040.0415.210700
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«21» հուլիսի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
21 հուլիսի 2000 թվականի N 415
ՀԱՆՐԱՊԵՏԱԿԱՆ ՆՇԱՆԱԿՈՒԹՅԱՆ ՀՈՒՇԱՐՁԱՆ` եՐԵՎԱՆԻ ՄՈՎՍԵՍ
i
ԽՈՐԵՆԱՑՈՒ ՓՈՂՈՑԻ N 16 ՇԵՆՔԻ ՊԱՀՊԱՆՎԱԾ ԱՐՏԱՔԻՆ ՊԱՏԵՐԻ ՏԵՂԱՓՈԽՄԱՆ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ
Համաձայն «Պատմության և մշակույթի անշարժ հուշարձանների ու պատմական միջավայրի պահպանության և օգտագործման մասին» Հայաստանի Հանրապետության օրենքի 21 հոդվածի և հաշվի առնելով Հայաստանի Հանրապետության պատմության և մշակույթի հուշարձանների պահպանության վարչության եզրակացությունն ու Մովսես Խորենացու փողոցի N 16 շենքի պահպանված արտաքին պատերի տեխնիկական վատթար վիճակը, ինչպես նաև ելնելով Երևան քաղաքի կենտրոնի մանրամասն հատակագծման նախագծով Մյասնիկյան և Շահումյան հրապարակները միացնող երկրորդ ճանապարհի բացման անհրաժեշտությունից` Հայաստանի Հանրապետության կառավարությունը որոշում է.
1. Թույլատրել հանրապետական նշանակության հուշարձան` Երևանի Մովսես Խորենացու փողոցի N 16 շենքի սեփականատեր «Ռենկո» ընկերությանն իր հաշվին տեղափոխել նշված շենքի պահպանված արտաքին պատերը:
2. Երևանի քաղաքապետին`
ա) 7-օրյա ժամկետում Հայաստանի Հանրապետության պատմության և մշակույթի հուշարձանների պահպանության վարչության հետ համատեղ օրենքով սահմանված կարգով կատարել նշված շենքի արտաքին պատերի տեղափոխման հետ կապված անհրաժեշտ ձևակերպումները.
բ) սահմանած կարգով ապահովել նշված շենքի արտաքին պատերի քարերի պահեստավորումը և շենքի հետագա վերականգնման աշխատանքների կազմակերպումը:
3. Սույն որոշումն ուժի մեջ է մտնում 2000 թվականի հուլիսի 21-ից: