121.0034.271009
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«27» 10 2009 Թ.
ՊԵՏԱԿԱՆ ԳՐԱՆՑՄԱՆ ԹԻՎ 12109361
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ, ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐ ՀՐԱՄԱՆ
13 հոկտեմբերի 2009 թվականի N 34-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐԻ 2006 ԹՎԱԿԱՆԻ ԴԵԿՏԵՄԲԵՐԻ 28-Ի N 25-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասով
ՀՐԱՄԱՅՈՒՄ ԵՄ`
1. Հայաստանի Հանրապետության տարածքային կառավարման նախարարի 2006 թվականի դեկտեմբերի 28-ի «Համայնքային ծառայողների վերապատրաստման կարգը սահմանելու մասին» N 25-Ն հրամանով սահմանված կարգում (այսուհետ` կարգ) կատարել հետևյալ փոփոխությունները և լրացումները.
1) կարգի 3-րդ, 4-րդ և 5-րդ կետերը շարադրել հետևյալ խմբագրությամբ.
i
«3. Համայնքների ղեկավարների աշխատակազմերում (Երևանում` Երևանի քաղաքապետարանի աշխատակազմում) (այսուհետ` համայնքի ղեկավարի աշխատակազմ) համայնքային ծառայողների վերապատրաստման գործընթացի անմիջական պատասխանատուն տվյալ համայնքի ղեկավարի աշխատակազմի քարտուղարն է (այսուհետ` աշխատակազմի քարտուղար):
4. Յուրաքանչյուր համայնքային ծառայող առնվազն երեք տարին մեկ ենթակա է պարտադիր վերապատրաստման:
Վերապատրաստումն անցկացվում է նաև համայնքային ծառայության տվյալ պաշտոնի անձնագրով համայնքային ծառայողի իրավունքների ու պարտականությունների, մասնագիտական գիտելիքների և աշխատանքային ունակությունների տիրապետման կոնկրետ պահանջների կատարելագործման կամ այդ պահանջների փոփոխության դեպքում` համայնքային ծառայողի կամ աշխատակազմի քարտուղարի նախաձեռնությամբ:
5. Համայնքային ծառայողի վերապատրաստումն անցկացվում է աշխատակազմի քարտուղարի հայտի հիման վրա:».
2) կարգի 9-րդ կետը շարադրել հետևյալ խմբագրությամբ.
i
«9. Համայնքային ծառայողների վերապատրաստումն անցկացնում են մրցութային կարգով ընտրված կազմակերպությունները: Աշխատակազմի քարտուղարներից ստացված հայտերի հիման վրա մրցույթն անցկացնում է միջհամայնքային միավորումը, իսկ այն համայնքներում, որոնք ընդգրկված չեն միջհամայնքային միավորումներում` համապատասխան մարզպետարանը (այսուհետ` Կազմակերպիչ):».
i
3) կարգի 12-րդ կետում «Համապատասխան համայնքի ղեկավարը Օրենքի 20-րդ հոդվածի 2-րդ մասի» բառերը փոխարինել «Աշխատակազմի քարտուղարը «Համայնքային ծառայության մասին» Հայաստանի Հանրապետության օրենքի (այսուհետ` օրենք) 20-րդ հոդվածի 1-ին մասի 1-ին պարբերության» բառերով.
i
4) կարգի 16-րդ կետում «15» թիվը փոխարինել «14» թվով, իսկ «համայնքի ղեկավարին» բառերը փոխարինել «համայնքի ղեկավարի աշխատակազմ» բառերով.
i
5) կարգի 17-րդ կետում «համայնքի ղեկավարը» բառերը փոխարինել «աշխատակազմի քարտուղարը» բառերով.
i
6) կարգի 18-րդ կետի 1-ին և 2-րդ պարբերությունները շարադրել հետևյալ խմբագրությամբ.
«Համայնքային ծառայության տվյալ պաշտոնի անձնագրով համայնքային ծառայողի իրավունքների ու պարտականությունների, մասնագիտական գիտելիքների և աշխատանքային ունակությունների տիրապետման կոնկրետ պահանջների կատարելագործման կամ այդ պահանջների փոփոխության, վերապատրաստման դասընթացների կեսից ավելիին համայնքային ծառայողի հարգելի բացակայության (հիվանդություն, գործուղում և այլն) դեպքերում, համայնքային ծառայողի կամ համայնքի ղեկավարի նախաձեռնությամբ աշխատակազմի քարտուղարը հայտ է ներկայացնում կազմակերպչին` հաստատված Ծրագրերին համապատասխան համայնքային ծառայողին վերապատրաստման անհրաժեշտության հիմնավորմամբ:
Համայնքային ծառայողը` աշխատակազմի քարտուղարի հայտով, եռօրյա ժամկետում անձամբ ներկայանում է կազմակերպչին:».
7) կարգի 18-րդ կետի 3-րդ պարբերության 2-րդ նախադասությունը հանել.
8) կարգի 21-րդ և 22-րդ կետերը շարադրել հետևյալ խմբագրությամբ.
i
«21. Վերապատրաստման արդյունքում համայնքային ծառայողին ուսումնական կազմակերպության կողմից տրվում է վկայական (Ձև N 6):
22. Վերապատրաստման դասընթացների ավելի քան մեկ երրորդին համայնքային ծառայողի անհարգելի բացակայության դեպքում ուսումնական կազմակերպության կողմից նրան տրվում է տեղեկանք` ծրագրերի ունկնդրած ծավալի և բովանդակության մասին:».
9) կարգի 25-րդ կետը շարադրել հետևյալ խմբագրությամբ.
i
«25. Կազմակերպիչը, կիսամյակը մեկ, վերապատրաստում անցած համայնքային ծառայողների վերաբերյալ ամփոփ տեղեկանք (Ձև N 8) է ներկայացնում Հայաստանի Հանրապետության կառավարության լիազորած պետական կառավարման մարմնին:».
i
10) կարգի 3-րդ գլխի վերնագիրը և 26-րդ կետը շարադրել հետևյալ խմբագրությամբ.
«III. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵԻ ՄԻՋՈՑՆԵՐՈՎ ՀԱՄԱՅՆՔԱՅԻՆ ԾԱՌԱՅՈՂՆԵՐԻ ՎԵՐԱՊԱՏՐԱՍՏՈՒՄԸ
26. Հայաստանի Հանրապետության պետական բյուջեի միջոցներով համայնքային ծառայողների վերապատրաստման անցկացումն ապահովում է Հայաստանի Հանրապետության կառավարության լիազորած պետական կառավարման մարմինը` օրենքով նախատեսված ժամկետներում և «Գնումների մասին» Հայաստանի Հանրապետության օրենքով սահմանված կարգով ընտրված ուսումնական կազմակերպության հետ կնքված պայմանագրով սահմանված կարգով:».
i
11) կարգի ձև 1-ում և ձև 4-ում «Համայնքի ղեկավար» բառերը փոխարինել «Աշխատակազմի քարտուղար» բառերով.
12) կարգի ձև 5-ից հանել «ստուգարք» բառը.
i
13) կարգի ձև 7-ի և ձև 8-ի աղյուսակներից հանել «չստուգված» գրառումով սյունակները:
2. Սույն հրամանն ուժի մեջ է մտնում պաշտոնական հրապարակմանը հաջորդող 10-րդ օրվանից: