ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐ
ՀՐԱՄԱՆ
26 հուլիսի 2024 թվականի N 237-Ն
ՎԱՐՈՒԹԱՅԻՆ ԳՈՐԾՈՂՈՒԹՅԱՆԸ ԿԱՄ ԴԱՏԱԿԱՆ ՆԻՍՏԻՆ ԱՆՁԻ ՄԱՍՆԱԿՑՈՒԹՅԱՆԸ ԽՈՉԸՆԴՈՏՈՂ ՀԻՎԱՆԴՈՒԹՅՈՒՆԸ ՀԱՍՏԱՏՈՂ ՓԱՍՏԱԹՂԹԻ ՁԵՎԸ ԵՎ ՏՐԱՄԱԴՐՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ
Հիմք ընդունելով Հայաստանի Հանրապետության քրեական դատավարության օրենսգրքի 153-րդ հոդվածի 2-րդ մասը.
ՀՐԱՄԱՅՈՒՄ ԵՄ
1. Սահմանել`
1) վարութային գործողությանը կամ դատական նիստին անձի մասնակցությանը խոչընդոտող հիվանդությունը հաստատող փաստաթղթի տրամադրման կարգը` համաձայն հավելված 1-ի,
2) վարութային գործողությանը կամ դատական նիստին անձի մասնակցությանը խոչընդոտող հիվանդությունը հաստատող փաստաթղթի ձևը` համաձայն հավելված 2-ի:
2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:
26.07.2024 Ա. ԱՎԱՆԵՍՅԱՆ
Հավելված 1
Առողջապահության նախարարի
2024 թվականի հուլիսի 26-ի
N 237-Ն հրամանի
ԿԱՐԳ
ՎԱՐՈՒԹԱՅԻՆ ԳՈՐԾՈՂՈՒԹՅԱՆԸ ԿԱՄ ԴԱՏԱԿԱՆ ՆԻՍՏԻՆ ԱՆՁԻ ՄԱՍՆԱԿՑՈՒԹՅԱՆԸ ԽՈՉԸՆԴՈՏՈՂ ՀԻՎԱՆԴՈՒԹՅՈՒՆԸ ՀԱՍՏԱՏՈՂ ՓԱՍՏԱԹՂԹԻ ՏՐԱՄԱԴՐՄԱՆ
1. Սույն կարգով կարգավորվում են արտահիվանդանոցային և հիվանդանոցային պայմաններով բժշկական օգնություն և սպասարկում իրականացնող կազմակերպությունների և բժշկական կազմակերպությունից դուրս` շտապ բժշկական օգնության կանչի ընթացքում շտապ բժշկական օգնության բրիգադի ավագ բուժաշխատողի կողմից վարութային գործողությանը կամ դատական նիստին անձի մասնակցությունը խոչընդոտող հիվանդությունը հաստատող փաստաթղթի (այսուհետ` Փաստաթուղթ) տրամադրման հետ կապված հարաբերությունները:
2. Փաստաթուղթը տրամադրվում է անձին կամ նրա կոնտակտային անձին կամ նրա օրինական ներկայացուցչին դիմելուց հետո` երկու աշխատանքային օրվա ընթացքում.
1) այն դեպքերում, երբ վարութային գործողությունը կամ դատական նիստը ծրագրված չէ, կամ դատալսումները չեն կարող հետաձգվել և անձին ծանուցագիրը հանձնվում է նախորդ օրը կամ ներկայանալուց անմիջապես առաջ` Փաստաթուղթը տրամադրվում է դիմելու օրվա ընթացքում,
2) այն դեպքում, երբ Փաստաթղթի տրամադրման անհրաժեշտությունը ծագում է արտահիվանդանոցային պայմաններով բժշկական օգնություն և սպասարկում իրականացնող բժշկական կազմակերպության աշխատաժամանակից դուրս, Փաստաթուղթը կարող է տրամադրվել բժշկական կազմակերպությունից դուրս` շտապ բժշկական օգնության կանչի ընթացքում շտապ բժշկական օգնության բրիգադի ավագ բուժաշխատողի կողմից` անձին կամ նրա կոնտակտային անձին կամ նրա օրինական ներկայացուցչին դիմելու դեպքում:
3. Փաստաթուղթը տրամադրվում է հետևյալ դեպքերում.
