ՀՀ ԿԵՆՏՐՈՆԱԿԱՆ ԲԱՆԿԻ ԿՈՂՄԻՑ ԲԱՆԿԵՐԻ ՀԵՏ ԿՆՔՎՈՂ ԼՈՄ ...

050.0951.221099

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ՆԱԽԱԳԱՀ
ՀՐԱՄԱՆ

22 հոկտեմբերի 1999 թվականի թիվ 951

ՀՀ ԿԵՆՏՐՈՆԱԿԱՆ ԲԱՆԿԻ ԿՈՂՄԻՑ ԲԱՆԿԵՐԻ ՀԵՏ ԿՆՔՎՈՂ ԼՈՄԲԱՐԴԱՅԻՆ ՎԱՐԿԵՐԻ ՏՐԱՄԱԴՐՄԱՆ, ՌԵՊՈ ԵՎ ՀԱԿԱԴԱՐՁ ՌԵՊՈ, ԱՎԱՆԴԱՅԻՆ, ՊԵՏԱԿԱՆ ԱՐԺԵԹՂԹԵՐԻ ԱՌՔԻ ՈՒ ՎԱՃԱՌՔԻ ԳՈՐԾԱՐՔՆԵՐԻ`

CBANet ՄԻՋԲԱՆԿԱՅԻՆ ՀԱՄԱԿԱՐԳՉԱՅԻՆ ՑԱՆՑԻ ՄԻՋՈՑՈՎ

ՀԱՅՏԵՐԻ ՆԵՐԿԱՅԱՑՄԱՆ ԵՎ ԸՆԴՈՒՆՄԱՆ ՎԵՐԱԲԵՐՅԱԼ

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 18-րդ հոդվածը` հրամայում եմ.

1. Հաստատել «Հայաստանի Հանրապետության կենտրոնական բանկի կողմից բանկերի հետ կնքվող լոմբարդային վարկերի տրամադրման, ռեպո և հակադարձ ռեպո, ավանդային, պետական արժեթղթերի առքի ու վաճառքի գործարքների` CBANet միջբանկային համակարգչային ցանցի միջոցով հայտերի ներկայացման և ընդունման կարգը» (կցվում է):

2. Հանձնարարել հաշվարկների և բանկային տեխնոլոգիաների զարգացման դեպարտամենտին` սույն հրամանն ուժի մեջ մտնելու պահից երկօրյա ժամկետում`

2.1. Հայաստանի Հանրապետության կենտրոնական բանկի Lotus Notes սերվերում և ֆինանսական գործառնությունների դեպարտամենտի համապատասխան աշխատատեղում կատարել սույն հրամանով հաստատվող կարգին համապատասխան փոփոխություններ և գրանցումներ.

2.2. Ֆինանսական գործառնությունների դեպարտամենտի աշխատակիցների համար կազմակերպել համապատասխան սեմինար:

3. Սույն հրամանն ուժի մեջ է մտնում 1999 թ. նոյեմբերի 1-ից:

ԿԱՐԳ

ՀՀ ԿԲ կողմից բանկերի հետ կնքվող լոմբարդային վարկերի տրամադրման,

ռեպո և հակադարձ ռեպո, ավանդային, պետական արժեթղթերի առքի ու

վաճառքի գործարքների` CBANet միջբանկային համակարգչային ցանցի

միջոցով հայտերի ներկայացման և ընդունման

1. Սույն կարգը սահմանում է ՀՀ ԿԲ կողմից ՀՀ տարածքում գործող առևտրային բանկերի հետ կնքվող լոմբարդային վարկերի տրամադրման, ռեպո և հակադարձ ռեպո, ավանդային, պետական արժեթղթերի առքի ու վաճառքի գործարքների (այսուհետև` Գործարքներ)` CBANet միջբանկային համակարգչային ցանցի միջոցով հայտերի (այսուհետև` Հայտ կամ Հայտեր) ներկայացման և դրանց` ՀՀ ԿԲ կողմից ընդունման կանոնները:

2. Սույն կարգի 1-ին կետով նախատեսված Հայտերը, որպես կանոն, ՀՀ ԿԲ կողմից ընդունվում են CBANet միջբանկային համակարգչային ցանցի միջոցով:

3. ՀՀ ԿԲ կողմից Հայտերի ընդունման նպատակով ՀՀ ԿԲ ֆինանսական գործառնությունների դեպարտամենտի համար ՀՀ ԿԲ Lotus Notes սերվերում բացվում են առանձին փոստարկղեր`

- «CB Lombard Box» անվանումով (CB Lombard Box/Central Bank/CBANet)

լոմբարդային վարկերի հայտեր և դրանց հետ կապված հաղորդագրություններ,

- «CB Deposit Box» անվանումով (CB Deposit Box/Central Bank/CBANet)

ավանդային գործարքների հետ կապված հաղորդագրություններ,

- «CB Securities Box» անվանումով (CB Securities Box/Central

Bank/CBANet) արժեթղթերի առքի կամ վաճառքի գործարքների հետ կապված

հաղորդագրություններ,

- «CB REPO Box» անվանումով (CB REPO Box/Central Bank/CBANet) ռեպո և

հակադարձ ռեպո գործարքների հետ կապված հաղորդագրություններ:

3.1. Հայտերը, ինչպես նաև դրանց հետ կապված հաղորդագրությունները (հետ

կանչման Հայտեր և այլն) ՀՀ ԿԲ կողմից ընդունվում են միայն սույն

կարգի 3-րդ կետով նախատեսված փոստարկղերի հասցեներով: Այլ

փոստարկղերի հասցեներով ստացված Հայտերը չեն ընդունվում և

համարվում են անվավեր:

4. Փոստարկղ մուտքի իրավունք տվող User.id ֆայլը գրանցվում է երկգաղտնագրային: Գաղտնագրերը ֆինանսական գործառնությունների դեպարտամենտի տնօրենի կողմից տրվում են նույն դեպարտամենտի երկու պատասխանատու աշխատակիցների: Փոստարկղը բացվում է միայն երկու գաղտնագրերի հաջորդաբար մուտքագրումից հետո:

5. CBANet միջբանկային համակարգչային ցանցի միջոցով ուղարկվող Հայտերն ընդունվում են ՀՀ ԿԲ կողմից տվյալ Գործարքների համար սահմանված ժամանակահատվածում և պետք է համապատասխանեն ՀՀ ԿԲ նախագահի հրամանով հաստատված գլխավոր համաձայնագրերի օրինակելի ձևերին:

6. Յուրաքանչյուր Հայտ պարունակող հաղորդագրություն պետք է օժտված լինի`

- հաղորդագրության առաքումը (Delivery option/Confirm delivery) և

ստացումը (Return receipt) հաստատող անդորրագրերը (delivered/received)

ստանալու հնարավորությամբ.

- պաշտպանված լինի էլեկտրոնային ստորագրությամբ (Delivery option/sign)

(տես Lotus Notes օգտագործողի ձեռնարկ):

7. Հաղորդագրությունն ուղարկելու պահից առաքումը հաստատող անդորրագիրը (delivered) 20 րոպեից չստանալու դեպքում կատարվում է հաղորդագրության կրկնակի ուղարկում` Հայտի վրա «կրկնօրինակ» նշումով: Կրկնակի ուղարկված հաղորդագրության դիմաց առաքման հաստատում չստանալու դեպքում կատարվում են սույն կարգի 8-րդ կետով նախատեսված գործողությունները:

8. Այն դեպքում, երբ CBANet համակարգչային ցանցով Հայտի (հետ կանչման հաղորդագրության կամ վերանայված Հայտի) ուղարկումն անհնար է կամ ուղարկված հաղորդագրությունների դիմաց չեն ստացվել առաքումը հաստատող անդորրագրեր (delivered), առևտրային բանկը ձեռնարկում է հետևյալ հաջորդական գործողությունները`

- Տեղյակ է պահում ՀՀ կենտրոնական բանկի CBANet ադմինիստրատորին

(դիսպետչերին) հաղորդագրությունն ուղարկելու անհնարինության մասին`

58 02 83, (039) 2 069 72 (ISKRA) հեռախոսահամարներով, և

- Հայաստանի Հանրապետության կենտրոնական բանկի CBANet ադմինիստրատորն

ահազանգը գրանցում է հատուկ մատյանում և միջոցներ է ձեռնարկում

խափանումը վերացնելու ուղղությամբ: Խափանումը մինչև Հայտի ընդունման

առավելագույն ժամից 40 րոպե առաջ վերացնելու դեպքում ադմինիստրատորը

տեղյակ է պահում այդ մասին առևտրային բանկին, և

- Եթե նշված ժամանակահատվածում խափանումը չի վերացվում, Հայաստանի

Հանրապետության կենտրոնական բանկի CBANet ադմինիստրատորն այդ մասին

տեղեկացնում է ՀՀ կենտրոնական բանկի ֆինանսական գործառնությունների

դեպարտամենտի պատասխանատու աշխատակցին և տվյալ առևտրային բանկին:

- Առևտրային բանկը ձևավորում է Հայտերի թղթային տարբերակը (փակ ծրար),

որը ներկայացվում է ԿԲ-ին մինչև իր կողմից սահմանված ժամը, որից հետո

թղթային փաթեթների ընդունումը նույնպես դադարեցվում է:

9. CBANet միջբանկային համակարգչային ցանցի ադմինիստրատորը, սույն կարգի 3 կետում նշված փոստարկղերը բացելիս, պարտավոր է արգելք դնել տվյալ փոստարկղերից տեղեկատվության ջնջման (ոչնչացման) հնարավորության վրա միաժամանակ ապահովելով ավտոմատ ռեժիմում արխիվներից 45 օր հնությամբ տվյալների ջնջման իրականացումը: