040.0341.230600
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«23» հունիսի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
23 հունիսի 2000 թվականի N 341
«ԶԲՈՍԱՇՐՋԻԿՈՒԹՅԱՆ ԶԱՐԳԱՑՄԱՆ ԱԶԳԱՅԻՆ ԳՈՐԾԱԿԱԼՈՒԹՅՈՒՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆ ՍՏԵՂԾԵԼՈՒ ՄԱՍԻՆ
Հայաստանի Հանրապետությունում զբոսաշրջիկության գործունեության զարգացումը խթանելու նպատակով և ղեկավարվելով «Բաժնետիրական ընկերությունների մասին» Հայաստանի Հանրապետության օրենքով Հայաստանի Հանրապետության կառավարությունը որոշում է.
1. Ստեղծել «Զբոսաշրջիկության զարգացման ազգային գործակալություն» փակ բաժնետիրական ընկերություն (այսուհետև` ընկերություն):
2. «Զբոսաշրջիկության զարգացման ազգային գործակալություն» փակ բաժնետիրական ընկերության խորհուրդն անվանել «Զբոսաշրջիկության զարգացման ազգային խորհուրդ» (այսուհետև` խորհուրդ):
3. Խորհրդի նախագահ նշանակել Վահագն Հովնանյանին:
4. Սահմանել ընկերության կանոնադրական կապիտալը` 10 մլն. դրամ:
i
(4-րդ կետը խմբ. 13.09.00 թիվ 553 որոշում)
i
5. Հայաստանի Հանրապետության ֆինանսների և էկոնոմիկայի նախարարությանը` վճարել «Զբոսաշրջիկության զարգացման ազգային գործակալություն» փակ բաժնետիրական ընկերության կանոնադրական կապիտալը` 10 մլն դրամի չափով, Հայաստանի Հանրապետության 2001 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:
(5-րդ կետը լրաց. 31.01.01 թիվ 69 որոշում)
i
6. «Բաժնետիրական ընկերությունների մասին» Հայաստանի Հանրապետության օրենքի 8 հոդվածի 5-րդ կետի երկրորդ պարբերությամբ սահմանված լիազորությունները վերապահել խորհրդին:
(6-րդ կետը /նախկին 5-րդ/ փոփ. 31.01.01 թիվ 69 որոշում)
7. Խորհրդի նախագահին` մեկամսյա ժամկետում Հայաստանի Հանրապետության արդյունաբերության և առևտրի նախարարության ու Հայաստանի Հանրապետության ֆինանսների և էկոնոմիկայի նախարարության հետ համատեղ Հայաստանի Հանրապետության կառավարության հաստատմանը ներկայացնել ընկերության կանոնադրությունը և խորհրդի կազմը:
(7-րդ կետը փոփ. 16.12.00 թիվ 824 որոշում)
(7-րդ կետը /նախկին 6-րդ/ փոփ. 31.01.01 թիվ 69 որոշում)
i
8. «Զարգացման հայկական գործակալություն» փակ բաժնետիրական ընկերությանը` պետական գրանցում ստանալուց հետո 10-օրյա ժամկետում Երևանի Չարենցի փողոցի N 7 հասցեում գտնվող շենքից 6 սենյակ մինչև 2010 թվականի ապրիլի 30-ը ժամկետով անհատույց օգտագործման հանձնել ընկերությանը` նրա հետ կնքելով համապատասխան պայմանագիր:
(8-րդ կետը /նախկին 7-րդ/ փոփ. 31.01.01 թիվ 69, 04.04.08 թիվ 311-Ն որոշումներ)
9. Սույն որոշումն ուժի մեջ է մտնում 2000 թվականի հունիսի 23-ից:
(9-րդ կետը /նախկին 8-րդ/ փոփ. 31.01.01 թիվ 69 որոշում)