(ուժը կորցրել է 29.08.05 թիվ 182-Ն հրաման)
i
103.0028.050204
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«05» 02 2004 Թ.
ՊԵՏԱԿԱՆ ԳՐԱՆՑՄԱՆ ԹԻՎ 10304016
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԵՎՏՐԻ ԵՎ ՏՆՏԵՍԱԿԱՆ ԶԱՐԳԱՑՄԱՆ ՆԱԽԱՐԱՐ ՀՐԱՄԱՆ
30 հունվարի 2004 թվականի N 28
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ԱՌԵՎՏՐԻ ԵՎ ԾԱՌԱՅՈՒԹՅՈՒՆՆԵՐԻ ՈԼՈՐՏՆԵՐՈՒՄ ԱՆՎԱՆԱՔԱՐՏ ԿՐԵԼՈՒ ԿԱՐԳԸ ՀԱՍՏԱՏԵԼՈՒ ՄԱՍԻՆ
Ի կատարումն ՀՀ կառավարության 16.12.1997թ. թիվ 586, 19.12.1997թ. թիվ 595, 24.12.1997թ. թիվ 605 և 28. 01.1998թ. թիվ 35 որոշումների.
ՀՐԱՄԱՅՈՒՄ ԵՄ`
1. Հաստատել Հայաստանի Հանրապետության տարածքում առևտրի և ծառայությունների ոլորտներում անվանաքարտ կրելու կարգը` համաձայն հավելված 1-ի և անվանաքարտի օրինակելի ձևը` համաձայն հավելված 2-ի:
2. Առևտրի և ծառայությունների վարչության պետ Գ. Քոչարյանին`
5-օրյա ժամկետում սույն հրամանը սահմանված կարգով ներկայացնել Հայաստանի Հանրապետության արդարադատության նախարարություն` պետական գրանցման:
3. Սույն հրամանի կատարման հսկողությունը վերապահել նախարարի տեղակալ Ա. Պետրոսյանին:
Հավելված N 1
ՀՀ առևտրի և տնտեսական
զարգացման նախարարի
30 հունվարի 2004 թ.
N 28 հրամանի
ԿԱՐԳ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ԱՌԵՎՏՐԻ ԵՎ ԾԱՌԱՅՈՒԹՅՈՒՆՆԵՐԻ ՈԼՈՐՏՆԵՐՈՒՄ ԱՆՎԱՆԱՔԱՐՏ ԿՐԵԼՈՒ
1. Սույնով սահմանվում է Հայաստանի Հանրապետության տարածքում առևտրի և ծառայությունների (հանրային սնունդ, կենցաղային և բժշկական սպասարկում, հասարակական տրանսպորտ, տաքսի, երթուղային տաքսի, կապ) ոլորտներում աշխատողների անվանաքարտ կրելու կարգը:
2. Անվանաքարտ պարտավոր են կրել բոլոր աշխատողները աշխատավայրում գտնվելու ամբողջ ժամանակահատվածում:
3. Անվանաքարտը տրվում է աշխատողին աշխատանքի ընդունման հրամանի հետ կամ աշխատանքային պարտականությունների անցման պահին:
4. Անվանաքարտի վրա, հայերեն տպագիր տառերով լրացվում է`
ա/ կազմակերպության անվանումը (ֆիրմային),
բ/ աշխատողի անունը, ազգանունը,
գ/ աշխատողի զբաղեցրած պաշտոնը:
i
5. Անվանաքարտը պետք է պարունակի աշխատողի գունավոր լուսանկարը` նվազագույնը 30մմ x 40մմ չափսերով:
(5-րդ կետը փոփ. 05.04.04 թիվ 67-Ն հրաման)
6. Անվանաքարտը վավերացվում է գործատուի ստորագրությամբ և կնիքով:
(6-րդ կետը փոփ. 05.04.04 թիվ 67-Ն հրաման)
7. Կնիքը դրվում է այնպես, որ վերջինս ծածկի լուսանկարի ներքևի մասը:
i
8. Անվանաքարտի նվազագույն չափսերն են` 54մմ x 86մմ, իսկ տառերի նվազագույն չափսը 5մմ:
(8-րդ կետը փոփ. 05.04.04 թիվ 67-Ն հրաման)
9. Անվանաքարտը աշխատողը կրում է իր արտահագուստի կամ հագուստի վրա, կամ այն դրվում է արտահագուստի վրա թափանցիկ նյութից կարված գրպանիկի մեջ` սպառողին, իսկ տրանսպորտում (հասարակական տրանսպորտ, տաքսի, երթուղային տաքսի) ամրացվում է (կախվում է) տրանսպորտային միջոցի սրահում` ուղևորին տեսանելի տեղում:
i
10. Հայաստանի Հանրապետության տարածքում առևտրի և ծառայությունների ոլորտների անհատ ձեռնարկատեր հանդիսացող վաճառողի անվանաքարտի վրա, պաշտոնի փոխարեն, կատարվում է «Անհատ ձեռնարկատեր» նշումը և գրվում է անհատ ձեռնարկատիրոջ վկայականի համարը:
(10-րդ կետը փոփ. 05.04.04 թիվ 67-Ն հրաման)
11. Սույն կարգն ուժի մեջ է մտնում պաշտոնական հրապարակման պահից` մեկ ամիս հետո:
Հավելված 2
i
ՀՀ առևտրի և տնտեսական
զարգացման նախարարի
2004 թ. ապրիլի 5-ի
N 67-Ն հրամանի
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ԱՌԵՎՏՐԻ ԵՎ ԾԱՌԱՅՈՒԹՅՈՒՆՆԵՐԻ ՈԼՈՐՏՆԵՐՈՒՄ ԱՇԽԱՏՈՂՆԵՐԻ ԱՆՎԱՆԱՔԱՐՏԻ ՕՐԻՆԱԿԵԼԻ ՁԵՎԵՐԸ`
1. ԿԱԶՄԱԿԵՐՊՈՒԹՅԱՆ ԱՇԽԱՏՈՂՆԵՐԻ ԱՆՎԱՆԱՔԱՐՏԻ ՕՐԻՆԱԿԵԼԻ ՁԵՎԸ
86մմ
<_______________________________________________>
/ \._______________________________________________.
| | 30մմ Կազմակերպության |
| | <____________> անվանումը |
| | .____________./ \ |
| | | լուսանկարի | | Անունը |
| | | տեղը | | Ազգանունը |
54մմ | | | | | 40մմ |
| | | | | Զբաղեցրած |
| | | .______. պաշտոնը |
| | | | Կ.Տ. | |
| | .__________| | __________________ |
| | .______. (ստորագրություն) |
| | |
\ /._______________________________________________.
2. ԱՆՀԱՏ ՁԵՌՆԱՐԿԱՏԻՐՈՋ ԱՆՎԱՆԱՔԱՐՏԻ ՕՐԻՆԱԿԵԼԻ ՁԵՎԸ
86մմ
<_______________________________________________>
/ \._______________________________________________.
| | 30մմ |
| | <____________> Անունը |
| | .____________./ \ Ազգանունը |
| | | լուսանկարի | | |
| | | տեղը | | |
54մմ | | | | | 40մմ Անհատ |
| | | | | ձեռնարկատեր |
| | | .______. վկայականի համարը |
| | | | Կ.Տ. | |
| | .__________| | __________________ |
| | .______. (ստորագրություն) |
| | |
\ /._______________________________________________.
(հավելված 2-ը փոփ. 05.04.04 թիվ 67-Ն հրաման)