i
1) անձի մոտ առկա է Հայաստանի Հանրապետության կառավարության 2001 թվականի դեկտեմբերի 12-ի N 1286 որոշմամբ հաստատված ցանկում ներառված շրջապատի համար վտանգ ներկայացնող հիվանդություններից որևէ մեկը,
2) անձի մոտ առկա են հոգեկան և վարքային խանգարումներ, այդ թվում` հոգեակտիվ նյութերի գործածման հետևանքով, որոնց արդյունքում` Հայաստանի Հանրապետության քաղաքացիական դատավարության օրենսգրքի համաձայն անձը դատական կարգով ճանաչվել է անգործունակ,
3) այն հիվանդությունների կամ վիճակների դեպքում, որոնց համար պահանջվում է անկողնային ռեժիմ կամ շուրջօրյա բժշկական հսկողություն և բուժում, և տվյալ ժամանակահատվածում նշյալ ռեժիմի խախտումը կհանգեցնի կյանքին վտանգ սպառնացող վիճակի:
i
4. Շուրջօրյա բժշկական հսկողություն և բուժում չպահանջող դեպքերում Փաստաթուղթը տրամադրվում է անձի գրավոր դիմումի հիման վրա, այն արտահիվանդանոցային պայմաններով բժշկական օգնություն և սպասարկում իրականացնող կազմակերպության կողմից, որտեղ անձը Առողջապահության նախարարի 2023 թվականի հոկտեմբերի 17-ի N 48-Ն հրամանով սահմանված կարգով գրանցված է:
5. Արտահիվանդանոցային պայմաններում բժշկական օգնություն և սպասարկում իրականացնող կազմակերպության կողմից տրված Փաստաթուղթը տրամադրվում է` հիմք ընդունելով մեծահասակի ամբուլատոր բժշկական քարտում հիմնական ախտորոշման կամ անձի կողմից դիմելու պահին ներկայացված գանգատների վերաբերյալ գրառումները, բժշկական ցուցման դեպքում կազմակերպված այլ մասնագետների խորհրդատվությունների, լաբորատոր-գործիքային ախտորոշիչ հետազոտությունների արդյունքները:
6. Մեծահասակի ամբուլատոր բժշկական քարտում առկա բժշկական տվյալները ներառվում են Փաստաթղթում:
7. Արտահիվանդանոցային պայմաններում բժշկական օգնություն և սպասարկում իրականացնող կազմակերպության կողմից տրված Փաստաթուղթը ստորագրվում է անձի բուժող բժշկի և տվյալ բժշկական կազմակերպության տնօրենի կողմից և վավերացվում բժշկական կազմակերպության կնիքով (առկայության դեպքում):
8. Հիվանդանոցային պայմաններում բժշկական օգնություն և սպասարկում իրականացնող կազմակերպության կողմից Փաստաթուղթը տրամադրվում է այն դեպքում, երբ Փաստաթուղթ ստանալու համար դիմելու պահին անձը (տվյալ դեպքում պացիենտը) բժշկական օգնություն է ստանում հիվանդանոցային պայմաններում:
9. Հիվանդանոցային պայմաններում բժշկական օգնություն և սպասարկում իրականացնող կազմակերպության կողմից տրամադրվող Փաստաթուղթը ներառում է հետևյալ բժշկական տեղեկատվությունը` նախնական ախտորոշում (կոդ ՀՄԴ-10), իրականացված բուժումը, այդ թվում վիրահատական բուժումը, հետվիրահատական ընթացք և այլ միջամտություններ (առկայության դեպքում), հատուկ նշումներ (հիմնավորում, թե ինչու է տվյալ ախտորոշումը խոչընդոտ հանդիսանում անձի մասնակցությանը վարութային գործընթացին կամ դատական նիստին, խոչընդոտը հանդիսանում է մշտական թե ժամանակավոր, եթե ժամանակավոր է, ապա նշվում է ժամկետը և սահմանված ժամկետի հիմնավորումը):
10. Հիվանդանոցային պայմաններում բժշկական օգնություն և սպասարկում իրականացնող կազմակերպության կողմից տրված Փաստաթուղթը ստորագրվում է անձի բուժող բժշկի և տվյալ բժշկական կազմակերպության տնօրենի կողմից և վավերացվում բժշկական կազմակերպության կնիքով (առկայության դեպքում):
11. Բժշկական կազմակերպությունից դուրս` շտապ բժշկական օգնության կանչի վայրում Փաստաթուղթը տրամադրվում և ստորագրվում է շտապ բժշկական օգնության բրիգադի ավագ բուժաշխատողի կողմից:
12. Վավերացված Փաստաթուղթը ուժի մեջ է տրման պահից` 7-օրյա ժամկետում:
13. Փաստաթուղթը կորցնելու կամ օգտագործման համար ոչ պիտանի դառնալու դեպքում անձը կամ նրա կոնտակտային անձը կամ նրա օրինական ներկայացուցիչը գրավոր դիմում է ներկայացնում բժշկական օգնություն և սպասարկում իրականացնող կազմակերպություն Փաստաթղթի կրկնօրինակը ստանալու համար: Փաստաթղթի կրկնօրինակը տրվում է անձին կամ նրա կոնտակտային անձին կամ նրա օրինական ներկայացուցչին բժշկական կազմակերպություն դիմելու օրը:
14. Փաստաթղթի կրկնօրինակը անձին կամ նրա կոնտակտային անձին կամ նրա օրինական ներկայացուցչին տրամադրվում է սկզբնական փաստաթղթում ամրագրված ժամկետով` Փաստաթղթի կրկնօրինակի վերևի աջ անկյունում նշելով «Կրկնօրինակ» բառը, և ստորագրվում բժշկական կազմակերպության տնօրենի կողմից, կնիքի առկայության դեպքում վավերացվում է բժշկական կազմակերպության կնիքով:
Հավելված 2
Առողջապահության նախարարի
2024 թվականի հուլիսի 26-ի
N 237-Ն հրամանի
Ձև
ՓԱՍՏԱԹՈՒՂԹ ՎԱՐՈՒԹԱՅԻՆ ԳՈՐԾՈՂՈՒԹՅԱՆԸ ԿԱՄ ԴԱՏԱԿԱՆ ՆԻՍՏԻՆ ԱՆՁԻ ՄԱՍՆԱԿՑՈՒԹՅԱՆԸ ԽՈՉԸՆԴՈՏՈՂ ՀԻՎԱՆԴՈՒԹՅՈՒՆԸ ՀԱՍՏԱՏՈՂ
1. ____________________________________________________________________ (Բժշկական կազմակերպության անվանումը)
2. Փաստաթղթի տրման օրը ______________ ամիսը _____________ տարին _______
3. Փաստաթուղթը վավեր է մինչև _________________________________________
4. Անձ ________________________________________________________________
_______________________________________________________________________
(անուն, հայրանուն, ազգանուն, ծննդյան տարեթիվ, օր, ամիս)
5. Սեռը [] իգական [] արական
6. ____________________________________________________________________ (բնակության վայրը, հաշվառման վայրը)
7. Անձը հաստատող փաստաթղթի տեսակը, համարը (նույնականացման քարտի համարը)`
_______________________________________________________________________
_______________________________________________________________________
_______________________________________________________________________
(հեռախոս)
8. Աշխատանքի կամ ուսման վայր
_______________________________________________________________________
_______________________________________________________________________
9. Հիվանդանոցային պայմաններում բուժում / սկիզբ ____/___/20___ թ.
10. Նախնական ախտորոշում (կոդ ՀՄԴ-10)`
_______________________________________________________________________
_______________________________________________________________________
_______________________________________________________________________
11. Տեղեկատվություն իրականացված բուժման, այդ թվում վիրահատության, հետվիրահատական ընթացքի և այլ միջամտությունների վերաբերյալ
_______________________________________________________________________
_______________________________________________________________________
_______________________________________________________________________
_______________________________________________________________________
12. Հատուկ նշումներ
_______________________________________________________________________
_______________________________________________________________________
13. Արտահիվանդանոցային պայմաններում բուժում
14. Հիմնական ախտորոշում (կոդ ՀՄԴ-10)`
_______________________________________________________________________
_______________________________________________________________________
_______________________________________________________________________
15. Տեղեկատվություն անձի առողջական վիճակի վերաբերյալ`
_______________________________________________________________________
_______________________________________________________________________
_______________________________________________________________________
16. Բուժող բժիշկ ______________________________________________________
(անուն, ազգանուն, ստորագրություն)
17. Բժշկական կազմակերպության տնօրեն ___________________________________
(անուն, ազգանուն, ստորագրություն)
18. Բժշկական կազմակերպությունից դուրս` շտապ բժշկական օգնության (ՇԲՕԲ) կանչի ընթացքում արձանագրած դիմող անձի առողջական վիճակի վերաբերյալ տեղեկատվություն`
կանչի օրը/____ամիսը _____/տարեթիվը _____/ժամը _____ ՇԲՕԲ N ____________
19. Տեղեկատվություն անձի առողջական վիճակի վերաբերյալ
_______________________________________________________________________
_______________________________________________________________________
20. Ախտորոշվել է
_______________________________________________________________________
_______________________________________________________________________
21. Շտապ բժշկական օգնության բրիգադի ավագ բուժաշխատող
_______________________________________________________________________
(անուն, ազգանուն, ստորագրություն)
Պաշտոնական հրապարակման օրը` 1 օգոստոսի 2024 թվական: