050.0065.280300
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՈՐՈՇՈՒՄ
28 մարտի 2000 թվականի թիվ 65
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 1999 ԹՎԱԿԱՆԻ ՆՈՅԵՄԲԵՐԻ 12-Ի ԹԻՎ 183 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հիմք ընդունելով «Արժութային կարգավորման և արժութային վերահսկողության մասին» Հայաստանի Հանրապետության օրենքը, ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» ենթակետի դրույթներով` Հայաստանի Հանրապետության կենտրոնական բանկի խորհուրդը որոշում է.
i
1. Հայաստանի Հանրապետության կենտրոնական բանկի խորհրդի 1999 թվականի նոյեմբերի 12-ի «Բանկերի, դրանց տարածքային ստորաբաժանումների, արժութային դիլերների և արտարժույթի փոխանակման կետերի կողմից հաճախորդներին արտարժույթի առք ու վաճառքի գործարք կատարելու վերաբերյալ անդորրագիր տալու մասին» թիվ 183 որոշման 3-րդ կետը վերաշարադրել հետևյալ բովանդակությամբ`
«3. Արտարժույթի առք ու վաճառքի անդորրագիրն (այսուհետև` անդորրագիր) ունի հերթական համար, որը բաղկացած է երկու մասից`
- առաջին մասը (սերիան) կազմված է հայկական այբուբենի երեք տառերից,
- երկրորդ մասը (հերթական համարը) կազմված է վեցանիշ արաբական թվերից»:
2. Սույն որոշումն ուժի մեջ է մտնում ընդունման պահից: