(ուժը կորցրել է 13.10.16 թիվ 1111-Ն որոշում)
i
040.1294.300802
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«30» օգոստոսի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
25 հուլիսի 2002 թվականի N 1294-Ն
i
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ՆԱԽԱՐԱՐՈՒԹՅԱՆ ԱՇԽԱՏԱԿԱԶՄ» ՊԵՏԱԿԱՆ ԿԱՌԱՎԱՐՉԱԿԱՆ ՀԻՄՆԱՐԿ ՍՏԵՂԾԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ՆԱԽԱՐԱՐՈՒԹՅԱՆ ԿԱՆՈՆԱԴՐՈՒԹՅՈՒՆԸ ԵՎ ԱՇԽԱՏԱԿԱԶՄԻ ԿԱՌՈՒՑՎԱԾՔԸ ՀԱՍՏԱՏԵԼՈՒ ՄԱՍԻՆ
Հիմք ընդունելով «Պետական կառավարչական հիմնարկների մասին» Հայաստանի Հանրապետության օրենքի 7-րդ հոդվածը և Հայաստանի Հանրապետության Նախագահի 2002 թվականի մարտի 16-ի ՆՀ-1064 հրամանագրով հաստատված կարգի 4-րդ կետը և ի կատարումն Հայաստանի Հանրապետության կառավարության 2002 թվականի մարտի 6-ի N 198 որոշման 2-րդ կետի` Հայաստանի Հանրապետության կառավարությունը որոշում է.
1. Ստեղծել «Հայաստանի Հանրապետության քաղաքաշինության նախարարության աշխատակազմ» պետական կառավարչական հիմնարկ:
2. Հաստատել`
ա) Հայաստանի Հանրապետության քաղաքաշինության նախարարության կանոնադրությունը` համաձայն N 1 հավելվածի.
բ) Հայաստանի Հանրապետության քաղաքաշինության նախարարության աշխատակազմի կառուցվածքը` համաձայն N 2 հավելվածի.
գ) Հայաստանի Հանրապետության քաղաքաշինության նախարարության աշխատակազմին հանձնվող գույքի կազմը և չափը` համաձայն N 3 հավելվածի:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2002 ԹՎԱԿԱՆԻ ՕԳՈՍՏՈՍԻ 23-ԻՆ
Հավելված N 1
Հայաստանի Հանրապետության
կառավարության 2002 թվականի
հուլիսի 25-ի N 1294-Ն որոշման
i
ԿԱՆՈՆԱԴՐՈՒԹՅՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ՆԱԽԱՐԱՐՈՒԹՅԱՆ
I. ԸՆԴՀԱՆՈՒՐ ԴՐՈՒՅԹՆԵՐ
1. Հայաստանի Հանրապետության քաղաքաշինության նախարարությունը (այսուհետ` նախարարություն) գործադիր իշխանության հանրապետական մարմին է, որը մշակում և իրականացնում է քաղաքաշինության բնագավառում Հայաստանի Հանրապետության կառավարության քաղաքականությունը:
2. Նախարարությունն ստեղծվում, վերակազմակերպվում է, և նրա գործունեությունը դադարեցվում է Հայաստանի Հանրապետության Նախագահի հրամանագրով:
3. Նախարարության լիազորությունները սահմանվում են օրենքներով, Հայաստանի Հանրապետության Նախագահի հրամանագրերով, կարգադրություններով, Հայաստանի Հանրապետության կառավարության որոշումներով, ինչպես նաև Հայաստանի Հանրապետության միջազգային պայմանագրերով:
4. Նախարարությունն իր գործունեությունն իրականացնում է Հայաստանի Հանրապետության օրենսդրությանը և այլ իրավական ակտերին համապատասխան:
5. Նախարարությունն ունի Հայաստանի Հանրապետության զինանշանի պատկերով և նախարարության` հայերեն անվանմամբ կլոր կնիք, ձևաթղթեր, խորհրդանիշ և այլ անհատականացման միջոցներ:
6. Նախարարությունը կազմված է նախարարից և նախարարության աշխատակազմից: Նախարարության համակարգում ընդգրկվում են նախարարության ենթակայությանը հանձնված պետական ոչ առևտրային կազմակերպություններն ու հիմնարկները:
7. Նախարարության գործունեության նպատակը ներկա և գալիք սերունդների կենսագործունեության բարենպաստ միջավայրի ձևավորման ու քաղաքաշինական միջոցներով բնակչության կյանքի որակի հետևողական բարելավման, ինչպես նաև քաղաքաշինական համակարգերի անվտանգության ապահովման համար պայմանների ստեղծումն է` քաղաքաշինության քաղաքականության մշակման, իրականացման, համակարգման և արդյունքների գնահատման միջոցով:
i
8. Հայաստանի Հանրապետության քաղաքաշինության քաղաքականության հիմնական ուղղությունների մշակման բնագավառում նախարարության խնդիրներն են`
1) երկրի տարաբնակեցման համակարգի հավասարակշռման, տարածաշրջանային զարգացման անհամամասնությունների հաղթահարման, բազմակենտրոն տարածական զարգացման պայմանների ապահովումը.
2) քաղաքաշինական համակարգերի անվտանգության և հարատև զարգացման ապահովումը` ներառյալ ներդաշնակ կենսատարածքի ձևավորումը և բնակչության տարածքային համաչափ բաշխվածության համար նախադրյալների ստեղծումը.
3) անկառավարելի ուրբանիզացման հնարավոր սպառնալիքների չեզոքացումը.
4) բնակավայրերի կայուն զարգացման խթանումը, դրանց ինքնատիպության, գրավչության բարձրացումը, պատմամշակութային միջավայրերի քաղաքաշինական վերազարգացումը (ռեաբիլիտացիա).
5) «կանաչ քաղաքաշինության» սկզբունքի ձևավորումը, բնական և մշակութային լանդշաֆտների ներդաշնակ փոխլրացնող զարգացման ապահովումը.
5.1) էներգախնայող և էներգաարդյունավետ շենքերի և քաղաքաշինական համակարգերի նախագծման և շինարարության խթանումը, դրա համար անհրաժեշտ օրենսդրական դաշտի մշակման ապահովումը.
6) ազգային ճարտարապետության հոգևոր ու մշակութային ավանդույթների պահպանումը, դրանց վերարտադրության ու զարգացման համար նպաստավոր պայմանների ստեղծումը.
7) քաղաքաշինական գործունեության հատուկ կարգավորման օբյեկտներում բարձրարժեք կառուցապատման միջավայրի ստեղծման ու զարգացման պայմանների ապահովումը.
8) հողային պաշարների պետական կառավարումը` բնակավայրերի, ինչպես նաև կառուցապատման համար նախատեսված այլ հողերի` սահմանված կարգով օգտագործման մասով.
9) քաղաքաշինության ոլորտում գործարար միջավայրի բարելավումը և մրցակցային դաշտի ձևավորումը, ներդրումային նախաձեռնությունների խրախուսումը և ներդրումների պաշտպանությունը.
9.1) պետություն-մասնավոր հատված համագործակցության շրջանակներում ճարտարապետական համալիրների կառուցապատման ներդրումային ծրագրերին և դրանց իրագործմանն աջակցելը.
10) բնակարանային պայմանների բարելավման սահմանադրական իրավունքի իրագործման, բազմաբնակարան շենքերի պահպանման, անվտանգ շահագործման և կառավարման մարմինների կարողությունների հզորացման, ինչպես նաև կոմունալ ենթակառուցվածքների զարգացման համար անհրաժեշտ պայմանների ստեղծումը.
11) քաղաքաշինության ոլորտի գիտական, տեխնիկական զարգացումը և նորարարության խթանումը.
12) շենքերի և շինությունների սեյսմակայունության, վտանգավոր երկրաբանական երևույթներից դրանց ինժեներական պաշտպանության ապահովումը.
13) շինարարության զարգացման և իրականացման, շինարարական արտադրանքի և ծառայությունների որակական չափանիշների բարձրացման, տեխնոլոգիաների արդիականացման պայմանների ապահովումը.
14) քաղաքաշինության ոլորտում պետական և համայնքների բյուջեների հաշվին իրականացվող աշխատանքների գնագոյացման սկզբունքների ձևավորումը.
15) կառույցների շինարարության և շահագործման ընթացքում մարդկանց ու միջավայրի անվտանգության, քաղաքաշինական գործունեության սուբյեկտների կողմից ոլորտը կանոնակարգող Հայաստանի Հանրապետության օրենքների և այլ իրավական ակտերի պահանջների կատարման նկատմամբ Հայաստանի Հանրապետության օրենսդրությամբ սահմանված կարգով քաղաքաշինական գործունեության պետական վերահսկողությունը.
16) ոլորտում ծառայությունների որակի բարձրացման, սպառողների իրավունքների պաշտպանության նպատակով քաղաքաշինական գործունեության առանձին տեսակների լիցենզավորումը.
17) քաղաքաշինական տեղեկատվական համակարգի ձևավորումը, Հայաստանի Հանրապետության տարածքի քաղաքաշինական կադաստրի վարումն ու կադաստրային տվյալների ամփոփումը.
18) Հայաստանի Հանրապետության օրենսդրությամբ սահմանված այլ խնդիրների իրականացումը:
(8-րդ կետը փոփ. 14.03.13 թիվ 225-Ն, 04.06.14 թիվ 577-Ն որոշումներ)
II. ՆԱԽԱՐԱՐՈՒԹՅԱՆ ԳՈՐԾԱՌՈՒՅԹՆԵՐԸ
i
9. Նախարարությունն իր նպատակի և խնդիրների իրականացման համար` Հայաստանի Հանրապետության օրենսդրությամբ սահմանված կարգով իրականացնում է հետևյալ գործառույթները`
1) պետական քաղաքաշինական քաղաքականության հիմնադրույթների, տարածական զարգացման ծրագրերի մշակում և դրանց իրականացման մոնիթորինգ.
2) քաղաքաշինության ոլորտի զարգացումն ապահովող ու գործունեությունը կարգավորող օրենքների և այլ իրավական ակտերի նախագծերի մշակում և Հայաստանի Հանրապետության կառավարության քննարկմանը ներկայացնելը, նախարարության գործունեությանն առնչվող իրավական ակտերի կիրառման պրակտիկայի ընդհանրացում, դրանց կատարելագործման վերաբերյալ սահմանված կարգով առաջարկություններ ներկայացնելը.
3) ազգային և տարածաշրջանային (միկրոտարածաշրջանային) մակարդակների քաղաքաշինական ծրագրային փաստաթղթերի մշակում.
4) համայնքների գլխավոր հատակագծերի և գոտևորման նախագծերի մշակման աշխատանքների համակարգում, տարածքների և բնակավայրերի կայուն քաղաքաշինական զարգացման ռազմավարության մշակում.
4.1) ըստ անհրաժեշտության, տեղական ինքնակառավարման մարմիններին ճարտարապետության ոլորտի մասնագիտական խորհրդատվության և ոլորտին առնչվող խնդիրների լուծման գործում օժանդակության տրամադրում.
5) հանրապետության և առանձին վարչատարածքային միավորների կամ դրանց խմբերի համար լանդշաֆտային, առողջարանային, ռեկրեացիոն, գործառական այլ համակարգերի տարածքային կազմակերպման, ինչպես նաև արտադրական կարողությունների, ինժեներական, տրանսպորտային, կոմունալ և սոցիալական ենթակառուցվածքների տեղաբաշխման, պատմամշակութային ու բնության հատուկ պահպանվող տարածքներ ներառող քաղաքաշինական ծրագրային փաստաթղթերի մշակում.
6) հանրապետությունում քաղաքաշինական իրադրության և զարգացման միտումների հետազոտում, կարճաժամկետ, միջնաժամկետ և հեռանկարային զարգացման հիմնական ուղղությունների վերլուծում, բացահայտում ու նախանշում.
7) քաղաքաշինական և լանդշաֆտային համակարգերի ներդաշնակեցման ծրագրերի, տարածական պլանավորման նորմերի ու կանոնների, ինչպես նաև տարբեր գործառական տարածքների քաղաքաշինական և լանդշաֆտային չափորոշիչների մշակում.
8) քաղաքների էկոլոգիական վիճակի բարելավմանը, շրջակա միջավայրի վրա ուրբանիզացիայի բացասական հետևանքների նվազեցմանը նպատակաուղղված, ինչպես նաև կլիմայի փոփոխության հարմարվողականության բարձրացման (ադապտատիվ) տարածական զարգացման ծրագրերի մշակում.
8.1) նախաձեռնում և իրականացնում է միջոցառումներ` ուղղված քաղաքաշինության բնագավառում էներգախնայողությանը և էներգաարդյունավետությանն առնչվող օրենսդրական դաշտի կատարելագործմանը, նորմատիվատեխնիկական փաստաթղթերի մշակմանը, նոր եվրոպական և միջազգային ստանդարտներին դրանց համապատասխանեցմանը.
8.2) մշակում և համակարգում է շենքերի էներգախնայողության ու էներգաարդյունավետության բարձրացմանն ուղղված ծրագրեր, նշված խնդիրների շրջանակներում համագործակցում է համապատասխան միջազգային կազմակերպությունների հետ, ապահովում է էներգախնայող տեխնոլոգիաների մասին տեղեկատվության տրամադրումը.
9) բնակավայրերի պատմաճարտարապետական միջավայրի քաղաքաշինական վերականգնման ու զարգացման ծրագրերի մշակում և դրանց մոնիթորինգի իրականացում.
10) տրանսպորտային և ինժեներական ենթակառուցվածքների ծրագրերի և զարգացման ծրագրերի` քաղաքաշինական փաստաթղթերին առնչվող մասով սահմանված կարգով համաձայնեցում.
11) կառուցապատման համար նախատեսված հողերի քաղաքաշինական սահմանափակումների և նորմերի սահմանում.
12) քաղաքաշինական ծրագրային փաստաթղթերի մշակման առաջադրանքների և նախագծային փաստաթղթերի` սահմանված կարգով համաձայնեցում և վերջիններս Հայաստանի Հանրապետության կառավարության հաստատմանը ներկայացնելը.
13) քաղաքաշինական նպատակով հողամասերի հատկացումների վերաբերյալ առաջարկությունների, ճարտարապետահատակագծային առաջադրանքների ու ճարտարապետաշինարարական նախագծերի` սահմանված կարգով համաձայնեցում.
14) ճարտարապետության ոլորտի պետական քաղաքականության ու զարգացման ծրագրերի մշակում և դրանց մոնիթորինգի իրականացում.
15) քաղաքաշինական հատուկ կարգավորման օբյեկտների առանձնացման և գործունեության կարգի վերաբերյալ առաջարկություններ ներկայացնելը, քաղաքաշինական հատուկ կարգավորման օբյեկտների զարգացման ծրագրերի մշակում.
16) բնակարանային ապահովմանը, ինչպես նաև բազմաբնակարան շենքերի պահպանման, շահագործման և կառավարման ինստիտուցիոնալ կարողությունների զարգացմանն ուղղված պետական աջակցության նպատակային ծրագրերի մշակում և դրանց մոնիթորինգի իրականացում.
17) աղետի գոտու բնակավայրերում երկրաշարժի հետևանքով անօթևան մնացած ընտանիքների հաշվառման գործընթացի ամփոփում.
18) պետական աջակցության ծրագրերի շրջանակներում կառուցված բնակարանների բաշխում և հատկացում.
19) կոմունալ ենթակառուցվածքների զարգացման, թափոնների տեղադրման աղբավայրերի (պոլիգոնների) ստեղծման ծրագրերի մշակում.
20) (20-րդ ենթակետն ուժը կորցրել է 21.05.15 թիվ 543-Ն որոշում)
21) քաղաքաշինության բնագավառի տեխնիկական զարգացման գիտատեխնիկական պետական նպատակային և նորարարությանը նպատակաուղղված ծրագրերի մշակում.
22) շենքերի անձնագրավորման, սեյսմակայունության ուղղությամբ իրականացվող հետազննական, ինչպես նաև գիտահետազոտական և փորձարարակոնստրուկտորական աշխատանքների կազմակերպում և համակարգում, շինարարությունում դրանց արդյունքների ներդրում.
23) Հայաստանի Հանրապետության շինարարական նորմերով սահմանված սահմանային հարկայնությունը գերազանցող օբյեկտների նախագծային փաստաթղթերի պետական համալիր փորձաքննության կազմակերպում.
24) վտանգավոր երկրաբանական երևույթներից քաղաքաշինական օբյեկտների պաշտպանության ծրագրերի մշակում և դրանց մոնիթորինգի իրականացում.
25) բնագավառի հանրապետական նորմատիվատեխնիկական փաստաթղթերի մշակման, հաստատման (բացի ազգային ստանդարտներից), ինչպես նաև միջպետական նորմատիվատեխնիկական փաստաթղթերի ընդունման և Հայաստանի Հանրապետության տարածքում դրանց գործարկման գործընթացի վարում և համակարգում.
26) բնագավառի ստանդարտացման գործընթացի վարում, ինչպես նաև ոլորտի սերտիֆիկացման մարմինների և փորձարկման լաբորատորիաների գնահատման և դրանց հավատարմագրման աշխատանքներում համապատասխան փորձագետների ներգրավվածության ապահովում.
27) շինարարության ոլորտի պետական քաղաքականության, զարգացման ծրագրերի մշակում և դրանց մոնիթորինգի իրականացում.
28) Հայաստանի Հանրապետության օրենսդրությամբ նախատեսված դեպքերում Հայաստանի Հանրապետության պետական բյուջեի միջոցների հաշվին իրականացվող քաղաքաշինական ծրագրերի պատվիրատուի գործառույթների կատարում.
29) հանրապետության սոցիալ-տնտեսական և տարածքային զարգացման, ինչպես նաև ճյուղային պետական նպատակային ծրագրերի մշակում` քաղաքաշինության բնագավառին առնչվող մասով.
30) ոլորտին առնչվող Հայաստանի Հանրապետության միջազգային պայմանագրերի (համաձայնագրերի) նախագծերի նախապատրաստման, միջազգային ու տարածաշրջանային կազմակերպություններին Հայաստանի Հանրապետության անդամակցության և միջազգային պայմանագրերին (համաձայնագրերին) միանալու նպատակով իրականացվող աշխատանքներին, Հայաստանի Հանրապետության անդամակցության և միջազգային պայմանագրերից բխող պարտավորությունների իրագործմանը մասնակցություն.
31) նախարարության տեղեկատվական քաղաքականության, հասարակայնության հետ կապերի ապահովման կազմակերպում ու իրականացում և մասնագիտական, հասարակական և այլ կազմակերպությունների հետ համագործակցություն.
32) օրենսդրական ակտերով սահմանված այլ լիազորությունների իրականացում.
33) քաղաքացիական պաշտպանության ոլորտում`
ա. կազմակերպում է նախարարության համակարգի աշխատողների պաշտպանությունը,
բ. ստեղծում է քաղաքացիական պաշտպանության ծառայություններ.
34) զորահավաքային նախապատրաստության և զորահավաքի ոլորտում`
ա. ապահովում է նախարարության համակարգի զորահավաքային նախապատրաստության միջոցառումների իրականացման և համակարգման աշխատանքները,
բ. մշակում է նախարարության համակարգի զորահավաքային պլանը և իրականացնում է միջոցառումներ` զորահավաքային պլանի կատարումն ապահովելու նպատակով,
գ. իրականացնում է Հայաստանի Հանրապետության օրենսդրությամբ սահմանված այլ լիազորություններ:
(9-րդ կետը փոփ. 25.08.11 թիվ 1234-Ն, 14.03.13 թիվ 225-Ն, 04.06.14 թիվ 577-Ն, 21.05.15 թիվ 543-Ն որոշումներ)
III. ՆԱԽԱՐԱՐՈՒԹՅԱՆ ԿԱՌԱՎԱՐՈՒՄԸ
10. Նախարարությունը կառավարում է Հայաստանի Հանրապետության քաղաքաշինության նախարարը (այսուհետ` նախարար), որին պաշտոնի նշանակում և պաշտոնից ազատում է Հայաստանի Հանրապետության Նախագահը` Հայաստանի Հանրապետության վարչապետի առաջարկությամբ: Նախարարն ունի տեղակալներ, որոնց պաշտոնի նշանակում և պաշտոնից ազատում է Հայաստանի Հանրապետության վարչապետը` խորհրդակցելով նախարարի հետ:
11. Նախարարն իր գործունեության ընթացքում առաջնորդվում է Հայաստանի Հանրապետության Սահմանադրությամբ, Հայաստանի Հանրապետության օրենքներով, սույն կանոնադրությամբ, այլ իրավական ակտերով և Հայաստանի Հանրապետության միջազգային պայմանագրերով:
12. Նախարարն իրականացնում է նախարարությանը վերապահված խնդիրներն ու գործառույթները և պատասխանատու է լիազորված բնագավառներում քաղաքականության մշակման ու իրականացման, տիրող վիճակի և հեռանկարային զարգացման ապահովման համար:
13. Նախարարը հաշվետու է Հայաստանի Հանրապետության Նախագահին, Հայաստանի Հանրապետության կառավարությանը և Հայաստանի Հանրապետության վարչապետին:
14. Նախարարը`
i
1) իր իրավասության սահմաններում ընդունում և օրենքով սահմանված կարգով հրապարակում է գերատեսչական իրավական ակտեր.
2) ղեկավարում է նախարարության ընթացիկ գործունեությունը, պատասխանատու է նախարարության առջև դրված խնդիրների ու գործառույթների իրականացման համար.
3) օրենքով, այլ իրավական ակտերով և սույն կանոնադրությամբ նախատեսված գործունեության բնագավառներին, նպատակներին ու խնդիրներին համապատասխան` առաջարկություններ է ներկայացնում Հայաստանի Հանրապետության կառավարություն.
4) իր իրավասության սահմաններում արձակում է հրամաններ և տալիս ցուցումներ, առանց լիազորագրի հանդես է գալիս Հայաստանի Հանրապետության կամ նախարարության անունից, ինչպես նաև տալիս է Հայաստանի Հանրապետության կամ նախարարության անունից հանդես գալու լիազորագրեր, այդ թվում` նաև վերալիազորման իրավունքով լիազորագրեր.
5) օրենքով սահմանված դեպքերում և կարգով նշանակումներ է կատարում նախարարության քաղաքացիական ծառայության պաշտոններում, ինչպես նաև նրանց նկատմամբ կիրառում է խրախուսանքի և կարգապահական տույժի միջոցներ.
6) պաշտոնի նշանակում և պաշտոնից ազատում է իր խորհրդականներին, մամուլի քարտուղարին ու օգնականներին.
7) օրենքին և սույն կանոնադրությանը համապատասխան` սահմանում է նախարարության աշխատակազմի կառուցվածքային ստորաբաժանումների իրավասությունների սահմանները.
8) սահմանում է աշխատանքի բաշխումն իր տեղակալների միջև.
9) օրենքով և սույն կանոնադրությամբ նախատեսված իր լիազորության սահմաններում կասեցնում կամ ուժը կորցրած է ճանաչում նախարարության աշխատակազմի ղեկավարի, նախարարության աշխատակազմի առանձնացված ստորաբաժանումների ղեկավարների, ինչպես նաև նախարարության ենթակայությանը հանձնված պետական ոչ առևտրային կազմակերպությունների ղեկավարների` Հայաստանի Հանրապետության օրենսդրության պահանջներին հակասող հրամանները, հրահանգները, հանձնարարագրերը, կարգադրություններն ու ցուցումները.
10) լսում և Հայաստանի Հանրապետության կառավարության հաստատմանն է ներկայացնում նախարարության աշխատակազմի գործունեության մասին տարեկան հաշվետվություններն ու տարեկան հաշվեկշիռը, քննում է դրանց գործունեության ստուգման արդյունքները, հաստատում նախարարության աշխատակազմի տարեկան պահպանման ծախսերի նախահաշիվը, դրա կատարողականը և ֆինանսական հաշվետվությունների արժանահավատության վերստուգման արդյունքները.
11) իրականացնում է վերահսկողություն նախարարության աշխատակազմին ամրացված պետական սեփականության պահպանության ու օտարման նկատմամբ.
12) Հայաստանի Հանրապետության կառավարության հաստատմանն է ներկայացնում նախարարության կանոնադրությունը և աշխատակազմի կառուցվածքը.
13) Հայաստանի Հանրապետության վարչապետի հաստատմանն է ներկայացնում նախարարության աշխատողների թիվը.
14) օրենքով սահմանված դեպքերում և կարգով շնորհում է Հայաստանի Հանրապետության քաղաքացիական ծառայության դասային աստիճաններ.
15) իր լիազորության սահմաններում հիմնում է գերատեսչական պարգևներ.
16) ստեղծում է խորհրդակցական մարմիններ.
17) իրականացնում է օրենքով, այլ իրավական ակտերով և սույն կանոնադրությամբ նախատեսված այլ լիազորություններ:
15. Նախարարի բացակայության դեպքում, նրա հանձնարարությամբ, նախարարի պարտականությունները կատարում է նախարարի տեղակալներից մեկը:
16. Նախարարի տեղակալը`
1) համակարգում է նախարարության համակարգի աշխատանքները` նախարարությանը վերապահված քաղաքականության իրականացման` իրեն հանձնարարված բնագավառներում.
2) իր լիազորության սահմաններում համակարգում է նախարարության` իրեն հանձնարարված բնագավառներում քաղաքականության ապահովման համար անհրաժեշտ աշխատանքները` նախարարության աշխատակազմի կառուցվածքային և առանձնացված ստորաբաժանումների միջոցով, տալով ցուցումներ ու հանձնարարականներ.
3) նախարարության նպատակներին և խնդիրներին համապատասխան` սահմանում է իրեն հանձնարարված բնագավառների` նախարարության համակարգի մարմիններին որոշակի հանձնարարականները և առաջադրանքները, դրանց կատարման նկատմամբ իրականացնում վերահսկողություն.
4) նախարարի հանձնարարությամբ իրականացնում է նախարարի մոտ քննարկվելիք հարցերի նախնական քննարկումները.
5) համակարգում է իրեն հանձնարարված բնագավառներում նախարարության համակարգի մարմինների կողմից իրականացվող աշխատանքների մասնագիտական ուսումնասիրությունները և աշխատանքների ընթացքի օպերատիվ վերլուծությունը.
6) իր լիազորության սահմաններում համագործակցում է պետական կառավարման և այլ մարմինների, կազմակերպությունների ու հիմնարկների հետ.
7) իրեն հանձնարարված բնագավառներում համակարգում է համապատասխան զարգացման ծրագրերի մշակման և իրականացման աշխատանքները.
8) պարբերաբար նախարարին է ներկայացնում տեղեկատվություն իրեն հանձնարարված բնագավառներում տիրող վիճակի մասին.
9) ապահովում է իրեն հանձնարարված բնագավառներում նախարարի հրամանների ու ցուցումների կատարման նկատմամբ վերահսկողությունը և արդյունքների մասին տեղեկացնում նախարարին.
10) նախարարին և աշխատակազմի ղեկավարին ներկայացնում է առաջարկություններ նրանց իրավասություններին վերաբերող հարցերի մասին.
11) նախարարի հանձնարարությամբ իրականացնում է այլ գործառույթներ:
17. Նախարարի տեղակալներից մեկը` Հայաստանի Հանրապետության վարչապետի որոշմամբ կարող է նշանակվել Հայաստանի Հանրապետության գլխավոր ճարտարապետ:
18. Նախարարն ունի խորհրդականներ, մամուլի քարտուղար և օգնականներ, որոնց միջև սահմանում է պարտականությունների բաշխումը:
i
19. Նախարարության առջև դրված խնդիրներն ու գործառույթներն արդյունավետ իրականացնելու նպատակով նախարարին կից կարող է ստեղծվել կոլեգիա: Հայաստանի Հանրապետության քաղաքաշինության նախարարին կից կոլեգիան`
1) օժանդակում է նախարարության գործունեության ռազմավարական պլանավորման, քաղաքական որոշումների ընդունման, միջոցառումների ծրագրերի մշակման գործընթացներին.
2) նպաստում է ռազմավարական ծրագրերի իրականացմանը, գնահատմանը և այդ գործընթացներին քաղաքացիական հասարակության մասնակցությանը.
3) մշակում և ներկայացնում է նախարարության կառավարման արդյունավետության բարձրացման վերաբերյալ առաջարկություններ:
(19-րդ կետը փոփ. 31.03.16 թիվ 337-Ն որոշում)
i
19.1. Նախարարության առջև դրված խնդիրների և գործառույթների իրականացման ընթացքում քաղաքացիական հասարակության մասնակցության ապահովման նպատակով նախարարին կից ստեղծվում է հասարակական խորհուրդ: Նախարարին կից հասարակական խորհուրդը`
1) աջակցում է նախարարության առջև դրված խնդիրների և գործառույթների իրականացմանը` ներկայացնելով առաջարկություններ և դիտողություններ նախարարության կողմից վարվող ընդհանուր քաղաքականության առավել արդյունավետ իրականացման վերաբերյալ.
2) հասարակական կազմակերպությունների կամ այլ շահագրգիռ անձանց մասնակցությամբ քննարկում է հասարակության տարբեր շերտերի կարծիքներն ու տեսակետները նախարարության առջև դրված խնդիրների ու գործառույթների իրականացման վերաբերյալ.
3) ներկայացնում է առաջարկություններ և դիտողություններ`
ա. նախարարության կողմից շրջանառվող իրավական ակտերի, հայեցակարգերի, ռազմավարությունների և ծրագրերի նախագծերի վերաբերյալ և աջակցում է հանրային քննարկումներին,
բ. նախարարության կողմից ձեռնարկվող բարեփոխումների, ընդհանուր քաղաքականության ուղղությունների, ինչպես նաև նախարարության կողմից իրականացվող աշխատանքների առաջնահերթությունների վերաբերյալ,
գ. նախարարության ընթացիկ գործունեության, նախարարության առանձնացված ստորաբաժանումներ հանդիսացող գործակալությունների կողմից մատուցվող ծառայությունների որակի վերաբերյալ:
(19.1-ին կետը լրաց. 31.03.16 թիվ 337-Ն որոշում)
IV. ՆԱԽԱՐԱՐՈՒԹՅԱՆ ԱՇԽԱՏԱԿԱԶՄԸ
20. Նախարարության աշխատակազմի նպատակը և խնդիրը (այդ թվում` նրա կազմում գործող գործակալությունների ու տեսչությունների)` օրենքներով, այլ իրավական ակտերով և սույն կանոնադրությամբ վերապահված լիազորությունների լիարժեք ու արդյունավետ իրականացման, ինչպես նաև քաղաքացիական իրավահարաբերություններին նախարարության մասնակցության ապահովումն է:
21. Նախարարության աշխատակազմն իրավաբանական անձի կարգավիճակ չունեցող պետական կառավարչական հիմնարկ է, որը Հայաստանի Հանրապետության օրենսդրությամբ սահմանված կարգով, որպես պետական կառավարչական հիմնարկ, ենթակա է հաշվառման` իրավաբանական անձանց գրանցում իրականացնող մարմնի կողմից:
22. Նախարարության աշխատակազմը գործում է Հայաստանի Հանրապետության քաղաքացիական օրենսգրքի, «Պետական կառավարչական հիմնարկների մասին» Հայաստանի Հանրապետության օրենքի, այլ օրենքների և իրավական ակտերի, Հայաստանի Հանրապետության միջազգային պայմանագրերի և սույն կանոնադրության հիման վրա:
23. Նախարարության աշխատակազմն իր իրավասության սահմաններում Հայաստանի Հանրապետության անունից կարող է ձեռք բերել ու իրականացնել գույքային և անձնական ոչ գույքային իրավունքներ, կրել պարտականություններ, դատարանում հանդես գալ որպես հայցվոր կամ պատասխանող:
24. Նախարարության աշխատակազմն ունի Հայաստանի Հանրապետության զինանշանի պատկերով և իր` հայերեն անվանմամբ կլոր կնիք, ձևաթղթեր, խորհրդանիշ և այլ անհատականացման միջոցներ:
25. Նախարարության աշխատակազմն ունի ինքնուրույն հաշվեկշիռ:
26. Նախարարության աշխատակազմը չի կարող իրականացնել ձեռնարկատիրական գործունեություն: Նախարարության աշխատակազմի կատարած գործառնությունների և մատուցած ծառայությունների դիմաց կարող է գանձվել միայն պետական տուրք` օրենքով սահմանված չափով և կարգով:
27. Նախարարության աշխատակազմն իր ֆինանսական գործառնություններն իրականացնում է գանձապետական համակարգի միջոցով: Նախարարության աշխատակազմի պահպանման կարիքների համար, ինչպես նաև նախարարության լիազորությանը վերապահված բյուջետային ծրագրերի շրջանակներում գնումները կատարվում են «Գնումների մասին» Հայաստանի Հանրապետության օրենքով սահմանված կարգով:
28. Նախարարության աշխատակազմի պարտավորությունների համար պատասխանատվությունը կրում է Հայաստանի Հանրապետությունը:
29. Նախարարության աշխատակազմի անվանումն է Հայաստանի Հանրապետության քաղաքաշինության նախարարության աշխատակազմ:
30. Նախարարության աշխատակազմի գտնվելու վայրն է` Հայաստանի Հանրապետություն, քաղ. Երևան, Հանրապետության հրապարակ, Կառավարական տուն 3:
V. ՆԱԽԱՐԱՐՈՒԹՅԱՆ ԱՇԽԱՏԱԿԱԶՄԻ ԳՈՒՅՔԸ
31. Նախարարության աշխատակազմի գույքն օրենքով սահմանված կարգով ձևավորվում է Հայաստանի Հանրապետության կառավարության կողմից, ինչպես նաև Հայաստանի Հանրապետության անունից աշխատակազմի կնքած գործարքներով ձեռք բերված և աշխատակազմի տիրապետմանը, տնօրինմանն ու օգտագործմանը հանձնված (ամրացված) գույքից (ներառյալ գույքային իրավունքները), որը հաշվառվում է նրա հաշվեկշռում: Հայաստանի Հանրապետության կառավարության որոշմամբ` նախարարության աշխատակազմին կարող է վերապահվել նաև պետական բաժնետոմսերի կամ բաժնեմասերի տիրապետման իրավասություն:
32. Հայաստանի Հանրապետության կառավարությունն իրավունք ունի ցանկացած ժամանակ հետ վերցնելու նախարարության աշխատակազմի գույքը:
33. Նախարարության աշխատակազմն իրավունք ունի օրենքով, այլ իրավական ակտերով ու իր կանոնադրությամբ նախատեսված դեպքերում և կարգով իր գործունեության նպատակներին ու գույքի նշանակությանը համապատասխան օգտագործելու, տնօրինելու և տիրապետելու իր գույքը:
VI. ՆԱԽԱՐԱՐՈՒԹՅԱՆ ԱՇԽԱՏԱԿԱԶՄԻ ԿԱՌՈՒՑՎԱԾՔԸ
34. Նախարարության աշխատակազմի կառուցվածքում ներառվում են նրա կառուցվածքային ստորաբաժանումները (վարչություններ, բաժիններ, քարտուղարություն) և առանձնացված ստորաբաժանումները (գործակալություններ, տեսչություններ):
35. Նախարարության աշխատակազմի կառուցվածքային ստորաբաժանումների կանոնադրությունները հաստատում է նախարարը:
36. Նախարարության աշխատակազմի առանձնացված ստորաբաժանումների կանոնադրությունները հաստատում է Հայաստանի Հանրապետության կառավարությունը` նախարարի ներկայացմամբ:
37. Նախարարության աշխատակազմի առանձնացված ստորաբաժանումն օրենքով, իսկ առանձին դեպքերում` նաև Հայաստանի Հանրապետության օրենսդրությամբ նախատեսված ծառայությունների մատուցման, վերահսկողական գործառույթներ և պատասխանատվության միջոցներ կիրառող մարմին է:
38. Նախարարության աշխատակազմի առանձնացված ստորաբաժանումն իրականացնում է նաև նախարարության աշխատակազմի առանձին գործառույթները կամ դրանց մի մասը և հանդես է գալիս Հայաստանի Հանրապետության անունից:
39. Առանձնացված ստորաբաժանումն իրավունք ունի Հայաստանի Հանրապետության անունից ձեռք բերելու և իրականացնելու գույքային ու անձնական ոչ գույքային իրավունքներ, կրելու պարտականություններ, դատարանում հանդես գալու որպես հայցվոր կամ պատասխանող:
40. Նախարարության աշխատակազմի առանձնացված ստորաբաժանումն ունի Հայաստանի Հանրապետության զինանշանի պատկերով և նախարարության աշխատակազմի ու իր` հայերեն անվանմամբ կլոր կնիք, ձևաթղթեր, խորհրդանիշ և այլ անհատականացման միջոցներ:
VII. ՆԱԽԱՐԱՐՈՒԹՅԱՆ ԱՇԽԱՏԱԿԱԶՄԻ ԿԱՌԱՎԱՐՈՒՄԸ
41. Նախարարության աշխատակազմի կառավարումն իրականացնում են Հայաստանի Հանրապետության կառավարությունը և նախարարը` օրենքով և սույն կանոնադրությամբ իրենց վերապահված իրավասությունների սահմաններում:
42. Նախարարության աշխատակազմը ղեկավարում է նախարարության աշխատակազմի ղեկավարը:
43. Հայաստանի Հանրապետության կառավարությունը`
1) վերակազմակերպում և դադարեցնում է նախարարության աշխատակազմի գործունեությունը.
2) հաստատում է նախարարության աշխատակազմի կանոնադրությունը և դրանում կատարվող փոփոխությունները.
3) որոշում է նախարարության աշխատակազմին հանձնվող գույքի կազմը և չափը.
4) հաստատում է նախարարության աշխատակազմի կառուցվածքը.
5) իրականացնում է Հայաստանի Հանրապետության Սահմանադրությամբ և օրենքով իրեն վերապահված այլ լիազորություններ:
44. Նախարարության աշխատակազմի ղեկավարն օրենքով, այլ իրավական ակտերով, նախարարի հրամաններով և սույն կանոնադրությամբ իրեն վերապահված լիազորությունների սահմաններում ղեկավարում է նախարարության աշխատակազմի ընթացիկ գործունեությունը և պատասխանատվություն կրում օրենքների, այլ իրավական ակտերի, Հայաստանի Հանրապետության կառավարության, նախարարի որոշումների և սույն կանոնադրության պահանջները չկատարելու կամ ոչ պատշաճ կատարելու համար:
45. Նախարարության աշխատակազմի ղեկավարն օրենքով սահմանված կարգով գույքային պատասխանատվություն է կրում իր մեղքով պետությանը պատճառված գույքային վնասի համար: Նախարարության աշխատակազմի ղեկավարի լիազորությունների դադարեցումը չի կարող հիմք հանդիսանալ պատճառված նյութական վնասը հատուցելու պարտականությունները չկատարելու համար:
46. Նախարարության աշխատակազմի ղեկավարը պարտավոր է չկատարել հիմնադրի, նախարարի` Հայաստանի Հանրապետության օրենսդրությանը հակասող որոշումները, կարգադրությունները, հրամաններն ու հրահանգները:
47. Նախարարության աշխատակազմի ղեկավարի բացակայության դեպքում նրա փոխարինումն իրականացվում է քաղաքացիական ծառայության մասին Հայաստանի Հանրապետության օրենսդրությամբ սահմանված կարգով:
48. Նախարարության աշխատակազմի ղեկավարը`
1) առանց լիազորագրի` իր իրավասության սահմաններում հանդես է գալիս Հայաստանի Հանրապետության անունից և ներկայացնում նրա շահերը, իր լիազորության սահմաններում դատարանում հանդես է գալիս որպես հայցվոր կամ պատասխանող, տալիս է լիազորագրեր` դատարանում գործը վարելու և այլ դատավարական գործողություններ իրականացնելու համար.
2) օրենքով, այլ իրավական ակտերով, հիմնադրի կողմից և սույն կանոնադրությամբ սահմանված կարգով տնօրինում է հիմնարկին ամրացված պետական գույքը, այդ թվում` ֆինանսական միջոցները.
3) իր իրավասության սահմաններում տալիս է Հայաստանի Հանրապետության անունից հանդես գալու լիազորագրեր, այդ թվում` նաև վերալիազորման իրավունքով լիազորագրեր.
4) ապահովում է աշխատակազմում քաղաքացիական ծառայության մասին Հայաստանի Հանրապետության օրենսդրությանը և այլ իրավական ակտերին համապատասխան` անձնակազմի կառավարման հետ կապված գործառույթների իրականացումը.
5) օրենքով, այլ իրավական ակտերով և սույն կանոնադրությամբ նախատեսված իր լիազորությունների սահմաններում պաշտոնի (աշխատանքի) նշանակում և պաշտոնից (աշխատանքից) ազատում է նախարարության աշխատակազմի աշխատողներին, նրանց նկատմամբ կիրառում խրախուսանքի ու կարգապահական տույժի միջոցներ.
6) օրենքով, այլ իրավական ակտերով և սույն կանոնադրությամբ սահմանված իր լիազորությունների սահմաններում արձակում է հրամաններ, տալիս կատարման համար պարտադիր ցուցումներ.
7) նախարարի հաստատմանն է ներկայացնում նախարարության աշխատակազմի տարեկան հաշվետվություններն ու տարեկան հաշվեկշիռը, այդ թվում` ապահովում է նախարարության աշխատակազմի հաշվապահական հաշվառումը վարելը, ֆինանսական հաշվետվություններ կազմելը և ներկայացնելը, նախարարի հաստատմանն է ներկայացնում նախարարության աշխատակազմի տարեկան պահպանման ծախսերի նախահաշիվը, դրա կատարողականը, տարեկան ֆինանսական հաշվետվություններն ու տարեկան հաշվեկշիռը, միջոցներ է ձեռնարկում ստուգումներով հայտնաբերված ֆինանսական խախտումների վերացման համար.
8) նախարարին ներկայացնում է առաջարկություններ նախարարության աշխատակազմի գործունեության հիմնական ուղղությունների վերաբերյալ.
9) կազմակերպում է նախարարության բյուջեի նախագծի նախապատրաստական աշխատանքները և ապահովում բյուջետային միջոցների ծախսերի կատարումը.
10) կազմակերպում է նախարարությունում քննարկումների և խորհրդակցությունների անցկացումը.
11) վերահսկում է նախարարության աշխատակազմի կողմից սահմանված ժամկետներում աշխատանքների կատարման ընթացքը.
12) նախարարի ստորագրությանն է ներկայացնում նախարարի հրամանները և կարգադրությունները.
13) ապահովում է համագործակցությունը Հայաստանի Հանրապետության պետական իշխանության մարմինների աշխատակազմերի հետ.
14) կազմակերպում է նախարարությունում գործավարության և տեխնիկական սպասարկման աշխատանքները.
15) իրականացնում է օրենքով, այլ իրավական ակտերով և սույն կանոնադրությամբ նախատեսված այլ լիազորություններ, այդ թվում` նաև գլխավոր ֆինանսիստի պարտականությունները:
49. Նախարարության աշխատակազմի գլխավոր ֆինանսիստը ղեկավարում է նախարարության աշխատակազմի ֆինանսական և հաշվապահական ծառայությունները, գործում է նախարարի անմիջական ենթակայությամբ և իրականացնում «Գանձապետական համակարգի մասին» Հայաստանի Հանրապետության օրենքով իր վրա դրված լիազորությունները:
50. Նախարարության աշխատակազմի գլխավոր ֆինանսիստը պատասխանատու է հաշվապահական հաշվառումը վարելու, նախարարության աշխատակազմի ֆինանսական, բյուջետային, հարկային, վիճակագրական, պարտադիր վճարների հաշվետվությունները ժամանակին կազմելու համար:
VIII. ՀԱՇՎԱՊԱՀԱԿԱՆ ՀԱՇՎԱՌՈՒՄԸ ԵՎ ՀԱՇՎԵՏՎՈՒԹՅՈՒՆՆԵՐԸ
51. Նախարարության աշխատակազմը Հայաստանի Հանրապետության օրենսդրությամբ սահմանված կարգով վարում է հաշվապահական հաշվառում և համապատասխան մարմիններ ներկայացնում ֆինանսական, հարկային, մաքսային, պարտադիր վճարների և վիճակագրական հաշվետվություններ, հաշվարկներ, հայտարարագրեր:
52. Նախարարության աշխատակազմի գործունեության տարեկան ֆինանսական հաշվետվությունների հավաստիությունը կարող է ենթարկվել վերստուգման (աուդիտի)` Հայաստանի Հանրապետության կառավարության սահմանած կարգով:
IX. ՆԱԽԱՐԱՐՈՒԹՅԱՆ ԱՇԽԱՏԱԿԱԶՄԻ ՎԵՐԱԿԱԶՄԱԿԵՐՊՈՒՄԸ ԵՎ ԳՈՐԾՈՒՆԵՈՒԹՅԱՆ ԴԱԴԱՐՈՒՄԸ
53. Նախարարության աշխատակազմի վերակազմակերպման և նրա գործունեության դադարման կարգն ու պայմանները սահմանվում են օրենքով:
(կանոնադրությունը խմբ. 26.08.10 թիվ 1206-Ն որոշում)
Հավելված N 2
i
ՀՀ կառավարության
2002 թվականի հուլիսի 25-ի
N 1294-Ն որոշման
i
ԿԱՌՈՒՑՎԱԾՔ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ՆԱԽԱՐԱՐՈՒԹՅԱՆ ԱՇԽԱՏԱԿԱԶՄԻ
I. Կառուցվածքային ստորաբաժանումներ
Քաղաքաշինության քաղաքականության և տարածական պլանավորման վարչություն
Ճարտարապետության վարչություն
Կառուցապատման ներդրումային ծրագրերի վարչություն
Շինարարության քաղաքականության վարչություն
Բնակարանային քաղաքականության և կոմունալ ենթակառուցվածքների վարչություն
Ինժեներատեխնիկական աշխատանքների և տեխնիկական նորմավորման
մեթոդաբանության վարչություն
Ֆինանսատնտեսագիտական և հաշվապահական հաշվառման վարչություն
Քարտուղարություն
Իրավաբանական վարչություն
Տեղեկատվության և հասարակայնության հետ կապերի բաժին
Արտաքին կապերի վարչություն
Անձնակազմի կառավարման բաժին
Առաջին բաժին
Ներքին աուդիտի բաժին Զորահավաքային նախապատրաստության և քաղաքացիական պաշտպանության բաժին
II. Առանձնացված ստորաբաժանումներ
Քաղաքաշինական պետական տեսչություն
«Լիցենզավորման կենտրոն» գործակալություն
(կառուցվածքը փոփ. 20.01.05 թիվ 31-Ն, 16.03.06 թիվ 321-Ն,
01.06.06 թիվ 754-Ն, 11.10.07 թիվ 1177-Ն, 08.01.09 թիվ 3-Ն, 26.08.10 թիվ 1206-Ն, 02.06.11 թիվ 759-Ն, 15.03.12 թիվ 319-Ն, 26.12.13 թիվ 1494-Ն, 04.06.14 թիվ 577-Ն որոշումներ)
Հավելված N 3
Հայաստանի Հանրապետության
կառավարության 2002 թվականի
հուլիսի 25-ի N 1294-Ն որոշման
ԿԱԶՄ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ՆԱԽԱՐԱՐՈՒԹՅԱՆ ԱՇԽԱՏԱԿԱԶՄԻՆ ՀԱՆՁՆՎՈՂ ԳՈՒՅՔԻ
NN Գույքի անվանումը Քանակը Մեկ Հաշվեկշռային
ը/կ (հատ) միավորի արժեքը
արժեքը (դրամ)
(դրամ)
1 2 3 4 5
1. Օդափոխիչ ԲԿ-1500 1 39 044 39 044
2. Օդափոխիչ ԲԿ-1500 10 39 183 391 829
3. Օդափոխիչ ԲԿ -1500 24 481 11 553
4. Օդափոխիչ ԲԿ -1500 1 41 100 41 100
5. Օդափոխիչ ԲԿ -2000 2 32 057.5 64 115
6. Օդափոխիչ ԲԿ -2000 1 35 35
7. Օդափոխիչ ԲԿ -2500 1 49 556 49 556
8. Օդափոխիչ ԲԿ -2500 1 48 355 48 355
9. Օդափոխիչ ԲԿ -2900 1 4 171 4 171
10. Օդափոխիչ ԲԿ -2500 2 30 685 61 370
11. Օդափոխիչ ԲԿ -1500 8 769 6 155
12. Օդափոխիչ ՄԱՅ-244 1 83 83
13. Օդափոխիչ ՄԱՅ -244 2 30 780 61 560
14. Օդափոխիչ ՄԱՅ -244 1 83 83
15. Սառնարան «Սնեժինկա» 3 662 1 986
16. Սառնարան «Սնեժինկա» 2 2 593 5 186
17. Սառնարան «Սնեժինկա» 3 378 1 133
18. Սառնարան «Օրսկ» 2 368 736
19. Սառնարան «Կոդռի» 1 271 271
20. Սառնարան «Կոդռի» 1 8 657 8 657
21. Սառնարան «Չինար» 1 429 429
22. Սառնարան «Դնեպր» 1 10 196 10 196
23. Սառնարան «Պամիր» 1 327 327
24. Սառնարան «Սնայգե» 1 7 672 7 672
25. Սառնարան «Սվիյագա» 1 11 319 11 319
26. Սառնարան «Զիլ» 2 589.5 1 179
27. Սառնարան «Սայր» 1 367 367
28. Հեռուստացույց «Էլեկտրոն» 1 880 880
29. Հեռուստացույց «Յանտար» 1 638 638
30. Հեռուստացույց «Տաուրաս» 1 334 334
31. Հեռուստացույց «Ռուբին-51» 1 18 753 18 753
32. Հեռուստացույց «Ֆիլիպս» 1 126 650 126 650
33. Գրամեքենա «Ռոբոտրոն-24» 3 3 232 9 696
34. Գրամեքենա «Ռոբոտրոն -202» 1 42 476 42 476
35. Գրամեքենա «Ռոբոտրոն-20» 1 17 829 17 829
36. Գրամեքենա «Օպտիմա» 7 270 1 890
37. Գրամեքենա «Օլիմպիա» 1 552 552
38. Գրամեքենա «Յատրան» 2 2 739 5 478
39. Գրամեքենա «Դարո» 1 460 460
40. Գրամեքենա «Ռոբոտրոն» 10 362 3 619
41. Գրամեքենա «Ուկրաինա» 1 151 151
42. Գրամեքենա «Յատրան» 2 3.5 7
43. Գրամեքենա «Ռոբոտրոն» 1 2 2
44. Գրամեքենա «Ուկրաինա» 1 130 130
45. Գրամեքենա «Յունիկս» 1 262 262
46. Էլեկտրական գրամեքենա 1 15 400 15 400
47. Մեխանիկական գրամեքենա 1 5 100 5 100
48. Գրամեքենա «Յանտար» 2 658 1 316
49. Հաշվիչ մեքենա «Իսկրա III» 2 21 215 42 430
50. Հաշվիչ մեքենա «Մկ-50» 2 1 784.5 3 569
51. Հաշվիչ մեքենա «Իսկրա-210» 2 296.5 593
52. Հաշվիչ մեքենա «Իսկրա» 1 594 594
53. Հաշվիչ մեքենա «Էլեկտրոնիկա» 1 1 674 1 674
54. Հաշվիչ մեքենա «Մկ-44» 2 102 204
55. Հաշվիչ մեքենա «Մկ-22» 1 30 30
56. Հաշվիչ մեքենա «Էլկա-22» 1 928 928
57. Հաշվիչ մեքենա «Բիստրիցա» 1 199 199
58. Հաշվիչ մեքենա «Սիթիզեն» 1 12 800 12 800
59. Հաշվիչ մեքենա 1 12 12
60. Հաշվիչ մեքենա «Մկ-52» 9 885 7 964
61. Հաշվիչ մեքենա «Սվ-49» 2 90.5 181
62. Հաշվիչ մեքենա 1 50 000 50 000
63. Հաշվիչ մեքենա «Իսկրա» 3 98 293
64. Կոմուտատոր «Ուդ-20» 1 24 270 24 270
65. Կոմուտատոր «Կդ-6» 1 14 036 14 036
66. Կոմուտատոր «Կդ-6» 1 23 208 23 208
67. Կոմուտատոր «Կդ-6» 1 7 233 7 233
68. Կոմուտատոր «Կդ-12» 1 9 696 9 696
69. Կոմուտատոր «Էլետապ-9» 1 103 944 103 944
70. Կոմուտատոր «Կդ-18» 1 16 354 16 354
71. Կոմուտատոր «Կդ-12» 1 18 755 18 755
72. Կոմուտատոր «Կդ-6» 1 14 219 14 219
73. Կոմուտատոր «Ուդ-40» 2 2 476 4 952
74. Կոմուտատոր «Կդ-18» 2 776.5 1 553
75. Կոմուտատոր «Ուդ-40» 1 2 284 2 284
76. Կոմուտատոր «Էլետապ -2» 2 442.5 885
77. Բազմացնող սարք «Էլկա» 1 403.0000 403
78. Բազմացնող սարք «Կոնիկա-1012» 1 92 917 92 917
79. Քսերոքս «Ռիկո 5560» 1 23 500 23 500
80. Քսերոքս 1 4 200 4 200
81. Քսերոքս «Փանասոնիկ ՖՊ-4080» 1 4 993 800 4 993 800
82. Յուտակս Ց-110 1 690 690
83. Էլեկտրական սարք «ՑԲԿ» 1 616 369 616 369
84. Տելետայպ 1 1 900 1 900
85. Տելեֆաքս «Բրոթհեր Ինտ Ֆաքս 1 2 520 2 520
625»
86. Տելեֆաքս «Փանասոնիկ Ֆ-3500» 1 80 797 80 797
87. Լոտատոր «Ցիկլոս» 1 546 546
88. Թղթի կտրտման սարք 1 270 270
89. Նիշավորող մեքենա 1 870 870
90. Նիշավորող մեքենա 1 10 565 10 565
91. Էլեկտրական հոսանքի 7 133 932
կարգավորիչ
92. Կինոպրոյեկտոր 1 69 69
93. Դիապրոյեկտոր 1 122 122
94. Փոշեկուլ 1 30 30
95. Էլեկտրական կամին 1 4 049 4 049
96. Էլեկտրական կամին 1 18 468 18 468
97. Պատի ժամացույց 1 46 170 46 170
98. Համակարգիչ 1 41 580 41 580
99. Համակարգիչ 10 1 309.5 13 095
100. Համակարգիչ «ԻԲՄ» 3 106 768 320 304
101. Նոթբուք-486 1 1 713 180 1 713 180
102. Համակարգիչ 8 522 522 4 180 176
103. Համակարգիչ «Նոթբուք» 1 1 073 870 1 073 870
104. Համակարգիչ «Պենտիում II-350» 2 573 584 1 147 168
105. Համակարգիչ 3 1 852 300 5 556 900
106. Համակարգիչ «Նացիոնալ» 5 532 383.4 2 661 917
107. Տպիչ սարք «Նոթբուք» 1 203 950 203 950
108. Տպիչ սարք 1 600 600
109. Տպիչ «Լազերջեթ-1100» 2 401 509 803 018
110. Տպիչ 3 141 173.3 423 520
111. Լազերային տպիչ 9 596 820 5 371 380
112. «Սմարթ» մարտկոց 6 181 482 1 088 892
113. Դիջիդայզեր 6 131 138 786 828
114. Դիսպետչերական կապի հանգույց 1 55 556 55 556
115. Նիշավորող մեքենա 1 69 200 69 200
116. Քսերոքս «Քանոն» 1 215 400 215 400
117. Էքսպոզիցիոն լամպ 1 16 000 16 000
118. Տվիչ 2 7 000 14 000
119. Փոկ` ատամնավոր 2 7 500 15 000
120. Գլխավոր հանգույցի շղթա 1 10 000 10 000
121. Ֆիքսող հանգույցի տաքացնող 1 10 000 10 000
լամպ
122. Օպտիկայի ճոպան 1 5 000 5 000
123. Սնման աղբյուրի վահանակ 1 10 000 10 000
124. Համակարգիչ «ՊՍ-300 Պենտիում 1 816 500 816 500
II»
125. Տպիչ սարք «Լազերջեթ-1100» 1 202 093 202 093
126. Համակարգիչ «Պ III 650» 1 534 300 534 300
127. Համակարգչի վերակառուցման 1 249 340 249 340
կոմպլեկտ
128. Համակարգիչ «Պենտիում III» 1 615 583 615 583
129. Սնուցման սարք «Ուպսել 4» 1 88 893 88 893
130. Սկաներ (Սկաներ Մուստանգ) 1 88 893 88 893
131. Հեռուստացույց «ՏՎ-ՋՎՍ» 1 137 228 137 228
132. Տեսամագնիտոֆոն «ՎՍՌ (ՍՎՑՀ 1 73 337 73 337
Ք)»
133. Սնուցման սարք «Ուպսել 4» 1 88 893 88 893
134. Սնուցման սարք «Ուպսել 4» 1 88 893 88 893
135. Պատճենահանման սարք 1 266 678 266 678
136. Համակարգչի մոնիտոր 1 850 037 850 037
(«Պենտիում III»)
137. Անխափան սնուցման սարք «ՅՈՒՊՍ 1 77 226 77 226
500»
138. Համակարգիչ «Նոթբուք» 1 275 012 275 012
139. Համակարգիչ «Պենտիում III» 1 850 037 850 037
140. «ՅՈՒՊՍ» մարտկոց 1 77 226 77 226
141. Բջջային հեռախոս 1 95 043 95 043
142. Տպիչ` լազերային 6Պ 1 388 484 388 484
143. Տպիչ` լազերային 1100 1 270 250 270 250
144. Անխափան սնուցման սարք 1 90 083 90 083
«Ուպսել 4»
145. Սնուցման սարք «Ուպսել 4» 1 90 083 90 083
146. Ֆաքս («Քանոն 13150») 1 225 208 225 208
147. Տպիչ` լազերային 1100 Ա 1 270 250 270 250
148. Բջջային հեռախոս 1 264 619 264 619
149. Տպիչ` լազերային 1100 Ա 1 222 393 222 393
150. Բջջային հեռախոս 1 112 604 112 604
151. Քոփիեր Քանոն 2 240 000 480 000
152. Քանոն Մուլտի Պասք 2500 1 325 000 325 000
153. Տպիչ` լազերային 1100 Ա 1 222 393 222 393
154. Բազմացնող սարք 1 3 408 142 3 408 142
155. Ֆաքսի մեքենա 1 454 063 454 063
156. Համակարգիչ «ՊՍ Ասեր Վերիթոն» 14 750 828 10 511 592
7200Դ, Պ-4
157. Մոնիտոր «Բելինեա 103020, 17» 14 133 352 1 866 928
158. Սկաներ «ՀՊ 5400Ց» 3 113 059 339 177
159. Պատճենահանման սարք 1 1 727 774 1 727 774
«Յուտաքս ՍԴ1020»
160. Տպիչ սարք «ՅՈՒՏԱՔՍ ԼՊ 118» 6 310 188 1 861 128
161. Ֆաքս «ՇԱՐՊ ՖՕ-357» 1 208 400 208 400
162. Համակարգիչ «ՏԱՐԳԱ», մոնիտոր 1 1 887 600 1 887 600
«ԱՍԵՐ», ստեղնաշար, մկնիկ,
2 սնուցման լար
163. Սեղան` ղեկավարության համար 1 15 482 15 482
164. Սեղան` ղեկավարության համար 1 16 000 16 000
165. Սեղան` ղեկավարության համար 2 30 972.5 61 945
166. Սեղան` ղեկավարության համար 4 42 207 168 828
167. Սեղան` ղեկավարության համար 1 42 169 42 169
168. Սեղան` ղեկավարության համար 30 322 9 664
169. Սեղան` ղեկավարության համար 1 238 238
170. Սեղան` ղեկավարության համար 1 48 48
171. Սեղան` խորհրդակցության համար 2 15 000 30 000
172. Սեղան` խորհրդակցության համար 2 25 486 50 972
173. Սեղան` խորհրդակցության համար 2 26 548 53 096
174. Սեղան` խորհրդակցության համար 1 11 312 11 312
175. Սեղան` խորհրդակցության համար 15 214.5 3 218
176. Սեղան խորհրդակցության համար 2 8 849 17 698
177. Սեղան 1 38 400 38 400
178. Սեղան` 2 տումբանի 22 11 504 253 089
179. Սեղան` 2 տումբանի 8 20 261 162 087
180. Սեղան` 2 տումբանի 1 13 628 13 628
181. Սեղան` 2 տումբանի 1 923 923
182. Սեղան` ղեկավարության համար 2 11 504 23 008
183. Սեղան` ղեկավարության համար 2 8 000 16 000
184. Սեղան` 2 տումբանի 65 177 11 500
185. Սեղան` 2 տումբանի 9 46 100 414 900
186. Սեղան` 1 տումբանի 2 227.5 455
187. Ժուրնալի սեղան 1 10 000 10 000
188. Սեղան հեռախոսի համար 1 483 483
189. Գրքերի պահարան 10 109 1 090
190. Գրքերի պահարան` 3 մասերից 2 290.5 581
191. Երկաթյա պահարան 2 9 026 18 052
192. Երկաթյա պահարան 5 2 493 12 466
193. Ծրագրավորողի աշխատատեղ 1 169 675 169 675
(սեղան)
194. Երկաթյա պահարան 9 80 723
195. Երկաթյա պահարան 1 10 476 10 476
196. Մետաղյա գանձապահարան 1 3 193 3 193
197. Մետաղյա գանձապահարան 1 10 000 10 000
198. Մետաղյա գանձապահարան 1 403 403
199. Երկհարկանի գանձապահարան 1 12 658 12 658
200. Երեքփեղկանի պահարան 1 27 433 27 433
201. Պահարան, ստելլաժ 3 30 603 91 809
202. Զգեստապահարան 1 43 43
203. Երկդռնանի հանդերձապահարան 1 10 442 10 442
204. Հանդերձապահարան 1 192 192
205. Պատի պահարան 4 478.5 1 914
206. Երկփեղկանի պատի պահարան 12 480 5 756
207. Երեքփեղկանի պատի պահարան 12 480 5 756
208. Պատի փոքր պահարան 1 389 389
209. Նախամուտք` մեծ 1 852 852
210. Նախամուտք` մեծ 1 1 019 1 019
211. Նախամուտք` փոքր 1 453 453
212. Արգելապատ 1 202 202
213. Արգելապատ 1 341 341
214. Պատի տախտակադրվագ 44 33 1 467
215. Հոլլ (բազմոց, սեղան, 2 1 883 883
բազկաթոռ)
216. Բազմոց 1 144 144
217. Բազմոց 1 70 000 70 000
218. Բազմոց-մահճակալ 1 11 589 11 589
219. Կահույքի հավաքածու 1 628 628
(«Ռայմոնդ»)
220. Փափուկ կահույքի հավաքածու 1 24 255 24 255
221. Ցուցանշան 1 25 609 25 609
222. Ջահ 5 72.8 364
223. Կցուրդ 1 592 592
224. Կախիչ 2 308 616
225. Բազմոց 2 153 306
226. Բազմոց 2 35 000 70 000
227. Վառարան «Ալլադին» 1 100 100
228. Հեռախոսի ապարատ 2 5 000 10 000
229. Գեղարվեստական նկարներ 5 2 956.4 14 782
230. Գորգ «Էրեբունի» 3 x 4 չափսի 6 1 035 6 210
231. Գորգ 2 x 6 չափսի 2 1 725 3 450
232. Գորգ «Էրեբունի» 2 143 358 286 716
233. Գորգ «Էրեբունի» 1 79 643 79 643
234. Գորգ «Էրեբունի» 2 22 161.5 44 323
235. Գորգ 2 x 3 չափսի 1 518 518
236. Գորգ 1.5 x 2 չափսի 2 43 007.5 86 015
237. Գորգ` օգտագործված, 3.5 x 1 236 236
2.5 չափսի
238. Գորգ` օգտագործված, 1.5 x 2 1 236 236
չափսի
239. Գորգ` օգտագործված, 1.5 x 2 1 116 116
չափսի
240. Գորգ` օգտագործված, 1.5 x 1 218 218
2.5 չափսի
241. Գորգ` 3 մ լայնությամբ 7,3մ 5 818 42 469
242. Գորգ «Էրեբունի»` օգտագործված 1 22 22
243. Ուղեգորգ 20,45մ 218 4 468
244. Ուղեգորգ 3,43մ 216 741
245. Ուղեգորգ 193,65մ 163 31 579
246. Ուղեգորգ 60,55մ 12 633 764 923
247. Ուղեգորգ, 1.5 մ 5մ 12 612 63 061
248. Ուղեգորգ, 1.5 մ 33,2մ 2 770 91 971
249. Ուղեգորգ, 2 մ 4,2մ 1 462 6 141
250. Գորգ` ոչ ստանդարտային, 41,9մ 2 217 92 894
2 մ լայնությամբ
251. Հանդերձապահարան 2 23 716 47 432
252. Հեռուստացույցի տակդիր 1 42 000 42 000
253. Ավտոմեքենա «Վազ-21214» 1 3 440 000 3 440 000
254. Ավտոմեքենա «Գազ-3102» 1 6 556 000 6 556 000
255. Ավտոմեքենա «Վազ-21099» 1 2 561 808 2 561 808
256. Ավտոմեքենա «Գազ-31029» 1 5 200 000 5 200 000
257. Ավտոմեքենա «Գազ-31029» 1 5 477 500 5 477 500
258. Ավտոմեքենա «Գազ-3110» 1 4 950 000 4 950 000
259. Ավտոմեքենա «Գազ-31029» 1 4 300 000 4 300 000
260. Ավտոմեքենա «Գազ-31029» 1 2 067 000 2 067 000
261. Ավտոմեքենա «Վազ-2121» 1 4 200 000 4 200 000
262. Ջրատաքացուցիչ «ՌՍ-3425» 2 60 420 120 840
263. Հեռախոս «ԿԽ-Տ 3155» 1 48 825 48 825
264. Հեռախոս «ԿԽ-Տ 3155» 1 34 505 34 505
265. Ավտոմեքենա «ԳԱԶ-3110» 1 3 762 000 3 762 000
266. Բաժանորդային կայան 1 490 500 490 500
267. Հեռախոս «Պանասոնիկ» ԿԽ ՏՍՍ 1 176 000 176 000
(մեքենա)
268. Համակարգիչ «Պ 2350 (64) 8» 1 955 800 955 800
269. Սկաներ (Մենոտեքս) 1 108 000 108 000
270. Ֆաքս («Պանասոնիկ-780») 1 205 200 205 200
271. ԽՌ ռայտեր Մեմորեքս 1 180 900 180 900
272. Տպիչ, ԲՋՍ 4650 1 273 000 273 000
273. Ավտոմագնիտոլա ՌՍ-408 1 86 400 86 400
274. Քսերոքս ՆՊ 1215 1 972 000 972 000
275. Համակարգիչ «Ֆիլիպս» 1 944 300 944 300
276. Կոմուտատոր ԿԳԷ 25-4 1 252 000 252 000
277. Ավտոմեքենա «ԳԱԶ-3110» 1 3 240 000 3 240 000
278. Տպիչ «Լազերջեթ 1100-Ս» 1 342 900 342 900
279. «Պենտիում 350-64 ՏԲ» 1 857 000 857 000
280. Ավտոմեքենա «ՊՐԱՅԴ» 1 3 344 270 3 344 270
281. Ավտոմեքենա «ՊՐԱՅԴ» 1 2 720 000 2 720 000
282. Ավտոմեքենա «ՊՐԱՅԴ» 1 2 773 720 2 773 720
283. Ավտոմեքենա «ՊՐԱՅԴ» 1 3 344 270 3 344 270
284. Ավտոմեքենա «ՊՐԱՅԴ» 1 3 344 270 3 344 270
285. Ավտոմեքենա «ՊՐԱՅԴ» 1 2 720 000 2 720 000
286. Ավտոմեքենա «ՊԵԺՈ 405» 1 5 140 000 5 140 000
287. Ավտոմեքենա «ՊԵԺՈ 405» 1 5 140 000 5 140 000
288. Ավտոմեքենա «ՎԱԶ 21213» 1 3 734 300 3 734 300
289. Ավտոմեքենա «ՊՐԱՅԴ» 1 3 344 270 3 344 270
290. Ավտոմեքենա «ՊՐԱՅԴ» 1 3 344 270 3 344 270
291. Ավտոմեքենա «ՊՐԱՅԴ» 1 3 344 270 3 344 270
292. Ավտոմեքենա «ՊՐԱՅԴ» 1 3 344 270 3 344 270
293. Ավտոմեքենա «ՊՐԱՅԴ» 1 2 720 000 2 720 000
294. Ավտոմեքենա «ՊՐԱՅԴ» 1 3 344 270 3 344 270
295. Ավտոմեքենա «ՊՐԱՅԴ» 1 2 720 000 2 720 000
296. Ավտոմեքենա «ՎԱԶ 2106» 1 333 200 333 200
297. Գրասեղան 3
298. Խորհրդակցական սեղան 1
299. Կլոր սեղան 1
300. Համակարգչի սեղան 1
301. Պատի պահարան 3
302. Հագուստի պահարան 1 773 333 2 320 000
303. Լազերային տպիչ 1 152 700 152 700
304. Ադմինիստրատիվ շենք, 1 1 401 087 1 401 087
Կոմիտասի 35
305. Գրամեքենա «Օպտիմա» 1 1 133 1 133
306. Գրամեքենա «Յատրան» 2 2 248,5 4497
307. Գրամեքենա «Ռոբոտրոն» 1 1 885 1 885
308. Տեսակավորող մեքենա Մ-4 1 3 193 3 193
309. Թուղթ ոչնչացնող մեքենա 1 1 255 1 255
310. Հեռախոսի ապարատ «T-32» 1 722 722
311. Կոմուտատոր «Կրոն-40» 1 1 671 1 671
312. Կապի կայան ՏՄԿ-40 1 5 561 5 561
313. Տեխնիկական սարք «ՎԱԶ-37» 1 344 344
314. «ՏԱ» մակնիշի սարք 1 1 897 1 897
315. «Մոլնիա-2» սարք 2 338 676
316. Ուղղիչ սարք ՎԵ-60 ՏՕ-2 1 474 474
317. ՍՎՄ «Իսկրա-22» 1 1 206 1 206
318. ՍՎՄ «Ելկա-50, 43» 2 2 836,5 5 673
319. ՍՎՄ «Իսկրա-117» 3 1 580 4 740
320. ՍՎՄ «ՄԿ-44, 59» 3 771 2 313
321. ՍՎՄ «Իսկրա-108» 1 632 632
322. Խորհրդակցական սեղան 3 566,3 1 699
323. Մետաղյա պահարան 8 566,2 4 530
324. Գրասեղան 3 135 405
325. Երկգզրոց սեղան 31 446,1 13 830
326. Սառնարան «Արագած» 1 141 420 141 420
327. Հեռուստացույց «Գորիզոնտ» 1 2 567 2 567
328. Հեռուստացույց «Ց-355» 1 2 176 2 176
329. Խորհրդակցական դահլիճի 1 412 412
տումբա
330. Կոնդիցիոներ «ԲԿ-1500» 5 5 928,6 154 145
331. Կոնդիցիոներ «ԲԿ-2500» 15 6 806,9 102 103
332. Սեղան` 3 մասից 1 26 967 26 967
333. Գեղանկար 14 2 956,4 41 390
334. Ապարատ «ԷՌ-420» 1 70 550 70 550
335. Երկգզրոց սեղան 3 549,7 1 649
336. Ղեկավարի սեղան 2 21 238 42 476
337. Ղեկավարի սեղան 1 24 247 24 247
338 Ղեկավարի սեղան 2 20 353 40 706
339. Ղեկավարի սեղան 1 6 602 6 602
340. Ղեկավարի սեղան 1 20 261 20 261
341. Սեղան` 2 կարճ պահարանով 9 3 732 33 588
342. Սեղան` 2 կարճ պահարանով 1 12 828 12 828
343. Գրապահարան 4 11 589 46 356
344. Զգեստապահարան 1 192 192
345. Գրապահարան 2 110 220
346. Նիստերի սեղան 1 13 982 13 982
347. Նիստերի սեղան 1 2 224 2 224
348. Նիստերի սեղան 1 2 300 2 300
349. Մետաղյա պահարան 5 2 493 12 465
350. Սեղան` կցվող 1 356 356
351. Պահարան` 2 դռնանի 1 35 397 35 397
352. Ուղեգորգ (1,5 լայնությամբ) 14,1գծ 12 612 176 568
/մ
353. Ուղեգորգ (1,5 լայնությամբ) 29գծ/մ 9 688 280 952
354. Ուղեգորգ (1,5 լայնությամբ) 1,6գծ/ 215 344
մ
355. Կոնդիցիոներ «Ֆ4-1500» 3 39 183 117 549
356. Կոնդիցիոներ «Ֆ4-1500» 1 27 163 27 163
357. Սառնարան «Սնեժինկա» 1 11 957 11 957
358. Տպագրական մեքենա 1 27 525 27 525
359. Տպագրական մեքենա 1 22 208 22 208
360. Տպագրական մեքենա 1 42 476 42 476
361. Տպագրական մեքենա 1 49 556 49 556
362. Տպագրական մեքենա 1 34 935 34 935
363. Դիջի թայզեր 1 131 138 131 138
364. Համակարգիչ «Ֆիլիպս» 1 522 522 522 522
365. Համակարգիչ 286 1 41 400 41 400
366. Համակարգիչ «ՊԷՎՄ-841» 1 21 046 21 046
367. Լազերային տպիչ 1 596 820 596 820
368. Տպիչ 1 141 174 141 174
369. Համակարգիչ «Պենտիում III»
- մոնիտոր 1 615 583 615 583
- պրոցեսոր
370. Տպիչ 1 146 385 146 385
371. Ֆաքս-հեռախոս 1 160 461 160 461
372. Համակարգչային կոմպլեկտ 1 522 522 522 522
373. Տպիչ սարք 1 141 173,6 141 173,6
ԸՆԴԱՄԵՆԸ 182 747 421