05.04.2024 -
040.0621.250502
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«25» մայիսի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
25 մայիսի 2002 թվականի N 621
ԱՌԱՆՑ ԱՎԵԼԱՑՎԱԾ ԱՐԺԵՔԻ ՀԱՐԿԻ ՀԱՇՎԱՐԿՄԱՆ ՈՒ ԳԱՆՁՄԱՆ` ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ԽԱՂՈՂԻ ԿՏՐՈՆՆԵՐԻ, ԿԱՐՏՈՖԻԼԻ, ՍՊԵԼՏԱՅԻ (ՀԱՃԱՐ), ՓԱՓՈՒԿ ՑՈՐԵՆԻ ԵՎ ՄԵՍԼԻՆ ՍԵՐՄԱՑՈՒԻ, ԳԱՐՈՒ, ՈԼՈՌԻ ԵՎ ԼՈԲՈՒ ԱՇՈՐԱՅԻ, ՎԱՐՍԱԿԻ ԵՎ ՏՐԻՏԻԿԱԼԵԻ (ՑՈՐԵՆ-ԱՇՈՐԱ) ՍԵՐՄԱՑՈՒՆԵՐԻ ՆԵՐՄՈՒԾՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
«Կազմակերպությունների և անհատ ձեռնարկատերերի կողմից ներմուծվող` ակցիզային հարկով հարկման ոչ ենթակա այն ապրանքների ցանկը հաստատելու մասին, որոնց ներմուծումն ազատված է ավելացված արժեքի հարկից Հայաստանի Հանրապետության օրենքի 1-ին հոդվածին համապատասխան` Հայաստանի Հանրապետության կառավարությունը որոշում է.
1. Հաստատել առանց ավելացված արժեքի հարկի հաշվարկման ու գանձման` Հայաստանի Հանրապետություն խաղողի կտրոնների, կարտոֆիլի, սպելտայի (հաճար), փափուկ ցորենի և մեսլին սերմացուի, գարու, ոլոռի և լոբու, աշորայի, վարսակի և տրիտիկալեի (ցորեն-աշորա) սերմացուների ներմուծման կարգը (կցվում է):
(1-ին կետը փոփ. 04.08.11 թիվ 1096-Ն որոշում)
2. Սույն որոշումն ուժի մեջ է մտնում 2002 թվականի մայիսի 25-ից:
(վերնագիրը փոփ. 04.08.11 թիվ 1096-Ն որոշում)
(որոշումը փոփ. 30.07.15 թիվ 862-Ն, 08.09.2021 թիվ 1453-Ն, 19.10.2023 թիվ 1778-Ն որոշումներ)
Հաստատված է
Հայաստանի Հանրապետության
կառավարության 2002 թ.
մայիսի 25-ի N 621 որոշմամբ
ԿԱՐԳ
ԱՌԱՆՑ ԱՎԵԼԱՑՎԱԾ ԱՐԺԵՔԻ ՀԱՐԿԻ ՀԱՇՎԱՐԿՄԱՆ ՈՒ ԳԱՆՁՄԱՆ` ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ԽԱՂՈՂԻ ԿՏՐՈՆՆԵՐԻ, ԿԱՐՏՈՖԻԼԻ, ՍՊԵԼՏԱՅԻ (ՀԱՃԱՐ), ՓԱՓՈՒԿ ՑՈՐԵՆԻ ԵՎ ՄԵՍԼԻՆ ՍԵՐՄԱՑՈՒԻ, ԳԱՐՈՒ, ՈԼՈՌԻ ԵՎ ԼՈԲՈՒ, ԱՇՈՐԱՅԻ, ՎԱՐՍԱԿԻ ԵՎ ՏՐԻՏԻԿԱԼԵԻ (ՑՈՐԵՆ-ԱՇՈՐԱ) ՍԵՐՄԱՑՈՒՆԵՐԻ ՆԵՐՄՈՒԾՄԱՆ
I. ԸՆԴՀԱՆՈՒՐ ԴՐՈՒՅԹՆԵՐ
1. Սույն կարգով կարգավորվում է «Կազմակերպությունների և անհատ ձեռնարկատերերի կողմից ներմուծվող` ակցիզային հարկով հարկման ոչ ենթակա այն ապրանքների ցանկը հաստատելու մասին, որոնց ներմուծումն ազատված է ավելացված արժեքի հարկից Հայաստանի Հանրապետության օրենքի 1-ին հոդվածին համապատասխան` առանց ավելացված արժեքի հարկի հաշվարկման և գանձման` խաղողի կտրոնների, կարտոֆիլի, սպելտայի (հաճար), փափուկ ցորենի և մեսլին սերմացուի, գարու, ոլոռի և լոբու, աշորայի, վարսակի և տրիտիկալեի (ցորեն-աշորա) սերմացուների Հայաստանի Հանրապետություն ներմուծման գործընթացը:
2. Մաքսային կամ հարկային մարմինները Հայաստանի Հանրապետություն ներմուծվող ապրանքը որպես սերմացու են դիտում միայն այն դեպքում, եթե դրան ուղեկից փաստաթղթերում առկա են սերմացուի սորտայնությունը, դասայնությունը և որակը վկայող` առաքող երկրի իրավասու կազմակերպության կամ միջազգային ճանաչում ունեցող այլ իրավասու կազմակերպության կողմից տրված վկայական (հավաստագիր):
(2-րդ կետը փոփ. 30.07.15 թիվ 862-Ն որոշում)
2.1. Առանց ավելացված արժեքի հարկի հաշվարկման ու գանձման` խաղողի կտրոնների և կարտոֆիլի սերմացուի ներկրման համար բավարար հիմք է առաքող երկրի հավաստագրի առկայությունը:
(2.1-րդ կետը լրաց. 05.06.03 թիվ 682-Ն, 30.07.15 թիվ 862-Ն որոշումներ)
3. Սպելտայի, փափուկ ցորենի և մեսլին սերմացուի, գարու, ոլոռի և լոբու, աշորայի, վարսակի և տրիտիկալեի (ցորեն-աշորա) սերմացուների ներմուծման համար մաքսային մարմնի փաստաթղթային ստուգման դրական արդյունքի, ինչպես նաև Եվրասիական տնտեսական միության անդամ պետություններից այդ ապրանքների ներմուծման դեպքում` ապրանք փոխադրողը Հայաստանի Հանրապետության էկոնոմիկայի նախարարության եզրակացությունն ստանալու նպատակով, «Հավատարմագրման մասին» Հայաստանի Հանրապետության օրենքին համապատասխան, սերմերի որակի ստուգման հավատարմագրված լաբորատորիա (այսուհետև` լաբորատորիա) է ներկայացնում Հայաստանի Հանրապետություն ներմուծվող սերմացուների ուղեկից փաստաթղթերի պատճենները (բացառությամբ` բուսասանիտարական կարանտին հսկողության ակտի)` փորձանմուշներ վերցնելու և լաբորատոր փորձաքննություն կատարելու համար:
(3-րդ կետը փոփ. 05.06.03 թիվ 682-Ն, 30.07.15 թիվ 862-Ն, 04.04.2024 թիվ 452-Ն / տարածվում է 2023 թվականի մարտի 1-ից ծագած
հարաբերությունների վրա / որոշումներ)
II. ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՆԵՐՄՈՒԾՎՈՂ ՍՊԵԼՏԱՅԻ, ՓԱՓՈՒԿ ՑՈՐԵՆԻ ԵՎ ՄԵՍԼԻՆ ՍԵՐՄԱՑՈՒԻ, ԳԱՐՈՒ, ՈԼՈՌԻ ԵՎ ԼՈԲՈՒ, ԱՇՈՐԱՅԻ, ՎԱՐՍԱԿԻ ԵՎ ՏՐԻՏԻԿԱԼԵԻ (ՑՈՐԵՆ-ԱՇՈՐԱ) ՍԵՐՄԱՑՈՒՆԵՐԻ ՈՐԱԿԻ ՓՈՐՁԱՔՆՆՈՒԹՅՈՒՆԸ
4. Լաբորատորիայի մասնագետը սերմացուների որակն ստուգելու նպատակով փորձանմուշները վերցնում է Հայաստանի Հանրապետության կառավարության 2000 թվականի դեկտեմբերի 31-ի N 900 որոշմամբ հաստատված կարգով և Հայաստանի Հանրապետության կառավարության 2005 թվականի նոյեմբերի 15-ի N 2007-Ն որոշմամբ սահմանված` հայտն ստանալուց հետո 2 օրվա ընթացքում: Փափուկ ցորենի և մեսլին սերմացուի, գարու և լոբում, աշորայի, վարսակի և տրիտիկալեի (ցորեն-աշորա) սերմացուների որակի լաբորատոր փորձաքննությունն իրականացվում է 7 աշխատանքային օրվա ընթացքում, ոլոռի սերմացուներինը` 8 աշխատանքային օրվա ընթացքում, իսկ սպելտայինը (հաճար)` 10 աշխատանքային օրվա ընթացքում, որի մասին կազմում է արձանագրություն` իր և վարիչի ստորագրությամբ, 3 օրինակից:
(4-րդ կետը փոփ. 05.06.03 թիվ 682-Ն, 30.07.15 թիվ 862-Ն, 08.09.2021 թիվ 1453-Ն որոշումներ)
5. Արձանագրության 2 օրինակը, լաբորատոր փորձաքննության տվյալների և ապրանքի ուղեկից փաստաթղթերի պատճենների (բացառությամբ` բուսասանիտարական կարանտին հսկողության ակտի) հետ միասին ներկայացվում է Հայաստանի Հանրապետության էկոնոմիկայի նախարարություն, իսկ լաբորատոր փորձաքննության տվյալների 1 (վերջին) օրինակը պահվում է լաբորատորիայում:
(5-րդ կետը փոփ. 04.04.2024 թիվ 452-Ն / տարածվում է 2023 թվականի մարտի 1-ից ծագած հարաբերությունների վրա / որոշում)
III. ԱՌԱՆՑ ԱՎԵԼԱՑՎԱԾ ԱՐԺԵՔԻ ՀԱՐԿԻ ՀԱՇՎԱՐԿՄԱՆ ՈՒ ԳԱՆՁՄԱՆ` ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՍՊԵԼՏԱՅԻ, ՓԱՓՈՒԿ ՑՈՐԵՆԻ ԵՎ ՄԵՍԼԻՆ ՍԵՐՄԱՑՈՒԻ, ԳԱՐՈՒ, ՈԼՈՌԻ ԵՎ ԼՈԲՈՒ, ԱՇՈՐԱՅԻ, ՎԱՐՍԱԿԻ ԵՎ ՏՐԻՏԻԿԱԼԵԻ (ՑՈՐԵՆ-ԱՇՈՐԱ) ՍԵՐՄԱՑՈՒՆԵՐԻ ՆԵՐՄՈՒԾՄԱՆ ՀԱՄԱՐ ԵԶՐԱԿԱՑՈՒԹՅՈՒՆ ՏԱԼԸ
6. Հայաստանի Հանրապետության էկոնոմիկայի նախարարությունը սերմացուների ուղեբեռների ուղեկից փաստաթղթերն ու լաբորատոր փորձաքննության տվյալներն ստանալուց հետո 1 օրվա ընթացքում տալիս է դրական եզրակացություն (ձևը կցվում է), եթե`
ա) (6-րդ կետի ա ենթակետն ուժը կորցրել է 05.06.03 թիվ 682-Ն որոշում)
բ) ըստ լաբորատորիայի պաշտոնական տվյալների` տվյալ սերմացուի որակի ցուցանիշները համապատասխանում են ընդունված չափանիշներին.
գ) (6-րդ կետի գ ենթակետն ուժը կորցրել է 05.06.03 թիվ 682-Ն որոշում)
7. Հայաստանի Հանրապետության էկոնոմիկայի նախարարության եզրակացության և լաբորատոր փորձաքննության տվյալների առաջին օրինակը ներկայացվում է Հայաստանի Հանրապետության մաքսային մարմիններ, իսկ Եվրասիական տնտեսական միության անդամ պետություններից ներմուծման դեպքում` հարկային մարմիններ` ապրանքի մաքսային ձևակերպման համար:
(7-րդ կետը փոփ. 30.07.15 թիվ 862-Ն որոշում)
8. (8-րդ կետն ուժը կորցրել է 05.06.03 թիվ 682-Ն որոշում)
IV. ԱՌԱՆՑ ԱՎԵԼԱՑՎԱԾ ԱՐԺԵՔԻ ՀԱՐԿԻ ՀԱՇՎԱՐԿՄԱՆ ՈՒ ԳԱՆՁՄԱՆ` ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՍՊԵԼՏԱՅԻ, ՓԱՓՈՒԿ ՑՈՐԵՆԻ ԵՎ ՄԵՍԼԻՆ ՍԵՐՄԱՑՈՒԻ, ԳԱՐՈՒ, ՈԼՈՌԻ ԵՎ ԼՈԲՈՒ, ԱՇՈՐԱՅԻ, ՎԱՐՍԱԿԻ ԵՎ ՏՐԻՏԻԿԱԼԵԻ (ՑՈՐԵՆ-ԱՇՈՐԱ) ՍԵՐՄԱՑՈՒՆԵՐԻ ՆԵՐՄՈՒԾՄԱՆ ԵՆԹԱԿԱ ԼԻՆԵԼԸ ՈՐՈՇԵԼԸ
9. Մաքսային կամ հարկային մարմինները սպելտայի, փափուկ ցորենի և մեսլին սերմացուի, գարու, ոլոռի և լոբու, աշորայի, վարսակի և տրիտիկալեի (ցորեն-աշորա) սերմացուները ճանաչում են առանց ավելացված արժեքի հարկի հաշվարկման և գանձման Հայաստանի Հանրապետությունում ներմուծման ենթակա, եթե առկա են`
ա) առաքող երկրի պաշտոնական կազմակերպության կողմից վավերացված` սերմացուների (սորտային, սերմային) վկայական (հավաստագիր).
բ) լաբորատոր փորձաքննության մասին արձանագրությունը.
գ) Հայաստանի Հանրապետության էկոնոմիկայի նախարարության դրական եզրակացությունը:
(9-րդ կետը փոփ. 05.06.03 թիվ 682-Ն, 30.07.15 թիվ 862-Ն որոշումներ)
10. Մաքսային կամ հարկային մարմինները սպելտայի, փափուկ ցորենի և մեսլին սերմացուի, գարու, ոլոռի և լոբու, աշորայի, վարսակի և տրիտիկալեի (ցորեն-աշորա) սերմացուները չեն ճանաչում առանց ավելացված արժեքի հարկի հաշվառման և գանձման` Հայաստանի Հանրապետություն ներմուծման ենթակա` սույն կարգի IV բաժնի 9-րդ կետի «ա», «բ» և «գ» ենթակետերում նշված փաստաթղթերից յուրաքանչյուրի բացակայության դեպքում:
(10-րդ կետը փոփ. 05.06.03 թիվ 682-Ն, 30.07.15 թիվ 862-Ն որոշումներ)
(կարգը փոփ. 04.08.11 թիվ 1096-Ն որոշում)
Ձև
Հայաստանի Հանրապետության էկոնոմիկայի նախարարություն
ԵԶՐԱԿԱՑՈՒԹՅՈՒՆ N _____
ԱՌԱՆՑ ԱՎԵԼԱՑՎԱԾ ԱՐԺԵՔԻ ՀԱՐԿԻ ՀԱՇՎԱՐԿՄԱՆ ՈՒ ԳԱՆՁՄԱՆ` ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՍՊԵԼՏԱՅԻ, ՓԱՓՈՒԿ ՑՈՐԵՆԻ ԵՎ ՄԵՍԼԻՆ ՍԵՐՄԱՑՈՒԻ, ԳԱՐՈՒ, ՈԼՈՌԻ ԵՎ ԼՈԲՈՒ, ԱՇՈՐԱՅԻ, ՎԱՐՍԱԿԻ ԵՎ ՏՐԻՏԻԿԱԼԵԻ (ՑՈՐԵՆ-ԱՇՈՐԱ)
ՍԵՐՄԱՑՈՒՆԵՐԻ ՆԵՐՄՈՒԾՄԱՆ ԵՆԹԱԿԱ ԼԻՆԵԼՈՒ ՄԱՍԻՆ
Հայտատու ______________________________________________
______________________________________________ ի
(անունը, ազգանունը կամ անվանումը, հասցեն)
._________________________________________________________________________.
|NN |Ծածկագիրը |Սերմացուի|Առաքող|Սերմերի |Սորտը |Բեռան |Սերմացուն |
|ը/կ| |անվանումը|երկիրը|որակի |(փոփոխակը)`|քաշը |համապատաս- |
| | | | |վկայականի |ըստ |(կգ, |խանում է |
| | | | |համարը |վկայականի |տոննա)|սահմանված |
| | | | | | | |պահանջներին|
|___|__________|_________|______|__________|___________|______|___________|
|1. |(1-ին տողը հանվել է 30.07.15 թիվ 862-Ն որոշում) | | |
|___|__________|_________|______|__________|___________|______|___________|
|2. |100191100.0|Սպելտա | | | | | |
|___|__________|_________|______|__________|___________|______|___________|
|3. |100310000.0|Գարի | | | | | |
|___|__________|_________|______|__________|___________|______|___________|
|4. |100191200.0|Փափուկ | | | | | |
| | |ցորեն և | | | | | |
| | |մեսլին | | | | | |
| | |սերմացու | | | | | |
|___|__________|_________|______|__________|___________|______|___________|
|5. |(5-րդ տողը հանվել է 30.07.15 թիվ 862-Ն որոշում) | | |
|___|__________|_________|______|__________|___________|______|___________|
|6. |(6-րդ տողը հանվել է 30.07.15 թիվ 862-Ն որոշում) | | |
|___|__________|_________|______|__________|___________|______|___________|
|7. |(7-րդ տողը հանվել է 30.07.15 թիվ 862-Ն որոշում) | | |
|___|__________|_________|______|__________|___________|______|___________|
|8. |0713101000|Ոլոռ` | | | | | |
| | |ցանքի | | | | | |
| | |համար | | | | | |
|___|__________|_________|______|__________|___________|______|___________|
|9. |0713331000|Լոբի` | | | | | |
| | |ցանքի | | | | | |
| | |համար | | | | | |
|___|__________|_________|______|__________|___________|______|___________|
|10.|1002 10 |Աշորա | | | | | |
| |0000 |(սերմա- | | | | | |
| | |ցու) | | | | | |
|___|__________|_________|______|__________|___________|______|___________|
|11.|1004 10 |Վարսակ | | | | | |
| |0000 |(սերմա- | | | | | |
| | |ցու) | | | | | |
|___|__________|_________|______|__________|___________|______|___________|
|12.|1008 60 |Տրիտիկալե| | | | | |
| |0000 | | | | | | |
._________________________________________________________________________.
Եզրակացություն` 1. Ենթակա է որպես սերմացու ներմուծման:
2. Ենթակա չէ որպես սերմացու ներմուծման:
ՀՀ ԷԿՈՆՈՄԻԿԱՅԻ ՆԱԽԱՐԱՐԻ ՏԵՂԱԿԱԼ _______________________
(ստորագրությունը)
_______________________
(անունը, ազգանունը)
___ __________ 200 թ.
Կ.Տ.
(եզրակացությունը փոփ. 04.08.11 թիվ 1096-Ն, 25.04.13 թիվ 438-Ն, 30.07.15 թիվ 862-Ն որոշումներ)