատված N 1 հավելվածի 19-րդ կետում «նախորդող 3 տարվա ընթացքում» բառերը փոխարինել «նախորդող 1 տարվա ընթացքում» բառերով,
i
2) Հրամանի հավելված 2-ով սահմանված բարեվարքության վերաբերյալ հարցաթերթիկի ձևանմուշում լրացնել նոր` 10.0 բաժին` հետևյալ բովանդակությամբ.
«10.0 ՀԱՅՏԱՐԱՐՈՒԹՅՈՒՆ
._____________________________________________________________________.
|Հայտնում եմ իմ համաձայնությունը բարեվարքության վերաբերյալ |
|հարցաթերթիկը ներկայացնելու փաստի ուժով հարկային կամ մաքսային |
|մարմինների կողմից բարեվարքության հարցաթերթիկի ուսումնասիրության |
|շրջանակում պետական մարմիններից և այլ անձանցից բարեվարքության |
|վերաբերյալ հարցաթերթիկով ներկայացված տեղեկությունները հավաստող |
|տեղեկատվություն պահանջելու և ստանալու վերաբերյալ: |
._____________________________________________________________________.
«:
2. Հայաստանի Հանրապետության պետական եկամուտների կոմիտեի նախագահի 2023 թվականի հունիսի 12-ի «Հարկային կամ մաքսային մարմնի օպերատիվ-հետախուզական գործառույթներ իրականացնող ստորաբաժանման պաշտոնների համալրման մրցույթի անցկացման կարգն ու պայմանները սահմանելու մասին» թիվ 582-Ն հրամանի 1-ին կետով սահմանված հավելվածում կատարել հետևյալ փոփոխությունը և լրացումը.
i
1) 22-րդ կետում «նախորդող 3 տարվա ընթացքում» բառերը փոխարինել «նախորդող 1 տարվա ընթացքում» բառերով,
i
2) բարեվարքության վերաբերյալ հարցաթերթիկի ձևանմուշում` N 2 Ձևում, լրացնել նոր` 10.0. բաժին` հետևյալ բովանդակությամբ.
«10.0 ՀԱՅՏԱՐԱՐՈՒԹՅՈՒՆ
._____________________________________________________________________.
|Հայտնում եմ իմ համաձայնությունը բարեվարքության վերաբերյալ |
|հարցաթերթիկը ներկայացնելու փաստի ուժով հարկային կամ մաքսային մարմնի |
|կողմից բարեվարքության հարցաթերթիկի ուսումնասիրության շրջանակում |
|պետական մարմիններից և այլ անձանցից բարեվարքության վերաբերյալ |
|հարցաթերթիկով ներկայացված տեղեկությունները հավաստող տեղեկատվություն |
|պահանջելու և ստանալու վերաբերյալ: |
._____________________________________________________________________.
«:
3. Սույն հրամանն ուժի մեջ է մտնում պաշտոնական հրապարակմանը հաջորդող օրվանից: Սույն հրամանի 1-ին կետի 1-ին և 2-րդ կետի 1-ին ենթակետերի դրույթները տարածվում են նաև մինչև սույն հրամանն ուժի մեջ մտնելը կազմակերպված` հարկային կամ մաքսային ծառայողների պատրաստման դասընթացին, ինչպես նաև հարկային կամ մաքսային մարմնի օպերատիվ-հետախուզական գործառույթներ իրականացնող ստորաբաժանման պաշտոնների համալրման մրցույթին մասնակցության համար ներկայացված և ուսումնասիրության փուլում գտնվող դիմումների նկատմամբ:
Ժամանակավոր պաշտոնակատար` Վ. Մխիթարյան
2025/05/06
Պաշտոնական հրապարակման օրը` 12 մայիսի 2025 թվական: