040.0558.210601
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«21» հունիսի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
21 հունիսի 2001 թվականի N 558
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ 2001 ԹՎԱԿԱՆԸ ԵՐԵԽԱՅԻ ՏԱՐԻ ՀԱՅՏԱՐԱՐԵԼՈՒ ԵՎ ԵՐԵԽԱՅԻ ԻՐԱՎՈՒՆՔՆԵՐԻ ՊԱՇՏՊԱՆՈՒԹՅԱՆ ԱԶԳԱՅԻՆ ԾՐԱԳԻՐ ՄՇԱԿԵԼՈՒ ՄԱՍԻՆ
Ելնելով ՄԱԿ-ի երեխայի իրավունքների կոնվենցիայի դրույթներից, ՄԱԿ-ի երեխայի իրավունքների կոմիտեի առաջարկություններից և համաձայն «Երեխայի իրավունքների մասին» Հայաստանի Հանրապետության օրենքի ու ԱՊՀ կառավարությունների ղեկավարների խորհրդի 2000 թվականի նոյեմբերի 30-ի «ԱՊՀ անդամ պետություններում մանկության պաշտպանության մասին» որոշման և 2001 թվականի սեպտեմբերին կայանալիք ՄԱԿ-ի երեխայի իրավունքներին վերաբերող հարցերով հատուկ նստաշրջանի նախապատրաստական աշխատանքները համակարգելու և Հայաստանի Հանրապետությունում երեխայի իրավունքների պաշտպանության ազգային ծրագիր մշակելու նպատակով Հայաստանի Հանրապետության կառավարությունը որոշում է.
1. 2001 թվականը Հայաստանի Հանրապետությունում հայտարարել Երեխայի տարի:
2. Երեխայի տարվա կապակցությամբ անցկացվող միջոցառումների ծրագիր մշակելու, ՄԱԿ-ի երեխայի իրավունքների հարցերով 2001 թվականի սեպտեմբերին կայանալիք հատուկ նստաշրջանի նախապատրաստական աշխատանքները համակարգելու և Հայաստանի Հանրապետությունում երեխայի իրավունքների պաշտպանության ազգային ծրագիր մշակելու նպատակով ստեղծել միջգերատեսչական հանրապետական հանձնաժողով հետևյալ կազմով`
Ռ. Մարտիրոսյան - ՀՀ սոցիալական ապահովության նախարար (հանձնաժողովի
նախագահ)
Ա. Պետրոսյան - ՀՀ սոցիալական ապահովության նախարարի տեղակալ
Հ. Հունանյան - ՀՀ ներքին գործերի նախարարի տեղակալ
Ա. Պետրոսյան - ՀՀ արդարադատության նախարարի տեղակալ
Ա. Թոփուզյան - ՀՀ կրթության և գիտության նախարարի տեղակալ
Վ. Բարսեղյան - ՀՀ մշակույթի, երիտասարդության հարցերի և սպորտի
նախարարի տեղակալ
Կ. Հարությունյան - ՀՀ Ազգային ժողովի աշխատակազմի իրավաբանական
վարչության գլխավոր մասնագետ (համաձայնությամբ)
Կ. Սարիբեկյան - ՀՀ առողջապահության նախարարության մոր և մանկան
առողջության պահպանման վարչության պետ
Վ. Բաղդասարյան - ՀՀ արտաքին գործերի նախարարության միջազգային
կազմակերպությունների վարչության ՄԱԿ-ի բաժնի
վարիչի պաշտոնակատար
Ն. Դուրյան - ՀՀ ներքին գործերի նախարարության քրեական
հետախուզության գլխավոր վարչության անչափահասների
գործերով բաժնի պետ
Հ. Պետրոսյան - ՀՀ վիճակագրության պետական խորհրդի անդամ
Ա. Հարությունյան - «Օրրան» հասարակական կազմակերպության ներկայացուցիչ
(համաձայնությամբ)
Ս. Թադևոսյան - «Հույսի կամուրջ» հասարակական կազմակերպության
ներկայացուցիչ (համաձայնությամբ)
Կ. Սուջյան - ՀՀ արտաքին գործերի նախարարության միջազգային
կազմակերպությունների վարչության մարդու
իրավունքների և հումանիտար հարցերի բաժնի առաջին
քարտուղար (հանձնաժողովի աշխատանքները համակարգող)
3. Միջգերատեսչական հանրապետական հանձնաժողովին`
i
ա) երկամսյա ժամկետում Հայաստանի Հանրապետության կառավարություն ներկայացնել Հայաստանի Հանրապետությունում Երեխայի տարվա կապակցությամբ անցկացվող միջոցառումների ծրագիրը.
բ) Հայաստանի Հանրապետության շահագրգիռ նախարարությունների և հասարակական կազմակերպությունների հետ համաձայնեցնելով` Հայաստանի Հանրապետության կառավարության հաստատմանը ներկայացնել Հայաստանի Հանրապետությունում երեխայի իրավունքների պաշտպանության ազգային ծրագիրը:
4. Սույն որոշումն ուժի մեջ է մտնում 2001 թվականի հունիսի 21-ից: